2012-05-18

الروقان ...2



تن تن تيرارارار تن تن تيرارار
ايوان انا ناويه اعمل كدة فعلا بمنتهى الروقان
لاء مش اولادى 
مرشحين الرئاسه 
وعلي راي واحده عارفه نفسها 
المرشح دة محتاج دكتور 
هههههههههههههه

بصراحه شديده انا كنت ضد اللى في العباسيه
مطالبهم مشروعه ولكنهم ولوا مطالبهم
اهميه اكبر من اللازم
مما ادى الى ان المصالح والجامعات وكل الناس
مش عارفه تروح في مكان بسببهم
هما حبوا يعندوا في الجيش
بس عندوا فينا احنا
_________

مرة كان مجموعه من الاصدقاء بيتناقشوا
مابين فاتحون لا حازمون
دة قبل ما يتقلش الشيخ حازم طبعا
وانا عماله اضحك وساكته
بصوا ليا كلهم مرة واحده
وانتى يا رنا ايه
قلت ليهم ايه
قالوا تبع مين
قلتلهم 
انا لا فاتحون ولا حازمون
انا معترضون
لو حد لقي معترضون نزل يرشح نفسه عليكم
بتبليغي 
^__^
_______________


اعود لاعى ان الفكرة ليست في ان تكون الدوله اسلاميه
فاقامه الاسلام في النفوس
وليس في من يمتكلون النفوذ
اعود لاري ان ذلك الهبل الجماعى
في الاتفاق علي عزل بعض الاشخاص بقانون
هو غير دستوري بالمرة
هو خوفا من ان يكسبوا
الانتخابات
جميعكم خائفون من ان يمسكنا شخصا ينتمى
الى النظام السابق
ونسيتم ان جميعا كنا ننتمى اليه
جميعكم تريدون الجميع يشارك في الانتخابات
فقط حتى ينقذ بصوته شخصا
ليس من الفلول
ونسيتم اننا لم نعد ضعفاء
لنعد الي استحمال شخص غير جدير بفعل شئ
اعود لاري ان احمد زى الحج احمد بالفعل
والفكرة ليست في ان مصر تنتخب الرئيس
بل مصر بتهبل وهنام  كلنا علي الرصيف
والرئيس اللى هيجى هو اللى هينتخب مصر
وان كما وجدنا البرلمان زائف امس سنجد اليوم ان انتخابات الرئاسه
لم تفرق كثيرا عنه
ربما الجيش يقنعنا بغير ذلك
ولكنى اعلم حينما يريد التغيير
ففسوف يسلم السلطه بالفعل
ولكن الى نفسه :)
نعود لحوارنا فالكعاده انا بارعه في الرغي ايضا
الفكرة ليست في من له خلفيه دينيه
ومن له خلفيه سياسيه
ومن لديه التحنيك
ومن تابع لمن
الفكرة في البرنامج وقوه الشخصيه

والاهم في من يطيح بالبرلمان
لذلك مصر لن تنتخب رئيسا
لان ولا رئيس يصلح ان يكون رئيسا
اساسا

 :)
___________________

 الحقيقه انى بالفعل لا اعلم حينما
اتزنق كده هرشح مين
للاسف انا لست من مؤيدين انى
احط ايدى تحت درس اى جماعه اسلاميه
بالتالى الشيخ حازم من الاول لم اكن ادعمه تماما
كنت اراه يصلح لما يفعله كشيخ ليس اكثر
وبصراحه سواء مامتك معاها الجنسيه
ومش عارف سواء معاها وعارف سواء مش مش معاها
خالص 

في الحالتين انت وقعت
بس اعوان ريتشارد ليسه سارقهم
السكينه 
احب اوجهه التحيه ليهم واقولهم رقبتكم ليسه بخير
_______________


عمرو موسي
مسير الشمس تحرقه ويسيح
كم ان علاقاته الخارجيه مبنيه على حب الجميع له
ولكنه نسي ان علاقاته الداخليه مبنيه علي كره الجميع له
ولا اعتقد اننا سنعينه ليمسك دوله غير مصر
 _________________


شفيق
  يا شفيق بكرة تكبر ونجبلك
مصاصه ونعرفك ان في انواع تانيه
لهزار ههههههههه
البرنامج اخر حلاوه الصراحه
انت مسبتش نقطه عارفها الا لما سديتها
بسد الحنك اقصد بخطه تنفيذيه محنكه
بس ياتري هتجيب الفلوس منين 
وياتري برضوا كله هيتحل 
بالنبنون تفتكر
ويا شفشق ان كنت
 لم تستطع بادواتك المنزليه مسح ماضيك
ما بالك في تسلق السلم
انا اراه مقنعا جدا لدرجه كبيره
وليس اهبل ولكنه لن يستطيع السيطره علينا
ولكن في ذات الوقت عندما يحكمنا
لن يوزع عليا البنبونى بالفعل
ولكننا سنجد القنابل تنزل حتى تغرقنا جميعا
 ___________
وابو الفتوح
يمشي بمدأ كله يسقف وهيصه اين البرنامج انا لا اراه حقيقتا
وان كنت ارى ان فكرة انعزاله التام عن الجماعه هى بالفعل حدثت
ولكنها لن تستمر ان مسك الدوله ولا ايييه

 ياتري الحصان كام سي سي 
_______________


ومحمد مرسي
ارسي اغنيه حلمه هو حلمنا
ونسي ان الاخوان اكبر كابوس يحتل مصر الان
وانا اري ان الاخوان يغمزون اليكم من تحت لتحت
انهم سيغزوا حتى احلامكم
فهل هى ناقصه
ولكن ارجوك عمو محمد بما ان من بوسترات حضرتك
يغلب عليك الروح الاهلاويه
فطلب من اهلاويه لا تاخره
ان تضيف الي برلمانكم الجميل دة ميكي مويس وميمي
وتسلملى علي وينى ذا بوه اوى
عجبانى اداراته الاخوانيه المتحرره جدا للبرلمان 

_________________


اما عن خالد علي
واحسرتاه علي المحامين
هو لم يفد ولم يضر
هو فقط يبتسم لتطلع الصوره احلى
من احمد زكى ومنى زكى

^__*
___________


بالطبع لن اتحدث عن البسطاويسي
انتم تعلمون انى كنت ادرس الحقوق التى جعلتنى اعى
 ان هيبه القضاء لا يحتاج الى ترفيع اكثر من ذلك
بالطبع وقتها لن تسطيع ان تمد يدك علي شئ في الدوله
لان جميعها سيكون حصري لقضاه فقط :)) 
_______________


 الانكت في ذلك العالم انى مازالت انتظر سليم العوا 
 يظهر كده ويصرفله اتنين مليون حتي
بس واضح ان الراجل بخيل بخل التنين والفيل
ودة  حاجه كده بتقطهم الضهر اكييد
ولكنه ينبئ اننا سنعيش فترة حريصه حرص لو فقط تمكن من ان يرئسنا
سنعيش مثل حريص وحريصه في ونيس
وستجد الشعب المصري جميعه يفتحون علب الحلوى التى عليها مكسب لياخذون
مكسبهم ثم يرجعونها الى البائع بحجه ان صالحيتها انتهت :)
 الانكت من الانكت دة انه طلع اول البارح
فعلا وقالك اتمنى ان اصل لحد الاقصي
10 مليون
اللا ياعم ما شوفت حد الحد الادنيى
متستهونش بي دة مكار مكر 
وكاهين كوهن
ولكنه سيظل المظله التى يحتاجها
عمرو موسي بعد وقوفه تحت الشمس
طيله المده هذه كلها
______________


حمدين صباحي 

انا ملاحظه ان كل اللى بيتكلموا
عن حضرتك بيتكلموا باسلوب كان ايام انور
كان اول مبارك
هو حضرتك كنت مهاجر الفترة المنحدرة دى ولا ايه
ويقال انك حاسس بمشاعر واحاسيس المواطن الغلبان
والله ياحج عارفه البرنامج بتاعك جامد اخر حاجه
خطواتك فظيعه
لكنى لست متخيلاك رئيس صراحتا
خالص خالص خالص
يعنى فكرة هتجيب فلوس منين
محيرانى اوى
واللى محيرنى اكتر
هتواجهه الاخوان بايه
بالمعلقه ولا الشوكه
ولا انجغ انجغ
يا جماعه اتهشوا
خد بالك النسر بيحلق والشمس
وراه نياهاهاهاهها
والمظله تحت والحصان بيجري
واخاف عليك اخاف عليك اوى
   من الميزان ليقلبك شمال
______________

الخوف يكمن من ان نخاف نحن او ننسي 
ان شباب مصر فعل الكثير لانجاح الثوره
وهو ليس بحاجه لقوانين عزل ليثبت وجوده
او يطمئن ان مصر لن يمسكها من يستحق
فالعديد من الاشخاص لم يعزلوا لكنهم لا يستحقوها

والجامعات الاسلاميه
وخاصه الاخوان
اثبتت انها كالطفل المحروم
من الايس كريم وعندما وجده ظل يلتهمه بشراهه
فاذا غيرنا ذلك الطفل لرجل بحجم مرشدهم
فانه في البدايه سيلتهم فقط الايس كريم حتى يشبع
ولكن بعدها سيفكر كيف ينتقم
حتى لايستطيع احد احرامه مرة اخري
وكيف يشبع نفسه ذاتيا

والانكت ان الجامعات بتخبط في بعضها السلفين
 يستغربون تطبيق جميع الاخوانين كلام المرشد
ولا يستعجبون حينما يطبقون هما كل شئ يقال لهم من شيوخهم
سواء صح او غلط ولكنهم لا يغلطونهم ابدا
والانكت ان حزب النور اينما اتجهه سيتبعه السلفيون كظله
ومع ذلك هما يستغربون كيف جماعه الاخوان تفعل غسيل مخ
لكل الشباب الذي ينضمون اليهم
فعلا حاجه غريبه


لذلك وبرغم كل ما اره من شفقه علي من يرشحون
انفسهم لرئاسه
وفي زحمه الانشغال بذلك
وبالفوضي الجميله التى نعيشها
بالتريقه علي كل من دب وهب
وها انا اتريق بالمره من نفسي بقي
وعلي اعطاء كل من ليس له حق حقه
ولاهتمام بالزائد بالاشياء التى ليس لها اهميه
قررت انا بكامل قوايا العقليه
الانعزال التام اوالموت الزؤام
^___*

واسئلكم في النهايه هترشحوا ولا هتقاطعوا
ولا هتعملوا ايه 
؟؟؟؟؟؟؟؟؟؟


اضغط

هناك 24 تعليقًا:

  1. صباح الغاردينيا رونائي
    اممم انا جيت لانك وحشتيني والحقيقة ماليش في السياسة وان كان كل الي بيحصل دا مخوفني على مصر ربنا معاكم ويكتب لكم الي فيه الخير وينهض بمصر وماترجعش الثورة من جديد ..
    على فكرة دايما بقولك اسلوبك جميل وبحب جدا اسمعك :) "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  2. ازيك يارنا يابنتي

    شوفي لما اقولك

    انتي شررركتي كل المرشحين

    لكن انا عايز اقول حاجة

    اي مرشح او اي رئيس قادم

    مش هاييجي ومعاه العصاية السحرية اللي يحل بيها مشاكلنا

    بس هيبقي فيه بوادر ان الراجل ده هينجح في ادارة البلاد والا لآ


    وبعدين انتوا تستاهلوا

    عشان انا كنت ناوي اضحي عشانكم

    بوقتي ومجهودي واشتغل رئيس

    لاكن بقي مالكوش في الطيب نصيييب

    انتواااا الخسرانين

    ردحذف
  3. صباح الورد والفل على عيونك ياقلبى
    وحشتينى كتير كتير

    انا معاكى بكل كلمة كتبتيها ونشرتيها

    انا كمان محتارة فى امرى ومش عارفه مين الصح ومين الغلط ومين الانف ؟؟؟؟؟؟؟؟

    جوايا مليون علامات من الاستفهام
    نهاية كلامى لكى

    كلمة كتبتها على الفيس بوك امبارح واتمنا منك ان تفهميها كويس والله المستعان

    (( كيف يمكن لشعوب ان تتقدم وهي تفكر على هذا النوع الذي يدعو للسخريه والحزن في آن واحد ؟!))
    تحياتى ايناس مصطفى

    ردحذف
  4. هذا الموضوع اشبه برحلة قصيرة لكنها عميقه ومشبعة بالواقعية في قضية تهمنا جميعا كعرب ومسلمين وهي مسألة الرئاسة في مصر الام والشقيقه وما يدور فيها وحولها ..
    مصر العظيمة التي انجبت لنا العقول المفكرة لن تتوقف عن الانجاب وسيأتي بأذن الله سبحانه من يعيد اشراقتها وابتسامتها وحضورها الاقليمي والدولي
    تقول الكاتبة :

    ( جميعكم خائفون من ان يمسكنا شخصا ينتمى الى النظام السابق جميعكم خائفون من ان يمسكنا شخصا ينتمى
    الى النظام السابق )
    وتختتم هذه الفقرة بقولها

    ( ونسيتم ان جميعا كنا ننتمى اليه )

    هذا الانتماء هو الذي يقود للتغير لانه عاشه وعرف خيره وشره وفهم ابعاده وهذا الذي يجب ان يفهمه الاخرون ممن لم يفهموا مصر العظيمة بعد

    ردحذف
  5. كلامك بالنسبة للمرشحين كله صح واكتر حاجة ابو الفتوح .. انا دايما لما بتكلم عنه بقول انه "حتى لو" ساب الاخوان فعلا فالأكيد انه لو كسب الاخوان مش هتسيبه
    بس الاهم واللي المفروض كلنا نبقى عارفينه ان الرئيس القادم ايـــــاً كان اسبوع او 2 والناس هتنزله التحرير ... البلد واقعة بطريقة زي الفل والناس مستنية حد يجيلها بالعصاية السحرية تصلح ده كله وده طبعا مستحيل في الحالة اللي احنا فيها وفي اعلاء المصالح اللي احنا شايفينه والاكتر في وجود "حكم عسكري" حاطط الدستور بصلاحيات الرئيس في جيبه... ولنا في انتخابات مجلس الشعب عبرة :D

    لو فاضييين انا ممكن اكلم رغي اصلا انتي جيتي في السياسة ودي واخدة للأسف الجزء الاكبر من حياتي وكان معاها الكروة قبل بور سعيد :D:D

    ردحذف
  6. ياه يا رونا دانتى جبتى عاليها واطيها ..طب نعمل احنا ايه بقى دلوقتى هههههههه

    بصي يا ستى انا بقى مش شايفة غير طريقة استفتي قلبك م الآخر بقى لا برنامج انتخابي و لا غيره كله بيقول كلام كبير و دا الافتراضي يعني و الله أعلم مين هيقدر ينفذ ربنا يستر من وجهة نظري المرشح اللى تحسي انك مرتاحة لاسلوبه و طريقته فى الحوار و الكلام توكلي على الله و انتخبيه ..و ربنا يوفق و يولى من يصلح و يصلح يا رب

    تحياتي

    ردحذف
  7. بصراحة احسنتي مفيش حد فيهم عليه القيمة
    و المفاضلة بتكون في احسن الوحشين مش اكتر
    ماتسيبك من الانتخابات دي و انزلي اشربي شوب عصير قصب و انسي السياسة

    ردحذف
  8. انا اساسا مش مرشحه حد
    لاني معرفهمش
    وكمان مش عاوزه ربنا يحاسبني على اختياري
    تحياتي ليكي رونا
    انت عارفه لو في وحدة ست هتمشي البلد ذي الالف
    ههههههههههههه

    ردحذف
  9. المرادى هعلق واقولك
    صوباح الخير
    ايه الكلام الجامد ده
    ياه
    ما اشبه البوستات بيوم امس
    طيب بصى
    نقول حاجه ظريفه
    انتى متعرفيش حاجه عن كل المرشحين اكيد
    انتى مبنيه كل حاجه على قلبك
    يعنى انتى متعرفيش تاريخ صباحى ولا نظريه الاخوان ولا رؤيه ابو الفتوح ولا طموح خالد على
    بس ليكى رأئ شخصى
    وده جميل
    طالما كده فله
    اهم حاجه يبقى ليكى رأى ما مقتنعه بيه
    متخليش حد يقنعك بأى حاجه
    انا عن نفسى هرشح حمدين
    والروقان ده ماركه مسجله
    متنسيش تقولى انه بتاعى
    :P

    ردحذف
  10. ريماس حبيبتى
    انتى وحشتينى اكتر عن جد

    ربنا يخليكى لينا ويخليلنا دعواتك دى بيجد :)

    ردحذف
  11. استاذ خالد
    هههههههههه
    ايوان انا كنت هقولكم خلاص انا ضيعت كل المرشحين كدهو ههههههه
    تصدق والله في الاخر كنت هقول انا قررت ارشح حضرتك بس انا مش شوفتك علي الساحه طيب اعمل ايه
    وبعدين انا شايفه انت تحمد ربنا لان كان زمانك حاصل فيك اللى حصل فيهم ^_^

    ردحذف
  12. اينو

    مساء الجمال والسعاده عليكى ياقلبي
    والله وانتى كومان اوى اوى :)

    كلنا لها يا اينو الحيره دى علشان مافيش الريس اللى تقولى عليه هو دة :)

    جملتك قويه اوى وفعلا ورا الكلام سطور اعمق :))

    ردحذف
  13. ابن السور :)

    حقيقتا شكرا جدا لكلامك
    واعتقد انك اصبت بشكل كبير من
    الذي يجب ان يحدث

    شكرا جزيلا

    ردحذف
  14. نوررررررررر

    انا فاضيه انا فاضيه كملى يابنتى
    انا برضوا بحب الكورة بس من قبل احدث بور سعيد من بعد الثورة علي طول بطلت اجادل فيها :)))

    ابو الفتوح مش هيقدر يرجع للاخوان لان البلد هتتقلب عليه محدش هيسمحله بذلك بس اكيد هينظم التورته مع بعض :)

    ردحذف
  15. ايما هههههههههه
    والله ضحكتينى انا بعد ما نشرت الموضوع حاسيت انى بهدلتهم كلهم

    معاكى اوى في استفتي قلبك بس دة لو في حاجه تستفتى عليها هههههههه
    وبالنسبه لدعائك يارب يصلح الحال

    ردحذف
  16. استاذ مصطفي

    ههههههههههههه انت متفائل زى شكلك كده
    ماشي معاك هنزل اهو :)

    ردحذف
  17. ريري

    ان شاء الله مافيش حساب طالما كل واحد هيدفع لنفسه يبقي لا تقلقي هههههههههههههههههه

    وممكن تمشيها بالياء :)))

    ردحذف
  18. يا زناتى
    لخلف در هههههههه

    والله ترشيح في محله انا ناويه لو ربنا امد في عمرى وراجعت حسابتى تانى وقررت انزل هرشح برضوا حمدين

    لاء انا كنت بهرج انا عارفه خلفيته السياسيه واعمالهم اغلبهم هو وابو الفتوح والعوا التلاته دوال بحبهم جدا

    بس الفكرة مش شيفاهم من وجهه نظرى يصلحه كرؤساء ليس اكثر :)

    اة ابقي انوهه يعنى علشان كده بقي فتحت المدونه تانى وابتديت ترش ميه وتستقبل الناس خوفت علي مستقبلك منى ههههههههههههههههه

    ردحذف
  19. والله ضحكتينى هههههههههههههه
    ده انتى شردتى المرشحين كلهم
    اكتر حته ضحكتنى بتاعه سليم العوا
    ده مكار مكر هههههههههههههههههههههههههههههههههههههههههههه

    بصى انا ضد فكره المقاطعه نهائى رغم انى كنت من اول المتفقين عليها فى انتخابات مجلس الشعب مثلا
    لكن فى انتخابات الرئاسه الموضوع مختلف
    وللاسف مش سهل نهائى
    كان تفكيرى وترتيبى من الاول
    انى هاسمع كل مرشح بعيداً طبعا عن شفيق اللى ماكنش نازلى من زور خالص
    بس لما سمعت كل واحد فيهم
    اقتنعت بابو الفتوح وحمدين صباحى
    حمدين حسيت كلامه خيالى شويه او صعب يتنفذ بالصوره دى فى الفتره دى
    فـ قولت خلينا واقعين شويه ونختار ابو الفتوح
    واصلا يعنى ايا كان اللى هيمسك البلد دلوقتى
    امه داعيه عليه اساسا :D :D

    ردحذف
  20. دندن حبيبتى :)

    ايوان مكار مكر جري ايه هههههههههههههههههههههه

    عندك حق بس حمدين برنامجه مش خيالي برنامجه عايز شعب لم يتواجد بعد
    واحنا ولاد لازينه:)))
    علي كلا ان كنت سارشح فسيكون حمدين لان ابو الفتوح لايفرق برنامجه عن حمدين كل ما في الامر انه موسط الموضوع شويه لكن لو جينا لشخصيه فسيكون حمدين
    ^_^

    ولرايك كامل التقدير :)

    ردحذف
  21. ههههههههههههههههههههههههه

    صباح الروقان
    انت الاصل برضك يا بشمهندس الله
    عويب
    وانا عارف انك عارف ده انت ناصح ومشهور قاااااااااااااااااااوى
    ولا ايه
    سالخير والنور والبنور
    اوعى متنتخبش حد وتبطل صوتك
    اعورك تعويره وحشه فى روكبتك من بتاع الكوره والاسفلت دى

    ردحذف
  22. بصى يا ستى تحليلك
    مظبوط بالنسبة لشفيق و موسى و العو
    و مرسى ده لا ليه طعم و لا ريحة
    ناتى لابو الفتوح ميزته انه محتفظ بخيوط متقاربة من جميع التيارات و ده ممكن يوفر له مناخ مناسب للعمل
    نيجى لخالد على الا بحلم برئيس لمص زيه
    اربعين سنة فكر شاب جديد
    رئيس يرتدى الجينز لقد انتهى من العالم الرؤساء المرسومين
    البسطويسى مفهمتش رايك فيه بجد
    نيجى بقى لحمدين شهادتى مجروحة فى حمدين لانى اعرفه معرفة شخصية
    لكن اشهد له اخلاصه و حبه لمصر و حلمه
    حمدين بجد واحد مننا
    انا كنت هقاطع الانتخابات مثل البرلمان
    لكن استخرت الله و صوتى للرئيس الحلم
    صوتى لحمدين صباحى

    تحياتى

    ردحذف
  23. زناتى
    ههههههههههههههههه
    ماشي ياعم مااااااااااشي
    بتلحق نفسك انت علي طول
    ايوان دة مشهوررر قاوى
    ما انا بكينا وانا واثقه في نفسي
    لاتقلق يعنى ^_^

    اعع عارفها التعويره دى انا من محبي لعب الشارع :))

    خلاص هرشح ياعم يعنى اينعم الترشيح عيا بقي ووانا مبحبش الانفلونزا بس يلا هخلينى ماشيه مع مصر للاخر :)

    ردحذف
  24. الخال ابراهيم

    طيب بيجد انا مبسوطه
    هههههههههههههه
    انت الوحيد اللى حاسيت بالهبل اللى كاتبه
    انا برضوا كنت مقتنعه ان البوست دة مالوش اساس ^_^

    خالد علي حلم فعلا بشباب وفكر جديد بس بعد الاربع سنين الاولى ممكن يقدر بفكرة المتوسع يمسك مصر :))

    انا كمان شكلها هترسي علي حمدين فعلا :)

    ردحذف