يوميات طالبه اوشكت علي التخرج(3)

نكمل ما تطرقنا اليه المرة السابقه

احنا كنا بنقول إيه!!! احم محدش مركز واضح واضح :)

اه لقد تذكرت اخيرآآآآآآآ

الحمد الله ولله الحمد علي كل شئ ودة فعلآ من فضل ربنا علينا اننا بننجح وبنعدى في كليه من كليات مصر عموما مش كليتى بس

عدت السنه الاولى بالامال اللي ضاعت والامال اللي اتبنت , الاشخاص اللي راحت والاشخاص اللي وقعت من نظرنا والاشخاص اللي كسبوا ثقتنا

عدت وكبرنا سنه ولو اننا كل ما بنكبر بنصغر اكتر ومخنا بيضيق اكتر مبيستحملش اكتر من انتريه وبوفيه احم احم

ماهو دة يا جماعه من كتر المواقف المريبه الكتير اللي بتعدى علينا والمواقف المخيفه والمحرجه والقاتله ابتديت احس بعد فتره انا هبقي زى "ريد" قاتل سريع ومؤذي بس الفارق اني شئ حى 

دايمآ يا جماعه كدة بنقابل اشخاص عجيبه بيبقي ليهم فايده في حياتنا

اما بيبضيفوا عليك روح جديده او بيعلموك درس معين بس هما لازم بيعدوا وبيمروا واحيانا بيغلسوا هما لازم بكل الاحوال نقابلهم ليس هنا مفر من ذلك

ومافيش اختيارات ولا اطرح اجابتين ولا حتى معاهم هتربح البنبون انت اخرك معاهم هتربح نفسك هتفهم دنيتك واعتقد دى حاجات بالنسبه لينا اهم من المليون بتاع جورج قرداحى 

بس الدونيا بتعدى وكل شئ بيفوت وبيمشي اسرع من البرق وكله بيهون في الاخر لما تحس بس ان ربنا معاك او راضي عنك او مقدر ليك انك تتعلم شئ معين ساعتها بس مش بيهمك اي شئ تانى او اى حد خسرك او اى شخص مكنش كويس معاك .........

هو الجزء دة اصغر بس عدوها احنا في ايام مفترجه:):)

المفارقه بين السعاد ه والحزن

 

  دائما يحدث ذلك بين

ان اكون سعيده وبداخلى حزن

مبسوطه ومش مبسوطه

هناك دائما تلك المفارقه

ليس هناك يوم يمر بطبيعته

وبهدوءه وسعادته

قلبي حزين لفراق شهر رمضان

ووقفه مع النفس هل فعلت كل مافي طاقتى

فيه ام قصرت واذنبت 

وفي ذات الوقت انتظر العيد بشوق لعلي

ياتى بالبهجه المطلوبه

لعلي يفرحنى هذه المرة واشعر واسعد به

ابتسم نعم اضحك احيانا وتعلو ضحكتى

ولكنى اشعر ان ذلك مجرد

خيالات 

اعتقد بها انى سعيده

او احلام ليست واقعيه

ليست طبيعيه

هل ضاعت الابتسامه والضحكه الحقيقيه

في وسط زحام الحياه

ام تاهت في وسط ليالي التفكير

تناسوا انى انسان

قالوا عنى لا افقه شيئآ

لا ادري ماذا اقول

وعن ماذا اتحدث 

وتناسوا انى انسان

اطلقوا عليا اسمآ

وادعوا انه يناسبنى

لم يعطوا لي خيارآ

اقول فيه هذا يعجبنى

وتناسوا انى انسان

ادعوا انى من الفلول

مع انى اعلم ان الشعب المصري

لا يفطر الا الفول

وتناسوا انى انسان

البعض اطلق عليا

كلمه ماسونى

 طب انا مش عارف ليه سبونى

وتناسوا انى انسان

وانتشر خبر هدم الاضرحه

وكنت المناسب لتلقي التهمه

بالمنطقه

هذا يعنى انى من السلفيه

وعليا ان اخبئ الاسلحه الذريه

وتناسوا انى انسان

هدموا الكنائس والمساجد

كسروا الحواجز والحدود

وكالعادة القوا اخر قنبله لديهم

وصرحوا بانى صاحب تلك الادعاءات

ومخرب البلد ومفرق الجماعات

وتناسوا انى انسان

قال عنى البعض انى موهوب بالفطرة

لدى من الحكمه ما تجعلنى اوزن امورى واعقلها

ولكنى مازالت طفلا لم يدرك معنى الحياه

لذلك لايستحق ان يعيشها

وتناسوا انى انسان

وبعض الاشخاص يعشقون

السب في الناس 

يومهم لايمر بدون سخريه

فلان الفنان اغبي الكائنات

وفلانه دى بتستعبط علي الواد

وتناسوا انى انسان

البعض منا يتركهم

لا يريد ان يغضبهم

فنحن نخاف علي زعلهم

ونتنانسي انهم مثلنا خلقوا من نفس الطين

وسيرجعون اليه سريعآ

فهم لايدركون ان هناك من ينتظرهم

تناسوا طول عمرهم

وهو خالقهم

وتناسوا انى انسان

اشعر واحس واتنفس

لست كاملآ 

والكمال للرحمن

 

   

حاله من اللاوعى التى نشعر بها
ان هناك تمثيليه او قصه ما نحن لسنا اطراف فيها
ولكنها بالنهايه تؤذينا بقدر ماتؤذي من حولنا
فنصل لحاله من الدهشه والاستغراب استنفاذآ منا لوقتنا

دائمآ احدد الحياه التى اريدها

ولكن كل ما افعله دائمآ يبعدنى عنها

ويضعنى في طريق غير الذي اخترته

لا اعلم هل هو عيبآ في نفسي ام خطأ في اختيار الاوقات

ام قدرآ يتحكم بنا بالشكل الذي فيما بعد نتمناه لانفسنا

اعطيته كل ما يريد لم ابخل عليه
اردته امام الجميع اكبر واعظم منى
لم اشعره بفضلي عليه لحظه واحده
لم انتظر منه ان يطلب شيئآ كنت انفذ
وبلا تردد كل ما استشعر بانه في حاجه اليه ...

فكانت تلك النظرة الواحده تفهمنى كل ما يريد
وفي النهايه وبنفس ذات النظرة شعرت انه لايريدنى
وبنفس الصدق والاحساس تركته دون ان يقولها
فقد انتهى دوري والان عليه ان يكمل حياته مع غيري
ليست تلك مثاليه
انما انا اعلم من البدايه
ان الله لن يفرقنى عن قدري
فان كان ذاك الشخص مكتوبآ لي
فسيرجع الي اسرع مما تركنى :)

وما انا بغافله عنك
ولكن قلبي يشعر بضعف كلما اقترب منك
فلك وحدك الشكر ولك وحدك الحمد
يالله يا ارحم الراحمين بعبادك

يوميات طالبه اوشكت علي التخرج (2)

نكمل حديثنا ... الذي قـــد بدأناه

بدات المحاضرة الاولى واملى معى التزم بي والتزمت به وصممت ان اجده من خلال اي شئ بدأ الدكتور حفظه الله لنا فحيث ان من القليل ان تجد دكتور لا يتخطى الستينات والسبعينات بل ان اصبح لدينا من يحضرون انفسهم لرحيل من الكليه الي المقبره :)

المهم كانت هناك اسطوانه يكررها جميع الدكاتره لدينا من اول يوم تتكرر بشكل يوم ووقتى ليشعرونا بقيمتنا وبقيمه الكليه التى دخلناها نظرآ لمجموعنا فيقولو لنا انتم لاتدرون قيمه هذة الكليه انها كليه وزارات ووكلاء نيابه ان كان بيدنا ان نرفع مجموعها لفعلنا واشياء  كثيره من هذا الكلام هم يرددون ونحن مع التكرار نحفظ مثل ........ وكان ليس هناك فرق بيننا وبينه في بعض المواد..........

وكلنا في النهايه كائنات وليس لدى مانع من المقارنه :) وبعد اول اسبوع من المحاضرات وكثره المواد وتشتتنا الكثير بين كل ماده لها اكثر من دكتور واكثر من كتاب قانون دستورى وعلم عقاب وعلم اجرام ومواد محبش اتقل علي حضرتكم بيها حاجه تسد النفس فعلآ....

وايضا الجو العام في المدرج فبرغم الحجم الذي ترونه هذا لايوجد تكيف واحد حرمونا نحن الطلاب من نعمه الدراسه في جو مهئ ووضعوا كل المراوح وراء الدكتور فقط ونحن في الوسط حاقدين مستغيثين مطالبين بحقوقنا  ولاتنجدنا المطافي .......... اه يا مطافي ... يانا ....

   

وقتها كلمتنى احد صديقاتى بعد تلك الكآبه التى حلت علينا وعلي من حولنا ماهذه الكليه التى اقحمنا انفسنا فيها وماهذه الصعوبه التى توجد بالمواد

  

هذا شئ يفوق احتمال طالبه دخلت الي كليه لاترغب فيها بالطبع فكانت فكرة صديقاتى تلمع "كالوميض" الذي لايهدأ الا حينما ياخذ مايريد "اسره جديدة" فذلك يعنى الاشتراك في نشاط قد يلطف الجو العام ويجعلنى اذهب الي تلك المنطقه التى دائمآ استهوتنى الكتابه...

بالطبع احببت ان افهم مضمون تلك الاسرة وقابلت مكونها واصحاب الفكرة وهم مجموعه من الاصدقاء قرروا انشاء اسرة جديده يعرفون جيدآ الانشطه الطلابيه بينهم من اكبرمنى بسنه دراسيه ومنهم من اكبر بسنتين وصاحب الفكرة والاخ الاكبر لتلك الاسرة طالب في الفرقه الثانيه استمعت الي حديثه عما يريد ان يفعل وافكاره المتطورة وكان من الاشخاص المقنعين لدرجه كبيره

اقتنعت ان الحل في حبي لدراستى هو عمل شئ احبه بالطبع يحببنى فيها بالنهايه ولكنى فعلت مابعدنى اكثر عن كل شئ عن دراستى عن اسرتى عن اصدقائي كنت كتلك البلورة التى تلمع ولا تدرك ماذا تريد ان تقول او تفعل لاتدري اي شئ غير ان هناك شئ يلزمها بالتواجد اليومى في نفس المكان ومع نفس الاشخاص لاتخاذ بعض القرارت التى قد تخطئ وقد تصيب.........

ويجعلها تلمع ولاتدري لاتدري اطلاقآ الي اي شئ تذهب والي اي شئ تقحم نفسها لمرة الثانيه بعد فتره من الوقت استيقظت لانى وجد ان شيئآ يسحب كل ما احببته من تحتى وكانه ياخذنى الي عالم لطالما لم ارغب الدخول اليه عالم ليس كعالمى البرئ عالم قد يجعلنى افعل اشياء لمجرد انها تفعل ولا افهم السبب والتى دائمآ التزامتى الدينيه والاخلاقيه منعتنى من الدخول فيها وقتها استيقظت بحق لانى اعلم ان ذلك العالم قد ينسينى من انا قد يجعلنى حالمه الي ان استيقظ علي ذلك الكابوس الذي لايعوضه تلك اللحظات التى نتخيل اننا فيها في افضل اوقات حياتنا والوضع يكون بالعكس بالطبع تطلب منى ترم كامل من العام الاول لادرك ذلك لادرك ان هناك شئ اهم يفوتنى بغبائي وبتكراري تلك الجمله التى تجعل حياتنا مآساويه وهى لا احب تلك الكليه لن انجو منها منها ولن اتخطى تلك العقبه......... 

بعدها قررت ان تلك الجمل نرددها لنشعر انفسنا ان ليس بيدنا شئ نفعله ان كل شئ يتم بدون اردتنا ولكننا نكون مدركين بشكل كامل لما نفعل احسست ان هذا الكم من الغباء لايجب ان يستمر لايجب ان يقيدنى لاعيش واحيا بالشكل الذي لطالما اردته لنفسي وخطتته لي اعلم ان تلك قرارات صعبه في البدايه ولكنها تزيل تلك الاوهام لدرجه التى تجعلك تهدء وتستقر بشكل خيالي ........

نكمل فيما بعد وللحديث بقيه

يا بــــــلادى

ممكن تكون احلام بنت لبلدها
ممكن تكون اوهام انها تغيرها
وتغير وطنها
بس الاحتمال الاكبر ان حبها
وعشقها لترابها
ممكن يخليها تقدر تكون احدى انجازتها
والاكيد طول ماعينى علي دم الشهيد
هقدر اكمل حلمه وافيد
واطرد كل اللي كانو سبب في قتلوا وحيد
هعلي صوتى وهقول لا
لظلم لاستهتار لا
لعيشه من غير كرامه واهانه لا
لناس بتقتل احلامنا
وتسرق افكارنا
وتزينا اهدافنا
لا لا لا
مش هنسيبهم ياخدوا حياتنا
طول ما بنعرف نحكم عقولنا
طول ما بنمشي بضميرنا
كل شيطان في بلدنا
هيهرب واحنا هنكون قد مصريتنا!!

ان كنت ترانى كذلك...ارجوك ابتعد ...

انا لست بثفقة تعقدها

 او يوما تزايد عليها

 انا لست بلعبة تحركها

وتحاول تلعب بمشاعرها

 والهدف هو حاسمها

انا فتاة بسيطة

ولكني بداخلي ملكة

 تشعرك في لحظة برقتها

وفي لحظة غضب يتملكها

فتنهي في لحظة مشاعرها

 حينما تشعر بخطر يهدد مصيرها

 ويحاول ينهي كرامتها

انا لست مبعثرة لتلم أشيائي

 ولست مفكرة أخطر في عقلك

كلما اردت الشعور بنفسك

 ولكني سأقوي علي رفضك

وسأقوي ان أخذل عقلك

وسأنهي دقات قلبي وقلبك

 فأنا فتاة بسيطة أحبتك

 لكن لم ترضخ!!!

يوميات طالبه اوشكت علي التخرج (ا)

السلام عليكم ورحمه الله وبركاته :)

هذة يومياتى في الجامعه التى اوشك علي التخرج منها يـــارب" كليه حقوق العزيزة"

كانت ليا بمثابه المعزة رشيده مع بكار لايمكن الاستغناء عنها:)

وكعاده رشيده وهى تحب ان تداعب بكار وتدلع عليه حيث ان لاشئ يرضيها

كانت كليتى كذلك كلما ادينا فيها وسكتنا تركب علينا وحينما نحب نرد لها بعض الجميل مما فعلت فينا

تقلب علينا وتبهدلنا ومؤخرآ بدات تتعدل في بعض الاحيان

ومش تطلع لينا النتيجه غير اخر السنه منتهى العدل...

المهم انا دخلت العالم الغريب دة وكلى امل تقولولى جبتي منين الامل ماهو زى مافي في حياه اى حد سعاد وفاطمه في امل عادى يعنى :D:D

 طبعآ انا دخلت الكليه وفقآ لمجموع اللي بيجى بعد تعب السنين في عنق الزجاجه العاميه ويصفونا 

 واحده واحده علي راي الشاعر الجليل ايمن بهجت والمغنى العظيم حماقي :) وبعد التصفيه بنتوزع 

احنا الطبقه التانيه من الثانويه علي الكليات اللي لسه مستنيانا علشان تاكل عيش

نعم فيا عزيزى القارئ ما الكليه الا مصدر لاكل العيش احنا بناكل عيش علي بعض علشان نزق عجله التعارف

والكليه بتاكل عيش مننا علشان كل ما تتدفع اكتر تتحمى من انك تشيل مواد اكتر :) نظريه 

المهم نعود لامل اللي دخلت به والرؤيه اللي كانت في بالي زى اى حد طبيعي بل وطبيعي جدآ كمان اومال ايه احنا مش اقل من اي

حاجه ممكن تتقال رؤيتى انى كنت هدخل عالم تانى اطور فيه ابدع فيه اهو اي شئ فيه طالما طالعنا من الثانويه واخدين رصاصه فشنك

كان نفسي تصيب المرة دى ماهو مكنش في خيار كتير لتصيب لتخيب واجاركم الله الخيارين دوال كانو خيارين بايظين معانا 

واحلامنا والله كانت بسيطه حتى رؤيتنا كانت واقعيه اكتر ، اول يوم دخلنا الجامعه عموما قولنا احنا جاينا غلط البشر دى كلها جات امتى

بتدرس معانا هنا والغريب ان محدش كان في المحاضرات غير نوعين فقط سنه اولى اللي لسه داخلين ومش فاهمين حاجه

رجلهم جابتهم غلط تقريبا لمحاضرات وباقي السنوات عدد قليل كدة بيحضر من " بالدحاحين" " الطلاب الذين يسمون

او كما يطلق البعض عليهم "بالمجتهدين"

والباقي حفظنا الله من ذلك الشئ في جناين الجامعه لاسمح الله الناس دى لو دخلت محاضره يبقي يوم مش فايت

يبقي المدرجات هتتقلب والدكتور هيتحول وممكن احنا بسببهم نبقي مستذئبين اه مش بعيده يعنى 

المهم قررنا نثبت فعلا اننا سنه اولى وتوجهنا لمدرجاتنا وندور احنا فين لقيناها متوهناش اوى بس الحقيقه هو كان في شئ مقدرتش افهمه 

حتى الان احنا دخلنا بدري عن المحاضره بساعه كدة بس اللي كان واضح اننا جاينا متاخرين زياده عن اللزوم اما اننا دخلنا مكان تانى

وكان مما يبدوا وواضحآ اننا دخلنا اكبر مكان فيكى يا مصر لاتقولى استاد بقي ولامسارح تيجى ايه دى جمب مدرج زى مدرجنا 

دة احنا كان فاضل شئ نثبت به ان دة مش مدرج دة مسرح اننا نعمل مسرحيه علي الاستديج ونريح دماغنا ماهو كله تمثيل في تمثيل

الدكاتره بتمثل انها بتشرح واحنا بنمثل اننا فاهمين لاء وكمان بنسقف صدق فعلا الكليه مسرح كبير ونكمل احنا بفيها اوهام كتير

المهم ان احمدك يارب اخيرا لقينا مكان بس اوعوا اوعوا مخكوا يروح لبعيد وشوشو يلعب احنا لقينا مكان علي الارض فضل ونعمه

من ربنا دة الارض دى يا سلام مرتبه عاليه جدآ جدآ جدآ في مرتبات المدرجات :) 

دخلنا وقعدنا واستنينا اول دكتور وكلنا امل ان برغم دة كله اكيد اكيد احنا في مصر طبعآ بس بعد دة كله اكيد هنستفيد

طالبه لديها امل ............ وللحديث بقيه

:) smile to life

دائمآ كنت اقولها من سنين

ارددتها بشكل قوي لا ادري لماذا

كانت تمحى بعض الكآبه التى تحتل المكان احيانآ

كانت تزول عنى بعض الآلم التى لطالما حاولت تحملها

كانت تسعدنى حينما افكر ان لاشئ يساوى تلك الابتسامه

لذلك كنت اقوله وانا واثقه ان كل شئ سينتهى مثلما بدأ ......

smile to life :)

حاجه تفرح

حاجه تفرح بجد لما تشوف حد بتحبه فرحان ومبسوط

وبجد خاصه لما يكون قريب منك ممكن تكون مش متخيل اللي بيحصل

وقتها بس بتستوعبه بعدين البارح كان فرح واحدة صحبتى

كانت حاجه جميله جدآ وفرح وميتعوضش

طبعا دة بغض النظر عن الحقد الطبقي اللي ممكن يتواجد

والحقد المعنوى بس احنا كبنات منفكرش ساعتها بالاسلوب دة

وحاولوا تتقتعنوا بكدة :):)

المهم كان يوم جميل شوفت لحظات سعادتها

وشوفت لحظه كتب كتابها والعيله كلها بدمع وتبكى

لما تجمتع الفرحه مع السعاده الحقيقيه بجد بتبقي حاجه تسعد وتفرح اى حد

لامه العائله كلها وفرحتهم ورؤيتهم فرحانين بيك بجد بيبقي حاجه تفرح

وجودك جمب شريك حياتك اللي اختارته وربنا قدره ليك بيبقي حاجه تفرح

حاجات كتير جدآ بتفرح اي حد في يوم زى دة

هى دى السعاده والفرح الحقيقي اللي بتبتغى كل عائله

لاولادها وكل بنت لنفسها :)

ربنا يكرمها يارب واشوفها سعيده دايمآ