2012-05-28

الاتنين اسود من بعض

اة والله الخيارين اصلا مش خيارين خساره نظلم الخيار
انا عارفه كتير هيقولوا ليا طمع الاخوان ولا القاتل
بس بالنسبه ليا انا مش هجبر علي دة ولا دة
وعملتها مرة وانتهينا 
وعلي فكرة مش هتفرق لان لو نزلنا كلنا حتى ننتخب الاخوان
الشفيق اللى هيفوز عادى جدا الشفشق ماسح كل المناطق
وموزع جرادل كتير
لذلك انا اكيد مش هنزل ادى صوتى لشفيق علشان مبحبش الاخوان
ولا هنزل ادى صوتى للاخوان في سبيل ان شفيق ميفوزش
انا هعمل حاجه تانيه خالص
انا هنزل اعلم علي الاتنين وامضي بكتكوا القرف

اة عايزة افش غلي ولازم ولابد اطلع غلى في حاجه
صحيح انا مش واثقه في موضوع 50 في الميه لو ابطلوا اصواتهم تتعاد الانتخابات كلها من الاول بس واثقه انى بكده هفش غلي ومش هخسر حاجه
نياهاهاهاهاهاها


و الاخوان بيفكرونى بروبي طماعه وجشعه طول الوقت
 مافيش حاجه عجباها وبتجري ورا الفلوس وممكن تتخلى عن اللى بتحبه بسهوله
مع ذلك ممكن تفضل برضوا معذباه بحبها دة
كلامها كله كذب وبتعرف تضحك علي تامر
علشان بس هو اللي بيحبها
مع ذلك كل رجاله المسلسل بيموتوا عليها
مع انهم عارفين عيبها
مبتقفش في الازمات مع حد
اللى اتجوزته انهارده ممكن تطلق منه بكرة
حتى امها قدرت تموتها بحصرتها
واختها اتبريت منها
فعلا لا بتتلم ولا بتسيب حد يتلم ويعيش سعيد
انا عرفت دلوقتى بس انا بكره المسلسل دة ليه
:(((((((((((((((((((((((((((((((



 المضحك المبكى انى عمرى ما شوفتك رئيس من اول ما اترشحت للرئاسه وانا في اخر ترم في الكليه كنت بقول لاء
وحتى ووقت ايام الانتخابات بيقرب كنت شايفه في الاحسن
زى العوا وكنت بحبه اكتر وكنت بقول انك احسن الوحشين
ووانا رايحه اللجنه كنت خايفه اكون بدي صوتى للى هيضيعنا كلنا
بس كل ما كنت بقرب من اللجنه كنت بصدقك اكتر
كتير اقنعونى ان فرصتك اقل من ابو الفتوح بس مصدقتش
دلوقتى بس بعد ما كل حاجه اتحسمت
انا فعلا فخوره ان صوتى كان ليك ولو اترشحت تانى او تالت او رابع
صوتى مش هيكون غير ليك

انت املى فعلا في التغيير
ساظل احترمك للابد :)


وحاليا يا جماعه احنا مش تحت شعار يسقط يسقط حكم العسكر
يسقط يسقط شعب مصر الجاهل 
احنا محتاجين نستورد الشعب كمان 



اضغط

هناك 14 تعليقًا:

  1. والله ضحكتيني يا رنا
    وبكتيني
    كل الناس بتقول ان مرسي حاياخد
    الكرسي وكل الناس بردوا بيقولوا
    شفيق اللي حايكون
    وانا بصراحه تعبت من الفرحه التي غابت
    عننا كتير
    والحمد لله علي كل شئ
    تحياتي

    ردحذف
  2. كارولين
    ماهو هم يبكى وهم يضحك

    ما انا شايفه في النهايه الاتنين اسود من بعض
    :))

    ربنا يستر انا مع الثورة تانى مع ان امى مش بتنزلنى :(

    ردحذف
  3. انا عن نفسي مقاطع برضه

    ردحذف
  4. استاذ مصطفي
    تمام برضوا :))

    ردحذف
  5. مازلت معترضة ع فكرة ان العيب فى الشعب ... لان بحسبة بسيطة 75% مننا اختار مرشحين الثورة لكن اتوزعت على مرشحين كتير فاتحطينا فى مزنق

    مازلت شايفة ان القوى السياسية اللى عندنا محتاجه اعادة تأهيل عشان تعرف يعنى ايه سياسة


    مازلت شايفة ان كل المرشحين واحد كلهم طماعنين فى سلطة حتى حمدين و ابو الفتوح .. وانا من مؤيدين ابو الفتوح بالمناسبة .. كلهم بيلعبوا على مشاعر الناس وحبهم و حب شعبنا فى تأليه الزعيم البطل حتى لو داس علينا


    وبما ان كلهم عندى واحد ... فانا هنزل اختار مرسى ... لان مش عايزة حد فلول ... مش هاقدر اللى يحكمنى يبقى هو اللى قتل اخويا

    ردحذف
  6. بالمناسبه .. كتر الكلام فى السياسه ليه مخاطر ع الصحه :D (خلى بالك من صحتك يا ختى ... صحتك بالدنيا .. سيبك بقى مين هيمسكها .. لأن كله مُقدر ومكتوب عند ربنا ^_^ )

    ردحذف
  7. رنا

    لازلت اعجب

    لازلنا شعبا يصنع الفراعين

    ردحذف
  8. انا كمان خلاص هروح اسقط صوتى لان فعلا زى ماقولتى شفيق كده كده واخدها وهى باينه من زمان بس احنا اللى ضحكنا ع نفسنا

    بالنوسبه للست روبى انا عمرى ماحبيت اشوف المسلسل ده رغم ان واحده صحبتى بتشوفه وعاجبها بس انا بشمئز منها لانها استغلاليه ووصوليه

    ربنا يستر عليكى يامصر

    ردحذف
  9. ياريت نعرف نفعل المقاطعة
    لكن المشكلة ان المقاطعة مش هتتفعل

    ردحذف
  10. ههههههههه حلو اوووي الاخوان زي روبي صحيح هما الاتنين لهم قاعدة شعبية برضه...ريحي نفسك شفيق ح يكسب حتى لو كب الشعب ادى صوته لمورسي ده طبيخ ومسبك كمان

    ردحذف
  11. ههههههههه حلو اوووي الاخوان زي روبي صحيح هما الاتنين لهم قاعدة شعبية برضه...ريحي نفسك شفيق ح يكسب حتى لو كب الشعب ادى صوته لمورسي ده طبيخ ومسبك كمان

    ردحذف
  12. صباح الغاردينيا رونائي
    اممم مش عارفة أبتسم ولا أحزن
    بس عارفة أنا كنت حابة صباحي
    وماعرفتش ليه فاكرة كنت مع أخويا وبقوله حاسه صباحي أحسن واحد فيهم قالي عمرو موسى افضل للبلد قلت لا يبق ابو الفتوح لو مش صباحي ههههه قالي يابنت انتي ايش عرفك بـ الأصلح لمصر قلت له قلبي الي بيحبها :)
    ضحك وقالي العواطف مش في السياسة ياماما ولما بقت شفيق ومرسي
    قلت بحزن يعني مافيش صباحي هههههههه
    يلا اضحكي بقى على صاحبتك الهبلة :) "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  13. ايوه انا من حزب جاتكوا القرف ده ههههههههههههه
    فعلا اخر قرار وصلتله ان انى هانزل واكس على الاتنين وجنبها جاتكم القرف
    العالم دى ماينفعش معاهم الا كده
    انا نفسى افهم يعنى ايه رئيس دوله يبقى اسمه استبن والا يبقى اضرب من شعبه بالجزم؟!!!
    دى حته وحشه فى حقهم قبل ما تكون فى حقنا
    بس تعملها ايه فى الحمار
    عمره مابيفهم !!!

    ردحذف
  14. نو كومنت
    مُحبطة جدا يا رنا :(
    ما الحل؟!

    ردحذف