2012-03-24

فضيحه بلوجيه...2




انا اتهمت كتير في البوست الاول
  انا مش دارسه علم نفس
ولا مخاويه ولا بعت عفاريتى
ههههه
طيب دة انا غلبان ههههههه
وايه حكايه اروبه دى 
والله انا مش كريازى 
يا ناس هههههههه

تعليق استاذ ابراهيم
حضرتك مرة قولتلى موهوبه قعدت
اسبوع رافعه مناخيري عليهم هنا
تفتكر كمان لما تقول فرويد هعمل إيه فيهم بقي
ولا حاجه لان فرويد ميجيش حاجه جنبي اساسآ
هههههههههه


تعليق استاذ فاروق
لاء ياعمو بقي عدل لوحه التحكم الغبيه دى
لو سمحت انا مهم عندى جدآ وجودك في كومنتاتى
وبعدين بقي كدة ازعل :)


ندخل بقي
المهم نسن السكاكين كدة
ونقول يا هادى ونبتدى بقي
اخترت اربع شخصيات
بيتقفوا ويختلفوا في حاجات كتير
ونقول بسم الله




استاذ مصطفي
اخبار لون البلوج إيه حاليآ
كدة 
 :)
طير رماد


خدتك علي خيانه انا
نياهاهاهاهاها
ماهو دة اخره اديهم ها هههههههه
انا غالبآ ببقي فاكرة
كل حد دخل جديد وتابعنى كان 
امتى وانى موضوع
مع حضرتك بقي
تصدق فاكرة برضوا
هههههههههههه
المهم انا سعاتها قولت هيه
حد جديد
بقي هيه هيه
انا اتشهرت
وبعدين ابتديت اقرأ لحضرتك بقي
اهلا هههههههه
حد جديد ومميز في الكتابه كومان ياحظى
وليسه فاكرة اعلانين البيبسي
اللى كومنت بيهم عليا
وكان بيبسي كسب كوكاكولا
فيهم 
المهم نفضح بقي
استاذ مصطفي
في الغالب مواضيعه وقصصه القاتله
اجتماعيه او سياسيه او خياليه او شخصيه اوى
بس بتناقش شئ موجود في حياتنا
ستجدوه هادئ متزن جدآ في حوراته
متقبل لرأى الاخر
مسالم الى حد ما
محب للجميع
ولديه قدر من الحساسيه اتجاه الاخرين
وذلك ما يجعله يخاف ان يفهم غلط في بعض الاحيان
او يكون خايف من انه زعل حد بكلامه
مكمل رائع لبوستات وافكار الواحد
سارق عظيم لافكاري
ههههههههههه ايوة اعترف 
لكن الوجهه الاخر بقي
الممزوج بالهدوء ولكن باضافه بعض التوابل كدة
يعشق الكوميديا الي حد كبير
ممكن يموت من الضحك من نكته واحدة القلب الطيب بقي
بحس انى لو بناقشك وجهآ لوجهه كدة
هيجادل اكتر من هنا وهيبقي في هدوء بس 
مع بعض الشد يعنى
اعتقد انه يحب غالبآ ان يكون
المكان حوله هادئ 
ويحب الانعزال كثيرآ 
لتفكير العميق ربما
بس اعتقد ان الرزانه والعقل والهدوء دة
بيتقلب لشقاوة ولضحك 
مع الاطفال خاصه
واعتقد انك محب للاماكن الطبيعيه
وبتمل الانتظار والزحمه علي ما اعتقد
 والله اعلم
____________


الصراحه انا اللى مش قادرة استنى 
عليكى اكتر من كدة


مهجتى عامله إيه
my nut


احم احم والله ما عارفه امسكك منين
يابطه انتى بالذات عندى 
انتى عارفه مش هرفع تواضعك
اكتر من كدة لحسن متعرفناش تانى
مها المتواضعه اوى يا جماعه
اللى أصلاً عندها اساسيه جداً
شخصيه لذيذه جداً 
وطيبه اوى اوى يعنى 
اجتماعيه كدة هتحبها من اول نظرة يعنى
ههههههههه
هى هتلاقيها في مواضيع عاقله جداً كدة
ومواضيع مفرفشه اخر حاجه
حياتها كدة برضوا بين وبين
بس في الحقيقه هى حد بيفكر كتير اوى
وفي حاجات اكتر من اللى يستوعبها اى عقل
ومبتحبش تعزل عن الناس
بس احيانا بتحب تخلينا نحس بفارق
عدم وجودها كدة زى اليومين دوال
ونقعد نقلها الحياه من غيرك وحشه 
هههههههههههههه
طفوليه بس بذكاء
اعتقد لو شعرت بامان اكبر
كدة وحاسيت ان الحياه
كفايا وجودها فيها
وشالت الناس اللى خنقاها
من راسها هتبقي حياتها افضل بكتير
بتحاول تبين انها جامدة وقويه
بس من جوه هى حساسها وقلبها دة
كبير جدآ وعطوفه علي الناس اوى
مها بيجد حد شفاف اوى
وبسسس
____________
ريمو 
رحمه المختفيه بلوجيآ
 
اعقل مجنونه
مش عارفه برضوا ابتدى بإيه
الكلام عن اللى محتكه بيهم صعب 
اكتر هههههه
نسيبنا من مواضيعها اللى دايما في الجون دى
هى تبان في الاول عادى جدآ عاقله
وبتكلم صح كدة
بس المفاجأة طلعت مجنونه فعلا
لا بجد شقيه كدة وتتحب وبتدخل 
القلب من غير ما تخبط كمان
ريمو بتقول كتير انها متناقضه
ودة تقريبآ عامل ليها أزمه
انا بقي بحس انك مش متناقضه انتى
بتتعاملى مع كل موقف علي حده
ويمكن تكونى بتتعاملى بنفس الموقف
بس علشان انتى ماشيه في الحياه ضد
التيار دة تعبك وبتعافري 
ودة محسسك بالتناقض
بتهيألى مشكلتك
تفكيرك انتى بتفكري لحد اللي بيتعب
وتركيزك لو بطلتى تركزى وعملتى 
مش واخده بالك ممكن تعدى حاجات كتير
ودة بيرجع لحساسيتك المفرطه اللى
بتتعاملى بيها علشان كدة دايماً
دة بيسبب ليكى مشاكل مع الاصحاب يمكن
بس صدقاً اللي يزعلك دة يبقي مش بيفهم يا ريمو 
ههههههههههههه
حبك الزائد وتقديرك الاخرين
بيخليكى برضوا مضايقه كتير
لما تلاقيهم مش بيتعاملوا معاكى
علي الاساس دة
مقتنعه جداً ان كل شئ
لازم يكون وراه حاجه اورساله
ودة اللى يخلينى اقولك انك بتركزى
في الاحداث مش بتعدى حاجه غير
لو كنتى تعبانه ومرهقه لحد الاكتئاب زى ما بتقولى
علي فكرة يا جماعه مفاجأة ليكم ولرحمه
عمري ما حاسيتها مكتئبه 
برغم انى بحس مشاكلها اللى بتعلن عنها
من تحت لتحت تجيب كل الامراض
بس هى قويه جدآ بسم الله ماشاء الله
 ومش مقدره حجم قوتها
ودة برضوا مخليكى مستغلبه ومستضعفه نفسك
مع انك ممكن كمان في المواقف تاخدى حقك تالت ومتلت
بس بيجيلك حاله سكوت مفاجئ بدهشه وبتقفي
مش بتكلمى
الله اعلم برضوا
اصل العاقل بجنون والمجنون بعقل
زي كدة
 دوال بيبقوا متقلبين نفسياَ ومودياً جدا 
يلا يارب افرح بيكى قريبآ في الكوشه كدة
^_^
___________________
هنهى باخر حد في الفضيحه 2
واستنونى في تالته بقي
ان شاء الله 
^_^
والروقان مع كوبايه شاي
بخيل كوبايه واحدة
ثم الآن
برغم انى تابعت الروقان مدونتك الاولى متاخر
إلا انها سايبه بصمه حلوة اوى في دماغى
بمواضيعها باسلوبك
مش هقولك رجعها زى ما كتير طالبو
لانى عارفه انك لو كنت رجعت بيها
مش هتكون بدايه جديده لشخص اللي
شايفه بيتكلم قدامى دلوقتى
وساعتها القديم هيفقد
حلاوته 
زناتى الشخص المضحك دائمآ
المجنون الى حد كبير
معتزل للكآبه الظاهره
ومحب للوجع الداخلى والنفسي
مفرط النشاط 
للحد الذي يوصله للتعب
الي عدم التفكير في اي شئ يألمه
او ربما يختبر صلابه قلبه
في تحمل كل ذلك
وبرغم كل مجهوداتك
في اثبات ان مبيفرقش معاك
اى شئ وحد راح يجى حد مكانه
إلا انك بتعتز بكل شخص تقابله او تعرفه
وبتحفظله مكانه جواك وبتبقي متذكر
لي كل شئ الحلو والوحش
بس الحلو عندك بيطغي 
ولا انا بتهيالي
وبرضوا برغم اثباتتك بانك
مش واخد بالك من اى حاجه
ومش مهتم باي شئ
الا ان من جواك بتبقي مهتم فعلا
وبتبقي واخد من كل فعل وكل حركه
اللى قدامك بيعملها
بس بتظهر عكس دة وكان
مش المفترض ان اللي قدامك يعمل كدة
مع انك مبسوط من جواك باللي عمله
معرفش هل دة اسلوبك علشان متتعلقش بحد اوى
ولا علشان متعلقش حد بيك انت اوى
مدونتك الجديده 
في راي الشخصي
تحمل جزءً بسيطاً
من شخصيتك اللى عرفتها في الاول من خلال البلوج
ثم تحول غريب ومزج حزين 
وكلام بيضحك بس طالع بعمق
اطول وجرح اكبر
وكأن كل حرف اصبحت
تعنى به شئ ما في داخلك
والله اعلم برضوا
انت بالذات مش هستغرب
لو قلتلى ولا حاجه صح
لانك متقلب اصلا وصعب تتمسك
ههههههههههههه
 ______________
اتمنى محدش يمل من الفضايح 
وادعولى لانى داخله علي امتحانانين الفترة اللى جايه
واحد بيحدد مستوايا في شئ والتانى بيحدد مصيري في شئ برضوا
ههههههههههههههههه
استودعكم الله
:))  



اضغط

هناك 41 تعليقًا:

  1. طبعا في اللي قلتيهم

    انا متابع جدا وتشرفت اني اتعرف عليه كويس

    مصطفي سيف واكاد اجزم انك صدقتي في كتير من اللي قولتيه

    ورحمة

    هي قلب يمشي علي قدمين

    رائعة الحديث

    ومش عاقلة ومش مجنونة

    متابعها من زمان

    وبيعجبني كتابتها جدا

    انا بشوف ان ليها من اسمها نصيب كبير

    هي اخت راقية وفاضلة

    ردحذف
  2. استاذ خالد
    ^_^
    اخبار حملتك الانتخابيه والتوكيلات إيه :)

    انا كما شرفت بمتابعتهم هما الاتنين

    فعلا رحمه ليها نصيب من اسمها جدآ
    يعنى اكثر من اللازم في بعض الاحيان

    واستاذ مصطفي انسان رائع في كتابته ومتميز في شخصيته فعلا :)

    نورتنى بوجودك وخدت بحسي
    انا قولت انا الوحيدة اللى صاحيه دوقت ^_^

    ردحذف
  3. دا كلام يارنا

    بقي انتي اللي ماسكة الحملة الانتخابية

    وبتسالي عن اخبارها

    انا كدة شكلي هغير ك

    وهاجيب محامي كبير احسن انتي شكلك هتضيعيني هههههههه

    تحيتي

    ردحذف
  4. هههههههههههههههههه
    ههههههههههههههههههههه

    ينهار ابيض ياجدعان لاء ياعم تعالى تعالى
    وهعملك تخفيض نظرآ لغلطه الفاضحه دى هههههههههههه

    ردحذف
  5. يابنتى انتى المفروض مش تسمى البوست فضايح
    ده المفروض تسميه عياده الدكتوره رنا للتحليل النفسى هههههههههه
    حبيت طريقتك اوووى فى وصف كل شخصيه من وجهه نظرك انتى واللى شايفاه
    سواء من التعامل المباشر او الغير مباشر

    ردحذف
  6. على فكرة انتي كارثة و ميبنش عليكي :)
    عرفتي ده كله منين؟
    و بعدين انا اقولك اديهم تيجي عليا انا الغلبان الطيب المهاود؟
    المهم لون المدونة كده احسن
    و صدقتِ لابعد الحدود لما اتكلمتِ عني و معرفش عرفتي ده كله منين
    و تقولي عليا انا اللي سارق الافكار
    اهوه انتي بقى اللي بتقري الافكار :)
    شكرا ليكي يا رونا
    و اديني في الفضايح اوعي تكوني وقفتي

    ردحذف
  7. كنت مستنية التسييح بتاع مها بفارغ الصبر ههههههههههههههه


    اعتقد اتك صدقتى بالنسبة لمصطفى جدا على حسب معرفتى بيه
    كملى كملى وافضحى على اد ماتقدرى

    ردحذف
  8. رونفرويد

    تعرفى انا مبسوط جدا جدا جدا
    انك حللتى شخصيتى فى الاول و كنتى لسه بتتعلمى
    تعرفى انا هقولك حاجة
    مصطفى سيف نفس اللى انتى قلتى عليه
    كل شخصيات المدونين اللى شفتهم طلعت كما رسمهم خيالى
    عارفا لى رونفرويد
    عشان تقريبا مش باتابع اى مدونة الا لو حسيت بالصدق
    الحمد لله انى كنت فى الاول انتى دلوقتى تخوفى
    هههههههههههههههههههههه

    يا ترى مين اللى جاى على الشازلونج

    تحياتى

    ردحذف
  9. هههههههههههههههههههههههههههههه
    رنا أنتى بتهزرى والله العظيم !
    أنا كنت متأكدة اصلا أنى مش هبقى من المفضوحين اصلا .. أقوم أصحى ألاقينى مفضوحة على غفلة بدون أى مقدمات كده ؟! ماشى يا رنا

    أولا أسمها أكلك منين يا بطة مش أكسكك منين اصلا :$ :$
    بلاش موضوع الحب من أول نظرة ده علشان أنا فى مفجأة رهيبة اصلا مش هتصدقيها .. هنزلها فى البوست بتاعى الجاى والى مش عارفة هنزله أمتى اصلا :D

    موضوع التفكير ده قررت أوقفه كمان هههههههههههههههههههه

    أوووووووووه .. يو نو أنى لما بتعزل مش علشان أحسسكم بفرق .. ده بيبقى بعد ضغوط قهرية ومحاولات مستميتة لأنى معملش كده بس مش بلاقى حل غير الانعزال ساعات اصلا .. زى ماهو حاصل اليومين دول :)

    الأمان خلص من الدنيا على حظى المنيل يا رنا يا أوختشى :$

    أنا فالشدة شديد وفالقوة قوى قوى قوى قوى يعنى اصلا هههههههههههههههههههههه

    شفاف دى هى مشكلة حياتى الى هحاول أغيرها بأذن الله .. كده بقه أبقى غيرت كل حاجة قولتيها هههههههههههههههههههههههههه
    حلوة فضايح الناس التانين الى منهم أعرفهم ومنهم لا .. بس خلتينا نعرف الى مش عارفينهم ودى حاجة كويسة :)

    كورونتى .. :)
    وبسسس

    ردحذف
  10. صباح الفل ع ست الكل

    اتهمناكي بطال عفاريت وجن وكده ههههههههههههههههههههههه

    حلوة الفضائح بتاعتك دي بتعرفنا بمدونين مكنتش اعرفهم
    اما ع الاستاذ مصطفى من قصصه وكتاباته بيبان عليه هادئ ومتزن وزي ماقلتي فيه شقاوة جواه ^_^

    تقبلي مروري ياقمر ^_^

    ردحذف
  11. إستمتعت جدا جدا يعني

    مها ورحمة وزناتي دول اللي أعرفهم
    حقيقي الكلام مظبوووووط جدا جدا يعني

    بجد بجد مش هقول بقى تحليل شخصيه وكده
    تؤ تؤ كلامك اللي قلتيه ده إن دل فهو يدل على شخصيه قلبها بيحس بقلوب الناس وباللي جواهم بسرعه دي نعمة حلوة قوي قوي يا رنا بجد

    ربنا دايما يديكي بصيره حلوة حلوة كده فـ قلبك الجميل قوي قوي ده

    ردحذف
  12. هههههههههههههههه رنا بجد انتي مسكره
    يخربيت دماغك العسل دي
    والناس اللي بتنقيهم كلهم زي العسل ومدوناتهم رائعه :))
    تحياتي ليكي وليهم

    ردحذف
  13. كده بقيتى تخوفى والواحد لازم ياخد باله كويس :)


    جميل اوى تحليلك وفعلا لحد كبير بحسه صادق

    شكرا مرة تانية لانك بتعرفينا على ناس ومدونات جديدة :)


    دمت بخيييييييير

    ردحذف
  14. دندن
    هههههههههههه
    لو سمحتى بقي متغيريش عنوانى الله الله
    ايه دة بقي

    انا حبيتك وجودك اوى كنت مفتقداه جدآآ جدآآآ :))

    نورتينى اوى اوى

    ردحذف
  15. استاذ مصطفي

    انا كارثه البرطمان وقع تانى ههههههههههههههههههه
    لاء بقي انت غلبان الله بس مشاكس في ذات الوقت :):)
    بيجد صح ولا انت بتجاملنى بقي :):)

    لاء ان شاء الله مازال في جعبتى الكثير بأذن لله علي الفضايح مكملين :))

    نورتنى اوى وضحكتنى كارثه دي

    ردحذف
  16. نورر :)

    احم احم ما بلاش يابنتى الاستفزاز اللى بتستفزى ليا دة وبلاش كملى وافضحى قبلك عملوا كدة خسروا :)

    حاضر عموما مكمله ان شاء الله
    ^_^
    نورتينى واسعدينى كالعاده يعنى

    ردحذف
  17. خالوا خالوا خالوا
    ههههههههههههه

    بص يا استاذ ابراهيم بقي
    مع حضرتك مكنش ينفع احلل بقي
    انت مش محتاج تحليل انت من الشخصيات الواضحه والصريحه في كلامهم يعنى
    فحبيت ابين جمال مدونتك وكلامك وتأثيرك علينا كلنا يعنى

    انا مكمله اهو ربنا يستر هحاول اجيب البر بس حاسه بعد ما ابقي علي البحر يمكن هههههههههههههه

    الدور الدر الدور الدور ياللي عليك الدور هههههههههههه

    نورتنى يا خالى بيجد يعنى بسعد بوجودك وكلامك :)

    ردحذف
  18. الجزء الاول انا بهرج مش بهزر نياهاهاها انا قصد احسسك بالامان ثم اغدر هههههههههه


    أولا أسمها أكلك منين يا بطة مش
    ايه غلطه سرعه كيبورد ليس اكثر هعدلها بقي هههههه

    مفاجأة ومش هصدقها ومش هتقوليها طبعا الا لما تنزليها ماشي ماشي ههههههههههههه

    بجد هتوقفي يبقي هتخلينى انا افكرلك وافكرلي وانا هيبرت الفترة اللي فاتت هيبره بقي هههههههههههه

    انا عارفه انتى غايبه ليه بس بهرج واقولك بتحسسينا بفرق انتى شاغله نفسك علشان تتحجى ليه مش معبرنا وتححجى علي مشاكلك اللى مش عايزة تفكري فيها
    وبهرج بكلمه تتحجى برضوا بس ممكن تعتبري الباقي مش تهريج ههههه

    عارفه يابنتى انك شديده يادوبك زاحد حصان ومقطع هههههههههههههه


    نورتينى يا مهجتى بيجد يعنى
    ايه حكايه ماشي دى لو ماشيه امشي وبلاش صداع ههههههههههه
    كويس اعتقد انتى عارفه رحمه كويس
    الكلام منطبق ولا :)

    نورتينى اوى <3

    ردحذف
  19. روش
    يابنتى انتى تدخلى من غير ما اتقبل أصلاً :))

    اة يابنتى اتهامات فظيعه يعنى يعنى

    بس بسطونى بيها بحب التهم الطازة اوى انا
    طيب كويس نفس الاحساس يعنى يا روشا

    ربنا يخليكى هو انا عمرى اتكلم عن حد يبقي وحش او مدونته دون المستوى يعنى :)))

    اسعدنى تتواجدك بشدة :)

    ردحذف
  20. فراشه
    كومنتك خلى قلبي دوم دوم دوم كدة
    بجد يعنى ربنا يفرحك زى ما انتى فرحانى اوى كدة ياقمر

    بجد انفع يعنى يا مونى :))
    ربنا يخليكى ياقلبي والله
    انا مش بصدق اننا كشله كدة عرفنا بعض وانسجمنا كدة يعنى :):)
    وانتوا كلكوا شفافين وجمال اوى اوى من جوة وبرة كدة

    اللهم آمين ربنا انعم علينا كتير وعليا بالذات ومن ضمنها معرفتى بيكى وبالكل بجد :)

    احبكى انا :)

    ردحذف
  21. نغومه

    يا خراشي انا مقصره معاكى ومع متبعتك معلشي بجد سامحينى المزاج داخل غلط اليومين دوال

    ربنا يخليكى ليا ياقمر وتعيشي وتدلعينى كدة :))

    بيسعدنى تواجدك وطلتك

    ردحذف
  22. رؤي شغاله انتى معاكسه مرة من رؤي
    ومرة من امه الرحمن الله

    ربنا يخلكى انتوا اللى صادقين وحلوين من جوة علشان كدة بتحسوا باللي قدامكم :))
    منورانى دايمآ ياقلبي

    ردحذف
  23. و طبعا بعد الفضايح البلوجية دي الواحد يقللك منك بقا هههههههههه ايه يا بنتي ده انتي ازاي كده بجد تنفعي محلل نفسي بشدة وبعنف كمان
    و ابقى عند رأي اللي متمسكة بيه من ساعة ما عرفتك انك زي السكر اوي خالص :))))))
    تحياتي يا روني الحلوة

    ردحذف
  24. افكار شيمو :)
    هيهيهيهيه تقلقي ليه بتعملى حااجه غلط لسمح الله يعنى :)

    وانا مازالت متمسكه برايك دة يعنى هههههههههههههه بتحاولى توقيعينى انتى في شر اعمالى :)

    نورتينى واسعدنى تواجدك

    ردحذف
  25. الحب شىء وهبه الله لنا كى يكن بيننا الرحمه والود اشعر من خلال كلماتك بروح الاسره الواحده وبروح الحب والود
    شعرت بحب من حولك كما احسست بالحب منكى لهم جميعا
    اسعدكى الله
    تحياتى ابوداود

    ردحذف
  26. استاذ ابو داود

    شكرآ لحضرتك لقد اصبح البلوج بيتى الثانى رغم ان اصبح بيوت كثيرة وذلك بفضل الله وبفضل الاشخاص الذين يفتحون لي ذراعهم دائمآ

    اشكرك بشدة علي كلامك دة

    نورتنى واسعدنى تواجدك الدائم ومتابعتك لي ^_^

    ردحذف
  27. ايه يا بنتى ده
    شخصياتك المرة دى تحليلها جامد جداااا
    عارفة انتى انا بحب اسلوبك قد ايه
    بس المرة دى رررهيب خصوصا كلامك على مها
    كنت مستنية هتقولى عليها ايه ههههههه
    جامدة يا رونى كالعادة استمرى :)

    ردحذف
  28. يويو

    رافعه معنوياتى هيه هيه هيه
    ^_^

    بيجد بيجد انتى موش ممكن ايوة
    انا اعجب عارفه انا

    ايه حكايه مها انتوا بتحبوها اوى كدة ليه

    ربنا يخليكى وهكمل اهو :)

    ردحذف
  29. يارنا !
    مش لاقية تعليق !
    بجد والله
    يمكن لو كنت في حالة نفسية افضل من كدا شوية كنت رغيت كتير !
    بس والله فرحانة بتحليلك الصح جدا لشخصيتي وممم مش عارفة اتكلم بقي :(
    سامحيني

    انا هاجي تاني عشان اقرا كل حرف عن كل حد
    بس اعذريني دلوقتي !!
    وبجد انتي جامدة عشان فعلا بتتكلمي عني صح جدا علي ما اعتقد يعني
    وبالنسبة ان اللي بيزعلني دا مبيفهمش
    فا انا دلوقتي كل اللي حواليا مبيفهموش :D
    يالا بقي هابقي اجي تاني وارغي عن كل حرف كتبتيه عليا وعلي مها عشان برده اعرفها معايا :D

    ادعيلي <3

    ردحذف
  30. ريمو

    عجبتنى الداخله يا رنا بتندهى عليا من البلكونه حضرتك ههههههههه

    وانا مش لاقياكى بقالي كتير هههههههههه

    براحتك ياحوبي براحتك لدرجه انى يعد ماعرفت انك هتفضحينا فمش لازم تفنطى وتوزعى وشغل الكوتشيانه دة

    وزى ما بقولك لو اللى حواليكى كلهم طلعوا مش بيفهموا فانا اعجبك بفهم ومدقدقه اه والله ههههههههههه

    ردحذف
  31. هههههه والله ضحكتيني يارنا

    اصلي ازبهليت كدا في الاول
    وبعدين معرفتش اقول ايه
    فقولت ابدأها بـ اني انادي عليكي :D

    المهم متقلقيش
    انا بس هعمل نفسي بفضحك :D

    ربنا يخليك ليا ياكابير يافاهم يامدقدق ^_^

    استمري ف الدعاء بقي:D
    عاوزاها تتحل ان شاء الله بكرة زي ما بتتحل كل مرة بتدعيلي فيها <3

    ردحذف
  32. http://anahora.blogspot.com/2012/03/2012.html

    ردحذف
  33. من البوست اللي فات
    وانا عماله الف الف علي مدونات جديدة عليا اكتشفت انه لناس فعلا جميلة
    في الفترة اللي غبتها عن بلوجر
    في مدونات جميلة ظهرت
    :)
    شكرا علي التعريف بالناس الجميلة دي

    ردحذف
  34. بجد شعرت ان اللى كتبتيه عن مصطفى قريب قوى من شخصيته يا قروبه امال بقى لو قعدى معانا كلنا حتقولى ايه تانى
    بجد محلله نفسيه رائعه عن بعد
    يا ترى الدور على مين

    ردحذف
  35. ريمو انا مستمرة اهو

    والله يابنتى

    عيونى :)))

    ردحذف
  36. ماما شمس

    طيب الحمد الله ومعرفه البلوجات ردود :)))

    نورتينى كالعاده ياقمر :)

    ردحذف
  37. هوبا

    ههههههههه انا اروبه هيه هيه هيه

    بيجد ربنا يخليكى ليا ياقمر

    الدور الدور ياللي عليك الدور يلا حيوا معايا ............

    لما يجى الدور بقي
    :)))

    نورتينى

    ردحذف
  38. what shall i say
    اكيد طبعا لو الكلام كله غلط مش هقولك
    والا هبقى عيل رخم قوى يعنى
    P:
    طب اقولها صح
    عشان تقعد تقول انا شاطره وفاهمه وكلام وبتاع وشييتوس بالنعناع
    عموما يعنى اولا اسفين عالتأخير الشديد ده
    محسوبك بقى امين اتحاد طلبه
    وبقى واخد فصل فى صناع الحياه
    وبقى شغال فى حمله سوريا
    وبقى بيزبط بريزنتيشن انجلش لبتاع الفين واحد
    ووراه ميد تيرم زيك
    فالحياه فوق التنين بمراحل
    ممممممممممممممممممممممممممم
    هقلك على حاجه
    الانسان قدرته على التحليل النفسى بتختلف من شخص لأخر
    لو جنس بيفسر جنس تانى اكيد هيعدى نسبه الخمسين فى الميه صح
    لانه مش بيوصف سمكه يعنى
    اكيد بيوصف بنى ادم وعارف ومجرب بعض الاحاسيس
    فبيعرف يفسر
    بس لما بتبتدى تعدى نسب معينه
    الواحد بيبتدى يقلق
    ان حد بيتجسس عليه كده
    :]
    اولا انا مضحك دائما ودى هعديهالك يعنى مش تريقه عليا اكيد
    ههههههههههههههههه
    اه يا ستى انا مبعرفش اقعد فى حته الا لما اهزر
    عبيط اعمل ايه بس
    بحب اعمل زنجليون حاجه فى المره الواحده
    نفسى اليوم يبقى زى بتاع كوكب المشترى
    ييجى متين تلتميت ساعه
    عشاوز اخلص الاف الاشياء فى نفس الوقت
    وعاوز اتعلم ملالين الحاجات فى نفس الوقت
    الكأبه الظاهره دى انا شايف انها طلب عطف واستجداء رحمه من اشخاص بعيدين كل البعد عن حالتى النفسيه
    يبقى ليه يعنى
    الوجع الداخلى مستحيل ميكونش فى حد
    المشكله بس ان البنى ادم بيضيف
    ومش بيتخلص من القديم
    فبيحمل على نفسه
    واحيانا الكيان المتعايش حواليه بيفكره بحاجات قد تكون قديمه بشده ومبقتش تشكل عبئ
    فجاه تحضر وكأنها جديده لنج
    والجمله بتاع حد راح وحد ييجى مكانه دى جمله ظريفه قوى يعنى
    جمله تدل على
    ولا بلاش
    يلا
    هههههههههههههههه
    لا طبعا
    كل شخص عدى عليا فرق معايا قوى
    فرق معايا بشده
    فاكره بكل تقاسيمه واول مكان شوفته فيه
    بس بصراحه
    بحاول مفتكرلوش اى حاجه
    عشان اخلينى عالحياد
    لان اى تفكير بسيط
    بيخلينى اتجنن فجأه
    وبالنسبه للسؤال
    هل ده اسلوبك عشان متتعلقش بحد قوى
    اه
    عندى بيحصل حالات تبادل لناس كتير
    ناس بتيجى وبتروح وبييجى غيرها
    بس عمرهم ما وصلوا معايا لنقطه ما وصل ليها معايا شخص واحد فقط
    عارفه عمرو دياب وهو بيغنى يقولك
    انت مش جايلها ده انت جاى تنسى
    حاجه كده
    وعلى فكره كلامك الكبير اللى فى الاخر ده حلو
    بس ده معناه انى كبير بقى وخطير وبتاع
    وانا مش كده
    انا بكتب اول ما احس انى عاوز
    ولما مش بكتب
    بسكت
    وافكر
    كلامك كله صح
    مينفعش اقول ان فيه غلطه
    مع انى كان نفسى اقولك انه كله غلط
    بس انتى فقستينى
    وكبستينى كمان وقولتى مش هستغرب
    يعنى مفيش ايتها فايده
    وعلى فكره هتفضلى تفكرينى بشخصيه معينه
    عمرى ما هنساها
    وكنت بحب اعمل كده قوى زيك فضايح وبتاع
    بس لو فضحت حد
    معنديش غيرك بصراحه بييجى يزورنى انتى وفراشه
    هفضح اصاحبى يعنى
    ليعملوا عليا جروب ويقولولى بطاقتك ويثبتونى
    لا يا ستى
    الله الغنى
    انا شطور وهسكت اهو
    صحيح


    حيث انك لاتدري حينما تعود
    بعد الضغط النفسي
    من الذي كان يضغط علي الاخر
    نفسك ام انت
    فتجدها تغيرت بشده
    بعد كل ضغط يحدث
    فالنهايه ستصل بعد فترة
    الى شخصآ جديدآ
    تعرف من حولك عليه
    من جديد

    ردحذف
  39. ههههههههههههههههه

    ودايماً الواحد المفترض يحط في باله انه لو سوسه في الاسوس منه اذيك يا اسوس بقي ^_^

    طيب بيجد عدت كلامك كتير قله اوى اللي بيحيرونى وبفهم كلامهم متاخر وانت مش منهم نياهاهاهاها شويه غتاته مطلوبه:)))))))

    انا مش هفرح تصدق انا من جوايا اتمنيت تقولى ايه يابنتى كله دة انا مش معقد كدة والدنيا عادى والحياه بيس هههههههههههههه
    بس انت كبستنى واعترفت حقيقي ما انكرتش هههههههههه
    ومقولتش كدة غير في كتاباتك بس عجبنى كلامك :)

    والله ما عندى تعليق علي كلامك
    وانا عارفه انك بقيت امين الاتحاد
    بس صناع الحياه جديده وحلوة الله معك ويكرمك يارب
    ملحوظه انا معنديش امتحانات وميد ترم ههههههههه انا عندى اختبارات اخري في الحياه
    انا مخلصه يا باشا ^_^

    في الاخر احب اقولك اتشرفت بمعرفه شخصيه متميزة زيك كدة :)

    ردحذف
  40. وانا كذلك سعيد انى اتعرفت على شخصيع زيك يا رنا
    خصوصا لما الشخصيات المميزه تبقى اصحاب بيعملوا حاجات كيويسه
    وحيث كده انا بأعلنها رسمى فى تعليق اهون
    عاوزين نعمل موضوع مشترك
    هه
    بس
    يلا

    ردحذف
  41. نهار ابيض هههههههههه

    انا مقصدش يامعلم انا ماليشي دعوه هههههههههههههههههههه

    ربنا يسهل تعلنها رسمى وتدبسنى امام الجماهير الغفيره ههههههههههههههه

    ماشي يا زناتى

    ردحذف