2012-07-05

أنـــــــــــــــا



صورة لذيذه مش كده :)
المهم انا وافقت علي موضوع التدوين الموحد دة
علشان فكرت انى هستمتع باجابات المدونين
اللى بعتز بمتابعتهم
ونسيت ان انا كمان هرد
احم وحاسه ان مش ليا مزاج
بس هجرب ويمكن كل اللى هجاوب عليه
ودة شئ معتاده هتسئله بكرة واجابتى هتكون مختلفه
^_^
توكلنا علي الله

1/ عرف نفسك ؟
رنا بنت عاديه بس بتميز ومتميزة بس عادى
عايشه اليوم بيومه
اتخرجت من حقوق عين شمس
وعاطله اهو:)
 مزاجيه جدا لدى بعض الكسل
واكثر الوقت شعله نشاط :)
 
2/ ما أكثر ما يميز شخصيتك ؟
السؤال دة خلانى افكر كتير اوى 
لان انا من الناس اللى بتحب وبتسعى لتمميز في اى شئ
بتعمله دايماً فاختار ايه واقول هو دة اللى متميز بقي
بس لما قعد افكر محستنيش فيا شئ مميز بعينه انا حاله كلها علي بعضها
هتاخدنى كابيجدج علي بعضه مش هتعرف تقسمنى
بجنونى وعقلي وفلسفتى بافكارى باحاسيسي باخلاقي
بكل شئ
يمكن اللى بيمز شخصيتى هو اللاتمييز
علشان كده عرفت نفسي ببنت عاديه بس بتميز  


3/ ما هى اهم نقطة تحول فى حياتك ؟
اعتقد اى شئ فشلت فيه كان نقطه تحول لتصميم علي نجاحات اخرى
بس لو عايزين اجابه تبسطكم
يبقي دخولى عالم التدوين السنه الماضيه 
 
4/ كيف دخلت الى عالم التدوين ؟
القدر البحت كنت بحاول سنين اعمل بلوج 
وكنت خلصت شغل المنتديات وتعبت منه
ودخلت علي الفيس وكان فكرة البلوج مرعبه ان حد يقرا
ويعلق علي اللى بتكتبه وان يكون عندك الجرأة تقول افكارك ببساطه 
بس مشكلتى انى مكنتش مركزة بقي ازاى اعمل البلوج 
لحد ما اتخرجت وفوقت وكده
وعرفت اوصل واعمل بلوج
وساعتها عرفت دينا ( بنت من الزمن دة)
وساعدتنى اظبط حاجات كتير اوى
 
5/ ما اسم مدونتك ولماذا اخترته ؟
ايه السؤال دة يا آيه 
اسم المدونه موجوده اهو منور فوق 
اخترته على طول وحاولت اغيره كتيير
بس لقيته انسب شئ ليا
لانى مبكتبش غير اللي حاسه بيه 
سواء شئ حاسيته شخصياً او من اخرين 
فكان تجسيد لمجرد كلمات من نبع احساسي
 
6/ صف مدونتك ؟
اممممم سؤال محير  هى عباره عن كلمات
احيانا حزينه وكتير مفرحه وبعضها تجارب
 واكثرها فضفضه
 
7/ من هم أكثر ثلاث شخصيات أثروا بك من داخل عالم التدوين ؟ ومن خارجه ؟
كتير انتوا فاضين يعنى 
اولهم االخال ابراهيم واسلوبه الساخر حتى كومنتاته 
بتفرق مع الواحد جدااا
آيه شئ سيبي بيننا (شخصيه جميله جدا وكاتبه رهيبه )
وطبعا دكتور مصطفي وكتاباته اللي بتحمل اكترمن معنى
عمو فاروق وبناته الجمال جدا وهبه وادبها الساخر وغزلها لقصه وكاروالين وخواطرها 
ومقتطافاتها الرهيبه وعمو فاروق الاب الروحى والتاريخ والتجارب والقصص
اللى لازم تطلع منها بحاجه
رضوى طارق  نظريات تحتاج لاثبات اسلوب وحاله عمرى ماشوفت زيهم
افكار مبعثره حاله كتابه متفرده جدا
وشيماء قهوه بالفانيليا يعنى لما تشوف حديث مع الذات تدخل بلا تردد
الروقان مع كوبايه شاي شخصيه غريبه بس فعلا بتاثر في اى حد
نيللي (عطر الاحباب ) اقول ايه شخصيه جميله جدا
طبعا دينا( بنت من الزمن دة) شخصيه تثريك بكل معنى الكلمه بافكارها 
حتى وقت كأباتها 
ريماس الحته السكرة بتاعتنا 
وشخصيه اتفقد واثرت فيا كتير بكلامها
اعقل مجنونه (ريمو رحمه) ربنا يكرمها ويسعدها وتجبلنا كتاكيت بقي
برة نطاق التدوين 
كتييير ماهو اى حد نقلك فكرة وعرفك شئ جديد اكيد بياثر
اولهم ( عمنا الكبير صلاح جاهين ويلي فاروق جويده)
عبد الوهاب مطاوع اى كتابه هو حاله ثقافيه وافكار وتجارب
لازم تحس انك مملى علي اخرك بعد اى كتاب
طيب بعيد عن العالمين دوال
عالم تالت مغمور نسبيا بالنسبه ليكم
اثروا فيا جدا وفي شخصيتى كمان بالسلب فكنت احسن بالايجاب فكنت 
بسعى للي افضل من كده 
(والدتى ، والدى ، جدتى الله يرحمها ، اخواتى ، شخصيه تدعوا بنت خالتى
جوز اختى واخويا يعتبر، وطفلاً لم يتعدى العشر شهور بعد يدعو كريم واصدقاء ادعوهم انتمتينى وشخصاً بعد مرور فترة من الزمن اعتبرته عابر سبيل)
 
8/ ما هى طقوسك الخاصة عند الكتابة ؟
بتجيلي في اوقات عجيبه لاما رايحه انام لواقفه في المطبخ وكده هههههههه
طيب هكتب ازاى وبنسي بشكل رهيب وعلشان كده بتعب
اوى انى اقعد افكر كانت الفكرة اللى جاتلى إيه ففي الاخر مش بنزل حاجه
يمكن الحمله جات نشطتنى فعلا
بس في الطبيعي ورقه وقلم وكوبايه نسكافيه واعيش 
 
9/ ما هو الاسلوب المفضل لديك فى التدوين ؟
للا اسلوب :)
 
10/ فى رأيك ما أهم ما يميز تدويناتك ؟
يعتبر زى سؤال مااهم مايميز شخصيتك ماهو انا ومدونتى واحد
كنت كاتبه عليها بحب التميز بس بعد كده حاسيت ان احلى حاجه فيها
انها ضامه كل شئ بحس به مش لازم اكون مميزة
بس المهم اكون مأثره 
فكان اهم ما يميزها اللاتمييز برضوا 
 
11/ ما هو تقيمك لعالم التدوين فى الفترة الاخيرة ؟
دخلته مؤخرا للاسف ملحقتش اشخاص كتير في قرأت ليهم بعد ما بطلوا
وزعلت جدا انهم توقفوا كده
بس اعتقد ان هناك فترة آتيه لا محاله 
هذا العالم سينقل نقله اخرى
 
12/ اختر اقرب تدويناتك الى نفسك وضع رابطها وحدثنا عنها ؟
طيب اقرب تدوينات لنفسي 
عباره عن فكرة جاتلى انى بحب افكر في كل شئ
ليه مش احوله لتفكير حلو يشحنلى يومى ويخلى اى حد يبتسم بعتز بالتدوينات دى اوى

الحيثيات بقي بعتز بيها اوى لانها انا بلخبطى كده وبفلسفتى
واخيرا التدوينه اللى كانت اول مرة انجح اكتب عن جدتى الله يرحمها

 13/ استعرض اهم المواقف الغريبة او الطريفة التى صادفتك مع التدوين ؟
صادفنى موقف طريف اوى انى مرة دخلت احد المدونات
ومركزتش هو ولد ولا بنت وانثت ردى وهو كان ولد بقي
وانى مرة علقت علي فيلم عند مدونه زناتى 
وقلتله انا الفيلم دة شوفته وانا معديه اخواتى بيتفرجوا عليه
 وهو اساسا طلع منزلشي لسه السينما 
فطلعت كدابه هههههههههه المهم طلع الفيلم شوفته بس شوفت اعلانه
فاعتقد انه نزل في التلفزيون 
 
14/ هل أحدث التدوين تأثيرا عليك ؟ وكيف ؟
السؤال دة اعتقد صعب جدا لان التغيير بيكون صعب يتحس مع نفس لوامه
ولكنى اعتقد بالتاكيد اضافلي اهداف وطور منى كتير 
 
15/ اختر اى مدون ووجه له سؤال ؟
اولا عايزة اقول لعمو فاروق وافكار مبعثره وميهو وريمو
مفتقده وجودكم في يومى بتدوينكم ومفتقداكم بشكل رهيب فعلا
ويارب ترجعوا لينا بخييير

سؤالي مش هوجهه لحد معين اللى حابب يرد يرد السؤال موجهه
للجميع 
وهو ببساطه ايه الحاجه اللى مصبرك انك تعيش ويكونلك هدف في الحياه دى
وتفضل عايش فيها وعندك امل ؟

وبسسسسسسسسسسس  

هناك 32 تعليقًا:

  1. إحم إحم إحم ... ايه ده .. اخيرا اتعرفنا هيهيهي :P

    أولا كل حاجه بتعمليها متميزه لأن عليها طابع شخصيتك .. انتى مش سهله ..رغايه جدا :P .. محبوبه جدا بشهادة الجميع .. إجتماعيه وتلقائيه .. غلبانه وطيبه (بتحاولى تعملى شريره بس فاشله فى ده هههههههه :P يارب افضل عايشه بعد الكومنت ده) متفائله برغم أى عوائق .. متألقه ومختلفه .. دمك خفيف (عشان كده كل شويه بقولك اطلعى بره .. لغايت اما هطردك من البلد هيهيهي) .. مش بجاملك فى ولا كلمه من اللى فوق ولا بكش ولا بتاع (فى الأول كنت بقول ده فى نفسى .. بس مش بقولهولك .. وخوفت اقول كده تقولى بتجاملنى .. لكن انا اتأكدت من احساسى من كلام الناس عنك ^_^ )

    أحب أرد ع سؤال الأخير بعد إذن سعادتك يعنى :D
    وجود الهدف وتحديده ده أكتر حاجه تخلينى أعيش .. والقرب من ربنا وراحة الضمير اللى دائما ما نسعى إليها
    وجود حد متميز فى حياتى(U) .. وجود ناس تهتم لأمرهم ويهتموا لأمرك .. كلمات الإطراء اللتى قد تبدو بسيطه فى نطقها عميقه فى معناها ^_^
    إن الواحد يحس انه بيضيف حاجه للى حواليه زى ما همه بيضيفوله :)

    سورى الأجابه طويله لكن مش ينفع يكون فيه حاجه واحده بس هيه اللى بتخلينى عايشه بأمل أو بعُمر :P

    الكومنت طويل ايوه ما انا عارفه .. معلش محرومه من الكومنتات بقى هههههههه

    ردحذف
  2. حبيبه قلبي رنا
    عارفه يا رنا في ناس تحبيهم قبل
    ما تشوفيهم انت منهم
    حساكي مش عاديه كده يعني انتي حاتبقي
    حاجه كبيره ان شاء الله
    وفعلا حيثياتك كانت رائعه جدا
    اما عن عمو فاروق اللي هو بابا
    ان شاء الله حايرجع بأذن الله قريب
    تحياتي يا سكر

    ردحذف
  3. هى صعوبه الرد فى الاسئله دى ان الواحد بيحاول يكون واقف قدام مرايه مش شايف غير نفسه ومش هيكلم غير نفسه

    انتى متميزه بنفسك بتفكيرك وباخلاقك وكتاباتك وده مش قليل :)

    مش تتخيلى اتبسطت ازاى لما لاقيتك بعدها بتبدأى فى مدونتك وفاكره اول تدويناتك كانت عن الكليه والمدرجات فكرتينى بأيام حلوه ربنا ما يرجعها ههههههههههههه

    انا بجد بحب تفكيرك وآرائك اوى اللى بيكون ليها خط معين ماشيه فيه ومقتنعه بيه كمان

    انا مستنيه بوست الفكره بقى يا رونا مش تتاخرى ^_^

    ردحذف
  4. جميلة انتى يا رونى
    بعفويتك واسلوبك وكلامك وافكارك
    ربنا يوفقك دايما يا حبيبتى
    بالنسبة لسؤالك فهو العبادة
    والعبادة فى الشغل اللى بضمير علشان ترضى ربنا
    و التعاملات اللى تراعى فيها ربنا
    و الطموح علشان لما نتسال " حياته فيما افناها " يكون فى حاجات كويسة عملناها
    لو ارجعنا كل حاجة بنعملها لابتغاء مرضات الله هنوصل لكل اهدافنا وهنعيش فى منتهى السعادة وده اللى بحاول اعمله فى حياتى
    على قد ما اقدر وربنا يوفقنا كلنا يارب

    ردحذف
  5. لينا بيت يلمنا هههههههههه
    فضحانى في كل حته

    والله ربنا يخليكى يعنى
    ردك علي اللى معيشك عجبنى جدا جدااا طيب جدا كمان واشيك اشيك وانتى فاهمه

    يلا تقبلته :)))

    بحبكى يا ..... اكمل نظرا للاحراج

    ردحذف
  6. كاروالين

    يلهوى احمريت خجلا وبجد ابتسمت بخجل كدهو
    لو كنتى شوفتينى كنتى افتكرتينى بنت بجد وكده وانا ماليش في البنات هههههه

    والله انتى وأل فاروق كلكوا بحسم قريبين اوى نفسي مرة اجمعكم كلكم ال التدوين واجى اقعد في الترابيرزة المقابله واتفرج من بعيد والله هشبع :))

    سعيده بجد بمعرفتك جداا وانتى اللى سكر وعمو فاروق يوصله تحياتى بقي :)))

    ردحذف
  7. دندن :))
    حبيبتى انتى والله
    ايوان فاكرة وتوقفت لاسباب ما بقي والله ما عارفه ايه ههههههههههههه

    انا مبسوطه من كلامك والله بتحرجونى وانا متواضعه خلقه ما باااااااااااالش :))

    بحبكى علي فكرة بكلك علي بعضك بس نفسي ترتاحى وتفتحى قلبك تشكى :)))

    يلا مافيش اشكال انا مستنيه اهو وصابره

    نورتينى

    ردحذف
  8. آيه

    ممكن اعاكسك للصبح فبلاش تجرينى لمنطقه دى بقي انا مؤدبه لو سمحتى :))

    والله يخليكى يا زوق تشكررر
    ردك علي السؤال اتوقفت عنده كتير انك قدرتى تجمعى نقطتين من ايات ممكن نكون مش بناخد بالنا منها اساسا احيان كتير بننساها
    بحبكى يا بنت انتى :)

    ردحذف
  9. مش قادره اتكلم بس بجد شخصيخ تجنن

    ردحذف
  10. تصدقي يا رنا انتي بتهرجي يعني حاطين الاسئلة و مش ملتزمين بيها تقوليلنا اختاروا تلاتة اثروا فيك و انتي تكتبي كل الناس :)
    ماشي ماشي
    بالنسبة لسؤالك في ناس بتعيش علشان تستنى الموت و الدائرة تتقفل
    مفيش حاجة ممكن تخلينا نصبر غير الصفاء النفسي و ده مش بيتحقق غير بالقرب لله
    تحياتي

    ردحذف
  11. نغومه :)))

    حبيبتى والله لاء تكلمى انا فيا كتير وحش مظهرش ولا ايه هههههههههههههط

    ماشي يا نغومه احرجتينى هعديها ليكى :)

    ردحذف
  12. دكتور مصطفي

    ماهو الاسئله مكنتش اجباري بالتالى الاجابات حريه شخصيه نزود او نقلل هههههههههه بعرف اطلع من الموقف

    انتوا يعتبر كلكم اتفقتوا علي نقطه الصفاء والتقرب لله وانا متفقه ممعاكوا جدااا :)

    اسعدنى مرورك حقيقي

    ردحذف
  13. بنت مصرية عادية

    وفيلسوفة عبقرية

    شخصيتك جميلة يارنا

    ردحذف
  14. شبهك شبهك شبهك
    كل حرف و كل رد على اجابة فعلا شبهك زي ما تخيلتك وعرفتك من كتاباتك و تعليقاتك بجد
    متتخيليش اتأثرت قد ايه لما قلتي اسمي من ضمن الناس اللي اثروا فيكي بجد كلمتك دي اثررت فيا اوي يا رونا و انا كمان مفتقداكي جداااااااااااااا و مفتقدة التدوين اوي معرفش هرجع امت و معرفش الحالة اللي عندي من عدم الرغبة في الكتابة دي هتنتهي امتى ممكن يكون عشان في حاجات كتير شاغلة بالي في الوقت الحالي فمش قادرة يكون عندي طاقة مش عارفة بس اللي عارفاه انك واحشااااااااني جداااااااااااااااا يا اجمل رونا :)

    ردحذف
  15. استاذ خالد :))
    ربنا يخليك والله يعنى دة من زوقك
    تشكرات :)

    ردحذف
  16. شيمو جااااااات :))

    بجد يعنى مبسوطه انك قدرتى تدخلى وقرأتى وكده :)

    انتى كمان وحشانى اوي جدااااا
    الحمد الله انها كانت بتشبهنى :)) انا حاسيتنى غريبه
    ان شاء الله الحاله دى تتغير وترجعلنا تانى سالمه اهم حاجه ترجعى كويسه مش مهم الوقت :)

    نورتينى اوييييييييييي

    ردحذف
  17. الحب..هو ما يعطينى الأمل ..وسعيد أن قرات كلماتك المعبرة

    ردحذف
  18. استاذ اسامه
    :) ربنا يكرمك باذن الله بمن يانس عليك وحدتك

    انا اسعد ^_^

    ردحذف
  19. ايه يا روووووووووووونا ده

    انا سمى مكتوب طيب

    كل لالاسئلة حاولتى تزوغى منها
    لكن انتى زوغتى التزويغة الكبرى
    فين فارس الاحلام فى حياة رنا
    و الفستان الابيض و الحاجات دى
    يعنى
    و لا الروب الاسود هيغنى عن الفستان الابيض
    سعيد جدا بتعليق شيماء افكار مبعثرة
    و بجد احنا مفتقدنها
    حتى لو مش لاقية حاجة تكتبها
    تكتب انا مش لاقية حاجة اكتبها
    عايزين ملحق للاسئلة تتكلمى عن القلب واحواله هههههههههههههههه

    تحياتى

    ردحذف
  20. ايييييييييييه يا خالو بقي

    اه اهو اهو :))))

    احم انا مزوغتش انا كنت بقصر بس :))
    لاء كده احم احم بقي طويب اقول إيه هقعد اتخيل بقي وجاى علي حصان الاقي حمار في الاخر وكده ولا ايه ههههههههه

    طيب الملحق مع الاهرام كل عدد جمعه ايام ما كان عبد الوهاب مطاوع عامل شغل عالى الجوده :)))

    انا كمان عجبنى تعليق شيماء ( افكار مبعثره) مفتقدها عن جد

    تحياتى انا واعتزازتى وكل امنياتى وسمعنى اغنيه ان مكنتش انت تدلعنى :)))

    ردحذف
  21. ماشي ياروني دا انتي طلعتي بنت مميزة وانا معرفش دا انا كنت فاكرة انك غلبانة زي ههههه
    فعلا انتي انسانة جميلة وانا بحبك اوي
    ربنا يبارك فيكي

    ردحذف
  22. الموقف التانى بتاع الفيلم ده تحفة جدًا :))
    واســم مدونتك جميل ومدونتك كلها حلوة ما شاء الله
    سعيدة بالتعرف عليك أكثر..^_^

    ردحذف
  23. زيزى :))

    انتى يابنتى بتضحكينى بكومنتاتك دى فعلا
    شوفتى طلعت شوريره خالص مالص :))

    وانا كمان بحبك جدااا ياقمرايا ربنا يخليكى ليا دايما وانتى اجمل بكتييير اوى

    ويباركلى فيكى :)

    ردحذف
  24. صباح الغاردينيا يارونائي
    اممم حتى وانتي بتجاوبي عسل ودمك خفيف بجد سعيدة أنك دخلتي البلوج واتعرفت عليكي لأنك بجد سكرة :)"
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  25. :)))))))))
    كنت متشوقة اقرا عنك مش عارفة ليه
    :DD

    ٍسيبك من ده كله
    عاجباني انا الجملة دي
    شخصاً بعد مرور فترة من الزمن اعتبرته عابر سبيل

    حلو ان حد بقي عابر سبيل يبقي سايب أثره فينا ولسه بنذكره حتي
    :DD

    مممم
    بس

    اللي مصبرني علي الحياة والدنيا انه عندي احلام عندي امل في يوم تتحقق

    فرحت اني قريت البوست ده

    ردحذف
  26. حبيبة قلبى وصديقتى العزيزة مبسوطة انى عرفتك اكتر
    ومبسوطة ان ليا صديقة رقيقة ودمها خفيف ومجنونة زيك كده
    انا كمان بحب حيثيات روناية اوووووووووووى
    لانك بجد فيها بتتفوقى على نفسك
    مزيد من الابداع والتقدم يا احلى رنا:)))

    ردحذف
  27. حبيبه

    موقف رهيب فعلا
    ههههههههه
    ربنا يخليكى ليا ياقلبي بجد
    كفايا وجودك ومتباعتك دى :))

    نورتينى واسعدينى جدااا

    ردحذف
  28. ريمووووووو

    حبيبتى حبيبتى :))

    الله يخليكى يا جميله بجد بعتز بوجودك ومعرفتك وكل شئ

    نورتينى جدااا من غير صباح الغاردينا بحس بانى بفتقد حاجه :)

    ردحذف
  29. سهاد :))
    اصل انا شخصيه جميله وجذابه مش تكسفينى بقي :)))

    انا فرحانه اكتر انى فرحتك بقي
    وفعلا لازم نفتكر اشخاص كتير اوى اثروا علينا سواء بالايجاب او السلب يعنى :))

    وانا الحمد الله فاكرة اللى اكتر من الشخص دة :))

    وعجبنى ردك ان احلامك وطموحك هو اللى مقويكى علي اللى حاصل كمان :)

    ردحذف
  30. ميرو :))))))

    وانا كمان مبسوطه بمعرفتك كتييير

    الله يخليكى ليا ويكرمك يا حبيبه قلبي

    مبسوطه بكلامك جداااااااا

    نورتينى جدااا

    ردحذف
  31. رونا الحبوبه الجميله
    فاكره يا رونا لما حللتى شخصيتنا ههههههههه
    كانت من اجمل البوستات وده وصلى انك بالفعل انسانه متعمقه فى النفس ومتتعمليش بسطحيه لكن بتغوصى وتتبحرى مع الغير وبتحللى كمان وكأنك دارسه علم نفس واللى زيك كده مش كثير
    انتى مميزه حبيبتى فى الكتابه وفى كل شىء ربنا يحميكى
    مرسى يا قمر اننا اتعرفنا عليكى اكثر
    ومعلش الكومنت جاى متاخر لدواعى السفر اعذرينى

    ردحذف
  32. هبه القمر :)))

    انتى بتكلمى في ايه الكومنت جاى في وقته زياده عن اللزوم علي فكرة :)))

    الله يخليكى ياقلبي والله كلامك بسطنى جدااا فوق الخيال كده :)

    ربنا يحميكى ويخليكى انا مبسوطه لوجودكم اكتر بجد ال فاروق شئ لا يستغنى عنه في الحياه التدوينيه:))

    ربنا يسعد قلبك

    ردحذف