وقت ثورة 25 يناير
كان وقت امتحاناتى
مكنتش مصدقه
ان ممكن دة يحصل عندنا
كنت دايمآ اقول احنا ليه ساكتين
مع انى مع اللي ساكتين
بس قبلها فعلا كنت بكلم
صحبتى واقولها شايفه تونس
امتى نتكلم بقي
مكنتش متابعه ساعتها
علي الفيس الخطط
بتاعت يوم 25 يناير
وقت امتحانات بقي
انا ساعتها مكنتش اقدر انزل
بسبب امتحاناتى
ومكنش لسه عندى فكرة
انى اكون ازاى ثوريه
يوم 28 يناير
اليوم دة كلنا فاكرينه
طبعآ من الاحداث المآسويه اللي حصلت
ابتديت من هنا
عايزة انزل
بس للاسف ماما مش وافقت
ويمكن بسبب مرضها
ماصرتش جامد
يوم خطاب النصر
لولولولى انا زغرط فعلا مش هزار
ونزلت احتفلت مع اهلى ولفينا شويه
بس طبعا نظرآ لزحمه منفش اروح الميدان
بس كنت فرحانه جدآ
بس انا استغربت حالي جدآ
رفضت اتصور مع الدبابات
واستسقلت الموضوع
ويوم الاستفتاء
كنت فرحانه ان بقي ليا صوت
وهنزل وهقول اللي انا عايزة
بس برضوا متصورتش مع صباعى الفسفسوري
وبالمناسبه هما عندهم عمى في التسميه
يمكن كنت شايفه مصر عندى
اهم من الحاجات دى
ومش لازم علشان اثبت انى مصريه
او بأيد الثورة اطلع الصورتين
دوال او افضل اتكلم عن جمال وروعه مصر
وبعد ماخلصت الثورة
وكله روح بيته
قولت مش مشكله انى مقدرتش انزل
المهم اللي جاى لازم البلد دى تتغير
عملت كل اللي اقدر عليه من خلال كليتى
بس الفساد فعلا كان متوغل
واسلوب مبارك متبع في كل مكان
شوف مصلحتك ايه معاهم واعملها
وبعد كدة نيمهم
يوم 19 نوفبر
هنا حاسيت ان بقي عندى دافع
اكبر
انزل واقول
هنا كنت شايفه الامور برؤيه
اوضح
مكنش حد يقدر يشككنى في قضيتنا
وكالعاده امى رفضت
قالتلى مافيش بنات بتنزل
اللي بينزلوا بيمدوهم بحاجات طبيه
وبيرجعوا
انا لما قعد افكر
انى ازاى اعيش في الدفا وباكل واشرب
وانام
والناس دى علشانا راميه نفسها
للتهلكه
طيب لو نزلت من ورا ماما
وروحت بس اشوف الميدان من بعيد
نفسي قوى انزل اسمعهم واتكلم معاهم واشوف
علي ارض الواقع
بس لو حصلي حاجه ساعتها
ماما هتروح فيها
بيجد
اصعب شئ الام تشوف ابنها بيموت قبلها
في الدنيا
ساعتها مش هبقي مرتاحه
علشان كدة قررت من مكانى
دة انى ادعلهم
وامشي ورا كلام امى
بس اهم حاجه علشان مصر
تعدى بسلام
نبطل تخوين في بعض
نبطل نشتم اى حد بدون داعى
احترم الاخر ولو اقل منك في السن
وتفكيرة مختلف عنك
نبطل فكرة التسخين
نبطل نشير حاجات كلنا زي بعض
وكلنا مش متاكدين منها
اتاكد قبل ما تشير
نبطل نبص للبعض
وكاننا مش عايزين لبعض الخير
نتحد بقي
نبقي ايد واحده بيجد
ويارب الخير لمصر
ومتبخلش بدعوتك
^_^
انا عندى نفس المشكلة
ردحذفمامتى وبابتى مش موافقين
وانا مش عاوزة اروح من رواهم :S
مش فأدينا غير الدعاء
وانا واثقة ان الايام الجاية هتبقى احلى ان اء الله :)
اكيد ان شاء الله يا ميهو :)
ردحذفجمييييييييييييل البوست ده
ردحذفبيعبر عن كتيييييييير مننا
ربنا يخليكى يا ديرو :)
ردحذفانا فعلا حاسيت الاغلبيه زى كدة
متكتفين ومش في ايدهم غير الدعاء والمتابعه والكامله
بعتقد الناس اللي بتشير حاجات عمرها ما هتكون مش فاهمة لأن للأســــــــــــف الحق واضح اوووووي .. والمجلس والداخلية مش محتاجين اننا نتأكد من اسلوبهم القذر !
ردحذفواللي مايعرفش او شاكك حتي لو مش قادر ينزل الميدان ياريت يشوف أخبار من يوم ما المجلس مسك سلطة البلد وهو يعرف هما عايزين ايه وبيعملوا فينا ايه من أحكام عسكرية وكشف عذرية و وثيقة السلمـــي وضرب وقتل فالناس ورميهم فالزباله ! :((
معلش يا رونا كلنا اهلنا مش عايزنا ننزل ويجرلنا حاجة ! ربنا يحمي مصر ونشوفها ف يوم بيحكمها ناس محترمة بتعرف تحترم ارادة شعب مش بس موجودة علي كرسي عشان مصالحها تتنفذ :/
يوست جميل ..حتى لو مش قدره تنزللهم ..زى ماقولتى ادعيلهم ..جميل انك حسه بوطنك وبيهم ,فى ناس بتحمل الجنسيه وهم لايستحقونها
ردحذفندى :)
ردحذفعندك حق بس احيانا في تشير لحاجات بتبقي غلط وشتايم بقي وكدة
مش حاجات غلط عن الجيش او الشرطه
وممكن تلاقي حد بينقل كلام لحد مش بنفس الصيغه فهمنى
ربنا يكرمهم يا ندود واحنا علشان خاطرهم قاعدين في البيت ^_^
نيللي
ردحذفربنا يخليكى ياقمر
مافيش حد هيعيش في عصر مبارك
ويتخنق منه الا لما هيكون حاسس بوطنه
علي فكرة فيه الف حاجه تساعدي بيهم وياريت اللي يقدر ينزل يروح يتبرع بالدم لان فيه ناس كتيرة محتاجاه
ردحذفانا شوفت في الميدان بنات ارجل من الرجالة يستحقوا التحية والتقدير ده غير البنات اللي ماتوا في الميدان ربنا يرحمهم ويرحم جميع شهداء التحرير
برجاء قراءة الفاتحة علي روحهم
محمد عندك حق
ردحذفبمناسبه البنات الارجل من الرجال دوال البوست اللي جاى
ان شاء الله اقدر انزل اتبرع
هو ممكن اتبرع فين ويبقي طالع لمصابين التحرير ولا لازم انزل الميدان
قرأتها ربنا يرحمهم جميعآ
كلنا ،، هذه البنت :(
ردحذفريمو
ردحذفكلنا لها :(
واللهي يا رونا الواحد مش عارف مين الصح ومين الغلط انا بقيت احس اني متلخبطه
ردحذفالمهم انتي وحشتيني اوي
ريري :)
ردحذفمش مصدقه عيونى
نورتينى انتى وحشتينى اكتر بيجد
بصي هو المرحله دى مش مرحله لخبطه الشرطه مهما تقول هى اللي بتضرب وبيجد
واضحه المرة دى اوى بيلزقوا كله في رجل تالت مجهول وكلام مالوش لازمه
بيجد فيديوهات اول يوممين في الميدان قبل موضوع شارع محمد محمود
البنات بتضرب وتتسحل وكل القنوات بتجيبها وجرينهم من شعرهم علي الارض
ويمسك الراجل من دوال بالسلاح اللي معاهم ضرب علي افظه المناطق ضهر وكتاف ورجل حاجه توجع
خليكى انتى في النونو الحاجات سيبهلنا احنا المهم ندعى بس مصر تبقي بخير ^_^
صباح الغاردينيا روناء
ردحذفبوست رقيق رغم وجعه عارفه ليه لانك عبرتي بصراحة عن أحساسك الصادق ناحية بلدك والي بيحصل ودا احساس كل مصري بيجري دم مصر في وريده ماتتضايقي ياروناء كفايه احساسك ببلدك ودعواتك الصادقة "
؛؛
؛
ويارب تحفظ مصر الحبيبة وشعبها الغالي
لروحك عبق الغاردينيا
كانت هنا
Reemaas
والله يا رنا نفس اللى انا فيه بالظبط :((
ردحذفحكايه انى انزل التحرير دى شئ محرم اطلاقاً عندنا فى البيت
الواحد بجد محتاج يروح يشوف الناس دى عامله ازاى
بيعملوا كل ده عشانا واحنا مش قادرين حتى نقف معاهم
ربنا يحفظ الشباب اللى هناك بجد
هوا فيه في التحرير تبرع بالدم
ردحذفوكمان الدكاترة قالولي انه ممكن نتبرع في بنك الدم في الدقي والقصر العيني القديم ومسشتفي المنيرة العام وسيد جلال
بس الافضل من وجهه نظري هيا في ميدان التحرير جنب عمر مكرم
بس اهم حاجه علشان مصر
ردحذفتعدى بسلام
نبطل تخوين في بعض
نبطل نشتم اى حد بدون داعى
احترم الاخر ولو اقل منك في السن
وتفكيرة مختلف عنك
نبطل فكرة التسخين
نبطل نشير حاجات كلنا زي بعض
وكلنا مش متاكدين منها
اتاكد قبل ما تشير
نبطل نبص للبعض
وكاننا مش عايزين لبعض الخير
نتحد بقي
نبقي ايد واحده بيجد
ويارب الخير لمصر
ومتبخلش بدعوتك
~
مسآأئِك طآاهِر
ي ربْ أرزقهم ال نصًر لمصر العزيزة على قٌلوبنآ كُلنآ
قٌلوبنآ ودعآؤنآ لكُم
كلمآتكْ مًرآ حِلوة ورقيقُة وبتطلع من قًلبْ مُوآطنِه مُحبة لوطنهآ
دُمتي بخير ي غآلية
معلش يا رونا ده حالنا كلنا
ردحذفربنا يكرمك انك بتسمعي كلام مامتك
وربنا يحفظلنا مصر ويحقن دماء الشباب الطاهر اللي في التحرير وكل ميادين مصر
جميل جدا بوست غايه فى الروعه وبيعبر عن كتير تحيه وتقدير للقلم الرائع
ردحذفتحياتى ابوداود
صباح الورد
ردحذفيكفي دعوتك الصادقة يا سيدتي فبعض البشر حتى الدعوة لا تصدر منهم بل التدمير والتخريب ولو كل شخص رفع يده بصدق للسماء ليدعوا الله بحفظ بلاده فلن نجد حاكم ظالم ولن نجد مواطن خائن ولن نجد تظاهرات ولن نجد دماء طاهرة تسيل للأسف يا روناء هناك من يستغل إنشغال الناس بالثورة ليندس بينهم ويسبب فتن وتمتد يده التميريه لأهداف خاصة قد تكون ذات أجندة خارجية وما بين تهديد إيراني بقيام جمهورية إسلامية على أرض الكنانة وما بين تمني تركي بقيام دولة علمانية ستصمد مصر بإذن الله وستخرج من هذه الغمة وأتعقد أن إقالة عمر وتكليف حكومة جديدة سيكون لها أثر كبير ...
حفظكم الله وحفظ مصر من كل شر .
تحياتي وإحترامي
ريماس
ردحذفاللهم آمين يا قلبي
يحفظ جميع البلاد العربيه
وان شاء الله تبقي المحنه منحه
وربنا يخليكى علي كلامك عن البوست
نورتينى ^_^
يــــــــارب يا دينا
ردحذفربنا يحفظهم جميعا ويوفقهم
هتبقي مشاركه عامه بقي يا دندن تيجو نعملوا ثورة علي البيت بقي بالمرة
محمد
ردحذفربنا يكرمك انا هظبط كدة وربنا يسهل واعرف اروح اتبرع وارجع تانى
ادعيلي :)
اللهم آمين يا ايناس
ردحذفوربنا يكرمنا جميعا ونعدى بقي
ابو داود
ردحذفربنا يكرمك يارب
وينصر مصر
ريبال
ردحذفشكرآ اخى لدعوتك الصادقه
بالطبع هناك من يندس وسط اى التحام جماهيري ليخرب ليسرق ليدمر ليفعل ما يحلو له
وللاسف انهم هم دائمآ الظاهرين امام اى احد
اتمنى من الله التوقف عن هذا السيل من الدماء
شكرآ لدعواتكم لنا هى بالفعل منجيه كثيرآ من مهالك اكبر
التحيه لك انت اخى شكرآ :)
"ورغم كل شيء..
ردحذفبيفضل فينا شيء..
بيعشق الحياة."
وعشان كده لسه حلمنا ما متش..
لسه بنحلم بمصر الحلوة..
وكل اللي بيحصل ده ممكن نعتبره آلام ما قبل الولادة.
متزعليش انك منزلتيش
ردحذفكل واحد ليه دور فى مكانه
وجميل اوى انك عرفتى دورك
كونك تدعيلهم ده جميل
وكلامك فى المدونه هنا متستهتريش بيه
يمكن واصل لكتير انتى متعرفيهمش
بس حاسين بيه
تحياتي لترجمة واعية و بسيطة الطرح قويّة المعاني
ردحذف=
مدونة الزمن الجميل يسعدها دعوتك إلى جديدها: !
Timo :)
ردحذفكلامك في الجووون الصراحه
وفعلا هيفضل جوانا امل لبلد احسن
وحياه افضل
نورتنى ابقي كررها تانى ^_^
اسلام :)
ردحذفشكرآ يا اسلام علي دفعه الامل دى
بجد :)
استاذ منجى
ردحذفشكرآ كتير لكلامك دة بجد
في اقرب فرصه هتابع مدونه حضرتك اكيد
نورتنى ^_^