:)هامش اولى
البوست مش هيكون منطقي
ويلخبط شويه
بس معندكوش اختيار
هتقرأو يعنى هتقرأو
:)))))
حيث يصبح اللامنطق
هو المنطق في حد ذاته
حيث انك ممكن تفضل تفكر
في اللافكرة
فتحن لاشياء
ذهبت من زمن
ولاتحن بما لديك
حيث انك لم تعد تعى شيئآ
ام ان الاشياء هى التى
لم تعد تعرفك
__________
حيث انك تمشي
ولكن الخطوة اصبحت اثقل
بعض الشئ
لاتريد الجري
فقد يتعبك المد
حيث انك غامض
لكنك كتاب مفتوح
حيث ان الارض
اصبحت ملذاك
من نظرات الاخرين
ام انك فجأة احببتها وبشده
لذلك تنظر اليها باستمرار
حيث الصخور وذرات التراب
التى اصبحت تهواها
وتهوى اللعب بها بحذائك
اعشقت العفره
لانك اكتشفتها
ام انها تغطى جزء من ملامحك
الذابله
____________
حيث انك اصبحت
تفكر اكثر من الاول
ام ان التفكير اصبح
يثقل عقلك اكثر
ام انك هاويت ان تلعب
لعبه المفكرين
حيث ان تجد عقلك
مكتظ بالمعلومات
والافكار حينما يراودك النوم
حيث دماغك تفرقع
وتحاول تجمع
الكلام
تلاقيك بتفكر في شئ
مالوش معنى من الاساس
حيث يراود خيالك الجامح
فكرة تظل مسيطرة
علي تفكيرك الى ما لانهايه
حيث انه من الممكن انا اكون
غير مرئيه فافعل ما اريد وقتما اريد
دون ان ينظر الي احد
واصيح بصوت عالى
حينما يعجبنى شئ
حيث انك تفكر
الا يوجد جمهوريه موحده لدماغك
حيث يكون النشيد الوطنى لها
تعيش دماغى حره مستقله
______________
حيث النظر الي الاشياء ببلاهه
حيث انها نفس الاشياء
لكنك لاتتذكرها
حيث هل محى احد ذاكرتى
ام انها مللت من كثره الاحداث
فمسحت البعض منها
حيث هل عقلي اصبح يلمع فجأة
ام احدآ نظفه جيدآ
حيث عدم تذكر
كيف تحب الاشياء
وتحب النظر اليها
حيث نسيان هل كنت تشرب
الشاي بملعقه واحده من السكر
ام ملعقتين
حيث هل انا مازالت في عالمى
ام عالمى رحل وتركنى
حيث البلاهه والنظرة اللامحدوده
والتطفل علي الاحداث
حيث انك تشعر ان جزء كبير
منك اختفي او ضاع منك
في احد الطرق
ولن تستطيع ان تلحق به
ابدآآ
حيث شيئآ ضل عنك
او نفسك هى التى بقيت
____________
حيث التوهان
حيث النظر الي الاشياء
بشكل اعمق
ام ان عينيك اصبحت
مثل موقع البحث عن اي شئ
يثيرها
حيث انك تغرق في ابحار افكارك
ولا احد ينقذك
حيث انك حينما تنجو من ذلك البحر
تجد نفسك مبتلآ الى الحد الذي
تكره معه التفكير
فكيفيه ان تظل غير مبلول
طوال الوقت
حيث ان اللوحات اصبحت تشبهه
نفسها
ام ان نفس الشخص يرسم
بغباء اعتقادآ منه انه يقدم جديد
حيث انك الى حد كبير
غير واعى لما يحدث ولكنك
تتحدث عنه
مع علمك ان ذلك لن يفرق
حيث الدنيا
اصبحت مطرة وبرق ورعد
فجأة
مع انك الفتره دى بالذات
كنت ناوى تصيف
حيث انك تبتسم
دون داعى
ام ان البسمه ملت الانتظار
حيث انك تنظر الي احدهم
لكنك لا تراه
هل انت اعمى ام تحاول
ان تجذب الانتباه
حيث ان كل شئ واضح وبشده
ولكنك مازالت تبحث
عن نظاراتك مدعيآ
انك لا تري من غيرها
حيث ان انا صدعت دماغكم والله اعلم حد هيفهم حاجه
ولا هتدعوا عدم الفهم
^_^
:) هوامش ثانيه
استمتعت بشده برجوعى
لقرأة اعمالكم قدر امكانى
قرأت اللي اقدر عليه
حيث انك لاتدري حينما تعود
بعد الضغط النفسي
من الذي كان يضغط علي الاخر
نفسك ام انت
فتجدها تغيرت بشده
بعد كل ضغط يحدث
فالنهايه ستصل بعد فترة
الى شخصآ جديدآ
تعرف من حولك عليه
من جديد
;)
ايـــــــــــــــه كمية الحيث دي
ردحذفههههههههههههههههههه
بس والله بوست جاااااااااااامد
بس قوليلي بقي واخده ايه
عشان تكتبي حلو كده
روناااااا
تعيش دماغنا حره مستقله
امممممواه هههههههههههه
والله ضحكتيني يا بنوته :*
هههههههههههههه
ردحذفهههههههههههههههه
انتى اللى ضحكتينى
انا واخده شهاده كبيره اوى
واخده في نفسي قلم هههههههههههه
يلا حبه غرور علي حبه ثقه بيعملوا كدة
مبسوطه انى ضحكتك :))
منوانى دايما كدة
والاولى كمان :)
حيث أن هذا البوست جامد جداً جداً بجد والله ومش مجاملة فحبيت أشكرك وأحييكي عليه بشدة
ردحذف:)
برافو برافو
بوست مجنون في الجووووون :)
تحياتي
صباح الغاردينيا يارونائي
ردحذفحيث أنكِ رائعة وجميلة
أنا بقى اقولك ايه عجبتني اووي
حيثيات روناء دي
وعجبتني القطة الي ي الصورة التانيه
تشبه حبيبتي الي عندي ههههههه
بس بجد بوست عميق فيه فلسفة حلوة حسيت في تضاد حلو ..
وعلى فكرة وحشتيني حيث أني بشتاقلك اوي :) "
؛؛
؛
لروحك عبق الغاردينيا
reemaas
ايه ده يارنا
ردحذفدانتي فيلسوفة كبيرة
ماشاء الله عليكي
((((
مع انك الفتره دى بالذات
كنت ناوى تصيف
حيث انك تبتسم
دون داعى
ام ان البسمه ملت الانتظار
حيث انك تنظر الي احدهم
لكنك لا تراه
هل انت اعمى ام تحاول
ان تجذب الانتباه
حيث ان كل شئ واضح وبشده
ولكنك مازالت تبحث
عن نظاراتك مدعيآ
انك لا تري من غيرها))
كلام جامد بجد
تستاهلي عليه جايزة
تحيتي
صباح الفل
ردحذفصلى ع النبى
زيدى النبى صلاه
استمتعن صباحا بتعليقك و احسست انى مقصر فى متابعة المدونات لظروف ملخبطة بى
طبعا انا هاجاوب على كل اسئلتك لان ده مش اول سؤال لى بهذا الشاأن بل كثير جدا جدا جدا هاجاوب بس شرط تجاوبينى انتى هو انا محير للدرجة دى و ليه دايما بتسأل السؤال ده
انا بكالوريوس تجارة عملت صحفى 6 سنوات و لم تعجبنى الصحافة لانها مرتبطة بكثير من الاعمال الدرتى و النفاق و الكذب
درست نقد فنى كتبت فيلمين تسجليين اخرجهم مخرج مصرى كندى هو الدكتور سمير نصر اخذوا جوائز فى مهرجانت خارجية هم ناس و ناس و شجرة مريم
حاليا موظف فى شركة
بس خلاص ايه اللى توقعتيه عنى
يعنى انا راجل غلبان قوى و مستحقش كل الحيرة
ها هتجاوبينى
عقاب ليكى مش هاعلق على البوست
ههههههههههههههه
بس هو بوست جميل بجد
اه نسيت هو اخوكى لو كبير عنك شوية هتقولى ليه ايه
هههههههههههههه
سلام و بجد انا معجب باسلوبك لانك موهوبة
انا مش بادخل مدونة اللى لو كانت عجبانى
تحياتى
على فكرة البوست مالوش حل
ردحذفهو الانسان ايه غير شوية متناقضات فوق بعض؟
انا اغلب كتاباتي بألفها و انا نص نايم و نص صاحي بعد ما اقوم انام و انا راقد بقى و تعبان و مهدود تلاقي الافكار تغزو دماغك و متعرفش تنام ابدا و ممكن ترجع تكتبهم
و المصيبة الاكبر بانزل المشاركات و انا نايم
تعرفيلي علاج يا رونا ؟ هههههههه
بوست جميل اوي تسلم ايدك
هو الموضوع داخل في حيسيات
ردحذفمترابطه متباعده
عن مستوي باب اللوق
ولكن لو روحنا العتبه حيبقي احسن لنا
ولو مشينا الهرم حايبقي اوفر لنا
والله الواحد يا رنا محتاج يفصل مش شويه
كتييييييير
تحياتي يا قمر
بما ان الموضوع واضح وصريح ومن غير لف ودوران شبرا حيث انني لن اتراجع ولن اتزحزح ولن اقول إإح
ردحذفممممممم
ردحذفمش عارفة ليه يارونا لما بقرألك بحس اني شايفة نفسي في المراية
او عارفة اوصل لاعماقي اللي انا مش قادرة اوصلها او مش عارفة اعبر عنها !!!
كمية حيثيات فظيعة
واحلي حاجة فيها كم التناقض اللي شيفاه
بحب انا كدا اوي =))
يالا بقي
حمدالله ع السلامة
متبعديش تاني
ومتحرميناش من الحاجات الحلوة اللي بتكتبيها <3
الكلام حسيت منه عارفه احساس الـ wow
ردحذفبجد بجد والله
ههههههههه كلام بيدخل الدماغ كدهو
طبعا يعني مفهمتش كل حاجه
بس انا بحب الحاجات دي
بحب افهم المعنى اللي وصلني انا و خلاص :)
وعاجبني كميه الـ (حيث )
بحب انا الحاجات دي :)
أنا مش عارفة هو مستوى ذكائى أقل من إنى أفهم البوست ولا ايه !!
ردحذفمقدرتش أوصل للمعنى اللى تقصديه فبالتالى مفهمتش .
وغالبا المشكلة معايا أنا .. لانى فاقدة التركيز تماما !
هاجى تانى عموما ..
حيث ان كلامك منطقى جدا وواقعى اوووووووووووى وانا انبسطت جدا وانا بقراه بجد حلو اوووووووووووى وجامد موووووووووووت احسنتى يارونا
ردحذفحيث ان انتي جامده جدا...وفظيعه جداا...والبوست جاامد جدا جدا...فا انا بقولك البوست رهيييييب
ردحذفمين اللي قال ان البوست ملخبط
ردحذفده بوست متستف تستيفت ايامنا الحالية
ةاستقراء لما هو حال
اغلب الناس الان
استمري
مين اللي قال ان البوست ملخبط
ردحذفده بوست متستف تستيفت ايامنا الحالية
ةاستقراء لما هو حال
اغلب الناس الان
استمري
و حيث ان البوست جامد جدا و حيث انك واحشانا جدا اذن انا مبسوطة اوي اني قريت البوست و غطست فيه اوي :)))
ردحذفمعاكي جداااااا في انك بعد الضغط الكتير بترجعي حد تاني و تتعرفي على اللي حواليكي من جدييد و بتتعرفي على نفسك كماان من جديد :))
تحياتي لرونتي الحلوة :)
حيثيات رناوية :)))
ردحذفباشا
ردحذفشكرآ وشكرآ تانى انها كمان مش مجامله
انا كدة ممكن اتغر بقي ههههههههههه
ربنا يخليك
اسعدنى تواجدك
وان الجنون دة عجبك يعنى :)
ريماس :)
ردحذفوالله كويس انك فهمتى حاجه يابنتى
والقطه عجبتك كمان يا سلام :) خديها مع اللى عندك لو تحبي
طيب شوفتى اديكى قفشتى اللعبه وبقيتى تتكلمى بالحيثيات اهو
وانا كمان حيث انى اشتاقلك حيث انك وحشانى يعنى :))
نورتينى واسعدنى تواجدك كالعاده:)
وربنا يخليكى لرونائك ياستى <3
اخى سواح :)
ردحذفانا فيلسوفه هيهيهيهيهيه
الكلمه دى هى جايزتى بتمزجنى اوى والله
ربنا يخليك شكرآ علي كلامك دة
رافع معنوياتى دايمآ كدة :)
طيب ما الجائزة؟؟
انا طماعه واتغيرت يلا جمعوا وهاتولى واحدة من الجائزة اللى بيقولوا عليها دى ههههه
نورتنى واسعدنى كالعاده :))
استاذي ابراهيم
ردحذفوالله كلامك دة بسطنى جدآآ تاج فوق راسي يعنى هرد علي حضرتك وكلامك وسؤالك بعدين بتعمق كدة :))
دايما تضيف لبوست بوجودك وبيجد بتسعدنى كلماتك حتى لو كلمه واحده :)
نورتنى وشرفتنى
السلام عليكم...
ردحذفما شاء الله فكر متعمق اوى..ومنطقى جدا..وبوســــت جاااامد أوى.
حيث انها نفس الاشياء
لكنك لاتتذكرها
حيث هل محى احد ذاكرتى
ام انها مللت من كثره الاحداث
فمسحت البعض منها
معك حق..كثرة الأحداث دى تقريباً الســبب فى حاجات كتيييييييير.
تقبلى مرورى ودمت بخير.
احيانا قد يكون من الجمال ان نطلق للذات
ردحذفالعنان لتبوح في شكل مهاترات بلا قيد و لا
تقنين لانها سوف تكون صادقة و صريحة جدا ..
*
راق لي ما وجدت هنا
سعيا منها لتطوير النقاش و الاستفادة من المدونين العرب ، مدونة الزمن الجميل تدعوك للزيارة و التفاعل مع فهرسها !!!
*
بما انني اول مرة ادخل هنا ولا اعرف لماذا بس المدونة عجبتني عامة والبوست خاصة ،وحيث انه فيه فلسفة شوية ولكنني بردواومع ذلك فهمت وفعلا في حاجات موجودة فينا ،ارجواني اكون اخت جديدة ليكي ،تحياتي
ردحذفالبوست تايه فى توهان روحك
ردحذفبعد كل فتره وبعد كذا فتره من حياة اى انسان
بيحس انه منفصل عن احداثه اللى فاتت
برغم انها احداثه وهو اللى عاشها
لكنه بيحس انه ميعرفهاش وكأنه بيفتكر حاجات بيعيشها لأول مره
الحالة دى غريبة لكنها فريدة تشبه الولادة الجديدة
انا معنديش كلام تانى
بس انا فاهم كلامك جدا
حمدلله على سلامتك
جميلة بأفكارك دايما يا رنا
هنا وما ادراك ما هنا حيث المتعه والاثاره حيث خفة الدم والابتسامه حيث حيث الكلمات الجميله والروايه
ردحذفهنا شعرت بالاستمتاع بالجلمات الجميله فقد دخلت القلوب لانها خارجه من قلب
تحياتى ابوداود
حيث ان الارض
ردحذفاصبحت ملذاك
من نظرات الاخرين
ام انك فجأة احببتها وبشده
لذلك تنظر اليها باستمرار
حيث الصخور وذرات التراب
التى اصبحت تهواها
وتهوى اللعب بها بحذائك
اعشقت العفره
لانك اكتشفتها
ام انها تغطى جزء من ملامحك
الأتنين والله ههههه
تعيش حره مستقله ومطرقعة دايما ياااااارب :)
حيث شيئآ ضل عنك
او نفسك هى التى بقيت
مع أنى عمرى ما جربتها بس حاسه أنها حاجة حلوة أوى أنك تبتدى تتعرفى على كل حاجة من أول وجديد
هل انت اعمى ام تحاول
ان تجذب الانتباه
حيث ان كل شئ واضح وبشده
ولكنك مازالت تبحث
عن نظاراتك مدعيآ
أنك لا ترى من غيرها
خليكى بتدورى عليها أحسن ما تلاقيها وتضطرى ترجعى تشوفى تانى
فاهماها أنا أوى دى جدا
welcome back
:))
هههههههههههههههههه
ردحذفمرحبا رونا..
بدايةً العنوان "حيثيات رناويه" ذكرتني برباعيات الخيام :)
والجميل انك ربطتي الموضوع بالنفوخ والدماغ.. لانو بصراحة اول بوست يعدي عليا ويشغل دماغي ع اصول.. وهنا بس ادركت ليه كانوا بيقولوا المعنى في بطن الشاعر.. البوست فلسفي وذكرني باختبار الرياضيات مش عارف ليه!!
بجد اعجبني فيك الخروج عن المألوف وبالفعل كنتي مختلفة..
ارق تحية وحيثية :)
حيث انى قرأت كلام هايل جدا
ردحذفحيث انى من اشد المعجبين بأفكارك
حيث انى فرحانه انى لقيتك بصدفه جميله
حيث انى رجعت احب اقرأ من جديد
من كل حيث ناخد اجملها واقولك الموضوع جميل وبجد رائع
وخصوصا انى وانا بقرأه افتكرت حاجات كتيره وكأنى كنت بقف مع كل لقطه وافتكر بيها عمر فات
حيث انك مبدعه اذا موفقه دايما بأذن الله