2012-07-20

ختـــــــــــامهـــــــا ... انتــــــــــــــــم



ايه الجمال دة احنا لحقنا نخلص الشهر انا حاسه انكو ضحكتوا عليا
طبعا كالعاده انا مش من اللى بيعرفوا يدونوا يومى ومن مفضلين اسيب يوم كده في النص الناس تلحق تقرأ كفايا جري وياعينى كنا بننهج ازاى 

يارب رمضان يكون حلو عليكوا لأ انا طماعه مش هقول كده واسكت بقي
انا حابه ارغي هههههههههه

بيجد فعلا رمضان السنه دى هيكون مختلف لان في صحبه حلوة 
هى انتم وخيركم اللى اصبح فائض علي الواحد 
انا بيكم وصلت لحاجات كتير مكنتش متخيله انى اوصلها الحمد الله
وبجد ممتنه لحمله اللى خلتنى اكتشف ناس كتير حلوة واكتشف نفس الناس اللى اعرفهم من تانى وابداعات لا حدود لها 

____________________

عن رمضان اتحدث

حاولت اجدد واعمل شئ يحسسنى بيك ايها الشهر الكريم 
يمكن السنه اللى فاتت اميز حاجه فيك اول حفيد للاسره ويسمى بصفتك كريم
بس لاننا في مصر اصبحنا لا نشعر برمضان والاعياد والاحتفالات زى زمان اصبح دخلتهم بتكون عاديه ومش بتبهجنا كتيير 
السنه دى هحاول ميكونش كده
جابت هلال ونجمه وفانوس من اللى بينوروا دوال وعلقتهم بقي هيه
 
كل سنه بقفل الفيس بلا تردد وبصر علي كده السنه دى متردده جداا في الموضوع دة لاكتر من شئ

كل رمضان بقفل باب مهم بيكون غلط بنهى قفله وبفرح بنفسي اوى وانا بعمل كده ابتغاءً بس في رضا الله رغم انى بلاقي ناس كتير يقولوا ليا وليه مفيهاش حاجه وكده بس بكبر بقي واصمم وامشي في ذات الطريق 

عجبتنى جمله لمصطفي حسنى لما قال ان الانسان مبيقربش ويتعبد ويحضر دورس دينيه الا لو كان حاسس بالم البعد عن الله علشان كده بيحاول يفتح اى باب معاه يحس فيه انه قريب منه ولازم نصارح نفسنا احنا مقصرين ازاى فى حقه 

بالمناسبه مشجعش حد بيجد ياكل كتير علي الفطار خاصه لو هيروح يصلي تراويح في المسجد خليك خفيف وارجع تقل بقي براحتك 

طبعا احنا كبنات منا اللى بينزل يصلي واللى بتحترم ذاتها وتخليها في بيتها
بس بيجد نفسي انزل مرة المسجد الاقي مكان السيدات منظم مفيهوش اطفال صغيره بتجرى قدامك وانتى بتصلي ويبصولك ويضحكوك والرغي بتاع البرايك اللى الشيخ ييستغيث منه لانه فعلا طعم التراويح في المسجد مختلف عن البيت بكتيييرر

كل رمضان واحنا مقاطعين المسلسلات المتخلفه بتاعتنا يكفي انهم بيستغلونا شهر واحد بس يبجبوا كل الارادات وطول الشهر نقضيها تركى يعنى نرمم بره بلدنا كمان دة ايه دة
علي فكرة المسلسلات السنه دى وصله لمليارات اجمالى يعنى
والبلد فقيره وبتنهار عايزين ينتجه مسلسل لفيفي عبده مثلا ونكسبهم كمان
فعلا الشيطان بيجهز لرمضان من قبله بشهر علي الاقل بالحاجات دى
ربنا يكوون في عون اللى هيفضل قدام التلفزيون هيبقي زيه زى الريمود

كل رمضان وفي جدول بنحطه وبنغيره ونزود ونقلل ونظبط ونتعبد ونتراحم ونتواصل ونمد 
وبجد جدول مدونه يوم من عمرى نيللي اللى هى دينا حطت لينكه في بوستها جدول جامد وبسيط لاى حد ويارب مع بعض يا ولاد للاخر نكمل المسيره اللى من قبل رمضان بشهر دى :)

في الاخر مش هكتر يلا هنجز اهو
كل رمضان وانتوا بخير وانا علي قلبكوا ومش تتحرموا منى
(غرور بقي)
كل رمضان وانتم طيبين يا آل بلوجر جميعا وجميع اسرركم يارب 
^_^


   

هناك 33 تعليقًا:

  1. كل سنة و انتى طيبة
    كل سنة و انتى رونا

    السنة الجاية اشوفك بفستان مختلف خالص
    مش هقول عليه عشان متكسفيش

    سلام يا رونا

    ردحذف
  2. كل رمضان و انت بألف خير و الأسرة الكريمة،و كل رمضان و الأمة الاسلامية بخير و أمن و سلام..رمضان كريم،و تقبل الله منا و منكم صالح الأعمال

    ردحذف
  3. ايوه انا بحب رغيك ده ارررغى براحتك خالص كلنا وراكى :D

    حلوين اوووى الحاجات اللى بتنور دى
    فعلا رمضان والاعياد وكل المناسبات بتاعه زمان دى
    مابقتش زى الاول والواحد مابقاش بيحس بوجودها زى قبل كده للاسف
    بس من جوانا احنا بتلاقينا بنحاول باستماته اننا نعمل كل حاجه تحسسنا بالايام دى

    والله نيللى كانت قالت كلمه فى حكايه الفيس بوك دى لما فكرت انها تقفله
    وموناليزا قالتلها اعتبريه صدقه جاريه
    انا حبيت جداااا الفكره سبيه مفتوح وخليه صدقه جاريه ليكى
    سبيه مفتوح ونزلى فيه اللى يكون ابتغاء فى رضا الله وبس

    اثرت فيا اوى نفس الحته اللى قولتيها بتاعه مصطفى حسنى دى
    فعلا احنا بنستنجد بأى حاجه عشان نقرب من ربنا اكتر لاننا عارفين من جوانا كويس اوى اننا مقصرين

    كل رمضان اروح اجرب يومين فى المسجد فى صلاه التراويح ومش اكررها تانى :((
    بسبب اللى بشوفه هناك فعلا الواحد مابيعرفش يصلى من كميه الاندهاش اللى بتحصل فى دماغه من الناس اللى بتكون هناك
    يعنى ايه وقت الصلاه الاقى واحده نايمه جنبى ؟! اومال هى جايه ليه اصلا؟؟؟

    المسلسلات دى بقى
    الحاجه اللى الشيطان سايبهلننا من ريحته :D

    كل رمضان وانتى بخير يا حبيبتى
    ويعود عليكى الايام بالسعاده والحب وراحه البال ان شاء الله :)

    مبسوطه جدااا انكم بتزينوا رمضانى السنادى ♥

    ردحذف
  4. ايه التعليق ده كله ده انا رغايه اووووى ^____^

    ردحذف
  5. كل سنه وانتى طيبه يا رونا يا عسوله
    ورمضان كريم

    ردحذف
  6. هههههههههه
    كل سنة وانت طيبة وبخير
    انا مش هقفل الفيس بوك
    لان عيد ميلادي بعد يومين وعايزة الناس متتحرمش مني وتجيبلي هدايا كتييييييييييييييير واولهم احمد اخويا اللي خيرته بين ثلاث هدايا عربية اوبترا ولاب توب توشيبا وموبايل تاتش ههههه
    يا لهوي ع الافترا
    انا الحمد لله رمضان عندي دايما بعمل فيه حاجة جديدة تقربني من ربنا
    كفاية ان امبارح الفجر كنت بدعي دعاء لنفسي اول مرة وانا اللي عمري ما كنت بدعي لنفسي بالشكل ده
    وناوية اكتب تدوينة عن الدعاء ده لانه فعلا يستحق
    ده طبعا ما بعد دعواتي لكل اصحابي واللي هما كتيييييييييييييير جدا

    ردحذف
  7. كل سنة وانتى طيبة ورمضان دايما اجمل عليكى وعلى كل اللى بتحبيهم

    ردحذف
  8. كل سنه وانتي طيبه يا رونا.. وبصحه وسعاده دايما

    ردحذف
  9. كل عام وانتى يخير ..
    تحياتى لك
    نور

    ردحذف
  10. كل رمضان وقلبك أجمل وأقرب لله ان شاء الله
    التحدى فى رمضان ان حياتك تفضل زى ما هى
    فى رمضان وفى غيره واللى تحسى انه مش صح فى رمضان يبقى تتعودى تلغيه على طول
    زى المسلسلات والاغانى مثلا انما الفيس حالة تانية
    لو شايفه انه بيلهى قللى دخولك عليه
    انشغلى بالذكر والعبادة هتلاقى قلبك وعقلك نساه وحتى لو دخلتى تشوفى صحابك او
    تقرى حاجة هتشوفيها وتقومى علشان مش هيشدك
    ربنا يعينا جميعا على الذكر والشكر وحسن العبادة

    ردحذف
  11. أزال المؤلف هذا التعليق.

    ردحذف
  12. كل سنه وانت طيبه وان شاء الله رمضان السنه ده يكون شهر كله خير على الجميع
    تحياتي

    ردحذف
  13. خالوا ابراهيم :)

    وانت طيب وبخير يارب
    ايوان متكثفنيش بقي :)))

    ________________

    يارب عليك وعلينا يا احمد :)

    __________________

    دندن يا ندن هههههههههههههههه ضحكتينى حاضر هرغي هرغي :))

    ايوان صح مش زى الاول خالص
    ونيللي لما قالت كده اللى قالتلها الجمله كانت امل مش مونى :)

    والحته دى اثرت فينا كلنا فعلاااا

    وانتى طيبه واحنا مع بعض ياقلبي

    وبراحتك متتخضيش يابنتى ارغي براحتك برضوا :)

    ___________________

    وانتى طيبه يا هوبا ياقمر
    والله يخليكى ياقلبي :)

    ________________

    رحاب داخله علي طمع هههههههه
    وانتى طيبه ياستى من دلوقتى اهو عملت الواجب :))

    ورمضان كريم عليكى والله يخليلي وجودك ياقمر :)

    ______________

    عالمى ازرق
    وانتى طيبه ياقلبي وبخير يارب :)

    _______________

    انا وانتى يا اميرة وبخير دايما ياقمر وانتى طيبه وربنا يخليكى ليا :)

    _______________

    نور القمر
    وانتى طيبه ياقمر

    _________________

    يويتى ايوان ماهو البدايه في رمضان وبتكمل كمان :)

    لاتقلقي الاغانى بطلتها من زمان اللي بسمعه حاجات معينه بس :)))

    والمسلسلات اللى هى مفيش منها غايه دى ااعوذ بالله منها يا شيخه

    وانتى طيبه ياقلبي وبخير دايما :)

    ___________

    بشمهندس وانت طيب يارب وبخير :)

    ردحذف
  14. كل سنة وإنتى طيبة ويارب دايما إلى الله أقرب :)

    فقري

    ردحذف
  15. كل سنه وانتى طيبة يا رنا

    رمضان كريم وجميل بس خليكى بعيد عن التلفزيون انتى كده ميه ميه

    يارب تعود عليكى الايام بكل خير وصحة وسعادة

    تحياتى

    ردحذف
  16. رونا الغالية
    نا معكى فى رايك بالنسبة للبرامج والاغانى
    اعتذر عن تاخير ردى والعذر على رمضان

    ردحذف
  17. شاب فقري
    وحضرتك طيب وبخير دائما وابدا

    __________

    عمو فاروق

    مافيش تاخير ولا حاجه
    ورمضان كريم علي حضرتك

    ردحذف
  18. كل سنة وانتي طيبة وبخير يارونا يا حلوة انتي ويارب يعود عليكي بكل خير ويتقبل منا صالح الاعمال ويساعدنا على التقرب اليه بالعمل الصالح ونستغله على قد ما نقدر
    بالنسبة لصلاة التراويح يعاني من نفس الموضوع اوي والاقيهم بيتكلموا و يجيبواف سيرة الناس ف المسجد تخيلي ببقا هتجنن منهم
    ربنا يهدي الجميع ويصلح الحال
    ايه ده انا رغيت اوي كده ليه :))))))))))

    ردحذف
  19. شيمو

    انتى ترغي براحتك اساسا :)))))

    المعاناه واحده والصلاه واحده يابنتى

    يارب اللهم آمين ياقلبي انا وانتى وكل اسرتنا يارب :)

    بحبك يا حلوتى

    ردحذف
  20. اسلام

    سوري كومنتك جيه spam
    مش عارفه ليه

    وانت طيب وبخير دايما انا بعيده اهو يا سيدى :))

    يارب علينا جميعا والله اكرم :)

    نورتنى :)

    ردحذف
  21. fبحبك انا اوووووووووووووووووى على فكرة وبموت فى رغيك الممتع ده
    كل سنة وانتى صحبتى وحبيبتى ويارب مش يفرقنا حاجة ابدا
    وإن شاء الله ربنا يتقبل منا جميعا

    رمضان كريم على احلى فيونكاية:)))))))))

    ردحذف
  22. اسراء
    بحبك اوى انا :)

    ردحذف
  23. ميرو

    ايه دة علي الهوا كده نتحسد يا امى :)
    وانا كمان اوى اوى اوى

    وكل سنه رمضان يعدى علينا مع بعض ونشجع بعض بإذن الله ^_^

    يارب اللهم آمين
    والله اكرم ياقلبي :)

    ردحذف
  24. ايه ده جيت اشوف رديتي عليا قلتي ايه
    مالقيتش تعليقي اصلا
    ؟؟؟

    تعليقي راح فين:))
    نقول تاني
    كل سنة وانتي طيبة
    وارجعي المدونة وداومي عليها
    :)

    ردحذف
  25. مساء الغاردينيا يارونائي
    عارفة وحشتني رونائي مش قلتها من زمان على فكرة مدونتك مش عارفة كان مالها كنت لما بخش بوست جديد ليكي تديني صفحة فاضية والنهردة كنت ناوية اروح الفيس واكتب لك والحمدلله انها زبطت امممم ااه صحيح نسيت اقولك كل سنة وانتي طيبة ويارب كل سنة وانتي والاسرة وكل حبايبك بألف خير :)"
    ؛؛
    ؛
    لروحك عبق الغاردينيا
    كانت هنا
    Reemaas

    ردحذف
  26. ريمو :)

    وانتى كمان جداااااااااااااا
    معلشي حركات حركات البلوج بيدلع علينا :)

    وانتى طيبه ياقلبي وبخير وسعاده وصحه وسلامه كده يارب :)

    نورتينى جدااا

    ردحذف
  27. كل عام وانتم بخير
    ورمضان كريم علينا وعليكم ان شاء الله
    دمتي بطاعة الرحمن

    ردحذف
  28. وحضرتك بخير
    وصحه وسلامه
    واسفه علي التاخير :)

    ردحذف
  29. كل سنة وانتي طيبة بمناسبة عيد الفطر المبارك

    اعاده الله عليكي وعلي اسرتك بالخير والبركة

    ردحذف
  30. غير معرف6:43 م

    مساء الورد روناء

    كل عام وانتِ بخير

    عيد سعيد عليك وعلى جميع

    الأهل والأصحاب وأعاده الله عليكم

    باليمن والبركات ...

    تحياتي وإحترامي

    ردحذف
  31. كل عيد وانت مبسوطة..
    كل سنة وانت ديما طيبة :)

    ردحذف
  32. ايه يا رنا الاختفاء الرهيب ده

    يلا ارجعى للملاعب تانى

    مستنينك

    ردحذف