فكره وطنى
ورا كل كلمه وطن
فكرة كبيره عميقه
كل واحد نزل فقد عينه
كان علشان احنا نشوف
كل واحد مات
علشان احنا نعيش
كل واحد اتصاب
علشان نكون افضل في المستقبل
الوطن مش شئ مطبوع في بطاقتك
او مكان بتعيش فيه وموجود في اهلك
او سكنك او بيتك او قرايبك
الوطن يعنى امانك، حمايتك،حكايتك
حبك لبلدك بيبدأ بايمانك بيها
بحبك ليها وابتسامتك رغم مرمطك فيها
يعنى انا وانت مختلفين عن بعض
في حاجات كتير اوى
لكن محدش يقدر يختلف علي حبها
يعنى لما تلاقي حد بيعبر بشكل مختلف عنك
فهو برضوا بيعبر عنك
بيعبر عن مصـــر
وثورتي تكمن في ضعف محبتى
_________________
مشاركتى في جداريه ادون وطنى
جميـــــلة جدا على فكرة
ردحذفروعة،، وروعتها في بساطتها بجد
تسلم ايديك،، ويسلم احساسك :)
فتافيت
ردحذفتسلميلي بجد دى تكمله لسلسه افكار مختلفه كنت كتبتها قبل كدة
شكرآ لكلامك ياقمر:)
ازيك يارنا
ردحذفكلمات قليلة كبيرة معبرة
تحيتي يارنا
وثورتي تكمن في ضعف محبتى
ردحذفجميلة أوي يا رونا
تسلمي :)
أزال المؤلف هذا التعليق.
ردحذفثورتي تكمن في قوة محبتي
ردحذففعلاً عندك حق
تسلم أفكارك :))
ردحذفمحدش يقدر يختلف علي حبها ♥♥ ايواا صح :)
ردحذفحلوووة يا رنووشتي .. تسلم ايديك :*
,,
بس انا مفهمتش دي >> وثورتي تكمن في ضعف محبتى !!
هو اللي بيثور بيكون لشدة حبه ولا لضعف فيه
لو حبنا ضعيف ماكناش ثورنا اصلا .. ولا قصدك غير كدا!!!!
رنا
ردحذفدائما ما نسعد هنا بالكلمات والمعانى
استمرى حتى تكملى السلسله الرائعه
تحياتى ابوداود
محدش يقدر يختلف علي حبها
ردحذففعلا مهما اختلفنا ومهما كانت اتجاهاتنا
فا احنا فى النهايه متفقين على حاجه واحده اننا بجد بنحبها
البوست جميل اوى يا رونا
تسلم ايدك :))
بنحبها
ردحذفليـــه ؟؟ مانعرفش
كل اللى نعرفه إننا بنحبها كدة كلها على بعضها :)
بحب أفكارك أوى يا رونا
تسلم إيديكى :)
فيها ايه لو كل الناس كان جواه إنسان ..كانت االدنيا هتكون حاجه جميله ..بشكر كل إنسان مصرى ضحى عشانا ..مات هو عشان احنا نعيش ...اتعمى عشان احنا نشوف ..اتصاب عشان احنا مانحسش بألم ..عارفتونا يعنى ايه إنسان ..
ردحذفايه يارونى ده تورد الأفكار فى كل حاجه كدا..
اول كم كلمه انتى كتبهم شبهه كلامى ..اللى كتبته وقت ماحصلت الأحداث ..ايه التورد ده ..
صباح الغاردينيا روناء
ردحذفوسيبقى حبها يجمع شعبها
فمهما أختلف الجميع
سـ يتفقون على حب الوطن "
؛؛
؛
رائعة
لروحك عبق الغاردينيا
كانت هنا
reemaas
يا رب يحميها يارونا
ردحذفويحمي كل واحد بيفكر فى مصلحتها
وخايف عليها قبل أي حاجة :)
إن شاء الله هتبقى أحلى كمان وكمان
وإن شاء الله بحق الإصابات
والناس اللي فقدت نور عينيها
هنشوف بـ قلوبنا كلنا
كل اللي بنتمناه لبلدنا ..
ربنا كبير :)
ورا كل كلمه وطن
ردحذففكرة كبيره عميقه
بصى اصلا كلها على بعضها عايزة تتباس :D
جميلة اوى يا رنا
ردحذفعلى اد بساطتها على اد عمقها
عمق المعنى عندك واصل اوى لأنك مؤمنة بيه
تحياتى لروحك الصادقة والجميلة
"دى تتعبك ولا بتسيبها..
ردحذفتحيرك برضوا حبيبها..
على بعضها كده بعيوبها..
حتة من الجنة..
فيها حاجة حلوة"
عندك حق في كل كلمة الهدف واحد بس كل واحد وطريقته
ردحذف