فضيحه بلوجيه نسائيه...3

تنويهات بدائيه

1

بما انى بحاول اروق اليومين دوال

وانفض وامسح للي بيحصل

فقررت انزل البوست التالت

والاخير غالبا علي ما اتذكر

وبعد طول انتظار الى ان اكتسح الاسواق

بوست الفضائح 

نياهاهاهاهاها

ربنا يقدرنا علي الشر دايما

وميحرمناش من مقالبنا 

2

بما ان زناتى شايف الروقان تابعه

فاحنا اللى اخترعنا المزاج كله

حتى لو انت اعترفت بكده ليس هوناك مانع 
من التاكيد
^_^

3
البوست اللى فات خال ابراهيم مفهمش مرشحين اتكلمت عنهم
انا كان قصدى التريقه السطيحه
وعلي كلا انا شخصيا مكنتش
فاهمه ايه البوست اللى مالوش اساس دة
احب اوضح انى احترم بشده ابو الفتوح والعوا وخالد علي والبسطاويسي
والاخوان لاء 
مبحبش اللحمه انا
واللي بيشيل امبوبه بتفرقع في وشه 
حمدين شكلى هرشحك با ابن اللذينه
يلا مراتك علي اسم امى بقي
فانا ارتحتلك وعلي راي اللى بيحبوك
اكتر حد صدقته 
بس بيجد يعنى مينفعش يحصل اتحاد بينه
هو وابو الفتوح والعوا وخالدعلي
لو واحد منهم كسب يستخدم البقيه
انا مش حاسه كل واحد ينفعع يكون رئيس لمصر
بس حاسهم كلهم كمجموعه كده هما الرئيس القادم
لان كل واحد في ميزه مش عند التانى 
وعنده خبره في منطقه مش عند التانى 
4

ليس معنى انى لم افضح بعض الاشخاص الذين

اعدت الدخول لمدونتهم ودخولهم لمدونتى

انهم يقلون عن من فضحوا ابدا

خالص والله 

كل مافي الامر ان لسه مركزتش وملقتش

ليهم ماسكه  ;)

 ____________________

دندن (دينا) مدونه

بنت مش من الزمن دة 

هاهاها

حبيبتى انتى يا دينا والله انتى عارفه كده

صح ههههههههه

طبعا انا فضحتك في بوست اللقاء العفريتى

دة 

بس لم افضح كله

دينا حد هادى جدا

بتحب السكون والوحده والتركيز

بتحب تسمع اكتر مما تتكلم

بس اعتقد في البيت

انتى مش كده اوى

اكيد في زعقتين شويه

مع تعصيبه مع عند شويه

واضح انك بتحبي العناد معرفش ليه

مش اى كتاب ممكن يشدك

وبيفرق معاكى جدا شكل الكتاب وكلام الناس عنه

رومانسيه لكنك لستى خياليه اوى

اعتقد التفكير الكتير في الماضي واحداثه

مخلي الاوقات اللى بتحصل دى تيجى

مزاجيه جدا واعتقد ليكى زوق معين في الالوان

وليكى الوان محدده بتجذبك اكتر

وبتفضلي تلبسيها

في اوقات معينه برضوا 

دايما بتصنفي كلامك

علي انه كلام والسلام

بحسها محاوله بتقنعينا بيها

قبل ما تقنعى نفسك 

ان الكلام دة مجرد فضفضه ملهاش لازمه

بس دايما ورا موضوع البوست 

حاجات كتير منها حاجات موجوده

في الحاضر وبضايقك ومش هتقدري تغيريها

وحاجات في الماضي ومش قادرة تنسيها

احساس برضوا

في النهايه يا جماعه

لمن لم يقابل دينا

هى رقيقه لابعد الحدود

منصته جيده جدا وتهتم بالسمع

لا تحب الجدل الكثير 

وصوتها مبيعلاش عن 

اللي يسمع بس اللى معاها

كتير مش بترد علي فونها

وبتقلق الناس عليها

بس رديتها ليكى فبيييس 

هههههههههههه

علي فكرة عدم ردك علي الناس

مع استمرار فتحك لموبايلك

بيؤكد انك دايما في عز حزنك 

بتفضلي مستنيه مكالمه معينه من حد معين

بس واضح انها مبتحصلش 

مطنشك صح ههههههههه

كمان اعتقد انك بتكونى فاكرة الحركه دى

هتريحك كتير عن قفل موبايلك

بس دايما النتيجه بتكون عكسيه

ولانك من محبي الانتظار والصبر

معتقدش انك هتملى من فعل دة

واخيرا بتتاخر تسقف علي ايدى

ومها دايما بتحاول توقعنا

^__^

بحبك يا دندن 

____________________

نيللي على 

(نينو)

مدونه عطر الاحباب   

صاحبه قلم لا يكتب هكذا الا بتفكير عميق

دائما لها رؤيه في كل شئ

واضحه ومحدده وبسيطه وانسانيه

تعشق كت كات دى نقطه الضعف 

ههههههههههههه

اعتقد انها برغم حبها 

للقاء الناس

الا انها تفضل الانعزال عنهم في بعض الاحيان

معرفش قفلتى حسابك ليه 

مؤخرا والظاهره بتاعتى انتشرت باين

ومرضي كان معدى

اعتقد انك فقط محتاجه تشوفي الحياه

برؤيه تانيه

بيجد مش هزار

نينو انتى ملهمه لتفائل والامل والصبر والابتسامه الصافيه

والقلب الكبير

بتحاولى كتير تتناسي همومك في سماع

هموم الاخرين

او انك تشغلي نفسك في عمل اى شئ

احيانا برغم حبك لكتابه ولجلوسك لوحدك

استشعر انك تمقتى هذا في بعض الاحيان

حينما لا تريدى لكآبه ان تخيم عليكى

وللوحده ان تستفرد بكى

منظمه جدا 

ومصدر تعبك الاهتمام بكل شئ بالاخرين

مثلا

وذلك ما يزعجك عند اكتشاف 

ان الاخر لا يهتم بك مثلما تهتمى

خاصه ان لم يكن لديه ما يمنعه من ذلك

محبه للقراءة لكتاب القدامى

يحي حقي ويوسف ادريس و....علي شاكلتهم 

تلقائيه في كلامك جدا

صادقه لابعد الحدود

دائما لكل شئ وقت

قد تستشعر من كلامها البلوجى

او علي الفون انها شخصيه غير مرحه

لكنها مرحه جدا وبتنكت كمان 

ههههههههههههههه

قد يكون ليس كل من حولها

يفهمون مطالبها

واهتمامتها 

ورغباتها ذلك يؤلمك

رغم انك لاتظهري ذلك

ولكنك دائما تعودى لترددى

يكفينى ان يكون شخصا واحد مهما

في حياتى مهتما بما افعل

لا تحبي تقديم التنازلات

مبادئك دائما محدده لا تتنازالى عنها بسهولها

الا في سبيل تغيرها للافضل

القرآة عندك تمثل الواجب الذي يفعله

الطلاب كل يوم عند العوده ولكنها

تفعليها بحب التعلم وبشوق القرأة

لاشخاص تحبيهم 

اعتقد انك تجيدى لعبه الالهاء

حتى حينما يكون لديكى نقطه ضعف معينه

لايتنبه اليها الاخرين

فانتى لاتحبي ان تظهري امام شخص 

انك لديكى ضعف في نقطه ما

دائما  تلهمك احداث الماضي وذكرياتك

ولكن مع مرور الوقت اصبح تلك المعلقه

التى تقلبين بيها اثقل مما يجب

عليكى لذلك ارجو ان تنسي الماضي بكل

اللي كان فيه وتنبسطى شويه لان من حقك تفرحى

وبس

اتمنى تكونى بخير دائما 

___________________

فراشتى (منمونتى) مدونه

   كلمات في حياتى

  

مونتى حبيبتشي انتى بيجد يعنى

مونى الرقيقه صاحبه القلب الكبير

الشقيه والمتفائله والجميله

بس حزينه من جوه

دايما بحسك جواكى جرح

كبير مش قادره تتخلصي منه

مع انك قويه وعارفه الحل

بس لسه حاسه نفسك

مش قادرة تطبقي

ولان الحياه كمان معاندكى 

مافيش حاجه عايزة تتم زى ما انتى عايزة

ساعات كمان بحسك قصدك تتكتمى

مش خوف من بوح اسرارك

بس خوف ان البوح ميقدمش ليكى

الراحه المطلوبه

غير انك عرفتى حد جديد سرك 

وبقي مطلوب منك تتسئلي كل يوم

في الموضوع ده

بس في ناس كويسه ممكن تثقي فيهم

وصدقينى مش هيقولوا ليكى مالك ولا في ايه

ولا هتزودى زعلهم

بل ممكن تخرجيهم لما يشوفوكى كده هيحسوا

ان في حد بيشاركهم آلمهم في حاجات كتير

دايما مش بتسنح الفرصه ليا اقولك

انا موجوده في اى وقت

بس انهارده فضيحه بفضيحه

انا موجوده علي طول ومبملش من الرغي

زى ما انتى شايفه كده :)

كتير بتنعزلى عننا في صمت

بتفتكرى ان دة الحل الامثل لكل شئ

بيساعدك دة تهدى نفسك ويمكن

بيشحن طاقتك انك تقدرى تواصلي

تمثيليه الانبساط والضحك 

اللى كتير مبتعرفيش تفرقي بين 

انك بتمثلي ولا بتضحكى بيجد

بس علي قد دة ما بيساعدك انك ترجعى

تكملى بنفسك فراشتنا اللى عارفينها

علي قد ما بتحسي اكتر بفراغ من جواكى

بسبب الموضوع وبياكد ليكى حاجات وبيفكرك

باشياء مكنتيش عايزة تفتكريها

علي فكرة مدونتك هتفضل دايما مصدر راحتك

حتى لو 99 % من اصحابك بقوا من التدوين

دايما انتى اللى بتحددى مين يناقشك في ايه

متخليش حد يخليكى تسيببي متنفسك الوحيد

حتى لو هتقفليها وتكتبي كام بوست لنفسك بس

فراشتى انتى حد متفهم اوى وطيب اوى

ومتسامحه مع نفسك ومع اللى حواليكى وجميله من جوه

متخليش حاجه تغيرك

ولا اى شئ سئ يتعبك او يضايقك

الحياه ليسه شايله ليكى حاجات اكيد منها الحلو والوحش

بس انتى قد الوحش وان شاء الله تنبسطى بالحلو

املك وهدفك طول ما قدامك ومحفاظه عليهم

هيساعدوكى تعدى مواقف كتير وحشه ممكن تحصل

مش هفضح ضحكتك بقي

بس اتمنى اشوفك دايما سعيده

^_^

___________________

 نكمل الجزء الرابع من فضيحه نسائيه لانى لو كملت البوست هيطول عليكم

ومش عايزة اتعبكم :)

     

الروقان ...2

تن تن تيرارارار تن تن تيرارار

ايوان انا ناويه اعمل كدة فعلا بمنتهى الروقان

لاء مش اولادى 

مرشحين الرئاسه 

وعلي راي واحده عارفه نفسها 

المرشح دة محتاج دكتور 

هههههههههههههه

بصراحه شديده انا كنت ضد اللى في العباسيه

مطالبهم مشروعه ولكنهم ولوا مطالبهم

اهميه اكبر من اللازم

مما ادى الى ان المصالح والجامعات وكل الناس

مش عارفه تروح في مكان بسببهم

هما حبوا يعندوا في الجيش

بس عندوا فينا احنا

_________

مرة كان مجموعه من الاصدقاء بيتناقشوا

مابين فاتحون لا حازمون

دة قبل ما يتقلش الشيخ حازم طبعا

وانا عماله اضحك وساكته

بصوا ليا كلهم مرة واحده

وانتى يا رنا ايه

قلت ليهم ايه

قالوا تبع مين

قلتلهم 

انا لا فاتحون ولا حازمون

انا معترضون

لو حد لقي معترضون نزل يرشح نفسه عليكم

بتبليغي 

^__^
_______________

اعود لاعى ان الفكرة ليست في ان تكون الدوله اسلاميه
فاقامه الاسلام في النفوس
وليس في من يمتكلون النفوذ
اعود لاري ان ذلك الهبل الجماعى
في الاتفاق علي عزل بعض الاشخاص بقانون
هو غير دستوري بالمرة
هو خوفا من ان يكسبوا
الانتخابات
جميعكم خائفون من ان يمسكنا شخصا ينتمى
الى النظام السابق
ونسيتم ان جميعا كنا ننتمى اليه
جميعكم تريدون الجميع يشارك في الانتخابات
فقط حتى ينقذ بصوته شخصا
ليس من الفلول
ونسيتم اننا لم نعد ضعفاء
لنعد الي استحمال شخص غير جدير بفعل شئ
اعود لاري ان احمد زى الحج احمد بالفعل
والفكرة ليست في ان مصر تنتخب الرئيس
بل مصر بتهبل وهنام  كلنا علي الرصيف
والرئيس اللى هيجى هو اللى هينتخب مصر
وان كما وجدنا البرلمان زائف امس سنجد اليوم ان انتخابات الرئاسه
لم تفرق كثيرا عنه
ربما الجيش يقنعنا بغير ذلك
ولكنى اعلم حينما يريد التغيير
ففسوف يسلم السلطه بالفعل
ولكن الى نفسه :)
نعود لحوارنا فالكعاده انا بارعه في الرغي ايضا
الفكرة ليست في من له خلفيه دينيه
ومن له خلفيه سياسيه
ومن لديه التحنيك
ومن تابع لمن
الفكرة في البرنامج وقوه الشخصيه

والاهم في من يطيح بالبرلمان
لذلك مصر لن تنتخب رئيسا
لان ولا رئيس يصلح ان يكون رئيسا
اساسا
 :)
___________________

 الحقيقه انى بالفعل لا اعلم حينما

اتزنق كده هرشح مين

للاسف انا لست من مؤيدين انى

احط ايدى تحت درس اى جماعه اسلاميه

بالتالى الشيخ حازم من الاول لم اكن ادعمه تماما

كنت اراه يصلح لما يفعله كشيخ ليس اكثر
وبصراحه سواء مامتك معاها الجنسيه
ومش عارف سواء معاها وعارف سواء مش مش معاها
خالص 

في الحالتين انت وقعت

بس اعوان ريتشارد ليسه سارقهم

السكينه 

احب اوجهه التحيه ليهم واقولهم رقبتكم ليسه بخير

_______________

عمرو موسي
مسير الشمس تحرقه ويسيح
كم ان علاقاته الخارجيه مبنيه على حب الجميع له
ولكنه نسي ان علاقاته الداخليه مبنيه علي كره الجميع له
ولا اعتقد اننا سنعينه ليمسك دوله غير مصر

 _________________

شفيق

  يا شفيق بكرة تكبر ونجبلك

مصاصه ونعرفك ان في انواع تانيه

لهزار ههههههههه

البرنامج اخر حلاوه الصراحه

انت مسبتش نقطه عارفها الا لما سديتها

بسد الحنك اقصد بخطه تنفيذيه محنكه

بس ياتري هتجيب الفلوس منين 

وياتري برضوا كله هيتحل 

بالنبنون تفتكر
ويا شفشق ان كنت
 لم تستطع بادواتك المنزليه مسح ماضيك
ما بالك في تسلق السلم
انا اراه مقنعا جدا لدرجه كبيره
وليس اهبل ولكنه لن يستطيع السيطره علينا
ولكن في ذات الوقت عندما يحكمنا
لن يوزع عليا البنبونى بالفعل
ولكننا سنجد القنابل تنزل حتى تغرقنا جميعا

 ___________

وابو الفتوح
يمشي بمدأ كله يسقف وهيصه اين البرنامج انا لا اراه حقيقتا
وان كنت ارى ان فكرة انعزاله التام عن الجماعه هى بالفعل حدثت
ولكنها لن تستمر ان مسك الدوله ولا ايييه

 ياتري الحصان كام سي سي 

_______________

ومحمد مرسي
ارسي اغنيه حلمه هو حلمنا
ونسي ان الاخوان اكبر كابوس يحتل مصر الان
وانا اري ان الاخوان يغمزون اليكم من تحت لتحت
انهم سيغزوا حتى احلامكم
فهل هى ناقصه
ولكن ارجوك عمو محمد بما ان من بوسترات حضرتك
يغلب عليك الروح الاهلاويه
فطلب من اهلاويه لا تاخره
ان تضيف الي برلمانكم الجميل دة ميكي مويس وميمي
وتسلملى علي وينى ذا بوه اوى
عجبانى اداراته الاخوانيه المتحرره جدا للبرلمان 

_________________

اما عن خالد علي
واحسرتاه علي المحامين
هو لم يفد ولم يضر
هو فقط يبتسم لتطلع الصوره احلى
من احمد زكى ومنى زكى

^__*

___________

بالطبع لن اتحدث عن البسطاويسي
انتم تعلمون انى كنت ادرس الحقوق التى جعلتنى اعى
 ان هيبه القضاء لا يحتاج الى ترفيع اكثر من ذلك
بالطبع وقتها لن تسطيع ان تمد يدك علي شئ في الدوله
لان جميعها سيكون حصري لقضاه فقط :)) 

_______________

 الانكت في ذلك العالم انى مازالت انتظر سليم العوا 

 يظهر كده ويصرفله اتنين مليون حتي
بس واضح ان الراجل بخيل بخل التنين والفيل
ودة  حاجه كده بتقطهم الضهر اكييد
ولكنه ينبئ اننا سنعيش فترة حريصه حرص لو فقط تمكن من ان يرئسنا
سنعيش مثل حريص وحريصه في ونيس
وستجد الشعب المصري جميعه يفتحون علب الحلوى التى عليها مكسب لياخذون
مكسبهم ثم يرجعونها الى البائع بحجه ان صالحيتها انتهت :)

 الانكت من الانكت دة انه طلع اول البارح

فعلا وقالك اتمنى ان اصل لحد الاقصي

10 مليون

اللا ياعم ما شوفت حد الحد الادنيى

متستهونش بي دة مكار مكر 

وكاهين كوهن

ولكنه سيظل المظله التى يحتاجها

عمرو موسي بعد وقوفه تحت الشمس

طيله المده هذه كلها

______________

حمدين صباحي 

انا ملاحظه ان كل اللى بيتكلموا

عن حضرتك بيتكلموا باسلوب كان ايام انور

كان اول مبارك

هو حضرتك كنت مهاجر الفترة المنحدرة دى ولا ايه

ويقال انك حاسس بمشاعر واحاسيس المواطن الغلبان

والله ياحج عارفه البرنامج بتاعك جامد اخر حاجه

خطواتك فظيعه

لكنى لست متخيلاك رئيس صراحتا

خالص خالص خالص

يعنى فكرة هتجيب فلوس منين

محيرانى اوى

واللى محيرنى اكتر

هتواجهه الاخوان بايه

بالمعلقه ولا الشوكه

ولا انجغ انجغ

يا جماعه اتهشوا

خد بالك النسر بيحلق والشمس

وراه نياهاهاهاهها

والمظله تحت والحصان بيجري

واخاف عليك اخاف عليك اوى

   من الميزان ليقلبك شمال

______________

الخوف يكمن من ان نخاف نحن او ننسي 

ان شباب مصر فعل الكثير لانجاح الثوره
وهو ليس بحاجه لقوانين عزل ليثبت وجوده
او يطمئن ان مصر لن يمسكها من يستحق
فالعديد من الاشخاص لم يعزلوا لكنهم لا يستحقوها

والجامعات الاسلاميه
وخاصه الاخوان
اثبتت انها كالطفل المحروم
من الايس كريم وعندما وجده ظل يلتهمه بشراهه
فاذا غيرنا ذلك الطفل لرجل بحجم مرشدهم
فانه في البدايه سيلتهم فقط الايس كريم حتى يشبع
ولكن بعدها سيفكر كيف ينتقم
حتى لايستطيع احد احرامه مرة اخري
وكيف يشبع نفسه ذاتيا

والانكت ان الجامعات بتخبط في بعضها السلفين

 يستغربون تطبيق جميع الاخوانين كلام المرشد
ولا يستعجبون حينما يطبقون هما كل شئ يقال لهم من شيوخهم
سواء صح او غلط ولكنهم لا يغلطونهم ابدا
والانكت ان حزب النور اينما اتجهه سيتبعه السلفيون كظله
ومع ذلك هما يستغربون كيف جماعه الاخوان تفعل غسيل مخ
لكل الشباب الذي ينضمون اليهم
فعلا حاجه غريبه

لذلك وبرغم كل ما اره من شفقه علي من يرشحون
انفسهم لرئاسه
وفي زحمه الانشغال بذلك
وبالفوضي الجميله التى نعيشها
بالتريقه علي كل من دب وهب
وها انا اتريق بالمره من نفسي بقي
وعلي اعطاء كل من ليس له حق حقه
ولاهتمام بالزائد بالاشياء التى ليس لها اهميه
قررت انا بكامل قوايا العقليه
الانعزال التام اوالموت الزؤام
^___*

واسئلكم في النهايه هترشحوا ولا هتقاطعوا

ولا هتعملوا ايه 

؟؟؟؟؟؟؟؟؟؟

^حيين^

حين تلتقي بمن تحب

في الوقت الذي لا تحب

________

حين يكسرك الماضي

لكنه مازال يداوى نفسه 

بنفسه 

______________

حين يتخلى عنك الجميع

في سبيل فكرة

اصلك مكنتش معانا

__________

حين لا يقدرك احد

لان ببساطه

ما يسمعونه

ليس مبرر لان لا تفعل ما يريدون

______________

حين تعلم انك ان لم تفعل

ذلك الان

فسيكون مؤلم غداً

وفي بعض الاحيان محرجاً

_________________

حين تفضل الجميع عليك 

ولكن الجميع يفضلون في النهايه

انفسهم فقط

_________________

حين وبرغم كل ما لديكى

لسه قادر تبتسم

لانك متعودش تكون

مكشر او ضاربها بوذ

_____________

حين تفهم كل شئ

وتخزنه

لكنك لا تريد استخدام ذلك 

الان ضد اى حد

_______________

حوارات بلوجيه (1)

 طلتنا انهارده مختلفه برؤيه جديده وفكره اجدد فكرة لمدونتنا آيه محمد حوارت مع مدونين واشخاص في نظرنا هم لايقلون عن الممثلين والنجوم الذين يزعجونا ليلا ونهار بحوارتهم علي التلفزيون تيجو نشوف ايه اللى هيحصل مع بعض ؟

 آية محمد : النهارده اولى حلقات برنامجنا البلوجرى " حوارات بلوجيه " ويسعدنا ان نستضيف طير الرماد د/ مصطفى سيف الدين
ونبدا على طول علشان معندناش وقت وبيدخلوا بالفوواصل الاعلانية ومش ضامنين الظروف هههههه..

آيه : مصطفى سيف الدين اسم غنى عن التعريف فى عالم بلوجر لكن ما يشغلنا كيف انتقل من الدكتور الى الاديب ؟؟؟

د/  مصطفي : اديب كلمة كبيرة اوي معتقدش ان انا حزت اللقب ده انا اكتب افكار و خواطر بتيجي في بالي لكن انا مش اديب يعني بتيجي في بالي الفكرة باكتبها بس مش اكتر..

رنا : بس اسمحلى اقولك ان قصصك ادبيه جدا وكمان انت بتستطيع ان تتلون في مفرادتك فكيف استطعت الانتقال من عالم عملى الي عالم ادبي بحت ؟ وممكن تقولنا ازاى جات معاك قصه الكتابه ؟

هاقولك يا رنا
د/ مصطفي : انا في فترة الثانوية العامة كنت فاكر نفسي شاعر و باكتب كلام كده و اقول عليه شعر
زي مثلا لم يخطىء السهم القلب ... بل دمى القلب حبا
و في كمان كل شيء بالدنا محتمل ... كذا رؤيتي للحبيب الأمل
كنت باحب اللغة العربية و النحو ايام المدرسة رغم بعدي عنهم في الكلية
بعدين بعدت خالص سنين كتير عن مجال الادب ده لحد ما قدرت ادخل نت و اشترك في منتدى منه بقى بدأت اكتب خواطر بعدين جت في بالي قصة فكتبتها و من يومها بقيت اكتب قصص يعني كلها صدف

آيه : بس اجمل صدف بجد

كانت ايه احب قصه لقلبك ؟

د/ مصطفي : رحلة البحث عن السعادة
علشان كانت في بداياتي ممكن تقولي تاني او تالت قصة اكتبها و اكتر قصة راضي عنها هي الواو

رنا : اة الواو دى بدايه تعلقي بالمدونه اساسا هل واو قصه خياليه تماما ام لها علاقه بقصه واقعيه حدثت معك ؟ 

د/ مصطفي : لا خيالية تماما

رنا : ياتري امتى الدكتور مصطفي حس ان كتاباته تصلح ان تنشر في كتاب ؟

د/مصطفي : لو قلتلك لحد دلوقت مش مقتنع مش هتصدقيني
بس لما اكترمن حد بعتتلي و قاللي لازم تنزل اعمالك في كتاب بدأت اقتنع شوية

رنا : تمام اوى وكيف بدا الموضوع مع دار ليلي اذا ؟

د/ مصطفي : يعني كان لي اصدقاء في الفيس بوك ان في مشروع النشر لمن يستحق و نصحوني اني انشر معاهم لان كتاباتي تستحق النشر و على الاساس ده بعتت الكتاب و تم النشر

آيه : وكان ضوء اسود

د/مصطفي : اه ضوء اسود .

آيه : لمن لم يقرا الكتاب تحب تقوله إيه عن ضوء اسود؟؟

اخذ يفكر لبرهه من الوقت ويرتب افكاره كحال الادباء جميعاً ^_^

د/مصطفي : لأننا دايما بننشغل بيه و بينسينا الضوء الحقيقي
دايما بنتعلق بيه الضوء المتعلق بالماديات و بننسى ضوء الروحانيات
الاضواء تجلي ما غاب عن ادراك الحس
لكن ما غاب عن ادراك الروح لا يجليه ضوء فهو قصور روحاني
لذا لا تظن ان الضوء سيجلي لك ما غاب عن ادراكك فهو ضوء اسود نعلق به و لا نستطيع ان نجتازه لنفهم ما بداخلنا  الا حين نتحرر منه كتابي هو دعوة للتحرر من الضوء الاسود

آيه : لاحظت كتير ف ضوء اسود انك بتتحرر من القيود اى كانت هل ده صحيح ؟

د/ مصطفي : لو قصدك قيود قواعد القصص فلي رأي
الابداع لا يكون ابداعا اذا تقيد بقالب

او شروط معينة الخيال هو مقياس الابداع و مدى حريته من القيد هي مدى ابداع

آيه : اذا الان انكشف لنا سر جاذبيه و نجاح ضوءك الاسود

د/ مصطفي : مدى الجاذبية و النجاح يجيب عنها القارىء لا الكاتب
لذا السؤال موصول اليكِ كيف رأيتِ الضوء الاسود فانا مؤمن ان القارىء يجب ان يتم ما بدأه الكاتب و يشارك معه في الكتابة

آيه : ما انا بلتمس ما استشعرته من جاذبيه ونجاح من تفسيرك للابداع

د/ مصطفي : اتمنى ان يكون قد امتعك

آيه : للغاية :)

هنا انا وآيه تدخلنا بنفس السؤال في ذات الوقت

هل تري ان كتاب ضوء اسود وكانه عمل مكمل لكتاب ابجديه ابداع عفوي والمقطع الذي اشتركت به كان جزء من كتابك؟

د/ مصطفي : الابجدية يشعرني بالفخر دائما فحين ارى اسمي بين هذه الكوكبة اجدني اتسائل هل انا استحق تلك المنزلة ، حين اشتركت في كتاب المائة تدوينة و رشحت قصة كيوبيد و من قتل الديمقراطية
لم تكن فكرة نشر كتاب ضوء اسود قد خطرت ببالي بعد ،  كما  ان مشاركتي في الابجدية تسبق فكرة نشر كتاب خاص بي...

آيه : لكن اعتقد ان صدور الاثنين معا كان له وقع خاص على نفسك ؟

د/ مصطفي : فرحتي كانت اكبر بالابجدية فهي الدليل بالنسبة لي انني اكتب ما يستحق النشر فلو لم يكن ذلك لما وضع اسمي بجوار هؤلاء المبدعين
اما عن صدور الكتابين في نفس الوقت فاسعدني ان حفلة التوقيع في معرض الكتاب كانت للكتابين معا
فمن هو من غياهب الصعيد مثلي لا يستطيع حضور حفلات توقيع متلاحقة لذلك كنت سأحزن لو لم احضر اي حفلة توقيع للابجدية...

آيه : شخيصا كنت سعيدة جدا كذلك بان كانت الحفلتين معا حتى يتثنى لى الحصول على توقيعك على ضوء اسود والابجدية

(زى ما انتوا شايفين كدة بيغظونى الاتنين علشان وقعوا لبعض وعلشان محضرتش الحفله ) 

طبعا حاولوا يرضونى فقالي استاذ مصطفي هيعملى حفله مخصوص تدبيسه ^_^

رنا : لماذا اشعر دائما ان الكاتب مصطفي سيف متواضع زياده عن اللزوم دائما هل ذلك يرجع لطبيعه شخصيتك ام لمكان الذي نشأت فيه ام ماذا ؟

د/ مصطفي : رحم الله امرىء عرف قدر نفسه
انا مش متواضع انا شايفني كده
يعني مش حاسس اني باعمل حاجة عبقرية علشان اتغر...

رنا : نحب ندخل اكتر ونسئل سؤال شخصي كدة

آيه : وراء قصصك الرومانسية قصة رومانسية بالفعل ؟

د/ مصطفي : لا كلها من الخيال مفيش قصه رومانسيه خالص في حياتى

تقدري تقولى الواحد بيكتب في الحاجات اللى ناقصاه

آيه : محوارتنا تشاغب الكاتب وتقول ليها طيب دور كدة يمكن كان وانت مش واخد بالك

د/ مصطفي : طيب استنى اشوفلك في جيبي ^_^

آيه : ههههههههه  ربنا يسعدك يارب ويكرمك برومانسية اكتر واكتر وتبقى حقيقية ان شاء الله

رنا : جميله جمله بتكتب اللي ناقصك
اذا مصطفي سيف متشوق لان تحدث نفس القصص التى يكتب عنها معه؟؟؟

فرد عليا اديبنا وكالعاده يصفنى لثانى مرة بذلك الوصف

د/ مصطفي : ههههههههههههههههه
انتي كارثة يا رنا

لا طبعا قصة رومانسية ايه و جواز ايه ؟ لا كده زي الفل و محلاها عيشة العزوبية ههههههههه

رنا : طبعا ايها القارئين واضح من كلام استاذ مصطفي انه صادق

آيه : هل انت من مؤيدى ان الرومانسية ف الكتب فقط ؟

د/ مصطفي : لا طبعا يا آية انا مع الرومانسية في الحياة برضه .

رنا : اعتقد ان الدكتور مصطفي سيف يكره التصنيفات فانت لاتريد ان يحددك احد في اطار كاتب قصص رومانسيه صح ام خطأ؟

د/ مصطفي : اه انا ضد تصنيف نوع الكتابة من الاساس
مش بحب القوالب و التصنيفات في الابداع..

آيه : هل للادب دور فى خلق منزل سعيد من خلال الكتابات الرومانسة ؟

د/ مصطفي : سؤال لولبي حلزوني

ده اللي بيحدده مدى قابلية الزوجين للتغيير و مدى تأثرهم بالادب

صحيح الطبع بيغلب التطبع
بس الادب بيفتح مجال اوسع للرؤية

(طبعا آيه دخلت وتعمقت في الرومانسيه فاسترسلت في الحديث عن هذا الموضوع بسؤال اخر)

آيه : يعنى ملاحظة ان كل البنات والشباب على النت دايما بيبدوا اعجابهم بالمقولات والروايات الرومانسية تفتكر ان ده مؤشر ان الحياة الزوحية ف مصر السنوات القادمة هتكون مستقرة؟؟

د/ مصطفي : اممممممممم معتقدش
لان الحياة الزوجية بتحددها العشرة و بتتغير افكار الانسان مع الوقت

رنا : لو قربنا اوى من شخصيه مصطفي وعملنا كلوز ممكن نشوف ايه اكتر حاجه بيحبها مصطفي في نفسه وبيلاحظها الناس وممكن نشوف ايه عيب من عيوب مصطفي بس الناس مبتاخدش بالها منه ؟

د/ مصطفي : و ليه الاسئلة دي بقى :)

 ما تخلي الطابق مستور :)

رنا : ههههههههههههههههه الطابق مستور اوردى متخافش بس عايزين نقرب من الجهه الانسانيه للاستاذ  مصطفي ونوضحها للجمهور :)

د/ مصطفي : احلى حاجة فيا اصلا معرفش و مش باشوف حاجة كويسة اصلا دي اللي حواليا يشوفوها احسن من

(فردت آيه قائله التواضع)

فاكمل استاذ مصطفي حواره : لا مش تواضع بس حقيقة في صراع نفسي جوايا بيخليني شايف كل اللي باعمله غلط اكبر عيب فيا الناس مش بتاخد بالها منه اني غير تصادمي بابعد عن الصدامات و معرفش ان كان ده ميزة و لا عيب ..

رنا : والله هو يفرق هل بتبعد هروب ام بعد لانك من النوع المزاجى لا تريد ان تصدم نفسك باشياء ليست لها حلول في الاساس ؟

د/ مصطفي : هو بعد عن المجادلة بلا طائل فأغلب الصدامات عبارة عن جدل بيزنطي

رنا : سيدى يا سيدى بيزنطى مرة واحده طييب ياتري كيف اثرت علي شخصيتك نشأتلك ومحل والدتك ؟

د/ مصطفي : العصبية احيانا و ساعات دماغي بتبقى قفل و ربنا لا يوريكي الوش ده مني :)  متنتظريش هقولك طيبة و كرم و حاجات من دي لاني قلتلك اصلا مش لاقي حاجة عدلة فيا ..

رنا : واضح ان النفس اللوامه شغاله الله ينور..

د/ مصطفي : ده نورك :)


(شوفتوا الالش هههههههههههه)

رنا : طيب في نهايه الحوار الذي اجده ممتع جدآ تحب تنهى كلامك بايه لناس اللي بتابعك ولو حابب توجهه رساله لحد برضوا براحتك كما تفضل يعنى :)

د/ مصطفي : انا اللي اسعدني الحوار معاكم و استمتعت بيه

لو قلت كلمة هيبقى
اطلقوا عنان خيالكم ,و حلقوا في الفضاء حتى تروا الواقع احقر و اصغر من الحزن عليه , حلقوا في الفضاء حتى تستطيعون ان تعيشوا الواقع ، السعادة الحقيقية تنبع من الداخل فلا تبحثوا عنها بعيدا عنكم

رنا و آيه : متشكرين جدا يا استاذ مصطفي علي الوقت اللى خصصته لينا دة..

د/ مصطفي : العفو يا رنا ويا آيه انا اللي شاكر لاستضافتكم الطيبة

آيه : وان شاء الله تتابع معانا الحوار وحوارات تانية كتير على مدونتى انا ورنا

د / مصطفي :اكيد يا آية ان شاء الله هاتابع

والى هنا اعزائي المتابعين ننهى حوارنا ولا تقلق يا استاذ مصطفي سرك في بير بس مضطر تدفع علشان نخبي اللى مطلعنهوش بقي ههههههههههههه

وتابعونا في حلقات اخري

والحلقه القادمه ستنشر باذن الله علي مدونه آيه محمد

شئ سيبقي بيننا

اعداد وتقديم حلقه اليوم : آيه ورنا .

نجم الحلقه : الدكتور مصطفي سيف الدين .

اخراج ورؤيه كتابه : رنا .

فتاه ....... الألوان

لا تنظرون إلي هكذا
وتحدثون أنفسكم نعم فأنا
مختلفه عن الفتاه التى تعرفونها
مبهجه ،،، مبتسمه ،،، حالمه
قد تكون عانت الكثير
لكنها عاشت الألوان ببهجه
اما أنا فتعايشت
مع مأساتها


ذلك هو عالمى الخارجى
تلك هى الالون التى ابهج بها الاخرين
لكنى في سياستى
لا اتعامل الا بلونين
الابيض .... والاسود
لكنه لايبهج كل الاشخاص
يحبون الاصفر لما يحمله
من طبيعه زاهيه وشمس متدفقه
ولكنهم من الداخل يحملوه لاغراض اخري
فحقدهم طبع في ضحكاتهم الصفراء

يعشقون الازرق اللون الزهري
هو اللون الذي يسيطر علي محيطهم
مكتب ،، سيارة ،، شقه
قد تعتقدوا انهم يرتحون إليه
ولكنه لهم مثله مثل البخور

فالاحمر شيئاً يجذبهم
وانوثه يروها في ملابسهم

وفي البنفسجى رونقهم
للعالم الخارجى
يمكن لانه يقبع فيه حزنهم
او انهم يرون فيه سر جذابيتهم
لذلك دوري الاساسي هو
محاوله ان اغرهم بتلك الالوان
واجذب نظرهم الى
ولكن سيظل ياثر علي عالمهم
اللون المثالي لهم اللون الذي يحكى
روايتهم وتعاملهم مع الاخرين
ذلك اللون الذي لا اصل له
الرمادى

فهم يَرَوْا ما يريدون ان يَرَوْا

وأري انا ما اريد ايضاً

ومشكلتى انى 

سأظل من الداخل
خاويه فارغه لا اعلم ما لونى
ولا استطيع تحديده
وتلك هى مصدر تعاستى
وسبب غض بصري
عن ذلك
واتظاهر انى مبهجه مثل تلك الالوان
ولكن ستظل عدسه الكاميرا
تلتقط لى لحظات ضعفي وحزنى
وبسمتى التى اخذتها الألوان واختفت

هامش

انا كتبت البوست من فترة علي الفيس

ودة بعد شويه تعديلات كدة

الصورة واخدها من صفحه منى فراشه

طول عمرى حراميه

^_^

تصنع ♥ احلامها ♥ بفرشاتها

رغم عدم الترتيب

ورغم ان مجاش في بالنا اننا ممكن

نعمل حاجه مع بعض

حابينا نفاجأكم

بعمل مشترك

انا ومنى فراشتنا المميزة 

نكتب عن حدث الالوان بالنسبه إلينا

وبرؤيه مختلفه

لينك الحدث

 مدونه مونى

كلمات في حياتى

تأتى كل صباح وجهها ممتلأً بالنور وبهجتها ساطعه هى كذلك دائمآ منذ ان احبت ذلك اللون الذي يبهجها ويجعلها تري كل شئ بوضوح لا يشغلها في التفكير عن اى لون اخر سيليق عليه فكل الالوان تحقق الغرض .......
فحياتها عباره عن صفحه بيضاء تستطيع ان ترسم فيها كل الألوان ااتى تسعدها
وكل لون يمثل حلم من احلام حياتها حلمآ نقيآ مثل قلبها....

تمسك دفاترها , ألوانها , فرشاتها ... تنظر إليهم بحب ,,, اليوم سترسم حلماً جديداً
تهم بالتمسك جيداً بالفرشاه تفكر تبتسم ، هى تعلم انها من تصنع الوانها لتزين بها تلك الاحلام ،فتغمض عينيها قليلاً وتتمتم ببعض الاغانى التى تحبها.

تعيش قليلاً بداخل حلمها هى تحب ان تري وجوهاً مبتسمه لذلك تضيف هذا الى حلمها كل مرة لكنها في بعض المرات تري اشخاصاً تجلس وحيدة ،، وترى وجوهاً كثيرة بلا ملامح ،، تراهم يحبون تلك اللونين الاسود والرمادى بشدة
تقترب أكثر لتسأل عن سر اللون الأسود .....
لترى أنه لون الإرهاق والوجع
مُرهَهقةٍ قلوبهم لدرجة عجز شفاههم عن الإبتسام .....
الأسود عندها مختلف
لكنها لاتفكر فيه الا حينما تريد ان تظهر اقل وزناً او مودها متقلب او انها ذاهبه الى سهره ما فهو يمثل الشياكه في عالمها الواقعى ،،،،لكن في احلامها هما لونين لايتماشوا مع بساطتتها وشفافيتها ...

تفتح عيونها وتري ان الالوان الاخري اكثر بهجه  فترسم وجوها أكثر سعادة ، وجوهاً تملئ الحياه وليست الحياه تملئها .....
كم تتمنى أن تكون الحياة كتلك الدفاتر بيضاء لتعطى كل الشخص ابتسامه بلون احلامه ابتاسمه تجعله اكثر اشراقاً .....

فجأة نظرت الى اعلى دفترها الابيض شعرت بان هذا الجزء يحتاج الي لونآ تعشه  
هى ترتاح الى لون السماء الازرق واللبنى وتلك الدرجات المتناسبه مع روحها
تري في السحاب رغباتها الممزوجه وعباراتها التى ترددها دائماً سأنجح سأحقق احلامى تنسجها لها طيورآ ملونه بكافه الألوان
فتذكرت حبها لطبيعه

 
فنظرت الى السحاب ووجدت مكاناً خالياً علي اقصي يمين الصفحه
 فشعرت بان هذا الجزء يحتاج الي بعض الالوان
لونا كـ لون الشمس الصفراء
فحبها له يجعلها تري فيه طبيعتها
لذلك هى لا تكره اللون الاصفر مثلما يكره البعض
تري في هذا اللون دافئا مُشرق بالحياة
ترسم شمساً بخيوط ذهبية
مُتمنية أن تصل دفئها لقلوب أرهقها السواد

هكذا إكتمل حلمها بــ سماء صافية وشمساً دافئة
وجوه كثيرة مبتسمه

لا تريد شيئا آخر الآن فقط صنعت احلامها بفرشاتها الصغيره
وضحكاتها المتلألأه باللون الاخضر الذي تحمل به خيرها وتكتفي.
____________