2012-06-22

حيثيات رناويه..2

حين يوجد العديد من الاشياء تشبهك
ولكنك لا تريد ان تراها ابدآ
اوانها لم تعد تمت لك بصله


حين تتواجد في مكان
فتشعر انك مررت به من قبل
ولكنك تعيد المرور
لعلي يكسر الحاجز النفسي بينك وبينه


حين يتلاشي كل شئ
في سبيل تحقيق شئ يعتقده البعض
عبيط


وعن انك تكون غلبان ومنكسر
بس قوي وقادر


حيث الامكانيات المحدوده
لكنها تصنع اشياء معدوده


حيث الاستثناء حينما
يصبح هو القاعده


وترادفك لمفرادتك المفرده
في قاموسك اللا حسي
لايشبهه تلك الترادفات
التى يستخدمها عقلك اللاوعى
في هذه اللحظه


حيث العاقل المجنون لكنه مجنون هادئ
حيث الفراغ حينما يملي حياتك فيشعرك
بالوحده
فتجد نفسك فجأة وسط دباديب والعاب كثيره
لاتعلم هل تملئ بهم حياتك ام هى عوده للطفوله المشرده


حيث الابتسامه
حينما ترسمها بيدك
غصبآ واقتدارآ


حيث الضحكه حينما تتصنعها
فتعلوا تارة ويهرب صوتك منك تارة
او تكون منخفضه فيعتقد البعض
انك تسرسع


حيث التشكيك في نفسك هل انت
انت ام احدآ احتلك واعلن نشأته عليك
ام انك تريد الاستقلال بذاتك
لكن ذاتك لا تريدك
حيث التجاهل المرغوب
واللا ممنوع مضروب


حيث ان الاشياء اصبحت اتفهه مرة واحدة
حيث انك نايم صاحى ام صاحى نايم
حيث النوم ذهب مع الطائرة الامريكيه
ام ان امريكا اطلقت شيئآ لايجعلنا ننام جيدآ


حيث الكرامه كانت فوق
اصبحت فجأة تحت والرقبه متنيه
والعجل ادبح وانت ولاداري
ولا داري ومافيش في ايدك حاجه
تطفي بيها ناري
حيث الشموخ حينما يتذلل لك
لترضي عليه وتعبره دقيقه
حيث التجلى ذهب مع الريح ولم يعد
حتى الان يبعث في رسائل ولكن
لا احد يرد


حيث العزة
لاتتنفس انها تموت
ولكن لا تري احد يهتف
ويقول انا لها
هل عربيات الاسعاف اصبحت
مكلفه لدرجه دى ام انها
مللت من تراكم الجثث


حيث الانهيار
فيبتعد الجميع علي امل النجاه
ثم فجأة يكتشوفون انهم مازالوا
في نفس المكان لم يتحركوا سنتى واحد
حيث المناجاه
حيث اصبح العديد لايستمعون الى الاستغاثه
هل اصابوا بالطرش ام انهم عميوا عن سماع الحقيقه
المتاصله في نظارتهم السوادء


حيث الامان
يقول البعض انه دفن في اعالى الصحراء
حيث لايشتكى منه احد ولا يسال عليه احد
دفن مع الرمال لعلها تريحه من همه


حيث الاستقرار
قرر الاسترخاء لانه يعلم بالمعيشه والحياه
فذهب الي احدى الرحلات الفاخره
وقرر ترك هذا المكان الفقير
والكئيب


حيث انك لاتدري ماذا تفعل
حيث ان كل شئ لم يعد موجود
وانت انت مازالت وحيدآ تبحث
ام انك تنظر شئ تعلم انه لن ياتى
ولكنك تنتظرة من كثره حرمانك
منه


الجزء الاول من الحيثيات هنا

هناك 18 تعليقًا:

  1. حيسياتك رائعه يا رونا في شوية غموض كده وانا اللى بقيت غبيه بس في كام جزء كده بيتكلمو عنى وانا اشبهم أوى

    حيث الضحكه حينما تتصنعها
    فتعلوا تارة ويهرب صوتك منك تارة
    او تكون منخفضه فيعتقد البعض
    انك تسرسع


    والجزء ده كمان

    حيث التشكيك في نفسك هل انت
    انت ام احدآ احتلك واعلن نشأته عليك
    ام انك تريد الاستقلال بذاتك
    لكن ذاتك لا تريدك
    حيث التجاهل المرغوب
    واللا ممنوع مضروب

    انا ساعات كتير بقعد أكلم نفسي زى الهبله بالظبط واقعد أقول انا مين انا مش عارفني انا تهت منى انا مش انا هههههههههه لدرجة والله العظيم اني ساعات بخاف مني ههههه^_^

    ردحذف
  2. تعرفى يا رونا

    انا بجد مش قادر اصدق التطور الجامد اللى فى كتابتك

    بجد نسخة جديدى من رونا

    رائعة بجد
    انا هممكن اهزر
    لكن مش بعرف اجامل فى الفكر و الابداع
    ههههههههههههههههههه

    تحياتى

    ردحذف
  3. أنا لو هاقولك مبدعة لبكرة مش هاكفيكي حقك .. قرأتها مرتين وانا مستمتعه :)

    حيث الابداع يا رنا !

    و دي حستها اوي >>

    " حيث التشكيك في نفسك هل انت
    انت ام احدآ احتلك واعلن نشأته عليك
    ام انك تريد الاستقلال بذاتك
    لكن ذاتك لا تريدك " :/

    ..

    ردحذف
  4. حيت ان الموضوع جامد جدا
    احب اقولك انتى فظيعة يا رونى
    وحيث ان كل حاجة اجمد من التانية
    فانا مش لاقية حاجة محددة اعلق عليك
    :)

    ردحذف
  5. كتبتيها ازاى دى يا اروبة
    اكتر من روعه ماشاء الله وفعلا فيه تغيير كبير فى اسلوب الكتابة ربنا يحميكى حبيبتى

    ردحذف
  6. روعة حبيبتى بجد تسلم ايدك

    ردحذف
  7. حيسياتك رائعة بجد :))

    ردحذف
  8. حيث انى مش لاقية كلام اقوله

    بجد حلوووووووووووووة

    ردحذف
  9. حيث انى حبيتك وانتى متفائله ... فخليكي متفائله علطول :)

    حيث انه مهما حاولوا ينزلوا الكرامه .. إن شاء الله مش هتنزل :)

    حيث ان فيه اهداف عايشيين عشانها .. يبقى ان شاء الله هتتحقق (حتى لو ما فيش حد آمن بيها) ^_^

    حيث ان الحياه قصيره .. فمافيش داعى نعيشها متضايقيين :D

    آخر حاجه بقى : وحشتنى كتاباتك المتفائله ... حيث انا بحبها جدا بجد :)

    ردحذف
  10. عاجبني البوست كله بدماغه كلها
    أنا كمان بحب الومضات أصلاً :)
    استمتعت جداً هنا :))

    ردحذف
  11. يا عيني على الصباحات اللي بتبدأ بحكم رناوية :)
    جميل اوي البوست

    ردحذف
  12. حيث الشئ وضدة
    حيث التظاهر بما ليس بداخلك
    بوست جميل جداااااااا

    والاجمل رجوعك وتواجدك بينا

    ردحذف
  13. حبيتها أوى
    وجو المدونة رائع رائع بجد يارنا :)
    الموسيقى والـ Ballerina ^_^ ممتعة

    ردحذف
  14. مساء الغاردينيا رونائي
    وحيث أنكِ رائعة لا أجد كلمات تليق بحروفك
    مميزة دائماً وجميلة "
    ؛؛
    ؛
    لروحك عبق الغاردينيا
    كانت هنا
    Reemaas

    ردحذف
  15. جميل اوي
    حاسه ان توهت في النص
    لان الكلام كبير اوي

    حيث الابتسامه
    حينما ترسمها بيدك
    غصبآ واقتدارآ




    حيث العاقل المجنون لكنه مجنون هادئ
    حيث الفراغ حينما يملي حياتك فيشعرك
    بالوحده
    فتجد نفسك فجأة وسط دباديب والعاب كثيره
    لاتعلم هل تملئ بهم حياتك ام هى عوده للطفوله المشرده



    حين يوجد العديد من الاشياء تشبهك
    ولكنك لا تريد ان تراها ابدآ
    اوانها لم تعد تمت لك بصله


    عاجبني التلات اجزاء دول
    حيث انها حالات بمر بيها بقالي فتره
    رائعه يارنا

    ردحذف
  16. ضربت لايك
    وضربت تعظيم سلام للقمر رنا
    حاولت ابعت لك كثير في البوستات السابقه
    ولكن الكمبيزتر بايظ
    اعذريني
    تحياتي

    ردحذف
  17. حيث الابداع والاتقان والاحساس العالي
    بجد مش عارفة اقول ايه على البوست ده .. عايزة اقولك اني قريت اوله اول امبارح وقلت لأ مستحيل اكمله بعدم تركيز .. ده شكله عايز دماغ رايقة وطلع كده فعلا

    تحياتي من هنا لاسبوعين تلاتة قدام على البوست ده بجد :]

    ردحذف
  18. حيث انها كلها حجات كوتير بس تشبهنى أوى
    أستمتعت بالقراية
    :)

    ردحذف