2012-02-09

احداثي...(1)


من باب الفضفضه ومن باب انى بقالي كتير مكتبتش
قولت اقول احداثي علي مدار الاسبوع اللى فات دة
لعلي تريحنى قليلآ 
 ^_^
انا اسفه انى ليسه 
مردتش علي موضوع اللي قبل الفات
اللى هو دة 
اللى دخل مع الاحداث الرهيبه دة
بس هرجع ارد بأذن الله في يوم رايق كدة



في حداثين كانو اهم حداثين حصلوا 
هصدعكم واقولهم بقي امركم لله
(1)
بدايه الاسبوع اللى هو السبت 
اللى فات
روحت اخيرآ معرض الكتاب بعد جدل مع ماما
وكان نفسي اروح الجمعه او الاحد بس هى رفضت
وقالتلى السبت علشان اكون معاكى انا واختك
اتوجهنا لمعرض
اليوم دة كان حر اوى كاننا بقينا صيف
وعقبال ما لقينا ركنه لعنايات اللي هى العربيه
تعبنا اوى اوى
المهم نرجع تانى للمعرض
انا روحت المعرض كتييييير اوى
من وانا في ابتدائي بروحه 
بس مبتداتش احس بموضوع القرأة اوى اوى
غير في ثانوى فابتديت اجمع اكتر الكتب اللى بحبها
المهم دى اول مرة اروح ابقي محددة
عارفه انا رايحه لايه وفين واسم الدار والكتب
اول شئ اتوجهت ليه دار الشروق
وروحت عند الشعر حاسيت
فاروق جويدة بينادينى كدة جابت ديوانين لي
انا بحبه اوى اوى فعلا من ساعات ديوان ليالينا
اللى قريته في ثانوى وعلاقاتى معاه كلها
قرايه واستمتاع 
^_^
المهم الدوانين منهم اللي فوق دة
شئ سيبقي بيننا
وافتكرت ساعتها اسم مدونه ايه محمد 
بنفس الاسم
وبعدين جابت لو اننا لم نفترق
وقعد اقول الاسم دة حد قالوا ليا
اكتشفت ان دة اللى مها صاحبه مدونه 
my nut 
جابت نفس الكتاب  
ضحكت ان شدنا نفس الكتاب

 ومن خلال نفس الدار اتجهت ادور علي حاجه لناس اللي بحبهم
زى بهاء طاهر او عمر طاهر او عبد الوهاب مطاوع
احمدك يارب لقيت حاجه لعمر طاهر جديدة عليا
يبدون من العناوين انه حلو اوى
كتاب اسمه جر ناعم
الحقيقه انا بعشق كلام الراجل دة مترددش لحظه 
انى اجيب الكتاب

وبعدين بقي الكاتب الذي اعشقه بشدة
رغم انى مقريتش لى كل الكتب ولا كتير
عبد الوهاب مطاوع 
وكنت مشدودة لكتاب كنت قرأت منه جزء بسيط
علي النت  وهو كتاب صديقي لا تاكل نفسك
  اول ما لقيته خدته علي طول
ولقيت افتح قلبك
ودى كانت مصادفه مع مها برضوا

وبعدين قولت نجيب حاجه
للاستاذ احمد رجب 
بقي 
فجبت الفهامه 
كان ليا تجربه مع كتابين لي بيموتونى من الضحك
اللى هما نهارك سعيد
والحب وسنينه
كانو فظاع الحقيقه بمعنى حلوين يعنى
:))
 يجى دور الشباب الجداد بقي
انا كنت محتارة اجيب ايه ولا إيه
ولو كان عليا كنت جابت كل كتاب
في دار ليلي ودار دون بجد يعنى
اكتر دارين كانوا مليانين ناس
هما فيهم كتير
جداد اه بالنسبه لناس كتيرة
بس بالنسبه ليا كانوا 
هما دوال الثراء الادبي
اول حاجه شدتنى طبعا من اول ما شوفت دار ليلي
كتاب ابجديه ابداع عفوى
وافتكرت اغلب اللي اعرفهم 
وكاتبين فيه
حاسيته فعلا هو دة بدايه انتشار للمدونين 
ومعرفه ناس رائعين مثلهم
وابتسمت وكانى كنت مشاركه في الكتاب
انا مش زعلانه انى ملحقتوش
انا فخورة وبحمد ربنا انى ملحقتوش
لانى مكنتتش هاجى شئ جمب الرائعين 
اللى مشتركين فيه
:):) تحيه لهم جميعآ


المهم نرجع للي هشتريه من دار ليلي بقي


 فضلت محتارة اختار ايه

واختى كانت معايا وقتها
وانا بحاول ارسي علي كتابين او تلاته 
كدة 
علشان مخربش الميزانيه بقي
^_^
المهم انا لقيت واحد بيقولى انتى بدوري علي شئ معين
قلتله انا عارفه اللي عايزة بس خايفه
خايفه لان نفسي اجيب دة كله
بس مش هقدر 
فضحك 
فالاخر قلتله خلاص قررت
عايزة 
دى مفجأة بقي
في احد البوستات
وهيبقي عروستى وانتوا 
لازم تحزروا الكتاب اللى هتكلم عنه
^_^

كان نفسي احضر حفل توقيعات كل المدونين
كان نفسي ارجع معرض الكتاب وانا طالعه
حاسه ان في شئ حلو انا مجبتهوش
ودة قاتلنى
في ناس للاسف لانى قصيرة والرفوف طويله
مشوفتش انها منزله كتاب 
ههههههههههههه حال القصيرين بقي
اكتشفت لما روحت وزعلت من نفسيتى
وفي ناس اسامى كتابهم راحت وعينى مجتش عليها
في الدار بالتالى انا مستنيه 
دار ليلي توزع علي مكتبات
تكون قريبه منى
واجيب منها ان شاء الله
بالنسبه لدار دون جيبت منهم
كتابين وهيكونوا عروستى برضوا
معرفش انا بعمل كدة ليه
بس يمكن دة هيدينى دافع اقرائهم
واقول راي عن
الاربع كتب دوال خاصه انهم لمدونيين
رائعين جدآآآ
و كتابتهم تستحق القرأة 
:)
ومن خلال الجزء دة بقي
حد يعرف مكاتب تكون عملاقه كدة
اجيب منها الكتب
ومتكنش في مكان بعيد عنى او في مشاكل علشان امى بقي
انتوا عارفين 
في عسكر في البيت وحكومه وكدة
ههههههههههههههههههههههههه
  _______________________

(2)
من ضمن احداث الاسبوع
ومع قرأة لكتابين شدونى جدآ
وخلصتهم وانا مندهشه معرفش ازاى
كان عندى امتحان كورس وعدى علي خير
وانا راجعه ومن احد الصدف الربانيه الباحته
كنت واقفه مستنيه الباص بتاعى
اللى بيدخل لحد منطقتى
وقاعده علي المحطه قابلت واحدة كبيرة
في السن
لقيتها بتكلمنى وتقولى الجو ساقع
كان فعلا التلات دة اعاصير وتلج
فقولت ليها اة قالتالى بقالي ساعه ونص قاعده
مستنيه الاتوبيس بتاعى
قلتلها اللي هو إيه قالتالى نفس رقم
اتوبيسي
المهم قلت خييير 
فضلت بقي تسئلنى انا ساكنه فين بالظبط
وطلعت ساكنه قريب منى اوى اطلع على الشارع الاقي بيتها
المهم انا معرفش حد في منطقتى غير اسامى وبنساها
بس انا حاسيت ان الاسئله ابتديت تاخد منعطف
اخر الا وهو
كل التفاصيبل المفصله عنى وعن اهلى واخواتى
انا برد بابتسامه وباقتطاب في الكلمات كدة
علشان انجز وجيه الاتوبيس وركبنا وللاسف كان في مكان فاضي
واول مرة اتاسف علي وجود مكان فاضي لانه ينفع لينا احنا الاتنين
وبالتالى لاينفع بتاتآ انفصل واهرب
قعد جمبها احم 
كملت استفسارت واسئله امن الدوله
وانا برد واسئلها اسئله بسيطه
احاول بيها افهم في إيه
في الاخر صدمتنى هى تبقي مين
وطلعت اعرفهم اسمآ كدة من امى
وكان في مواضيع مع العائله دى من فترة من الزمن
واللى فهمته من اهلى
انهم مش حابين يعرفوهم اوى يعنى
كان كل همى متين في الميه الست عرفت انا مين
^_^
وهتبهدلنى 
ربنا يستر ومش ترمينى من الشباك
هههههههههههههههههههههههه
نزلت ورجعت البيت في امان وانا فطسانه من الضحك
اعتقد لو قابلتنى تانى او قابلتها حد فين هيتهور
ههههههههههههههههههه

من الحاجات اللى بتقرف الواحد انك تلاقي حد يطلع ساكن جنبك او
ميطلعش
يسئلك اسئله شخصيه جدآ 
خاصه لو اسئله انت مش عارف تقوله فيها
وانت مالك









اضغط

هناك 62 تعليقًا:

  1. جاية بس احييكي على ذوقك بجد اللي هو تقريبا ذوقي :D
    فاروق جويدة رائع بمعنى الكلمة استحالة الاقي كلمة توصفه بجد
    عبد الوهاب مطاوع مقرتلوش كتير زيك بس الكتاب او اتنين اللي قريتهم ليه كانوا من احسن اللي قريته في حياتي
    عمر طاهر ده ليه طبع خاص كده متضايقة اني مجبتش اخر كتاب ليه لحد دلوقتي وعلى فكرة جر ناعم مش الاخير، نزل بعدبه كام كتاب كده تاني

    بعد الرغي ده كله بجد بجد لازم احييكي تاني على ذوقك D:

    ردحذف
  2. ازيك يارنا يابنتي

    ضجكتيني اوي في موضوع الست الحشرية دي

    تحيتي

    ردحذف
  3. هههههههههه يا نهار ابيض على الموقف ده جااااااامد بس تفتكري عرفتك ؟ :)
    عجبني جدا ذوقك و اختياراتك كان نفسي اروح المعرض بس للاسف منفعش
    اخمن الكتب
    مممممممم
    كتاب شرين سامي و كتاب مصطفى سيف
    و مش عارفة بقا مين تاني :)))
    تحياتي ليكي

    ردحذف
  4. ههههههههههه يا عينى يا بنتى
    عموما الكتب اختيارات موفقه جداا

    شيلى معاكى مطواه بعد كده

    :D

    ردحذف
  5. رونتي عامله ايه يا قمر ا
    البوست حلو
    على فكره انا بحب اوي اقرألعبد الوهاب مطاوع وكنت قرات ليه اقنعة الحب السابعه عارفها تحفه

    ردحذف
  6. نور يا نور :)

    انا مبسوطه من التوافق دة فعلا جدآ جدآ :):)

    بالنسبه لعمر طاهر اة هو مش اخر كتاب فعلا بس اعتقد الاواخر عباره عن مقالات مجمعه انا معرف ترتيب الكتب
    كان في شكلها باظت بس كنت قريته بالفعل ورصف مصر قريت جزء منه وفي قهوة بالشيكولاته قراته برضوا لقيت اسم جر ناعم جديد جيبته ههههههههههههه

    تحيه ليكى انتى يانور
    وشرفتينى ونورتينى :)

    ردحذف
  7. استاذ سواح
    انا عارفه شكلى مش هخلص من كلمه بنتى كمنى صغنطوطه كدة يعنى الحمد الله لو كنت روحت المعرض وقابلتكم كنت هبقي بنتكم رسمى فعلا ههههههههههه

    حشريه ايه بس دى اقل جمله ممكن تتقال وبعدين متخلونيش اغلط بقي دى جارتى الله ^_^

    ردحذف
  8. افكار
    اعتقد حتى لو معرفتنيش ساعتها هتعرفنى لما تحكى لجوزها هههههههههههههههه
    ربنا يستر ادعيلي يابنتى

    شكرآ ان زوقي عجبك دة شرف ليا
    خلاص تعالى استعيري منى الكتب دى :)
    ومش عزومه مراكبيه بجد يعنى

    امممممم عروستى بصي في تخمين صح ولاتخمين غلط :):)
    هتعرفي لو عارفه اسلوب الكتاب لانى هقتبس من الكتاب بعض الكلام وانتى حزري تانى

    نورتينى جدآ بجد بسعد بوجودك المميز :)

    ردحذف
  9. خالد

    اة شوفت بقي انا اتعمل فيا إيه اهئ

    لاء انا مش بتاعت مطاوى انا بتاعت سكاكين ههههههههه واهى كلها اسلحه بيضه اخر بياض هههههههه

    نورتنى كالعاده :)

    ردحذف
  10. ريري
    انا تمام اهو يابنتى مازالت بخير
    انتى وحشانى اوى شو اخبار النونو :)

    بصرة بصرة لاء مقريتوش للحق بس اسمع عنه اكيد هقرأة في اقرب فرصه :)

    نورتينى ريري بجد :)
    بحب تواجدك اوى وبفتقدك كتير

    ردحذف
  11. اكثر حاجة مبهدلاني نفسيا اني برة مصر و مش عارف اروح معرض الكتاب
    انا باعشق المعرض دة
    ليا معاه ذكريات جميلة

    ردحذف
  12. انا بقرالك كتير
    انك متعذب من الغربه ربنا يصبرك
    بس ان شاء الله يعنى تيجى سنه تجمع
    كل الكتب دة باذن الله ^_^

    فعلا ذكريات المعرض لاتعوض ابدآ
    بس نفسي افهم بيعملوا مرة واحدة ليا في السنه انا عايزة كل شهر ^_^

    نورتنى احمد

    ردحذف
  13. انا توقعت في الاخر بعد الاسئله الكتيره دي ...ان فيه عريس...
    اصل مبيبقاش فيه طنط حشريه الا وفي عريس
    ...

    ردحذف
  14. البوست جميل زيك ياروني..بجد شئ مفرح أنك بتهتمي بالقراءة, ومعرض الكتاب الواحد لما بيدخلوا بيقي نفسه يلم كل الكتب.

    أما بالنسبة للناس اللي بتحشر نفسها دول منهم كتير وكويس أنها جيت علي أد كدا ومقالتلكيش أعزميني علي كوبية شاي عندكم:D

    ردحذف
  15. انا عندي كتب كل عبد الوهاب مطاوع وانا ف ثانوي كنت بحب اقرا لفاروق جويدة ولسه عندي شئ سيبقي بيننا
    احمد رجب عمري ما قرتله
    اما عمر طاهر ده بلدياتي واعرف اهله معرفة شخصية انسان محترم جداااااااااااا وبحب اقراله كل اللي بيكتبه ما عدا الشعر مابيعجبنيش الا حاجات معينة

    معرض الكتاب بموت فيه بجد
    السنة دي عندي كمية اكتئاب اني مروحتوش بطريقة وحشة يعني
    كان نفسي جدا اشتري كومبارس بتاع باسنت وكيراتين ومش لاقية اي حتة اجيبهم منها

    اخيرا متتكلميش مع اي وحدة وخلاص صحبتي كانت هتتخطف بسبب موضوع شبه موضوعك ده
    الدنيا مش امان اوي

    عارفة دايما بحب اقرالك ابقي دايما شيريلي مواضيعك
    كل مواضيعك ممتعة
    شكرا ياقمر

    ردحذف
  16. عجبنى جدا سردك لحدوتة معرض الكتاب , نفس الحيرة اللى بنقع فيها كل سنة
    اجيب الكتاب دة ؟ ولا دة ؟؟ ولا اجيب الاتنين و اروح مشى D:
    لا بجد بوست رايق ((:
    تحيا مصر ...D:

    ردحذف
  17. صباح الغاردينيا
    هههههههههههه
    تصدقي ضحكت تخيلت منظرك مع الست جارتك ماتخافيش مش حقول عنها عشانها جارتك الحشريه هههههههه
    بالنسبة للكتب بجد اختيارات جميلة
    وربنا يخليك الست الوالدة عشان تخرج معاكي دايماً << بتغلس عليها :) "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  18. روناا :)
    أنا كمان بعشق معرض الكتاب و يومه بيبقى أحلى يوم فى السنة بالنسبة لى :)
    عمر طاهر ده عبقرى فعلا .. مفيش حاجة قريتهاله أبدا و طلعت وحشة
    بس طبعا ذوقك حلوو فى الكتب .. كعادتك يعنى :)

    ردحذف
  19. انا لسه جايبة لا تاكل نفسك وبشجعك تقريه جدا جدا جداااااااااا

    وافتح قلبك اكتر من رائع ومن احلى كتب المجموعه

    بالنوسبة بقى لطنط حشريه فلما تشوفيها تانى وده واااااارد يارونى اعملى ماتعرفيهاش اصلا اصلا

    ردحذف
  20. أيوة يا عم :)
    انجوي بالكتب ياقمر
    انا قريت فاروق جويدة وجر ناعم
    تحفة

    يالا قوليلنا كتب المدونين بقي ورأيك فيهم من غير مجاملات :D


    ...

    بالنسبة للاسئلة الطفيلية دي
    بكرههااااااااااا

    ردحذف
  21. سالخير

    بصى بقى انا مبقتش احب معرض الكتاب
    بجد مش هو ده اللى كنت متعود عليه
    كان ندوات شعرية و حفلات و مقهى ثقاغى كنت بتمشى تخبطى فى عمالقة
    عمر طاهر مش بحبه يمكن علشان زمالكاوى و ده يعنى انه فقد المنطق
    كتب احمد رجب كلها عندى و فيه احمد عفيفى الله يرحمه كان نفس اسلوب احد رجب
    يا بختك بتشترى كتب جديدة انا كنت بروح جناح سور الاذبكية اشترى كتب مستعملة و الفلوس الباقى اشترى الجديد
    عبد الوهاب مطاوع ده بعتبره ابى و انا صغير كنت بقوم الصبح اشترى الاهرام عشان بريد الاسبوع قبل خيرى زفت رمضان
    جويدة طبعا انا خلصت رحلته و ان كنت بحن له كل حين و حين
    اعتقد انك اشتريتى ابداعية عفو تلقائى و بنكهة مصر
    يلا بقى سلام عشان انا رغيت كتير

    ردحذف
  22. ازيك يا رنا
    وازي مغامراتك هههههه
    انا مبسوطه منك لانك مجتهده
    في شراء الكتب ربنا يوفقك
    اتمني لقاءك في يوم من الايام
    في مناسبه احتفال كتابك الاول
    ان شاء الله
    وربنا يوفق الجميع

    ردحذف
  23. رنا
    توجد هنا اكبر مكتبه فى الشرق الاوسط مكتبة الاسكندريه فيها ما تتمنيه
    بالنسبه للاحداث التى مرت عليكى فى هذا الاسبوع وتسلسك للاحداث حقا شعرت بتواجدى بين الكلمات تمنياتى لكى بالسعاده دائما وتحيه وتقدير من ابوداود

    ردحذف
  24. أميرة

    ماشي يا اروبه افضحيى بقي افضحى الدنيا
    بصي هى دخلت ولادها طبعا بس انا زى العادة قفلت طول عمرة نبيه في المواضيع دى :))

    نورتينى يا ميرو بجد :)

    ردحذف
  25. نيللي
    فطستينى من الضوحك
    او قالتالى خديلي ميعاد من ماما
    الحمد الله كانت ذكيه موطتش نفسها معانا ههههههههههههههههههههههه

    ربنا يخليكى كنت بسمع كلمه زمان مكنتش بفهمها زانا صغيرة بس فهمتها بعدين
    القرأة فعلآ غذاء الروح :)

    نورتينى نينو كالعاده :)

    ردحذف
  26. سوما برنسيستنا

    لاء لاء عيب اوى كدة علي فكر عمر طاهر بلدياتك طيب مش تعرفينا هههههههههههه يعنى معندوش اخ عسل زي كدة نستنفع بقي ياجماحه :):)

    انا قولت انى متوافقه مع المدونين بما انك عندك كل كتب عبد الوهاب
    قوليلي ايه احلهم اوى يعنى علشان اجيب تانى ان شاء الله :):)

    حاضر هشير من عيونى ياقمر بس علي شرط انتى كمان تشيري ليا اوكى :):)

    ردحذف
  27. روما او احمد لخبطونا
    في الاسامى ههههههههههه

    تحيا جمهوريه مصر العرببيه
    اسكت بقي بعد كل دة بوست روقان بتحصل
    حاجه وحشه معرفشي ليه

    لاء بالنسبه لنروح مشي انا كنت ضامنه انى مش هروح مشي علشان عنايات كانت معانا :)
    المشكله انى ممكن اقضي علي ميزانيه البيت ليس اكثر بس فدايا يعنى ههههههههههههههههه

    نورتنى كالعاده وضحكتنى :)

    ردحذف
  28. ريمو ريماس :))

    ههههههههههههههههههههههههههههه
    ضحكتينى بجد انتى
    الحمد الله علي كل شئ ياقلبي
    ماما فعلا ربنا يخليها ليا بجد
    من غيرها ببقي مضايقه :)

    نورتينى ريموسه بجد ^_^

    ردحذف
  29. رودى رضوى :))

    ربنا يخليكى زى زوقك بالظبط ياقمر

    فعلا عمر طاهر دة عبقري جدآ في تعبيراته
    يديكى الجمله بس من تحت الترابيزة تبقي طالعه صاروخ ارض جو :))

    نورتينى وانبسط من تواجدك اوى

    ردحذف
  30. نور ريماس

    عينى هصفر وابص لسما اكيد هتشدنى اوى السما ساعتها او الارض واتامل في الرصيف ههههههههههههههههههه

    تمام شجعتينى بجد انا بحب كتاب صديقي انا جايبه وواثقه انه هيعجبنى
    افتح قلبك بقي ليسه هشوفه ^_^

    وابقي اجى اتكلم عنهم عادى جدآ انا رغايه اوى هههههههههههههه

    نورتينى ريمو اوى :)

    ردحذف
  31. ريمو رحومه :))

    حبيب قلبي حاسه انك وحشانى اوى معرفشي ليه بقي
    احساس وخلاص

    الاسئله كانت زى الكائنات الطفيليه فعلا بس يلا الحمد الله :)

    ايوة كدة ياجماحه اللي قرأ حاجه يقولى حلوة ولا لاء دة بيشجعنى

    اوعدك بدون مجاملات هقول راي
    بس فعلا هى حلوة اوى اكثر مما تخيلتها :))

    ردحذف
  32. استاذي الفاضل
    ابراهيم
    سالنور سالفل س كل حاجه حلوة ^_^

    اه دة قر ولاحسد بالنسبه لكتب القديمه
    طيب عمر طاهر زملكاوى وعامل كتاب عن كدة بس ومتعصب بس انا علشان بحبه بفصل بين دة ودة مع انى اهلاويه :)))))))
    بالنسبه لعبد الوهاب فعلا بريد الجمعه كان لى مزاق تانى معاه
    بالنسبه لمعرض عندك حق والقرأة كان ليه قيمه ساعتها والناس مكنتش بتيجى مجرد فسحه كدة
    بالنسبه لسور الاذبيكيه فدة صعب اوى اروحه للاسف :(:(

    بالنسبه ان حضرتك رغيت
    فهما اصلا مكان الرغي
    انا رغايه برضوا ^_^

    ردحذف
  33. كاروالين

    انا تمام وانتى ياقمر ^_^
    فعلا مغامرات رهيبه
    زى مغامرة انا عايزة اشتغل يسعدك كدة ^_^
    يارب ادعيلي ياقمر
    بس من غير كتاب المهم نتقابل يعنى
    انا بوعد كتير ومافيش وفاء بوعدى بسبب الاحداث الجاريه :)
    ويارب يوفقنا جميعا فعلا :)

    نورتينى اوى انبسط بتواجدك ومتابعتك :)

    ردحذف
  34. استاذ ابو داود

    احب اقولك مزورتهاش ولا مرة لانى من القاهرة وكل ما اروح اسكندريه اخرتى المكان اللى انا فيه ^_^

    بس من احلامى ازورها

    انبسط من تواجدك نورتنى عن جد :)

    ردحذف
  35. اااااه منك يا سارقة أفكارى :/

    كان البوست الى جاى ليا هيبقى زى ده

    مش زيه أوى يعنى :D

    بالنسبة لمعرض الكتاب والكتب أكيد عارفة رأيى علشان أنتى قلودىىىىىىىى اصلا

    هههههههههههههههه

    أنا مش هحزر على فكرة أيه ده أن شاء الله اصلا :P

    هههههههههههههههه

    عيب بقى تسألى الناس على مكتبات وأنا موجودة .. يعنى يقولوا عليا أيه دلوقتى ها ؟!

    كانت عاوزة تخطفك ياتتى
    يااه يا جماعة .. دى مصر طلعت أوضى وصالة
    متصادفش معايا مرة وأجى خارجة من الأوضة ألاقينى فالصالة كده وتكون تراوة
    ههههههههههههههههههههههه
    هههههههههههههههههه
    وأنتى أى حد يقولك هجيبلك حاجة حلوة تروحى معاه كده !
    أعمل فيكى أيه طيب ؟؟ هفضل أعلمك لحد أمتى !

    أستغفر الله العظيم يا رب

    ردحذف
  36. ميهو
    ههههههههههههههههه
    انتى تسكتى متحزريش انتى عارفهم اصلا ههههههههههههههههههههه
    قطيعه ممكن تكون دينا كمان عارفهم
    لسانى دة بيودينى ورا الشمس عليا النعمه ^_^

    بالنسبه للحاجه الحلوة احم بلاش نتكلم ونحرج بعض ياقطه هههههههههههههههههه
    ومعلش يموت مش عارفه ايه ويقضل يتعلم عادى جدآ ^_^

    طيب ايه المكتبات اللى قريبه منى قولى علشان نروحها سوا
    واسكتى انا اكتشفت ان الدار اللى كنا بندور عليها قعد اعمل سيرشات مش لاقيه ليها اثر ههههههههههههههههههههههههههههه^_^

    ردحذف
  37. الله على اختيااااارك
    أنا بمووووووت فى كتابات فاروق جويدة
    الراجل ده مسيطر على قراءاتى بطريقة صعبة ^_^

    أنا كان نفسى والله اروح معرض الكتاب .. بس ياللا بقى خيــر :(
    ماحدش رضى يسافر معايا .. وبالتالى ماعرفتش أسافر :D

    بالنسبة لموقفك مع الست دى
    طبعاً مش هاتقولى لها وانتى مالك
    بس طبعــاً ممكن تردى عليها بطريقة دبلوماسية
    توهى الإجابة :D
    ردى بكلمه واحدة
    طلعى الموبايل وكلمى أى حد
    كدة يعنى :D

    ردحذف
  38. هههههههههههههههههههه

    علشان كده بقولك مش هحزر اصلا ههههههههههههه

    أحم أحم قصدك ايه
    أنى ممكن مثلا مثلا أروح مع حد يقولى هجبلك كورونا أو جالاكسى أو كيت كات؟؟أو مثلا مثلا يقول هجبلك m&ms ?? لا مش أنا مش أناااااا

    أو ممكن أنا عادى يعنى :$ :$

    معرفش أنا القريبة منك دى اصلا مين قالك اسألينى هههههههههههههههههههههه

    أحلفى بالله !

    هههههههههههههههههههههههههههههههه
    ينهار أبيض .. نعم يعنى أزاى

    أومال "أحببتك أكثر مما ينبغى" دى طلعت شيطانى كده ! مفيش دار نشر عاملاها ؟؟ هههههههههههههههههههههههههه

    مليش دعوة المهم تدورى وتجبيهالى اصلا بقى وبعدين أبقى هاتى لنفسك علشان أ،ا الى قايلالك عليها وأنا الى مفروض أجبها الأول اصلا :$ :$

    أنا رغيت كتير أوى يخربيت كده .. كفاية بقى هههههههههههه

    ردحذف
  39. ايمى

    تعوضيها السنه اللى جايه باذن الله ياحوبي

    ممكن بس صعب لانى مكنش ليا مزاج اعمل حاجه الجو تلج جدآ وبليل وطالعه من كورس مصدعه وهى قضيت عليا هههههههههههههههههه

    بس خير خير ربنا يسهل المرة اللى جايه الاقي اى حجه ولا كدة :)

    نورتينى وشرفتينى :)

    ردحذف
  40. البوست ده بيفكرنى بييجى متين ربعميت لون داخلين فى بعض وعاملين شكل جميل يخلى الواحد يبتسم ابتسامه خفيه ويقول انا كنت هنا فى حته م البوست ده قبل كده
    كل جزء فى معرض الكتاب بتقولى عليه تقريبا واخد بالى منه
    بس بجد
    بوست يرفع المعنويات
    حاجه م الصميم للمدونه
    يا صميمك انتى
    حلو صميم ده
    عجبنى اسم كتابين هجيبهم
    وانا بقى زياده عليكى لما حضرت حفله احمد خالد انشكحت اكتر وجريت اشتريت كتابه من دار ليلى وخدت التوقيع
    نايس نايس يعنى
    وبخ عليكى

    ردحذف
  41. اووووووول زياره للمدونه
    اعجبت بيها جدا
    لاننا صحاب تحت قائمة عشاق فاروق جويده
    كمان بحب القراءه جدا
    بس عمري ما رحت معرض الكتاب
    بس نفسي اروحه اوووي
    هو لسه موجود ولا اخباره ايه ده ؟؟!!^_^
    ....
    بالنسبه بقى للموقف التاني
    وبالنسبه ل طنط حشريه
    بشوف منها كتير
    حاسه بيكي يا بنتي
    الجري نص الجدعنه :D:D

    >>
    رائع اسم المدونه
    نقلت صوره مصغره لشخصيتك بالصور

    تحياتي :)

    ردحذف
  42. وحشاني يا رونا يا رب تكونى بخير يا قمر

    عندك حق فعلا لما بتقفي فى معرض للكتب الواحد بيتوه و بيبقى عايز يجيب كل حاجة ..و احسن حاجة ماتجيبيش حاجة خالص عشان الطمع وحش هههههههههههه

    دمت بخير يا غالية

    ردحذف
  43. سحر جويدة طبعا لا يقاوم :)
    و كتاب الابجدية فعلا كتاب عظيم لي الشرف اني اشتركت فيه بالرغم يمكن اقل بوست فيهم هو بتاعي
    ربنا يوفقك في اختباراتك ان شاء الله

    ردحذف
  44. السلام عليكم
    شوقتينى جداً لمعرض الكتاب رغم إنى من اسكندرية وما زلت فى انتظار زيارته والله أعلم.
    الموقف ده بجد تحفة..وفعلاً أوحش حاجة الأسئلة الكتيرة.
    تقبلى تحياتى ودمت بخير.

    ردحذف
  45. هههههههههههه بتبقى مواقف رزله اوى اوى...يا عينى عليكى...

    دى اول مره ازور مدونتك..ياريت مش يضايقك يا قمر..

    ردحذف
  46. مهجتى ميهو ^_^

    لا يابنتى انتى اكبر من ان حد يشدك بشيكولاته وانتى فاهمه بقي بلاش احراج :))))))))))))

    لا اله الا الله يعنى تقولى انا هنا واسئلينى انا وبعدين اسئلك تهربي بنات اخر زمن امشي ببقي من هنا هههههههههههههههههههههه

    اة والله دة انا كنت حاسه انى بدور علي سراب اة والله :)))

    يلا حدث خييييييييييييييير :)

    ردحذف
  47. زناتى

    ربعميت لون انا احوليت من الجمله دى اصلا لانى تخيلتهم ههههههههههههههههه

    يلا هات فلوس بقي حق الابتسامه دى ههههههههههههههههههههههه

    ايوة ايوة اهلا اهلا جاى مدونتى بداخل بويتى علشان تغيطنى لاء بقي كدة كتيييييييييير

    بالنسبه لبخ خلاص انا خدت حقي منك فيها هع هع هع

    ردحذف
  48. نور :)
    انا عايزة اقولك مفاجأة دى مش اول مرة دى تانى مرة :))

    انا اللي سعيده ان اغلبنا مشترك في حب فاورق جويده

    لاء هو خلص خلاص بأذن الله السنه اللى جايه تروحى ان شاء الله بس انتى ادعى يتعمل تانى وميكونش في حاجه :)

    اة شاركينى الكبت بقي بالنسبه
    للجري نص الجدعنه اعتقد ان الموضوع مكنش في مساحه للجري كنت جريت هههههههههههههههههههه

    ربنا يخليكى انتى احلى
    مدونتك كمان جميله خالص مالص ^_^

    نورتينى وشرفتينى

    ردحذف
  49. ايما
    انتى اكتر بكتييييييييييير
    انا تمام وانتى؟؟

    فعلا واحلى تهوان يا اختى والله

    ودمتى انتى ايضآ

    نورتينى واسعدنى تواجدك بشدة :)

    ردحذف
  50. دكتور مصطفي
    اممممممم دة حقيقي فعلا بس سحر قليله عليها بيجد

    مين دة يا استاذ والله كلكم رائعين وكلامكم بجد رائع وافكاركم ابداع ابداع

    ويوفقك انت كمان
    ونشوفلك اكتر من كتاب عايزة المرة اللى جايه الاقيلك ركن خاص لكتبك
    وايه المانع يعنى :))

    نورتنى بجد

    ردحذف
  51. حبيبه :)

    وعليكم السلام ورحمه الله وبركاته
    ربنا يسهل وتزورى في مرة وتنورينى هنا في القاهره

    بس لو لشوق فالشوق عندك انتى بمكتبه اسكندريه نقر ولانحسد بقي :))

    اوحش حاجه جدآآ كمان بس يلا حصل خييير يابنتى اهو يوم وعدى بقي

    طبعا مرورك اسعدنى وشرفنى كمان
    ودمتى انتى ايضآ بكل خير وسعاده
    :))

    ردحذف
  52. همسه حب :)

    اوى اوى في حد متعاطف معايا يا جماحه :))

    يضايقنى قال يضايقنى قال
    ان مجتيش تانى دة الضيق بقي
    الحمد الله اول زيارة ليكى في بوست رايق مش حزن :)))

    نورتينى وشرفتينى
    وكرريها تانى وتانى :)

    ردحذف
  53. امممم قريت البوست من فتره بس قولت أرد دلوقتى بقى :D :P

    مبسوطه انا بيكي بصراحه :)

    ياريتنا كلنا نعدل من نفسنا ونرجع أمة اقرأ فعلا القراءه ده حاجه مهمه :)

    كمان حلوه اوى كتب د.إبراهيم الفقى .. ربنا يرحمه ويجعلها فى ميزان حسناته.

    ربنا يوفقك يا فندم ... وإختيار مُوفق فى الكتب إن شاء الله :)

    ردحذف
  54. سوكتى <3

    انا مبسوطه اكتر انك عملتى كومنت هيه هيه ^_^

    ويوفقك انتى كمان ياقلبي يا مثقف انت :):)

    امواااااااااااااااه يا سوكتى

    ردحذف
  55. كتاب جر ناعم حلو جدا أنا قريته وكتاب
    صديقى لا تأكل نفسك برضه
    البوست بسطنى جدا علشان كان نفسى اروح معرض الكتاب بس أنا بقه دخلت الجدال ومطلعتش بحاجة هههههههههه بس وكأنى رحت بقه
    موضوع وأنتى مالك ده بقه سهل جدا يعنى انا فى الأسئلة دى بكتفى برد بسيط وهو معرفش او أبتسامة سمجة يمكن اللى قدامى يفهم شوية
    :)

    ردحذف
  56. كان نفسى اشوفك فى المعرض
    بس اسعدتنى مكالمتك يومها جدا
    شئ سيبقى بيننا ديوانى المفضل بحبه جدااا
    بيعجبنى جدا اسلوبك وانتى بتحكى
    عسوووولة موت انتى <3

    ردحذف
  57. نسومه احمدى ربنا يابنتى

    انك خرجتى سليمه من الجدال دة

    عندك حق في حوار انتى مالك بيجد يعنى

    مش سهل ومش بسيط حلوة الابتسامه السمجه دى منك فكرة برضوا ^_^

    نورتينى نسمه :):)

    ردحذف
  58. يويو :)

    وانا كمان كتيييييييييير
    بس تتعوض بأذن الله
    ربنا يخليكى ياقمر وانا سعدت بسماع صوتك :)

    نورتينى يا يويتى :)

    ردحذف
  59. صباح الورد

    دائماً أواجه الموقف المحير هذا في اي

    معرض كتاب لدرجة أنني أتمنى شراء كل

    الكتب دفعة واحدة ...

    أما السيدة هذي فمن أصعب الأمور أن

    تقابلي شخص كل كلامه اسئلة وخصوصاً

    الشخصية منها .....

    فضفضة رائعة كتبت بعفوية فوصلت

    للقلب ...

    تحياتي وإحترامي

    ردحذف
  60. استاذ ريبال

    ههههههههههههههه جميل ان معظمكم بيقابل نفس احساسي ومشكلتى برضوا
    وفعلا فكرة الكتب دفعه واحده ببقي نفسي اعملها اجيب كله كله :))

    بالنسبه لطنط اللى قابلتها عفا الله عما سلف بقي :))

    نورتنى وشرفتنى وشكرآ علي كلامك دة بيجد :)

    ردحذف
  61. ألف مبروك على الكتب :)
    القراءة كنــز بجد ، منتظرين نعرف اسماء الكتب اللي اقتنيتيهم مع عرض بسيط ليهم
    :)
    خالص تحياتي

    ردحذف
  62. الله يبارك فيك ^_^

    فعلا كنز كبير كبير كبير :)

    من عيونى حاضر

    نورتنى كتيير اوى

    ردحذف