الروقان ..1

من حيث مبدأ التمييز

وكونى متميزة كالعاده طوبعآ 
وكمان من حيث ان استاذ ابراهيم
 بيناكف في كل الناس وبيعمل بوستات
 تثبت ان اى شئ بيتكلموا في لايقارن بكلامه عنها


هعمل كدة
مع حفظ الفرق والالقاب بينى
وبين استاذ ابراهيم طبعا
وبدايتآ من هذا المنطلق هبدأ 
هع هع هع
 
عن الروقان اتحدث ولكم الصبر والسلوان
 :D طبعآ

لالالا الروقان مش في فكرة كوبايه شاي كدة وقاعده وكلام من اياه

الروقان انك تتمزج ازاى بكل شفطه من كوبايه الشاي دى

وبكلام انت نفسك متعرفش بيطلع منك ازاى قفشات

الشاي تختلف كثيرآ عن قفشات النسكافيه

اة طوبعآ الشاي مصري اصلي

في فرق تام طوبعآ 

___________________________

 

دايما تلاقي البنات بالذات
كل ما تتسئل انتى بتحبي ولا لاء
تبصلك باصه من بتاعت
i Ev you
ولو عنيها ساعدتها ودمعت
وتقولك
انا حالتى معقدة شويه
ايوة يعنى معقده ازاى
معرفشي بس معقده وخلاص

_________________________

كيد البنات بقي
تلاقي البنت من دوال
في كل مناسبه كدة
ومن غير داعى
تقولك علي فكرة فلان
خطب فلانه
ايوة مبرووك
الكلمه تقريبآ مش بتوقفهم يكملوا الحوار
تقوم باصلك كدة باصه اللى هو
انتى غيرانه ولا لاء
ياحجه وانا مالى انا ان شا الله يتجوزو
يعنى اعملهم إيه انا
مش مقتنعه برضوا
اسلم حل كيدوهم زى ما بيكدوكو
ماهى اكيد سينجل برضوا :)
قطيعه محدش بياكلها بالساهل

______________________

المسهوكين دوال
لازم ينقرضوا انقراض تام
يعنى نجم الحمير دة
اقصد استغفر الله العظيم نجم الجيل
لا اختلاف علي ذكائه وعبقريته
الناس كلها مسكت في ام البنطلون الاحمر
وسابته هو كشخصيه
يعنى مش كفايا
نطقه لكلمه
love enjoy
يحسسك بنوته وبتتسهوك اة والله
so when any person ask you about
tamer hossny
say i do not know him
who is tamer hossny??
heheheheheheh
الغيظ وتطليع اللسان حلو برضوا

________________________

طيب هسئل تانى
لان شكل السؤال مجبش همه علي الفيس
ليه مش يخترعوا مساحات صغيرة زى بتاعت العربيه
تمسح النضاره وقت المطرة
يعنى البنى آدمين اللى زى وبيلبسو نضاره شمس
يعملوا إيه
________________________

عمو مجلس من فضلك ممكن
تمشي
لاء انا بايت وقاعد هنا دى بقت منطقتى
طيب ياعمو انا مش عايزة مجلس شوري
بياخدوا ملايين وحصانه
ورايهم علي الفاضي
لاء لازم تنتخبي المجلس دة
مهم اوى اوى
طيب ماهو زيه
زى فض المنازعات كدة القاضي
اللي يطلع علي المعاش
مينفعش بعد ماياخد 15 الف
ينزل لكلام تافهه
يحطوا في فض المنازعات علشان
ياخد 8 الف
وهو رايه استشاري مبيتخدش بي
خلاص
وبعدين يقولك اصل مافيش فلوس
والجيب فاضي
يلا بينا نشحت يلا بينا نتذلل

 طيب ياعمو
علي فكرة بقي
يسقط يسقط حكم العسكر
^_^
_____________________

 

اة كله الا الاعلانات

اللى تحسسك بالطراوة وانت قاعد

ما انت شغال تف مع كل اعلان بقي

وقنوات فضائيه وتاك شو تنقط يعنى 

وجرايد محايدة تمامآ تمامآ يعنى

قال إيه كدة ياخونا سمعت 

 ان ينهار الوانات  فلوس المعاشات اتسرقت
800
وحاجه مليار اتسرقوا ينهار ابيض
طيب والحل
تلاقي واحد فكيك كدة يقولك عندى يا باشا

بص بقي كدة كدة في ناس طلعت علي المعاش ومخدتش لسه معاشها
وناس لسه في الخدمه دوال بقي بدل ما كنا بنخصم منهم
9%
هنخليهم
10%
والواحد دة هيجمع من الموظفيين الحالين وساعتها ندى
للى طالعين معاش
طيب ياعمو اللى طالع دة هيقعد قد إيه كدة
مش مشكلتى دى
طيب الواحد في الميه دة حرام عليك
مسبتوش حاجه لى موظف الحكومه
الله مش انتوا عايزين تقبضوا المعاشات


فعلا احنا غلطانين ياجماعه
والغريب اللى سارقهم فاكك في لندن
وماشي براحته
واحنا هنا بنسد اللى سرقه من جيوبنا برضوا


يدخل الاعلام المصري بقي
وتلاقي بيقولك هنعمل حمله
تحت شعار جيوبنا مليانه وبطننا شبعانه
مع ان اسقف بيوتنا متشاله
وعشوائيتنا منحدرة وغلبانه
بس جيوبنا  مليانه وبطننا شبعانه
الشعب المصري تقريبا بيمثل
علي حكومتنا الشقيانه

واهو سريرآ في القفص خيرآ من مليارات
في سويسر ولندن
_______________________

بمناسبه تدليع مبارك
محدش يقولى بيتحاكم وبتاع
دة انا هموت وادخل السجن
لو هتعامل كدة
قال طيارة رايح وطياره جاى
واحنا مش لاقين تمن النقله الواحدة

والله المحاكمات دى ما محاكمات
والديب بيجد عار علي المحامين
دة شويه وهيشحت علي الراجل
دى مرافعه دى طب اعمل بالمليارات اللى خدتها
في جيبك اللى هى فلوسنا
وقال إيه حسنى مازال رئيسآ
علي كدة ابن الملك فاورق المفترض يرجع
يحكم مصر ماهو الملك طلع بثورة 52
من غير مايصدر ورقه استقاله يعنى
حكم مصر ال 60 سننه اللى فاته حكم
مضروب من الاخر علي ورقه بيضه

قشطه يا اونكل الديب اة وسيادته استاذ جمال بيه باشا
طلع لو حتى خد الفيلا والاماكن الواو دى
لو رشوة فهى سقطت بحكم انه عدى اكتر من 3 سنوات بدون بلاغ
طيب يا حبيبي ومن حيث انها اموال عامه منهوبه
لاتسقط ابدآ ازاى بقي يخرجوا منها دى
ومبارك بعد كل اللى عمله دة بيتحاكم علي تهمتين
علشان مافيش تهمه اسمه افساد الحياه السياسيه
طيب ومافيش تهمه سرقه اموال عامه وتبديدها
ولا الغاز ولا اراضي الدوله اللي اتاخدت
او القمح اللى مبقاش يتزرع
يعنى هو مش كرئيس مشترك في كل اعمال الوزراء ولا إيه
لكى الله يامصر لكى الله

وانا بحب اشبهه المحكامات دى بحاجه
تحسها زى مايكون الشعب بيطلق مراته ومراته قاعده بتتفاوض علي النفقه

بجاحه بجاحه
_____________________

 سؤال اخير علي الماشي كدة
ليه اعلانات كوكولا احلى من بيبسي

بس طعم بيبسي احلى من كوكولا

^_^



    

الفكرة (5_1)

الفكرة في بعض الكلمات في حياتنا

(1)الامتحان

يعنى توتر

يعنى ضغط وشد اعصاب والدكتور هيجيب ايه

او الاستاذ اللي بيحط امتحان الثانوى هيبقي رفيق بينا ولا لاء

ابعدوا عن الفكرة العامه والمفهومه للامتحان

عن اول حاجه ممكن تفكر فيها

لما اقولك كلمه امتحان

تعالوا نبص للامتحان نظرة تانيه كدة

الامتحان يعنى تجربه

تجربه يعنى تعليم

تعليم يعنى استفاده

استفاده يعنى نشر

والنشر يعنى النجاح

يعنى انا فعلا بتمرمط

في الامتحانات

بس لما بنجح وبنجح بتقدير حلو

بحس ان تعبي كان في محلو

وبحس بانبساط

لولا المرمطه ما كانت تاتى السعاده

لو فكرنا في الامتحانات اللى بتعدى علينا

هنلاقي اننا

كل يوم بنمر بامتحانات يوميه

امتحانات ربانيه

امتحانات وتجارب عمليه من اللى حوالينا

امتحانات في دراستنا

امتحانات في شغله

وبتعدى وبنقع احيانا وبننجح غالبآ

لان بداخل كل واحد فينا اصرار

ودواافع واهداف بتخلى ميعرفش معنى الفشل

وميحبش يعرفه ولا يدوقه

انت ناجح لانك مش عايز تكون فاشل

عايش وبتذاكر كل سنه

منتحرتش او مجتش ليك حاله نفسيه

خلتك متكملش تعليم

حكايتى مع الامتحانات

انا من النوع اصلا اللى توتره داخلى

لو حاسه ان المادة هتتشال مبقولش لو مستصعباها

بحاول افهمها لنفسي

بعتمد علي نفسي بشكل كامل ولان ماما وبابا مكنوش فاضين

ليا طول الوقت خلونى اتحمل مسئوليه فشلي او نجاحى

مكنتش شاطرة اوى بس كنت لما بصمم انجح بنجح ومش باي درجه

بدرجات عاليه

لم بحب مادة المادة دى لو نقصت ربع درجه بزعل

مكنتش من محبين العياط و الكلام دة 

خاصه في الكليه بزعل وبدعى 

علي الدكتور بس لما بيغلس علينا

كليتى كانت

حقوق معروفه بمذاكرتها طبعآ

يعنى كنت بذاكر بمجهود ضعف الدرجه اللى باخدها في الاخر

بس اول ما دخلت الكليه اللى بالنسبه ليا كانت

كائنه فضائيه غير معروفه ومعرفه ليا

اتمرمط اول ترم تانى ترم ابتديت افهم

في تانيه كانت الدنيا ايسر علشان حببت نفسي فييها

علشان حولت جملتى من انها اهي كليه وخلاص

لكليه وهتنجحى فيها بتقدير

ومع الايام حاسيتها قدري

اصل مش معقول بعد دة كله متكنش قدري

حتى شلتى كلها دخلتها واصبحنا مرمطه جماعيه

ومن ساعتها اتعاملنا معاها كانها ماتش كورة

كل ترم وكل نص مباره  بنتعمق اكتر وندخل ونهدف اكتر

وكنا لا احنا لا هى والحمد الله كنا دايما احنا

لما اتخرجنا زى ما احنا منها ومعظمنا تقديرات والباقي مش شايل حاجه

كنا احنا

لما اتخرجنا والكل بيشهد باخلاقنا

كنا احنا

لما مغيرتش فينا تلقئيتنا وبراءتنا

كنا احنا

لما البعض عمل كارنيه النقابه

ومارسها ويدخل اى مكان يضربله تعظيم سلام

كنا احنا

لما كان فينا اللى اتجهه لتعليم تانى ومجال تانى

كان بيحبه وكان فخور بنفسه وبذاته

واهله فخورين بي

كنا احنا

اللى مر فيها بازمات ومحنات

وعرف يقلبها لمنحات

ونجح بعدها بتقدير وبتفوق

كنا احنا برضوا

سبحان الله اللي بينام ويصحى

علي شئ عايز يحققه ويسعى لى علي قد

قدرته ويسيب الباقي علي ربنا

بيحقق حاجه فعلا

اقدر اقلكم اننا كنا احسن من حسن حشاته

بكل الوجوة وفي كل الامتحانات

الحمد الله ودة كان فضل ونعمه من ربنا

علينا علشان كدة حقوق كانت قدرنا

ونصيببنا الذي لا مفر منه

 دايمآ بنواجه امتحانات

في حياتنا

ومنكونش قدها ونقف قدامها

لاما نكون ضعفاء ونقع في دومات الدنيا

كل واحد جواه اراده تهد جبال

لو وجهه صح هيفوز وهيهدف

لو حاول باقصي ما عنده عمر ربنا ما هيخيب

ظنه

ودى كانت حكايتى مع الامتحانات

يا تري ايه حكايتكم انتم ؟

ودلوقتى انتقل للجزء التانى 

ونقول بلاش اغنيه تتماشي مع النص

نغير بقي

وبما انى بموت في السرقه

سرقت حاجه

من مدونه حكاوينا دوس

لشاعر اسلام ^_^

ليه الضيق ؟

والبراح مفتوحلنا ..

مش طريق واحد لابد ..

انه يدلنا

جرب ودوس

تفشل يجوز

الفشل ليه بردو معنى عندنا ..

~ . ~ . ~ . ~

اعرف حواسك

ايه اللى ناقصك

ايه وكام ؟؟

هتكون مكاسبك

فكرة فى عقلك

كلمة فى قلمك

خطها بعد ما حسيتها بقلبك ...

كسر حواجز عدتها روحك

قبل ما توصل ليك فى جسدك ..

انت نفسك ..

فضى يأسك .. من جوارحك

انتصر للفرح ..

بعد الجرح ..

وقوى فرصك

الفكرة1

الفكرة2

الفكرة3

الفكرة4

 

 

انتظارآ علي جسر الاحلام

هى عاشقه للمطر

كم  تعشق المطر حد الجنون

كل شتاء ياتى الي بلدتها

وتمطر السماء تذهب الي ذلك المكان

ذاك الجسر الذي يفصلها بين هذا العالم والعالم الاخر

تقف مبتسمه منتعشه لحبات المطر التى

تلامس وجنتيها بين حين وآخر

وتستمع الى عزفه الذي لا ينقطع

فتتأمل السماء بفرح وحب وامل

تشعر ان ذلك المكان سيجمعها يومآ بشخصآ ما

وفرحتآ اكبر سيهبها شيئآ لم تتخيله

وسينتظرها

كل شتاء شيئآ جديدآ يدفأ قلبها ويدفأ مشاعرها

المتوهجه

  

بشكل او باخر هى تشعر ان المطر هى وهى المطر

فكلآ منهم يداعب الاخر

هى تطهر نفسها به وهو يتعطر برائحتها الجميله

وكلآ منهم يشتاق

فهى تشتاق الي من تحب

والمطر يشتاق لمن يملئهم به

والاخرون ينتظروهم في حياتهم

وبعد لحظات من التأمل

همت بالرحيل وكالعاده وهى مبتسمه

ومحتفظه بذلك المكان وبتفاصيله في قلبها

وكتبت بجوار الجسر

انى انتظرك لاخر العمر

سأجدك قبل ان تجدنى

من فضلك جدنى بسرعه

قبل ان اصبح خاويه منك

المشاركه التالته والاخيرة في دون لصورة (صورة موحدة)

المشاركه الاولى 

المشاركه التانيه 

الحب المدفون

لم تكن تعلم في بادئ الامر مثل اي قصه حب

ان نهايتها رفضآ بات من الاهل

كانت تعيش قصتها بنوع من الخيال

ومزيج من الواقع المفروض عليها

لم تكن تريد الا هو وهى وبيتآ صغيرآ في اخر مدينتهم

ليستظلوا به ويستظل بهم

ولكنها استيقظت ذات صباح

وجدت ان نهايتها ومستقبلها وامورها

علقت بيد شخص لا تعرفه لا تعلم عنه شئ

الا اسمه ولم يكن يهمها شيئآ وقتها

الا اخبار من تحب ولكنه لم يكن يستطيع فعل شئ

موقفه ضعيف للغايه ليقارن نفسه بذلك الرجل ويقنعهم به

فهو فقير وذاك الرجل غنى هو لايملك شئ وذاك الرجل يملك كل شئ

لم يكن معه شئيآ الا حبها وحبه لها

وبالنسبه لاهلها لم يكن يكفي ذلك

بدأت الفتاه تري قصتها واقعيه جدآ شبيه بقصص الافلام التى اعتادت علي

ان تراها

وفي ذات يوم اختفت اخذت بعض من ملابسها وذلك العقد الذي اهده اليها

حبيبها وبعضآ من الذكريات التى تريد الاحتفاظ بها لنفسها

وذهبت وفي اثناء الطريق توقفت فجأة وتذكرت

ان هنا كان اول لقاء لهما معآ فقد انقذها وهى تائهه

ولم تعرف اي الطريق يؤدى الي قريتها

ابتسمت ثم بحثت عن ذلك العقد بحقيبتها

وحفرت حفره صغيرة وضعته فيها ثم ملئت الحفرة بدموعها

وذهبت ذهبت الى حيث لا تدري الي حيث لا تنتمى الي مكان

تجد فيه من يمسك بها بقوة من لايدعها تفلت ومن لايدعها تجبر علي شئ

من يومها لم يعرف احد عنها شيئآ لا اهلها ولا حبيبها 

رحلت ودفنت حبها في اعماقها 

المشاركه التانيه 
في دون لصورة


وهنا المشاركه الاولى

نور عنيهم اغلي منى

اول مره اشوف بابا بيعيط فيها في حياتى كلها كانت النهارده

 ...كان بيتفرج على برنامج جابر القرموطى . على اون تى فى 

وكان جايب البطل رضا عبد العزيز

اللي فقد عينه في احداث شارع محمد محمود

......................

حسيت ان عياطه مش حزن على الولد ده

بس انا حاسين ان فيهم ضعف جامد اوى

   ..وقله حيله

حسيت انى نفسى البس واجرى ع التحري

عارفه ان محدش هناك بس نفسي افضل موجوده

ان شا الله لوحدى  لغايه

ما الثورة ترجع علي التحرير

ومش تخرج منه غير وهى ناجحه ان شاء الله

.............................

وحق كل دمعه حزن نزلت

وحق كل نقطه دم سالت

وحق كل عرض انتهك

باقسم بربي من دلوقتى

انى هضحى بروحى علشان الحاجات دى

ماتروحش هدر وحق الناس دى ميضعش

..وربنا شاهد ع الى بقولوا .
..سنفقد ارواحنا قبل ان نفقد ما صنعناه ف 25 يناير.. موعدنا 25 يناير

دى اول صورة ليا في دون بالصورة بس اللى تحتها مش كلامى 

اول صورة شدتنى اعبر عن اللى فيها

ملقتش احسن من اللى كاتبه صحبتى انجى صالح الدين

من البنات الجدعين الثورين بجد

متعرفش حاجات كتير بس  عارفه معنى الثورة وبتحب مصر جدآ

مش شاعره ولا كاتبه ولا ليها صفحه ولا اى حاجه

بس كانت احسن منى في التعبير واحسن من ناس كتير في الشعور

والشجاعه والجرأة

:( اعبر انا كمان واحاول اقول اللى جوايا

في ناس كتير بيطلبوا منك تكون عادى

تكون جبله بمعنى ادق

تشوف الموت ومدمعش

تشوف السحل ومتصرخش

تشوف حقك بيضيع ومتثورش

تحس كرامتك بضيع ومتعبرش

كبريائك بيحطموة وشرفك بيقطعو

ومطلوب منك متتحركش

تفضل ساكت ومغيب ومتنزلش

وتيجى تتكلم  يقولو لك 

اياك تعبر او تشوح

اياك تفكر حتى تعترض وتلوح

وحقك سيبه يروح وروح

احسلك 

مطلوب انك تكون انسان طبيعي

في وسط كل اللى بيحصل اوعاك تثور

اوعاك تقول رايك 

او تفكر تكون غيور علي بلدك

اوعاك تكون انت اوعاك تكون هما

اوعاك تكونوا كلكم عايزين تعبروا عن رايكم

اوعاك تفكر او تستفسر او حتى تحاول تتشرط

اوعاك واياك ومنهى عن اى فعل يمكن لو فكرت تفكر

احنا هنعرف وهتتمسك يا شاطر

ويمكن يتعملك محضر

__________________________________________

يمكن كتير يصعب علينا حال اللى فقدوا عنيهم

بس هما احسن منى ومنك هما فقدوها وضحوا بيها

مش لجل احنا نشوف لجل نتعلم منهم معنى التضحيه باعز ما تملك

كتير بحسهم شايفين احسن مننا

والامور عندهم اوضح مننا 

هما مش في محنه هما في منحه من ربنا

بيزيد فيها كل شئ ايمانهم بي وصدقهم في حب بلدهم

هما حقيقي فقدوا بصرهم بس بالنسبه لينا مفتحين عننا

بالنسبه لينا هما الاسود واحنا الفئران في عششنا وبيوتنا وارضنا

دوس هنا

احم الثورة ..اسئله واجوبه

وهنا

لينك دون لصورة

ممتنه

ممتنه لكل شئ

يمكن موجهتش كلام ل 2011

بس وجهت لاشخاص عرفتهم في 2011

 فكرة ميهو صاحبه مدونه 

My Nut ♥♥

 انها تبعت ماسيج سري 

لكل حد عرفته كانت فكرة 

جلبت لي السعاده انا شخصيآ

ثم بيان بيانات المدونه ايثار احمد

كانت فكرة جميله 

انها توجهه بيانا حتى لكتاب ولناس عمرها

ما شافتهم تعلن عن سعادتها بيهم

بالنسبه ليا انا ملقتش احسن من بوست اهدى ليكم صراحتآ

ممتنه بشده لدخولى بلوجر اكثر القرارت الصائبه اللى اتخذتها

في 2011

 ممتنه لكل اللي استضفونى في حياتهم في 2011

اضافوا لي البهجه والسعاده والفكر ايضآ

ممتنه بشده لكل اللى قالولى كلام شجعنى علي الكتابه

وسئلوا عليا لما توقفت الفتره دى

واسعدنى كلامكم اوى

فعلآ

الابتسامه كنزآ لايفنى 

  ننتقل للجزء الاهم البوست بقي 

2011الي 

طلع لسانك ايوة طلع لسانك ليها وابتسم

فاكر لما كنت معتقد ان المشكله

اللي انت فيها ملهاش حل

فاكرة لما فكرتى انك بعد ماخسرتى 

حبيب او صديقه هتموتى من غيرهم

فاكر لما كنت عمال تقول انا 

مش عارف ليه الدنيا مش 

بتضحكلى

احب اقولك مفجأة

روح بص في المرايا كدة

انت لسه عايش 

سبحان الله

وبخير وبتتنفس 

مفكش حاجه والكلام دة بقي ماضي

مش هقولك امحى لان دة 

الطوب اللي من خلاله بيثمر المبنى

في المستقبل

بس هقولك متفكرش في كتير متقفش عنده

اتحدى 2012

انك برضوا هتعيش وهتكون مبسوط

انا مش هقولكم سنه سعيده عليكم

انا هقولكم سنه سعيده علي 2012

انتوا اللي بتصنعوا السعاده مش السعاده

اللي بتصنعكم

انتوا المتحكمين في العرايس

بس عليكم تحركوها

ابراهيم الفقي قال مقوله هفضل ارددها 

في كل بوست وكل لحظه

ما تفعله هو مرآه لما بداخلك من اعتقاد

اعتقدوا في سعادتكم وفي نجاحكم

متحاولوش تتحدوا حاجه خسرانه

او حد خسران

الحزن مش لازم نتحداه الحزن لازم نتخطاه

مستحيل نتحدى حد ضعيف وسلبي 

مبيضفش غير الكآبه 

لاما تتحدى خصم قوي لا بلاش

عارفين السنه الجديده هتبقي حلوة

طول ما انت مؤمن بكدة

هى حلوة علشان انت فيها

وفي ناس بتحبك فيها

وفيها امالك واحلامك مستنياك تحققها

متفكرش في اللي ربنا ابتلاك بي

فكر اللى كان ممكن يبتليك بيه

 الحمد الله علي كل شئ

علي انى لسه عايشه 

ومشاكلى شايفهه تافهه اوى

لانك جنبي

لان في ناس بتتمنى تاخد الفرصه اللى انا واخده

انها تكون بس عايشه وعندها صحه 

صدقآ الحياه اسهل من اننا نصعبها 

^_^

تحياتى لكم