2012-05-20

فضيحه بلوجيه نسائيه...3

تنويهات بدائيه
1
بما انى بحاول اروق اليومين دوال
وانفض وامسح للي بيحصل
فقررت انزل البوست التالت
والاخير غالبا علي ما اتذكر
وبعد طول انتظار الى ان اكتسح الاسواق
بوست الفضائح 
نياهاهاهاهاها
ربنا يقدرنا علي الشر دايما
وميحرمناش من مقالبنا 
2
بما ان زناتى شايف الروقان تابعه
فاحنا اللى اخترعنا المزاج كله
حتى لو انت اعترفت بكده ليس هوناك مانع 
من التاكيد
^_^
3
البوست اللى فات خال ابراهيم مفهمش مرشحين اتكلمت عنهم
انا كان قصدى التريقه السطيحه
وعلي كلا انا شخصيا مكنتش
فاهمه ايه البوست اللى مالوش اساس دة
احب اوضح انى احترم بشده ابو الفتوح والعوا وخالد علي والبسطاويسي
والاخوان لاء 
مبحبش اللحمه انا
واللي بيشيل امبوبه بتفرقع في وشه 
حمدين شكلى هرشحك با ابن اللذينه
يلا مراتك علي اسم امى بقي
فانا ارتحتلك وعلي راي اللى بيحبوك
اكتر حد صدقته 
بس بيجد يعنى مينفعش يحصل اتحاد بينه
هو وابو الفتوح والعوا وخالدعلي
لو واحد منهم كسب يستخدم البقيه
انا مش حاسه كل واحد ينفعع يكون رئيس لمصر
بس حاسهم كلهم كمجموعه كده هما الرئيس القادم
لان كل واحد في ميزه مش عند التانى 
وعنده خبره في منطقه مش عند التانى 
4
ليس معنى انى لم افضح بعض الاشخاص الذين
اعدت الدخول لمدونتهم ودخولهم لمدونتى
انهم يقلون عن من فضحوا ابدا
خالص والله 
كل مافي الامر ان لسه مركزتش وملقتش
ليهم ماسكه  ;)
 ____________________

دندن (دينا) مدونه

هاهاها
حبيبتى انتى يا دينا والله انتى عارفه كده
صح ههههههههه
طبعا انا فضحتك في بوست اللقاء العفريتى
دة 
بس لم افضح كله
دينا حد هادى جدا
بتحب السكون والوحده والتركيز
بتحب تسمع اكتر مما تتكلم
بس اعتقد في البيت
انتى مش كده اوى
اكيد في زعقتين شويه
مع تعصيبه مع عند شويه
واضح انك بتحبي العناد معرفش ليه
مش اى كتاب ممكن يشدك
وبيفرق معاكى جدا شكل الكتاب وكلام الناس عنه
رومانسيه لكنك لستى خياليه اوى
اعتقد التفكير الكتير في الماضي واحداثه
مخلي الاوقات اللى بتحصل دى تيجى
مزاجيه جدا واعتقد ليكى زوق معين في الالوان
وليكى الوان محدده بتجذبك اكتر
وبتفضلي تلبسيها
في اوقات معينه برضوا 
دايما بتصنفي كلامك
علي انه كلام والسلام
بحسها محاوله بتقنعينا بيها
قبل ما تقنعى نفسك 
ان الكلام دة مجرد فضفضه ملهاش لازمه
بس دايما ورا موضوع البوست 
حاجات كتير منها حاجات موجوده
في الحاضر وبضايقك ومش هتقدري تغيريها
وحاجات في الماضي ومش قادرة تنسيها
احساس برضوا
في النهايه يا جماعه
لمن لم يقابل دينا
هى رقيقه لابعد الحدود
منصته جيده جدا وتهتم بالسمع
لا تحب الجدل الكثير 
وصوتها مبيعلاش عن 
اللي يسمع بس اللى معاها
كتير مش بترد علي فونها
وبتقلق الناس عليها
بس رديتها ليكى فبيييس 
هههههههههههه
علي فكرة عدم ردك علي الناس
مع استمرار فتحك لموبايلك
بيؤكد انك دايما في عز حزنك 
بتفضلي مستنيه مكالمه معينه من حد معين
بس واضح انها مبتحصلش 
مطنشك صح ههههههههه
كمان اعتقد انك بتكونى فاكرة الحركه دى
هتريحك كتير عن قفل موبايلك
بس دايما النتيجه بتكون عكسيه
ولانك من محبي الانتظار والصبر
معتقدش انك هتملى من فعل دة
واخيرا بتتاخر تسقف علي ايدى
ومها دايما بتحاول توقعنا
^__^
بحبك يا دندن 
____________________

نيللي على 
(نينو)
صاحبه قلم لا يكتب هكذا الا بتفكير عميق
دائما لها رؤيه في كل شئ
واضحه ومحدده وبسيطه وانسانيه
تعشق كت كات دى نقطه الضعف 
ههههههههههههه
اعتقد انها برغم حبها 
للقاء الناس
الا انها تفضل الانعزال عنهم في بعض الاحيان
معرفش قفلتى حسابك ليه 
مؤخرا والظاهره بتاعتى انتشرت باين
ومرضي كان معدى
اعتقد انك فقط محتاجه تشوفي الحياه
برؤيه تانيه
بيجد مش هزار
نينو انتى ملهمه لتفائل والامل والصبر والابتسامه الصافيه
والقلب الكبير
بتحاولى كتير تتناسي همومك في سماع
هموم الاخرين
او انك تشغلي نفسك في عمل اى شئ
احيانا برغم حبك لكتابه ولجلوسك لوحدك
استشعر انك تمقتى هذا في بعض الاحيان
حينما لا تريدى لكآبه ان تخيم عليكى
وللوحده ان تستفرد بكى
منظمه جدا 
ومصدر تعبك الاهتمام بكل شئ بالاخرين
مثلا
وذلك ما يزعجك عند اكتشاف 
ان الاخر لا يهتم بك مثلما تهتمى
خاصه ان لم يكن لديه ما يمنعه من ذلك
محبه للقراءة لكتاب القدامى
يحي حقي ويوسف ادريس و....علي شاكلتهم 
تلقائيه في كلامك جدا
صادقه لابعد الحدود
دائما لكل شئ وقت
قد تستشعر من كلامها البلوجى
او علي الفون انها شخصيه غير مرحه
لكنها مرحه جدا وبتنكت كمان 
ههههههههههههههه
قد يكون ليس كل من حولها
يفهمون مطالبها
واهتمامتها 
ورغباتها ذلك يؤلمك
رغم انك لاتظهري ذلك
ولكنك دائما تعودى لترددى
يكفينى ان يكون شخصا واحد مهما
في حياتى مهتما بما افعل
لا تحبي تقديم التنازلات
مبادئك دائما محدده لا تتنازالى عنها بسهولها
الا في سبيل تغيرها للافضل
القرآة عندك تمثل الواجب الذي يفعله
الطلاب كل يوم عند العوده ولكنها
تفعليها بحب التعلم وبشوق القرأة
لاشخاص تحبيهم 
اعتقد انك تجيدى لعبه الالهاء
حتى حينما يكون لديكى نقطه ضعف معينه
لايتنبه اليها الاخرين
فانتى لاتحبي ان تظهري امام شخص 
انك لديكى ضعف في نقطه ما
دائما  تلهمك احداث الماضي وذكرياتك
ولكن مع مرور الوقت اصبح تلك المعلقه
التى تقلبين بيها اثقل مما يجب
عليكى لذلك ارجو ان تنسي الماضي بكل
اللي كان فيه وتنبسطى شويه لان من حقك تفرحى
وبس
اتمنى تكونى بخير دائما 
___________________

فراشتى (منمونتى) مدونه
  
مونتى حبيبتشي انتى بيجد يعنى
مونى الرقيقه صاحبه القلب الكبير
الشقيه والمتفائله والجميله
بس حزينه من جوه
دايما بحسك جواكى جرح
كبير مش قادره تتخلصي منه
مع انك قويه وعارفه الحل
بس لسه حاسه نفسك
مش قادرة تطبقي
ولان الحياه كمان معاندكى 
مافيش حاجه عايزة تتم زى ما انتى عايزة
ساعات كمان بحسك قصدك تتكتمى
مش خوف من بوح اسرارك
بس خوف ان البوح ميقدمش ليكى
الراحه المطلوبه
غير انك عرفتى حد جديد سرك 
وبقي مطلوب منك تتسئلي كل يوم
في الموضوع ده
بس في ناس كويسه ممكن تثقي فيهم
وصدقينى مش هيقولوا ليكى مالك ولا في ايه
ولا هتزودى زعلهم
بل ممكن تخرجيهم لما يشوفوكى كده هيحسوا
ان في حد بيشاركهم آلمهم في حاجات كتير
دايما مش بتسنح الفرصه ليا اقولك
انا موجوده في اى وقت
بس انهارده فضيحه بفضيحه
انا موجوده علي طول ومبملش من الرغي
زى ما انتى شايفه كده :)
كتير بتنعزلى عننا في صمت
بتفتكرى ان دة الحل الامثل لكل شئ
بيساعدك دة تهدى نفسك ويمكن
بيشحن طاقتك انك تقدرى تواصلي
تمثيليه الانبساط والضحك 
اللى كتير مبتعرفيش تفرقي بين 
انك بتمثلي ولا بتضحكى بيجد
بس علي قد دة ما بيساعدك انك ترجعى
تكملى بنفسك فراشتنا اللى عارفينها
علي قد ما بتحسي اكتر بفراغ من جواكى
بسبب الموضوع وبياكد ليكى حاجات وبيفكرك
باشياء مكنتيش عايزة تفتكريها
علي فكرة مدونتك هتفضل دايما مصدر راحتك
حتى لو 99 % من اصحابك بقوا من التدوين
دايما انتى اللى بتحددى مين يناقشك في ايه
متخليش حد يخليكى تسيببي متنفسك الوحيد
حتى لو هتقفليها وتكتبي كام بوست لنفسك بس
فراشتى انتى حد متفهم اوى وطيب اوى
ومتسامحه مع نفسك ومع اللى حواليكى وجميله من جوه
متخليش حاجه تغيرك
ولا اى شئ سئ يتعبك او يضايقك
الحياه ليسه شايله ليكى حاجات اكيد منها الحلو والوحش
بس انتى قد الوحش وان شاء الله تنبسطى بالحلو
املك وهدفك طول ما قدامك ومحفاظه عليهم
هيساعدوكى تعدى مواقف كتير وحشه ممكن تحصل
مش هفضح ضحكتك بقي
بس اتمنى اشوفك دايما سعيده
^_^
___________________
 نكمل الجزء الرابع من فضيحه نسائيه لانى لو كملت البوست هيطول عليكم
ومش عايزة اتعبكم :)
     
اضغط

هناك 33 تعليقًا:

  1. رنـــــــــــــــــــــــــا

    البوست تحفــــــــــــــة
    بجد بجد عاجبنى جدا
    مقدرتش أمسك نفسى المرة دى أنى أعلق رغم أنقطاعى عن التعليقات والردرد والتدوين حاليا
    كلامك كله صح جدا اصلا
    أنتِ عارفة أننا دايما متفقين فى الرأى :)
    أنا عايزة أقول حاجة بس
    أنا بحبكم كلكم (حزلقوم ستايل)

    وأوجه راسلة لمنمونى .. أنا مش عارفة قولتهالك قبل كده ولا لا
    بس أكيد أيون
    أنا بقولها لكل الناس اصلا
    منمونى .. انا دايما موجودة حتى لو مش عايزة تحكى .. لو عايزة حد تسكتى معاه
    أنا أهو
    ملكيش دعوة بالبت رنا دى اصلا وحشة :P

    نينو .. الفيس بوك وحش من غيرك (بعيدا عن أنى مش بدخل كتير)
    بس الوقت الى بدخله بيكون ناقصك اصلا :)

    دينا .. أنا عايزة أشوفك علشان وحشتينى :$

    كورونتى .. ستظلين نسختى الثانية <3 وليكِ الشرف طبعا :P

    يلا أشوفكم التعليق الى جاى بعد شوية كوتيرين كده ان شاء الله :D

    ردحذف
  2. انتي ايه حكايتك يارنا

    امبارح المرشحين للرياسة

    وانهردة الزملاء الاعزاء

    حرام عليكي يارنا ههههه سيبي الناس في حالهم

    بطلووووا نميمة بقي

    ردحذف
  3. نسيت أقول أنى أنا

    الأول

    :P

    واخدة بالك علشان أنا أول حد الكومنتس منورة أزاى :$

    ردحذف
  4. مهجتى ^_^

    احم تسيبها من رنا مرة واحده في وشي كده طويب انا اليومين غلبانه ومش قادره اقاوح هههههههههههه

    انا كمان حاسه في حاجه ناقصه لما نيللي قفلت الفيس :)

    حبيبتى انتى مش هعيد ردى علي الفيس بقي لنتحسد واحنا مش ماقصين كل ما نقوم ونشد حيلنا تحصل انتكاسه ويجبوا العمال يرمموا البيت :))


    لاء مش لاحظه اى حاجه غتاته بقي :))

    ردحذف
  5. استاذ خالد

    انا معنديش حكايه انا عندى روايا
    ^_^

    والله بحاول اخرج من مود غتت كدهو

    لاء مش هسيب بقي والنميمه بتبقي حلوه لما بطلع جزء كبير من الشحنه الداخليه :))

    ردحذف
  6. الله حلو جو الفضايح ده :D

    ربنا يخليكى لاصحابك ويخليهم ليكى

    بجد اكيد مكنش حد فينا يتصور وهو بيعمل بلوج ان البلوج دى هتكون سبب ف تكوين صداقات حقيقيه مع ناس يكونوااقربلنا من ناس بنشوفهم كل يوم

    بجد سبحان الله

    حلو البوست عجبنى :)

    ردحذف
  7. رنا ^____^

    صباحك فر وياسمين وفراشات ملونيين
    عايزة اقولك اني اول ما فتحت لقيت البوست ده ,,, اممممممم
    عارفه هو مش فضايح خالص والله انا مبسوطة انك عارفاني قوي كده

    اصل انا بحب اعرف الناس شايفاني ازاي

    في اني احكي لحد الموضوع مش ثقه والله يا رونتي على قد ما هو اني ببقى عاوزة اصدق اني كويسه ومفياش حاجه وفرحانه وكله تمام هههههههههه بنسمية عندنا ف علم النفس Defense mechanism
    ده العقل الباطن هو اللي بيعمل كده
    شوفتي بقى اني مليش ذنب ههههههههههههه

    وزي ما قلتلك كده انتي مش بتحللي الشخصية تؤ تؤ إنتي بتحسيها وده احسن كتير من التحليل ^___^

    بحبك أنا ومش عارفه اقول ايه اعتقد انك كاتبه فيا مدح والله هيهيههيهي

    ردحذف
  8. ده تعليقي بالنسبة للجزء بتاعي

    بالنسبة لكلامك برضه عن دندن و نينو
    صح صح بقى والله بجد شطوره وبرافو عليكي
    برغم اني معرفهمش قوي قوي ومش بنتكلم كتير

    بس احساسي برضه حس بنفس اللي انتي
    بتحكي عليه ده ^___^
    بس انا مش بعرف أبعبر هههههههه


    انتي اللي جميله يا رنا بجد
    ربنا يفرح قلبك ويخلييكي لكل الناس اللي بتحبهم ويحبوكي يارب

    ردحذف
  9. هو انتي ليه خليتيها نسائية و بقت قاصرة على البنات؟

    ردحذف
  10. يا أحلي رونا

    تدوينه رائعه .. فكره جميله جداً

    بس فين أنا .. فين دي D:

    ردحذف
  11. يخرب عقلك موتينى من الضحك هههههههههههههههههه
    لو زعلك هيطلع بوستات زى بتاعه الرئاسه وده كده يبقى ازعلى :P
    لا بهزر بعد الشر عليكى من الزعل

    انتى فضحانى دايما كده ليه
    على فكره انا مش هاديه انا بستهبل عليكم بس :P
    سؤال بقى انتى عررفتى منين انى فى البيت عصبيه وعنديه كده ده صح اوى فعلا
    وعرفتى حكايه الالوان دى منين كمان بقى ؟؟؟
    بتغظينى انك ردتيلى حكايه الفون دى
    طب لما اشوفك يارنا بقى
    انا بستنى تليفونك على فكره وانتى مطنشانى شوفتى احرجتك ازاى بقى :P
    انتى غلطتى فى حاجه بقى
    انا مش من محبى الانتظار نهااااائى بكرهه جدا بقى
    قفشتك فى حاجه اهو هيييييه
    بصى المره الجايه لما تيجى تديلى ايدك اغمزيلى الاول عشان نغيظ البت مها ههههههههههههههههههههههههه
    معلش بقى المره الجايه هاخد بالى انا خلاص فهمت اللى فيها
    وانا بحبك خالص على فكره ااااد كده ^_^

    كلامك على نيللى بقى
    حساه اووووى انا كمان
    فعلا بشوف نيللى فى كتابتها الهاديه العاقله اللى بتفكر بعمق وفى صمت
    دايما بتحاول تبان اقوى وماحدش بيشوف ضعفها
    وانا حاسه انها واخده الفتره دى لوحدها عشان السبب ده يمكن
    عامله حدود لنفسها ولكل اللى حواليها
    ربما احيانا بتكون مستهدفه من اللى حواليها بس دايماً لا تبالى :D

    حاسه كمان ان مونمون زى ما وصفتيها بالظبط
    هاديه ورقيقه وطيبه كده وشقيه فى نفس الوقت

    كلمه لـ مها بقى
    انتى كمان وحشتينى
    ونفسى نتقابل كلنا تانى بقى سامعه يا رنا هاااا

    ردحذف
  12. معلش بقى التعليق كبر منى فجأه كده :$

    ردحذف
  13. تغيظى ميييييييييييييين يا حلوة أنتِ وهى !!!

    لااااااااااااااااا

    ده أنتو متعرفونيش اصلا

    وبعدين برضه هتفضل رنا تمدلك أيديها وهتفضلى تنسى تخبطيها يا دينا

    بس هاه :P

    شكلكم وحش أوى أوى .. أيه ده :P

    ردحذف
  14. شوفتى يا رنا ميهو اتحولت ازاى علينا وظهر وشها التانى وبدأت تتعصب اهى وشويه وهتضرب هههههههههههههههه

    ردحذف
  15. أيون اصلا

    أنا بضحك عليكم بصوت العصافير بتاعى :$

    ردحذف
  16. كما قولتي يارنا حديثك عني صحيح ماعدا بعض النقاط ومنهم الآتي:

    دائما تلهمك احداث الماضي وذكرياتك..

    كتاباتي هي مزيج بين الماضي والحاضر وليس بالشرط تمط لي بصلة بل بحياة العالم الذي نحي فيه.

    ستشعر انك تمقتى هذا في بعض الاحيان
    حينما لا تريدى لكآبه ان تخيم عليكى
    وللوحده ان تستفرد بكى


    لا أستطيع أبداَ أن أكرهم أبداً..وعلي رأسهم العزلة والوحدة للتأمل وليس كره في الاختلاط بالناس..ولكنني احتاج أحياناً أني أسافر بعيداً عنهم للتنوع وللاشتياق إليهم..

    إما عن نقط الضعف كل البشر بهم نقاط ضعف ولكني محاولة الأخفاء ممكن أفعل ذلك ولكن بدون تعمد مني ولكن لتقوية من ذاتي..

    أحياناً انعزل عن الناس لأعادة ترتيب حياتي..

    فيما عدا ذلك

    كلامك صحيح يارنا..

    ودندون طبعاً أنا أول واحده قولتي عليها إنها مش من زمن ده ماشي:) وهي فعلا زي ماوصفتيها..

    وتسلمي يارنا العالم الكبير النفسي :)

    ردحذف
  17. دودو

    فعلا دة كان اخر حاجه في مخيلتى اساسا
    ^_^

    بس بيجد انتوا احلى صحبه واحلى ناس تطلع اى حد من اى حاجه :))

    انتى وجودك احلى دودو
    وحشتينى <3

    ردحذف
  18. فراشتى
    مسائك سعاده وجمال <3

    وبيسموه في بعض الاحياه نوع من انكار الذات :))
    علي فكرة انا مش فاهمه ازاى انتى تربيه موسيقيه وازاى علم نفس فهمينى اللفه دى ههههههههههه

    انا مبسوطه انك انبسطى انى عارفاكى نوعا ما ومبسوطه انك شوفتى في نيللي ودينا نفس اللى شوفته :))

    انا كمان بحبكى جدا
    ^_^

    ردحذف
  19. ايه يا رنا ده
    انتى مش هتبطلى فضايح

    الحمد لله عديت والحمد لله
    هههههههههههههههه

    جميلة تحليلاتك مش عارف ليه يا رنا ساعات المدونة بتبقى تقيلة فى الفتح
    مش عارف ليه
    يمكن المشكلة عندى انا
    سلام من خالو

    ردحذف
  20. استاذ مصطفي
    حضرتك زعلان ليه بس
    اصل المجموعه اللى جايه كلها بنات
    وانا معرفش رجال مدونين كثيرين بدخلهم
    لو في دماغك حد عايزنى افضحه قولى وانا في الشر شرير :)))))))

    ردحذف
  21. هوبا

    انتى احلى
    ما انا يا جماعه مش منجمه استنوا شويه بقي اركز معاكى :)

    ردحذف
  22. دندن

    بدايتا انتى تكومنتى براحتك البلوج بلوجك يا حوبي :)

    انا مبسوطه انى قدرت اضحكك اساسا بيجد :))

    ايوة ناسيت اقول انك شقيه مع اللى بينكشك :))
    نياهاهاهاها

    انا مقولتش انك بتحبي الانتظار عموما انا عارفه انك بتكرهى بس في مواضيع معينه مستعده تنتظري فيها :))

    حبيبيتى يا دندن انا مستعده اضرب بس اشوفك يابنتى ^_^

    عجبنى جزء لا تبالي دة :))) بتاع نينو
    وكلامك علي منمون انها هاديه وشقيه في نفس الوقت اصبتى :))

    ردحذف
  23. ميهو ودينا

    هههههههههههههههه
    هههههههههههههههههههههه
    بتلعبوا وانا مش موجوده

    عموما شكلنا مش وحش ولا حاجه
    ولايهمنا دة من عندنا والمثل بيقولك يا داخل بين البصله وقشرتها ما ينبوبك الا ايه ايه يا مهجتى ههههههه
    ابعدى بقي علشان الريحه وعلشان احنا محامين وبنبهدل الدونيا

    وانا هفضل امد ايدى حتى لو دندن لو مخبطتش بس ها :))))))))))

    ردحذف
  24. نينو يا نينو جتلك اهو :))

    شكرا شكرا دى اقل حاجه عنى
    تمام يا نينو
    انا بحس في كتاباتك بالمزج فعلا مش بس بين الحاضر والماضي وبين انتى وشخصيات اتخيلتيها انتى بتحبي المزج دة اوى :))

    دندن دى عسولتنا :)))

    هههه انا عالم نفسي كبير الله يكرمك :)

    ردحذف
  25. جري ايه يا خالوا

    ايوان مش هبطل دة التقيل اللي جاى دة انتوا بتقعوا وقعه ما انتوش عارفينها :))))

    ربنا يخليك والله
    لاء كدة ازعل من بلوج كله خف بقي
    ياعم خلى الخال يعرف يدخلى :)

    ردحذف
  26. هو بوست كله فضايح بناتى بقى فممكن تعتبرى الكومنت دهمطب فى النص و خلاص :))

    انا بس عاوز اقول ان انا فايتنى حاجات كتيرة قديمة ماقرتهاش ... المشكلة ان انا رغم انى فاضى بس مش عارف ليه بنسى ادخل على المدونات و كدة...ده انا بنسى المدونة بتاعتى اصلا :D

    عموما بما انها فترة امتحانات و الواحد فاضى فهبقى اقلب فى الحاجات القديمة شوية ده بعد إذنك طبعا

    وكتابتك رائعة جدا :)

    ردحذف
  27. مساء الغاردينيا رونائي العسل
    يابنت انتي بطلي فضايحك دي
    ههههههههههههههه
    عجبتني نسائية
    الحمدلله انك مارجعتيش تشرشحي فيا
    بس عارفة لو الشرشحه والفضايح
    كدا زي عندك
    دي تبقى اجمل فضايح وعلى قلبي عسل :)
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  28. محمد

    والله ضحكتنى جداااا ههههههههههه

    ولايهمك اساسا انا متابعك بس احيانا برضوا مش بيبقي عندى جديد اقوله

    ونورتنى وشكرا علي رايك ^_^

    ردحذف
  29. ريمو
    ^_^

    ههههههههههههههههههههه
    ههههههههههههههههههههههه
    لاتقلقي يابنتى المهم انك انبسطى بيجد يعنى وانا مقدرش اشرشحك انتى عارفه كده كويس

    ردحذف
  30. انا اسمى مكتوب ؟؟ .. لالا .. طوووويب
    هههههههههههههههههههه

    البوست حلو و دمه خفيف رغم فضايحه يعنى ... ربنا يسعدك :)

    صباحك بنفسج

    ردحذف
  31. جاره القمر :))

    ضحكتينى يابنتى ولما انتى القمر جيران مش بتيجوا تزورونى ليه

    انا يكونلى الشرف افضحك يابنتى طبعا

    نورتينى للمرة الاول ربنا يسعد قلبك

    مسائك فوشيا :)

    ردحذف
  32. Nice blog :)

    My first visit

    ردحذف
  33. tears :)

    thanks a lot
    it's my pleasure
    repeat that again
    ^___^

    ردحذف