2011-11-13

الفكرة (3)

الصورة من تصميم 
صفحه علي الفيس بوك اسمها اسمك بالالوان :)

 
اللهم اكرمنا جنه فيها نفرح بكل احلامنا
المؤجله 
ذلك دعائي لكم الان 
احب الفكرة وراء الدعاء لذلك لم ابخل عليكم
به :):)
اما عن نزول المطر اخيرآ
وقد اصبح للشارع رائحه
اخري 
وشكل اخر
فلقد دعوت لكم اثناء حدوث ذلك
بالسعاده وراحه  البال وان يفرج همومنا
جميعا ويشرح صدورنا
اهم حاجتين نحتاج كلنا ليهم
 ______________________
الفكرة في الكومنت
:D
اوعى تفكر انك بمجرد ما تعمل كدة 
:)
محدش هيهتم او يقول مين المجنون دة
او حتى تعمل كدة
:(
اختار اي امويشن عبر بي لو مش قادر تعلق
اترك علامه
على انك جايت اهتميت قريت
هى دى الفكرة من تعليقاتنا 
في اى مكان علي حد بيبدع
هو مش مستنى نقدك
علشان لما مش تعرف تنقد
متعبروش بحاجه
هو مستنى حد يهتم 
بكلامه يعجبه في بعض الاحيان
يناقشه في احيان اخري
محتاج يحس ان في حد عبره
حتى ولو بمويشن
الفكرة في الكومنت
اسعاد الاخرين
روح المشاركه
:D:D
___________________

الفكرة في وجودك
  
الفكرة في وجودك
ربنا مخلقش الكون في 6 ايام كدة
ولاخلقك انت كمان
علشان تتعذب او يبتليك
وتخنق الحياه فيك
كل شئ وراه هدف واساس معين
انت موجود علشان تقدر تعمر الكون
تقدر تفيد وتستفيد
محدش بيجى يقولك معلش
اتكرم علينا وخدلك جمب من الحياه دى
ولاحد يقدر يجبرك علي شئ انت مش عايزة
الفكرة في وجودك
ان ربنا بيبتيلك
من حبه ليك
بيجربك
بيختبرك
وممكن كمان يجر في شكلك
علشان يخليك ترجع لي
تعرفه تانى
يعنى بيعرفك الداء والدواء
في سهوله اكتر من كدة
وبعد كدة بيفرحك
وبيسعدك
وبيوريك ازاى الدنيا بسيطه
الفكرة في وجودك بسيطه
انك تكون موجود فعلآ 
:):)
____________________

الاحلام

قبل ما اقول الفكرة 
انا عارفه النونو هيشدكم 
عاكسو براحتكم:)
الفكرة في الاحلام
بتخليك تعيش في عالم تانى
ممزوج بين الاشياء الخياليه
والاشياء التى رغبت في تحقيقها
ولم تستطع
فمعظم احلامنا هى واقعنا المرغوب فيه
انا بصحى سعيده من احلامى 
لما بتكون موجهه لشئ بتمناه فعلا
الحلم بيخليك تلمس شئ
مش ممكن تلمسه في الواقع
بيخليك تتاكد ان دة حلمك فعلا
اللى عايز تحققه
متاكد واثق بطموح 
ان بكرة افضل 
_________________

فكرة الهروب
انا دايمآ بهرب 
لما بتعب بقفل كل شئ واهرب
اقضيها نوم بشكل اجباري 
لان فعلا عقلي الباطن واللاوعى بيقنعنى
ان دة احسن حل
بس دة بيبقي اغبي حل ممكن تفكر فيه
الهروب مبيحلش شئ
خاصه لو الشئ دة مش محتاج العقد
اللي بنعملها
الفكرة في الهروب دة
انه بيريحك فتره
بس فتره مؤقته
زى شئ بتحسه بس مش قادر تلمسه كويس
ومهما تشب وتشب مش قادر توصل
هو الهروب كدة
احساس مميت
بعد فتره فكرت ليه
ليه بعمل كدة 
مع انى بعدها بقوم الاقي الحكايه ابسط بكتير
متجربوش تهربه الفكرة اللي وراه
كئيبه :)
_______________________

الفكرة في الحب
الامان 
الفكرة في الاستقرار
راحه البال
الفكرة في الحزن
بيخليك تقفل حاجات قديمه
وتراجع
بس مطولشي وانت بتراجع
الفكرة في الصداقه
حب ودفا 

انا هنهى افكاري هنهيها لانى لو قعد افكر انا
في اليوم بتامل وبفكر في حاجات كتير
هضيع التلتين يوم في ميت فكرة 
 ههههههههههههههه
الفكرة في انك تفكر عموما في كل شئ
وراه إيه
الفكرة في التفكير انك متاخدش بالظواهر
ادخل تعمق شوف البواطن
الفكرة في التفكير
بيوعيك لحاجات بسيطه بس في عمقها
جميله رائعه مبتكرة
انت مخلوق اكيد
لان ورا ان ربنا خلقك
فكرة 
موهبتك حياتك اهلك
وراهم فكرة
تقدر تخلى حياتك فكرة
تغير بيها حاجات كتير اوى
وتصبرك وتاملك
ان اللي جاى احلى بكتير
:D:D
اهداء الي من عرفتها مؤخرآ
واشتركنا في حب هذا الفن 
وايضآ الفنان
نيللي علي 
:D:D


اضغط

هناك 39 تعليقًا:

  1. يارب تكون معرفة خير أن شاء الله وربنا يديم المحبه بنكم نيللى شكلها كده بنوته رقيقه بسكوته يعنى وانتى كمان شكلك عاقله وتفكيرك عاقل مبسوطه انى عرفت مدونتك وان شاء الله هفضل متابعه علطول موضوع الكومنتات ده كأنك قولتى اللى جوايه لان بجد بتحسس الواحد انه مش بيكلم نفسه وان ف حد بيسمعه.. المهم انا مبسوطه انى عرفتك

    ردحذف
  2. اوقات اصلا الاموشن بيعبر عن كلام كتير مستخبى
    بس الفكره بردو بتبقى فى ان الواحد عايز حد يناقشه يقوله فى كذا حلو وكذا وحش
    حاجه تخلى اللى بيكتب يكتب اكتر واحسن

    احلى حاجه النونو بجد
    انتى شكلك جايباه قصد :D
    الحلم بيخلى الواحد يصحى ليوم جديد وهو بيتنفس روح جديده على امل ان احلام اليقظه تتحق

    هو مفيش غير النوم الاجبارى فى الهرب؟ :(

    انتى بتتأملى كل حاجه حواليكى
    ربنا عملها وخلانا نحس بيها لسبب لازم نوصله
    افكارك حلوه مش تبطليها بقى

    الاغنيه كمان جميله اوى

    ردحذف
  3. منه انا اسعد بمعرفتك طبعآ

    نيللي دى العسل بتاعنا بسم الله ماشاء الله عليها ماليه الدنيا فرح :)

    انتى كمان حد عاقل اوى وفكرك في كتابتك واضح اوى :)

    نورتينى يا منون :)

    ردحذف
  4. دينا
    معرفش احيانا وانا بكتب في جزئيه معينه
    ببقي عارفه انها هتوصلك انتى بالذات
    بالشكل اللي انا عايزة
    ودة ميزة انك غامضه بتعرفي السبب ورا كل كلمه غامضه :):)

    كلامك متين في الميه صح طبعآ

    حاضر من حين لاخر هتامل شئ واجى اقوله كفكره اربعه :):)

    فعلا الصورة مقصودة :):)

    نورتينى دندن كالعاده

    ردحذف
  5. حكاية النوم دي والهروب بيه حل هايل

    انا شخصيا لما موصوع يعصلج معايا

    واحس ان نافوخي هيتوقف لو قعدت افكر فيه

    علي طول بلجا للنوم

    ولما بقوم الصبح

    بيكون جسمي وعقلي استريحوا

    وبكون اكتر تركيز

    فبلاقي الحل بسهولة

    موصوع الهدف من وجودك

    ده احدي تاملاتي

    تاني مرة انهاردة اكتب تاملاتي في تعليق

    (ما بين مولد الإنسان ووفاته رسالة خلق لها
    إن انقضت رسالته، حان أجله. )
    _

    ردحذف
  6. سواح :)
    من واجب الابوه اللي بينا تشكرنى
    بقي
    تانى مرة اخليك تكتب تاملاتى :):)

    الهروب بتاعك دة هروب لذيذ انما في هروب اخر ربنا يبعده عنا جميعا بيبقي كئيب

    نورتنى كالعاده بفكرك :)

    ردحذف
  7. مش قادرة أقولك قد إيه عاجباني بوستات الفكرة بتاعتك وفكرتها
    تسلمي وتسلم أفكارك
    :)

    ردحذف
  8. لبنى (^_^)
    بوستاتى انا يافندم :)
    دة انا كدة في غايه ساعدتى اليوم ممكن اقعد علي التلت بوستات شهر متابعكم من غير ما اكتب :):)

    ربنا يخليكى ليا ياحوبي بيجد يعنى:)

    وتسلميلي انتى من كل شر :)

    ردحذف
  9. :) العفو يا فندم

    ردحذف
  10. كلام أكثر من رااااااااااااااااااااااااااااااااائع

    ردحذف
  11. طيب أنا وشى احمر من الكلام اللى انتى كتباه عليه واللى (منون) كمان قالتلو عليه ..بجد مش عارفة أقولككم أيه؟غير ان كلامكم ده اسعدنى رغم وجودى فى محنة بس مع ذلك قلبى مطمن عشان ربى جوايا مش خايفة عشان عارفه ان ربنا بيحبنى,وبجد البوست جه فى وقته بالنسبه لى عامل زى فلاش الكاميرا اللى ضرب فى عنيه فجأه وفتح عينى على حاجات كتير..بجد سعيده بمعرفتك ..رنا

    ردحذف
  12. زعلت انك هاتوقفي افكارك :)
    أفكارك كلها روعة وكلامك جميل بحبه :))
    ياريت مش تحرمينا منها !
    تسلم ايديكي وعقلك صاحب الافكار دي :$

    ردحذف
  13. قبل كدة سمعت فعلاً عن اللايك والكومنتس .. بتخلى صاحب الموضوع يشعر بسعادة وتواصل روحى مع الآخرين !

    بجد أفكارك وطريقة تحليلك وعرضك ليها جميلة جداً
    مش عاوزاكى تقفى عنها
    حتى لو هاتكتبيها لنا فى الـ30 يوم .. مش هانزهق ^_^

    ردحذف
  14. السلام عليكم
    عجبتنى جدا فكرة البوست واللى هى اصلها فكرة وجيبنا رسمة وخدنا عليها شوية افكار
    كل شئ بدايته خاطر بنتشغل بيه يتحول لفكرة ندرسها تتحول لاختراع ولعمل ولحاجات كتير
    لو هعلق مضطر اعلق على كل فكرة على حده بس يكفينى ان أشكرك على ما تعلمته منك هنا
    دومتى بخير

    ردحذف
  15. احم احم
    انا جيت اهو

    ردحذف
  16. انا هعلق هناهوت عشان الدعوتين الحلوين اللي شحتتي بيهم علينا النهارده D:
    وطبعا بقالي يومين مبدخلش فمش قرأت اللي فات

    بس عجبني البوست ده يا رونتي
    هعلق حتاة حتة واحنا ورانا ايه يعني :))
    ......
    اول حاجة الكومينتس..أنا معاكي ان احيان كتير لما بتلاقي تشجيع بتتحمسي اكتر للكتابة
    لكن لو لاقيتي النوع المستفز من التعليقات بتاعت (موضوع حلو كتير) (شكراً يا ذوق) (وااااااو انتي فظيعة :P ) ممكن يجرالك حاجة مثلا يجيلك الضغط او السكر ومش بعيد تطبي ساكتة لو لاقيتي الموضوع كومينتاته بهذا الشكل :)
    فاهم حاجة تحطي انك بتكتبي لنفسك عشان الكتابة بتريحك عشان بتفرحك مش عشان اي حد...

    ....

    الفكرة في وجودي اني اسيب بصمة ايا كان شكلها...وحلو تعبيرات الجزء ده :)
    جامد يا ذوق D: D:

    ..........

    الجزء التالت:
    أنا لما بشوف صورة طفل صغير ببقى عاوزة آكله...مع اني لسه متغدية بس برضه ...متحطيش قدامي الكائنات ديه لو عاوزة تحافظي عليهم :))

    الحلم؟؟ اه افتكرت
    انا مش بحلم وانا نايمة قصدي مش بفتكر احلامي...ولما بفتكرها بتحصل مصيبة..!!
    اه تعرفي كمان ايه احلى حاجة في الاحلام..اللحظة اللي بتربطها بالواقع وبتتحقق فيه...رافية..مذهلة...مدهشة..تتمني تعيشيها 10000 مرة ومتزهقيش

    ...

    الهروب!!! مش عارفة
    انا بهرب كتير لحد ما ابقى قوية للمواجهة..ويمكن ميعتبرش هروب..بس بحاول استوعب الاول اللي بيحصل عشان فهمي بطيء D:

    .........
    انا راجعة بدري من الكلية بميكروباص..فمتقلقيش من تأثير يا ذوق ويا برنس ويا اسطى ..ديه كلها حاجات بسيطة
    وعشان واحشني التعليقات فقلت اما ارغي وانا مش عند حد غريب :))

    اه صح وحلوة السونجاية..قديمة بس حلوة :)

    ردحذف
  17. عجبنى اوى الجزء بتاع الاحلام والهروب :)
    وفى فكرة تانية ضفيها للبوست يا رونتى

    الفكرة فيكى .. انى بحبيكى :$

    ردحذف
  18. الله بجد انا بتبسط و انا بقرالك لحد ما ابقى منشكح جدا فى الاخر :))

    التفكير فى الاخرين و محاولة اسعادهم حتى لو بايموشن فكرة ملائكية جدا

    تدوينة رائعة بكل معنى الكلمة :)

    ردحذف
  19. ديارا ربنا يخليكى ياقمر :)
    نورتينى مش تغيبي استمري تدونى
    اى شئ مع القوت هتلاقي افكار اكتر
    :):)

    ردحذف
  20. نيللي :)

    انا اسعد اتمنى يكون الفلاش جعلك في حاله افضل بالطبع

    وشك يحمر إيه بس دة احنا مقولناش حاجه

    :):)

    ردحذف
  21. ندى دندن

    متزعليش هعمل افكار اخري بس نكسر حاله الملل

    انا سعيده بمعرفتكم جميعآ انتم تمتلكون عقول مميزة للغايه

    نورتينى يادندن بيجد

    ردحذف
  22. ايمان
    دة حقيقي دة كان بحث اتعمل من دكاترة في التمنيه البشريه

    علشان خاطرك حاضر بيجد هرجع ادون تانى في التفكير السلسله لم تكتمل بعد

    وميرسي بيجد انك هتتحملينى تلاتين يوم وباكتر من فكرة :):)

    نورتينى سعيده بمعرفتك :)

    ردحذف
  23. مدونه رحله حياه
    استاذ محمد

    كانت هذة التدوينه الثالثه بالنسبه للفكرة ولكنى سعد بوجودك حقآ

    سعد اكثر حينما علمت انك من ضمن القائمين علي كلمات وبيت المدونين

    ايضآ اشكرك لان اصبحت عندك في قائمه المدونات التى تتابعها

    وصدقنى انا التى تتعلم منك ومن الجميع

    شرفتنى بوجودك :)

    ردحذف
  24. محمد :)

    نورت نور رهيب اهو :)

    ردحذف
  25. رو :) احنا مورناش اي حاجه

    حلو النوع المستفز
    بصي يا رو انتى لازم تنزلى لعقليه اللي قدامك قد يكون معجب بالبوست لكن ليس لديه قدرة علي النقاش فبيقول اللي شايفه
    انتى بستشعري امتى بيقول كدة بصدق وامتى بيعدى يكتب الكلمتين ويريح دماغه ويمشي :)
    خليكى انتى الكبيره وكبري الجى :)

    انا كدة يا رو مش هوريك صورة ابن اختى ^_^

    اه تعرفي كمان ايه احلى حاجة في الاحلام..اللحظة اللي بتربطها بالواقع وبتتحقق فيه...رافية..مذهلة...مدهشة..تتمني تعيشيها 10000 مرة ومتزهقيش

    _الله طب ما احنا عارفين الفكرة اهو وجامدين نافسينى بقي ههههههههههههههههههههههه

    دة مش هروب دة تأنى في رد الفعل
    او تأجيل
    الهروب ان تصري علي الا تتخذي اي راي في موقف معين وتذهبي لابعد مكان يفصلك عن ذلك

    ماشي ياعم الميكروباص وعلي جمب ياسطى :):)

    نورتينى يا رو
    معرفش ليه مبسوطه انك هتعفي الكومنتات من الحبس المؤقت بتاعتها
    يلا بوست حلو بقي علشان اروح اغلس :)

    ردحذف
  26. مهجتى

    احم احم انا انا الكلام دة ليا انا

    احم احم زوري اتحشرج فيه الكلام

    يابنتى قولتلك ميت مرة مش تفجاينى بالكلام دة بتوتر :):)

    نورتينى كالعاده ياقمر

    ردحذف
  27. محمد عبد المجيد

    وذلك هو الهدف تن تن تيرارار تن تن تيرارار اىوة بوستاتى ملائكيه وموسيقيه
    انى بكينا وانا واثقه في نفسي :):)

    نورتنى كالعاده :) ربنا يسعد قلبك

    ردحذف
  28. امممم بصفه عامه يعنى أحيانا مش بنعلق سواء بالكتابه او بالكلام .. وده لأسباب كتير.(مش شرط يكون عدم الإهتمام يعنى)

    بالتوفيق ان شاء الله

    ردحذف
  29. رونه مدونتك عجبانى قوى وكمان افكارك وتاملاتكوكل الكلام حاجه والكلمه دى حاجه تانيه

    الفكرة في الحب
    الامان


    فعلا امان

    ردحذف
  30. حلو اوى تناولك للافكار بالشكل ده



    اللهم اكرمنا جنه فيها نفرح بكل احلامنا

    ردحذف
  31. سوكتى هههههههههههه

    شوفتها ^_^

    يلا جهزى نفسك للضرب :):)

    ردحذف
  32. نونا

    ربنا يخليكى ليا ياقمر

    سعيده بيكى انتى كمان بوستاتك بتخلينى افكر بشكل حلو :)

    الحب اهم شئ فيه الامان وبعدين حاجات تانيه ......... كمليها انتى بقي :)

    نورتينى

    ردحذف
  33. خالد

    شكرآ جزيلآ يافندم

    اللهم آمين لنا جميعآ ^_^

    ردحذف
  34. Ты хочешь со мной дружить?
    luy0@rambler.ru

    ردحذف
  35. الفكرة انك دايما بتقري الافكار :)
    جميلة اوي بوستاتك و افكارك

    ردحذف
  36. حبيت افكارك

    موضوع حلو جددددددا

    يخلي الواحد يتحمس

    بحب كلامك ومواضيعك

    تقبل مروري ياقمر ^_^.

    ردحذف
  37. شكرآ يا استاذ مصطفي

    رايك يسعدنى جدآآ

    شرفتنى :)

    ردحذف
  38. روش :)

    وانا بحب خواطرك جدآ ومش مجامله والله

    ربنا يخليكى وتسلميلي

    رايك بيسعدنى اوى يا روش بيجد

    نورتينى ^_^

    ردحذف