ختـــــــــــامهـــــــا ... انتــــــــــــــــم

ايه الجمال دة احنا لحقنا نخلص الشهر انا حاسه انكو ضحكتوا عليا

طبعا كالعاده انا مش من اللى بيعرفوا يدونوا يومى ومن مفضلين اسيب يوم كده في النص الناس تلحق تقرأ كفايا جري وياعينى كنا بننهج ازاى 

يارب رمضان يكون حلو عليكوا لأ انا طماعه مش هقول كده واسكت بقي

انا حابه ارغي هههههههههه

بيجد فعلا رمضان السنه دى هيكون مختلف لان في صحبه حلوة 

هى انتم وخيركم اللى اصبح فائض علي الواحد 

انا بيكم وصلت لحاجات كتير مكنتش متخيله انى اوصلها الحمد الله

وبجد ممتنه لحمله اللى خلتنى اكتشف ناس كتير حلوة واكتشف نفس الناس اللى اعرفهم من تانى وابداعات لا حدود لها 

____________________

عن رمضان اتحدث

حاولت اجدد واعمل شئ يحسسنى بيك ايها الشهر الكريم 

يمكن السنه اللى فاتت اميز حاجه فيك اول حفيد للاسره ويسمى بصفتك كريم

بس لاننا في مصر اصبحنا لا نشعر برمضان والاعياد والاحتفالات زى زمان اصبح دخلتهم بتكون عاديه ومش بتبهجنا كتيير 

السنه دى هحاول ميكونش كده

جابت هلال ونجمه وفانوس من اللى بينوروا دوال وعلقتهم بقي هيه

 

كل سنه بقفل الفيس بلا تردد وبصر علي كده السنه دى متردده جداا في الموضوع دة لاكتر من شئ

كل رمضان بقفل باب مهم بيكون غلط بنهى قفله وبفرح بنفسي اوى وانا بعمل كده ابتغاءً بس في رضا الله رغم انى بلاقي ناس كتير يقولوا ليا وليه مفيهاش حاجه وكده بس بكبر بقي واصمم وامشي في ذات الطريق 

عجبتنى جمله لمصطفي حسنى لما قال ان الانسان مبيقربش ويتعبد ويحضر دورس دينيه الا لو كان حاسس بالم البعد عن الله علشان كده بيحاول يفتح اى باب معاه يحس فيه انه قريب منه ولازم نصارح نفسنا احنا مقصرين ازاى فى حقه 

بالمناسبه مشجعش حد بيجد ياكل كتير علي الفطار خاصه لو هيروح يصلي تراويح في المسجد خليك خفيف وارجع تقل بقي براحتك 

طبعا احنا كبنات منا اللى بينزل يصلي واللى بتحترم ذاتها وتخليها في بيتها

بس بيجد نفسي انزل مرة المسجد الاقي مكان السيدات منظم مفيهوش اطفال صغيره بتجرى قدامك وانتى بتصلي ويبصولك ويضحكوك والرغي بتاع البرايك اللى الشيخ ييستغيث منه لانه فعلا طعم التراويح في المسجد مختلف عن البيت بكتيييرر

كل رمضان واحنا مقاطعين المسلسلات المتخلفه بتاعتنا يكفي انهم بيستغلونا شهر واحد بس يبجبوا كل الارادات وطول الشهر نقضيها تركى يعنى نرمم بره بلدنا كمان دة ايه دة

علي فكرة المسلسلات السنه دى وصله لمليارات اجمالى يعنى

والبلد فقيره وبتنهار عايزين ينتجه مسلسل لفيفي عبده مثلا ونكسبهم كمان

فعلا الشيطان بيجهز لرمضان من قبله بشهر علي الاقل بالحاجات دى

ربنا يكوون في عون اللى هيفضل قدام التلفزيون هيبقي زيه زى الريمود

كل رمضان وفي جدول بنحطه وبنغيره ونزود ونقلل ونظبط ونتعبد ونتراحم ونتواصل ونمد 

وبجد جدول مدونه يوم من عمرى نيللي اللى هى دينا حطت لينكه في بوستها جدول جامد وبسيط لاى حد ويارب مع بعض يا ولاد للاخر نكمل المسيره اللى من قبل رمضان بشهر دى :)

في الاخر مش هكتر يلا هنجز اهو

كل رمضان وانتوا بخير وانا علي قلبكوا ومش تتحرموا منى

(غرور بقي)

كل رمضان وانتم طيبين يا آل بلوجر جميعا وجميع اسرركم يارب 

^_^

   

Continue reading →

!!معطف لم يعد يرتديه احد

ربما تسألت ذات يوم عن شعور احدهم  بالرفض كيف سيكون ثقيلاً جداً علي أى شخص ان يمر حوله العديد من الاشخاص

يستجبون لبعض إلا له كانت تلك حكايه معطفاً لم يعد يرتديه أحد

شعوراً بالرفض التام كل شتاء يعرض بنفس الفاترينه

يرسل إلى مالك الدراي كلين  لينظفه ويرجع لونه للأسود

يبدوا سواده كالليل الحالك تشترى كل المعاطف حوله إلا هو حتى بائعه مَلَّ منه    مَلَّ من انتظار من يشترى مَلَّ من وجوده كل شتاء بفاترينته ربما كان يريد أن يضع مكانه شيئاً جديداً يباع ويقبل عليه

ولكنه لم يستطع في اى يوم ان يتنازل عنه لم يدرى لماذا لكنه ظل مرتبط به

لم تدركون الحكايه بعد ولكن إليس لمعطف مشاعر ايضاً يتعلق بأحد فيظل مُشعِل له

دفّاية مذيبه لحَزَنَهُ وجرحهُ حتى لو لم يرتدي  فسيظل ذات نفع يوماً ما

وسيبتهج فقط لوجوده بقربه منتظر ان يرتدي سيده ذات يوم محدثا له بعض البهجه

وبعض التغير فقد مَلَّ من ذات( المشوار) الى الدراى كلين يريد ذات يوم ان يذهب في مغامره جديده تجعل اسوده مشعاً بألوان اخرى اكثر بهجه ربما يرغب به وقتها بائعه فيأخذه لنفسه بدلآ من عرضه في فاترينه السنه القادمه وحتى يحل الشتاء يظل راكد في الغبار تمَلَّئه الجروح ولا يستطيع التنفس من كثره الاشياء التى وضعها فوقه ويظل ينظر لحال الدنيا المفرقه بينه وبين المعاطف الرائجه مثله مثل الاشخاص الذين يظلون محتفظون بانفسهم لا يسيرون علي الموضه

 مشاعرهم غزيره وقلوبهم صافيه يرتدون معاطف تقليديه يضعون يدهم بها من قوه البرد ينفخون فيها في بعض الاحيان لكنهم دائما لا يستغنون عن معاطفهم حتى وان صارت قديمه الشكل  ياااا كم انتظرت هؤلاء الاشخاص ان يرونى بشده

ثم جاء في احد السنوات  شتاء قارص

ربما أعجب المعطف  فتاه كانت وحيده تمر من أمامه ناظره الي الارض لترى خيالها وحبات المطر تتخلله وتدق عليه بصوتاً يجعلها تدرك مدى وحدتها ،، دخلت الى المتجر ونظرت الى المعطف وجدته وحيداً مثلها اخذته بين اخذته بين يديها وكانها تريد ان تحضنه ويحتضنها

فيتخلصوا من وحدتهم ،، اشترته من صاحب المتجر التى كانت تعرفه حيث كان يسكن بجوارها وذهبت الى المنزل فرحه به ،، وجدته يقف ينتظرها يستسمحها ان تسامحه عن ما فعله ،، تطلب منه الدخول فلقد اغرقهما المطر

يشربون شيئا ساخناً وتضع المعطف بغرفتها ،، يتثامرون حتى مطلع الفجر

يإاتى الصباح تنظر لمعطف ثم تنظر الى حبيبها تاخذ واحداً اخر لتلبسه ثم تأخذ المعطف في يدها تطرق علي باب شقه مجاوره لها لايدرى لماذا فيفتح رجل يبدوا مألوفاً بالنسبه إليه تترك له المعطف وتنزل الى العمل وتتركه معه

ربما يخلص المعطف ذلك الرجل من وحدته ،، ربما كانت تريد رد الجميل إليه حينما اشترت هذا المعطف من متجره ..

 

 دى محاولتى مع قصه معطف من القيود التى تداولها اكثر من كاتب محترف ومبدع :)

وبعد دعوه الخال ابراهيم ليا ولآيه باننا نشارك آيه ابدعت وانا هبلت اهو زى ما انتوا شايفين كنت اتمنى الاقي الوقت علشان اقرأ بدايات القصه واقدر انسج من خلالها شئ مترابط عايزة رايكم بصراحه وعايزة نقد عايزة اتبهدل من الاخر بامانه بقي انقدونى افادكم الله :)

 

Continue reading →

لمـــــــــــــا !! ( هلاوس2)

هامش اولى 

محدش يسالنى فين الهلاوس الاولى لانها كانت من زمان

ومكسله اجيب اللينك  نيهاهاها

هذه الهلاوس ليست دواء لكآبه مجرد اعترافات هلاوسيه

وكتبتها وانا فرحانه يعنى محدش يقولى كآبتينى

لازم في مرحله ما نعترف بالحاجات اللي بنقابلها علشان نتخاطها

او نحاول التأقلم معاها ليس اكثر

لما بكون مضايقه مبعرفش احس حتى الحاجه الحلوة.

لما بكون مش مركزة بنسي كل حاجه حصلت في اليوم

سواء وحشه او حلوة

مش بفتكر غير الاساسيات ..

مرة قرأت لعبد الوهاب مطاوع قصه عن اول مرة يعمل تقرير وكان عن طلاب الثانويه العامه وسبب انتحارهم واستدعاه رئيس الاهرام وقتها وقاله ان التقرير كويس جدا لكن متسرفش في استخدام النقط وعلامات الاستفهام او الاستعجاب فحتى لهذه الاداوات طريقه لتعبير عن ماذا تريد

من وقتها وانا بسرف في استخدامهم علشان انا عارفه كويس لما بستخدمهم انا ببقي عايزة بيهم إيه .......................................

لما كل شئ فجأة بيبصبح مالوش معنى هو دة الشعور الطبيعى لزهق.

لما بقول كتير مبحبش الخصام والزعل ومع ذلك دايما اللى حواليا بيدخلونى فيهم

بحس انى في متاهه هقضي سنين عمرى جواها ....

لما ميبقاش في عندك حاجه تديها لازم الناس تفهم دة بس غالبا هما مبيفهموش..

لما تطلب طلب صغير يتحققلك مرة واحده بس تطلب حد يقف معاك صح ينقل كلامك زى ماهو فتلاقي بينقله علي مزاجه فترجع انت تظبط امورك بنفسك

وبعد ما كنت بتؤمن اوى بوجود ناس كويسه اصبحت لا تؤمن بنفسك حتى ...

لما ناس كتير تكون بتدعيلك بس الدعوه محجوبه فتفضل تقنع نفسك انه اكيد دة راجع لحكمه آلهيه!!

لمـا بعد ما الدنيا تضحكلك ترجع تكشر ليك فانت تصمم تضحك برضوا يااااه!!

لما تتحدى ناس كتير بسبب حد بس الحد دة مش مستعد يشوف تحديك بتحس ان اللى بتعمله في حد مرة واحده رماه علي الارض وداس عليه..

لما يضايق منك شخص فتكون طريقته الوحيده هى الهروب .........

ابتعد عن الأشخاص الذين يحاولون التقليل من طموحاتك بينما الناس العظماء هم الذين يشعرونك أنك باستطاعتك أن تصبح واحدا منهم.
الدكتور الراحل ابراهيم الفقي

لما فكرت في الجمله دى  كتير وبالمناسبه لسه شايفه وانا بكتب حاسيت انها جمله غريبه ملهاش اساس احياناً الوجود مع الاشخاص المقللين من طموحاتك بيشعرك بهدفك وانت عايز ايه بالظبط ووجودك مع اشخاص عظماء ومحققين اشياء كتير بيخليك تحتار انت عايز إيه تكون زيهم ولا تكون مختلف عنهم ......

لمــا بحس ان الحياه محتاجه حبه تفاهم ( يعنى زى ما قال ربنا موده ورحمه)

لو الناس كلها ماشيت بالمبدأ دة كنا يمكن نرتاح بس يمكن مكناش اتعلمنا نفرق ..

لما تحاول تمسك تليفونك علشان تقول حاجه لحد بس مش عارف تقوله إيه ماهو مبقاش في كلام يتقال بعد اخر حاجه حصلت...

لما تشوف حد صدفه وعينك تيجى في عينه وتحس ان كل الزمن اللى عدى والبعد اللى حصل لسه في حاجه بتربطكم بس مش قادر تعرف هى إيه !!!

لما روحك تشوفه قبل عنيك وتحس انك عايز تجري عليه تقوله علي فكرة مبروك انتوا انسب اتنين لبعض بس اللى حصل مش سامحلك اصلا تتكلم لان باختصار المسافات طولت اوى .........

لما تحس المسافه اللى بينك وبين حد اصبحت بعيده زى علامه الى ما لانهايه كده عمر مافي طرف هيقدر يقابل الطرف التانى ...

لما تكره كل شئ بيحمل شقين...

لما تفضل طول اليوم تتندن مقطع من اغنيه حمزة نمرة

لو يوم لقيت ،، نفسي انحنيت
واحتجت من ضعفي ،، بلاش تتاخروا
الناس تغيب بس انتو لازم تفضلوا ،، خايف اكون في الدنيا وحيد
عمري يهون ،، اضيع وانتو بعيد

فتدور كده شويه تلاقي في ناس كتييير اوى حواليك ربنا حطك في طريقهم وحطهم في طريقك لغايات كتييير يمكن دوال اللى عمر ما عمرى هيهون عليهم لانى افنيته في حبهم ..

لما تكتب علي الفيس هو ليه كده ها؟؟

فتلاقي اللي يقولك هو كدا وخلاص

واللى ربطها بالقدر والنصيب

واللى قالك غتاته

وانت نفسك ترد وتقول هى حاجه تانيه خالص

بس منتش قادر تتكلم !

لما تكتب بوست كامل

عن اللى بتحبه ومش بتحبه

وتلاقي الناس كلها تكاتفت

علشان تعمل كل اللى مش بتحبه

يبقي اكيد الدماغ دى متركبه غلط

عارفين اخره الهلاوس دى ان عقلي بيرفضها بعد كتاباتها

لان بمنطقيه شديده انا عارفه السبب في كل شئ بيحصل

بس مش قادرة اتقبله وهتكون دى مشلكتى الابديه 

بس قابله للتغير في بعض الظروف

:))

Continue reading →

ثنائيـــات غنائيــــه

تغمض عيناها تشعلُ مسجل أغانيها

ثم ترنم

عيش حب الناس وعيش

تعشق الحياه بتفاصيلها تندمج في

أشخاصها

بعضهم  مَلَّائكه تستغرب وجوُهم الطفوليه

وبعضهم لا يستحقون كلمه بشر

تصرِ علي أن تغلق عيناها تماماً

فتضغط عليهم أكثر

حتى صارت لا تري شيئا إلا ظَلام دامس

فتكمل.. تلقى الناس بيووت فاتحة قلوبها فوووت حب متتنسييش

تشعر بقلبها يدق عند هذا المقطع

تعلم أن لها بيتاً في مكاناً ما وسط آلاف البيوت

سيكون ممَلَّكتها ذات يوم

سيكون حلمها الذي يدوم

دور فى الزحام حتدوب الآلآم والاحلام تعييش

فتلف بجسدها النحيل

حول غرفتها

حتى صنعت داوئر كثيره

من احلامها المفضله

وتكمل الدوران إلى أن تهتز أرجلها

فتسقط في أحد الدوائر

فتجد من يمد إليها يده لينتشلها من ظلمتها

للنور...

 ترفض في البدايه

ولكن مع قوُته تستسلم

فتجده وضع يدها علي كتفه ووضع يده علي خصرها

وصار يلف في حركات راقصه معها

وهى مصممه ان لا تفتح عيناها

ويكمل هو: وازاى يا دنيا مشفتكيش قبل النهاردة معشتكيش
أنا كنت مين وفين وليه وازاى زمانى محسكيش

 

تبتسم فتكمل الرقص معه

فيلف اكثر واكثر بسعاده

تغمر قلبها

ثم في وسط الرقصه انحنى بها

لدقيقه وقبل يديها

فشعرت بإن الاوان قد اتى

لتراه

فتحاول فتح عيناها

لكن ببطئ شديد

فرأته كما تخيلته

تماماً

ابتسم اليها واكملَ بطبع قبلته

مثل اى راقص ينهى رقصته بحرفيه

شديده

ثم اسدل بعض من خصلات شعرها

علي وجهها

وضحك فضحكت

واكملت ترنم

انا وحدة  مَلَّيش تجربة .. اسالتي بلا أجوبة
الدنيا قالوا متعبة .. لكن عندي استعداد
اركب مركبة في الفضا...

فصمت لدقيقه

ثم قال اتعلمين

انى كل يوم اراكى نائمه

عند سطوع ضوء النهار علي وجهك

ارى حلمى يتجسد وقتها

وكانى أري نصف وجهك مَلَّائكيا للغايه

فقالت نصف وجهى فقط

فقال نعم بالنصف الاخر

ابلغ من ان اصفه بالمَلَّاك فهو شيئا

اخر يبلغ جماله اى شئ جميل

في ذلك العالم

فتجد نفسها تردد

 ببساطة كدا وبكل وضوح انا عايشة كدا بقلبى المفتوح

تفتح احضانها له وتصمم إلا 

يفلت هذا الحلم منها

 الجزء الاخر من البوست

بقلم المبدعه آيه

هنـــــــــا 

هامش 

سعيده جدا لاشتراكى المرة الثانيه انا وآيه  

والكلام بالاحمر طبعا هو تلت اغانى (واحده خالد سليم واتنين انغام)

Continue reading →

بلاد العجائب هم من في بلاد إليس

من قال أن إليس هى من في بلاد العجائب

ربما العكس يحدث

لكنكم لستم تدرون

ربما تشابهت البلدان فأختلط عليكم الأمر

وصدقتم أن عالمنا بعيداً عن العجائب

ولكنى ما نفكت أسير إلا ووجد كل الأمور فيه

مستعجبه

تلك الفساتين التى بدلتها

حتى ألوانها الصاخبه

تبدوا كنفوس البشر

بها كل الألوان

لكنها لا تشبع ابداً

مشوشه من الداخل

ومشفره من الخارج

تصغر كلما كبرت

وتكبر كلما صغرت

ترى فيها رقصه باليه

تفانت لترسم بحيره البجع

فرسمت بجعا مختلاً نفسياً

وبحيره شبهه متبخره

أتدرون إليس ذاتها

لم تكن تحتاج لعجائب

حتى تغير رأيها

هى تدرى من البدايه

أن ذلك الشخص ليس لها

لكنها تحب المقاومه

ربما كانت تريد مغامرة

تشبها ليس أكثر

وحين صفت ذهنها

نادى عليها كاتبها

ليخبرها بالقصه

ويحاول جذبها

لمعرفه الحقيقه

فصارت قصتها تروى

بشكل يجذب الاطفال

لكنى سأظل حائرة

ان الغايه من القصه

لم تكن تستحق كل هذا العناء

التى تحملته  البطله

هكذا سنظل في دوائر

إلي ما لا نهايه

لكى نخبرك بالهدف

سننسج لك العديد من الدوائر

نخرجك وندخلك منها إلاف المرات

حتى نغيب عقلك

ثم ندعك تري فقط ما نريدك

أن تراه

وستظل انت لاترى شيئاً مطلاقاً

من كثره الدوران

هكذا كانت إليس حين

استيقطت لتجد نفسها في مكان اخر

فربما من كثره الدوران قد تاهت عن

معرفه بلدتها ليس اكثر

ربما كانت تلك احد هلوثات الكاتب

في اثباته ان الارض تدور بالفعل

^_^

Continue reading →