يعنى ايه عيد!!!!

 يعنى ايه عيد؟؟؟

يعنى تفضل سهران

من تعب طول الليالي والصيام

وتروح تصلي صلاه العيد الحاجه

الوحيده اللي باقيه من ريحه العيد

علشان ترجع تستهدى كدة وتقول يلا نحاول نهيص

تلاقي ابن خالتك بيضربك بكورة لاتصد ولاترد

في عينيك وتحرقك وتبهدلك وتخلى منظرك زى اللي

لسه خارج من مرض مميت

يعنى إيه عيد

يعنى كل الناس اللي مش بتعرفك طول السنه بتفكر كدة

مرة واحدة تخطر علي باالها

تتصل وتقولك كل سنه وانت طيب

وبنتقبلها لاننا طايبين وعايزين نفرح

يعنى يجى عليك مرة واحدة في العيد

صحوه فجاه وتفتكر قرايبك وتسبق عليهم قبل اى حد من اصحابك

وعلي غير المعتاد وتقولهم كل سنه وانتوا طيبين

ويارب بصله الرحم مدايمين

وابوس رجلكم عبرونا فيما بعد يا بنى آدمين

يعنى تجيب بمب 

بس ميبقاش زى بمب بتاع زمان

تخبطه تلتميت مرة 

وميفرقعش

وكإن البومب اصبح فجاه سيلنت

ربنا يرحم بموب زمان اللي كان بيحرق الايشاربات

يعنى تعمل كل شئ في اخر دقيقه

وبرضوا يتفضل دقيقه تغلس بيها علي اللي بتحبهم

وبيحبوك وتقولهم انا فكركم بس مش فكركم لانى احس منكم

بس لانى بحاول استمد فرحه العيد منكم

وشكلكوا يقطع الخميرة من البيت اصلا

لان كل مابتصل مباخدش غير كلام يوجع الكلى

وفكرة بيت العريس المجهول 

اللي ممكن اروحه بس من غير عريس علشان اريحهم

هههههههههه

يعنى مماتك تبصلك بصه اللي عايزة تقولك

افرحى افرحى وانبسطى وعيشي

وتاخدك بالحضن

بس حضنها علي قد جماله مبينسكش اي شئ

من اللي بتفتقده في العيد

يعنى العديه اللي الكل خلوك كبرت علشان يوفروا

ولابس العيد اللي اول ماعرفناكى ياجامعه

بقي اللبس لي مواسم اخري

يعنى محلات مفيهاش خرم ابرة اصلا

علشان تنزلها ترن او تسمع نغمه حتى 

يعنى شوارع كلها ناس في ناس ماشيه ورا بعض

بتجر في بعض او بتتجر

بتبص علي الفاترينات

وبتضحك بس مش من قلبها

يعنى العيد وكل عيد نفس المآساه 

ونفس الحيـــــــاه

والبشر هما هما مبيتغيروش

واهلا بالعيد وفرحه العيد وفرخه العيد اى حاجه

بس حد يجبلننا ريحه العيد بتاعنا

والكحك في البيت اللي بيغطى تلت شوارع جمبنا

وعلي راي اللي مش فاكرة اسمه

خدوا كل حاجه بس ادونى العيال قصدى هاتولى العيد بتاعى :):)

 العيد دة من الاخر
يعنى لازم تفرحوا يعني تفرحوا
تستمدوا الفرح من الجيران
تستلفوا من اى حد
تحولوا لبعض رصيد فرح
المهم تحاولوا تفرحوا باي طريقه
لانى مقدرش اضمن العيد اللي جاى 
هنحس بيه ولا لاء
فافرحوا في دة واضحكوا علي العيد اللي جاى
وقولوا لدنيا استنوا بقي احنا قررنا منبقاش
زى نحن لانزرع الشوك
ولاعايزين سيده 
من انهارده احنا مع اهلا بفرحه العيد
وجمال العيد 
وبهجه الاطفال
وفرقعه الصواريخ نصيحه بلاش بمب
واكل الكحك حتى لو جاهز
ولناس الرايقه ترمس وذره مشوى :)
اهلا يا من نسيتنا وتكبرت علينا
فادخلت علينا فرحا وسرورنا 
حتى وان كانت تلك حياتنا
اهلآ بالعيد


وكل سنه وكل الناس الحلوة اللي هون طيبين
لمدونات الشقيقه واللي اجوانها عجب
وموضوعتها في الشبكه علي الطول
لاول واحده استقبلتنى هنا
وكانت فعلا بنت من الزمن دة
كل سنه وانتى طيبه
للي تابعتها وحبيت رغيها وسردها
طالبه مقهورة جدا
كل سنه وانتى طيبه
للي زوقها واحساسها عالي اوى
Flied Away
كل سنه وانتى طيبه
للي روحها ماليه المكان وكل مكان
روح طفله يارب ماتعرف تكبر ههههه
كل سنه وانتى طيبه
للي هلت عليا وفرحنى وجودها
ميس لوزة
كل سنه وانتى طيبه
بحبكم كلكم سعيده بانضمامى الجديد والحديث ليكم كلكم
كل سنه وانتم طيبين يابشر :)

Continue reading →

هو دة الخير اللي هيدوم لينا بعد رمضان

http://www.facebook.com/photo.php?fbid=263021330376516&set=a.263021293709853.75430.263020370376612&type=1

حمله حفظ القرآن علي الفيس توك

بدات ومستمرة

حمله جميله ومشجعه فعلا

كل يوم خمس آيات

مش هياخدوا مننا نص ساعه

خير هيدوم لينا في رمضان وبعد رمضان

متكسلوش وحاولوا تشتركوا وتحصلونا

علشان نكون كلنا حافظين لكتاب الله 

واللينك تحت الصورة 

صدقونى هيفرق معاكم الموضوع دة

في يومكم وفي مودكم وفي كل شئ 

خبر حلو لسه عارفه دلوقتى وعدلت البوست بسببه

في حمله جديدة هتبدا من بعد العيد للتفاصيل 

الموضوع اهو

http://www.facebook.com/photo.php?fbid=269858909692758&set=a.263031513708831.75431.263020370376612&type=1&ref=nf

Continue reading →

يوميات طالبه اوشكت علي التخرج(3)

نكمل ما تطرقنا اليه المرة السابقه

احنا كنا بنقول إيه!!! احم محدش مركز واضح واضح :)

اه لقد تذكرت اخيرآآآآآآآ

الحمد الله ولله الحمد علي كل شئ ودة فعلآ من فضل ربنا علينا اننا بننجح وبنعدى في كليه من كليات مصر عموما مش كليتى بس

عدت السنه الاولى بالامال اللي ضاعت والامال اللي اتبنت , الاشخاص اللي راحت والاشخاص اللي وقعت من نظرنا والاشخاص اللي كسبوا ثقتنا

عدت وكبرنا سنه ولو اننا كل ما بنكبر بنصغر اكتر ومخنا بيضيق اكتر مبيستحملش اكتر من انتريه وبوفيه احم احم

ماهو دة يا جماعه من كتر المواقف المريبه الكتير اللي بتعدى علينا والمواقف المخيفه والمحرجه والقاتله ابتديت احس بعد فتره انا هبقي زى "ريد" قاتل سريع ومؤذي بس الفارق اني شئ حى 

دايمآ يا جماعه كدة بنقابل اشخاص عجيبه بيبقي ليهم فايده في حياتنا

اما بيبضيفوا عليك روح جديده او بيعلموك درس معين بس هما لازم بيعدوا وبيمروا واحيانا بيغلسوا هما لازم بكل الاحوال نقابلهم ليس هنا مفر من ذلك

ومافيش اختيارات ولا اطرح اجابتين ولا حتى معاهم هتربح البنبون انت اخرك معاهم هتربح نفسك هتفهم دنيتك واعتقد دى حاجات بالنسبه لينا اهم من المليون بتاع جورج قرداحى 

بس الدونيا بتعدى وكل شئ بيفوت وبيمشي اسرع من البرق وكله بيهون في الاخر لما تحس بس ان ربنا معاك او راضي عنك او مقدر ليك انك تتعلم شئ معين ساعتها بس مش بيهمك اي شئ تانى او اى حد خسرك او اى شخص مكنش كويس معاك .........

هو الجزء دة اصغر بس عدوها احنا في ايام مفترجه:):)

Continue reading →

المفارقه بين السعاد ه والحزن

 

  دائما يحدث ذلك بين

ان اكون سعيده وبداخلى حزن

مبسوطه ومش مبسوطه

هناك دائما تلك المفارقه

ليس هناك يوم يمر بطبيعته

وبهدوءه وسعادته

قلبي حزين لفراق شهر رمضان

ووقفه مع النفس هل فعلت كل مافي طاقتى

فيه ام قصرت واذنبت 

وفي ذات الوقت انتظر العيد بشوق لعلي

ياتى بالبهجه المطلوبه

لعلي يفرحنى هذه المرة واشعر واسعد به

ابتسم نعم اضحك احيانا وتعلو ضحكتى

ولكنى اشعر ان ذلك مجرد

خيالات 

اعتقد بها انى سعيده

او احلام ليست واقعيه

ليست طبيعيه

هل ضاعت الابتسامه والضحكه الحقيقيه

في وسط زحام الحياه

ام تاهت في وسط ليالي التفكير

Continue reading →

تناسوا انى انسان

قالوا عنى لا افقه شيئآ

لا ادري ماذا اقول

وعن ماذا اتحدث 

وتناسوا انى انسان

اطلقوا عليا اسمآ

وادعوا انه يناسبنى

لم يعطوا لي خيارآ

اقول فيه هذا يعجبنى

وتناسوا انى انسان

ادعوا انى من الفلول

مع انى اعلم ان الشعب المصري

لا يفطر الا الفول

وتناسوا انى انسان

البعض اطلق عليا

كلمه ماسونى

 طب انا مش عارف ليه سبونى

وتناسوا انى انسان

وانتشر خبر هدم الاضرحه

وكنت المناسب لتلقي التهمه

بالمنطقه

هذا يعنى انى من السلفيه

وعليا ان اخبئ الاسلحه الذريه

وتناسوا انى انسان

هدموا الكنائس والمساجد

كسروا الحواجز والحدود

وكالعادة القوا اخر قنبله لديهم

وصرحوا بانى صاحب تلك الادعاءات

ومخرب البلد ومفرق الجماعات

وتناسوا انى انسان

قال عنى البعض انى موهوب بالفطرة

لدى من الحكمه ما تجعلنى اوزن امورى واعقلها

ولكنى مازالت طفلا لم يدرك معنى الحياه

لذلك لايستحق ان يعيشها

وتناسوا انى انسان

وبعض الاشخاص يعشقون

السب في الناس 

يومهم لايمر بدون سخريه

فلان الفنان اغبي الكائنات

وفلانه دى بتستعبط علي الواد

وتناسوا انى انسان

البعض منا يتركهم

لا يريد ان يغضبهم

فنحن نخاف علي زعلهم

ونتنانسي انهم مثلنا خلقوا من نفس الطين

وسيرجعون اليه سريعآ

فهم لايدركون ان هناك من ينتظرهم

تناسوا طول عمرهم

وهو خالقهم

وتناسوا انى انسان

اشعر واحس واتنفس

لست كاملآ 

والكمال للرحمن

 

   

Continue reading →

حاله من اللاوعى التى نشعر بها
ان هناك تمثيليه او قصه ما نحن لسنا اطراف فيها
ولكنها بالنهايه تؤذينا بقدر ماتؤذي من حولنا
فنصل لحاله من الدهشه والاستغراب استنفاذآ منا لوقتنا

Continue reading →

دائمآ احدد الحياه التى اريدها

ولكن كل ما افعله دائمآ يبعدنى عنها

ويضعنى في طريق غير الذي اخترته

لا اعلم هل هو عيبآ في نفسي ام خطأ في اختيار الاوقات

ام قدرآ يتحكم بنا بالشكل الذي فيما بعد نتمناه لانفسنا

Continue reading →

اعطيته كل ما يريد لم ابخل عليه
اردته امام الجميع اكبر واعظم منى
لم اشعره بفضلي عليه لحظه واحده
لم انتظر منه ان يطلب شيئآ كنت انفذ
وبلا تردد كل ما استشعر بانه في حاجه اليه ...

فكانت تلك النظرة الواحده تفهمنى كل ما يريد
وفي النهايه وبنفس ذات النظرة شعرت انه لايريدنى
وبنفس الصدق والاحساس تركته دون ان يقولها
فقد انتهى دوري والان عليه ان يكمل حياته مع غيري
ليست تلك مثاليه
انما انا اعلم من البدايه
ان الله لن يفرقنى عن قدري
فان كان ذاك الشخص مكتوبآ لي
فسيرجع الي اسرع مما تركنى :)

Continue reading →

وما انا بغافله عنك
ولكن قلبي يشعر بضعف كلما اقترب منك
فلك وحدك الشكر ولك وحدك الحمد
يالله يا ارحم الراحمين بعبادك

Continue reading →

يوميات طالبه اوشكت علي التخرج (2)

نكمل حديثنا ... الذي قـــد بدأناه

بدات المحاضرة الاولى واملى معى التزم بي والتزمت به وصممت ان اجده من خلال اي شئ بدأ الدكتور حفظه الله لنا فحيث ان من القليل ان تجد دكتور لا يتخطى الستينات والسبعينات بل ان اصبح لدينا من يحضرون انفسهم لرحيل من الكليه الي المقبره :)

المهم كانت هناك اسطوانه يكررها جميع الدكاتره لدينا من اول يوم تتكرر بشكل يوم ووقتى ليشعرونا بقيمتنا وبقيمه الكليه التى دخلناها نظرآ لمجموعنا فيقولو لنا انتم لاتدرون قيمه هذة الكليه انها كليه وزارات ووكلاء نيابه ان كان بيدنا ان نرفع مجموعها لفعلنا واشياء  كثيره من هذا الكلام هم يرددون ونحن مع التكرار نحفظ مثل ........ وكان ليس هناك فرق بيننا وبينه في بعض المواد..........

وكلنا في النهايه كائنات وليس لدى مانع من المقارنه :) وبعد اول اسبوع من المحاضرات وكثره المواد وتشتتنا الكثير بين كل ماده لها اكثر من دكتور واكثر من كتاب قانون دستورى وعلم عقاب وعلم اجرام ومواد محبش اتقل علي حضرتكم بيها حاجه تسد النفس فعلآ....

وايضا الجو العام في المدرج فبرغم الحجم الذي ترونه هذا لايوجد تكيف واحد حرمونا نحن الطلاب من نعمه الدراسه في جو مهئ ووضعوا كل المراوح وراء الدكتور فقط ونحن في الوسط حاقدين مستغيثين مطالبين بحقوقنا  ولاتنجدنا المطافي .......... اه يا مطافي ... يانا ....

   

وقتها كلمتنى احد صديقاتى بعد تلك الكآبه التى حلت علينا وعلي من حولنا ماهذه الكليه التى اقحمنا انفسنا فيها وماهذه الصعوبه التى توجد بالمواد

  

هذا شئ يفوق احتمال طالبه دخلت الي كليه لاترغب فيها بالطبع فكانت فكرة صديقاتى تلمع "كالوميض" الذي لايهدأ الا حينما ياخذ مايريد "اسره جديدة" فذلك يعنى الاشتراك في نشاط قد يلطف الجو العام ويجعلنى اذهب الي تلك المنطقه التى دائمآ استهوتنى الكتابه...

بالطبع احببت ان افهم مضمون تلك الاسرة وقابلت مكونها واصحاب الفكرة وهم مجموعه من الاصدقاء قرروا انشاء اسرة جديده يعرفون جيدآ الانشطه الطلابيه بينهم من اكبرمنى بسنه دراسيه ومنهم من اكبر بسنتين وصاحب الفكرة والاخ الاكبر لتلك الاسرة طالب في الفرقه الثانيه استمعت الي حديثه عما يريد ان يفعل وافكاره المتطورة وكان من الاشخاص المقنعين لدرجه كبيره

اقتنعت ان الحل في حبي لدراستى هو عمل شئ احبه بالطبع يحببنى فيها بالنهايه ولكنى فعلت مابعدنى اكثر عن كل شئ عن دراستى عن اسرتى عن اصدقائي كنت كتلك البلورة التى تلمع ولا تدرك ماذا تريد ان تقول او تفعل لاتدري اي شئ غير ان هناك شئ يلزمها بالتواجد اليومى في نفس المكان ومع نفس الاشخاص لاتخاذ بعض القرارت التى قد تخطئ وقد تصيب.........

ويجعلها تلمع ولاتدري لاتدري اطلاقآ الي اي شئ تذهب والي اي شئ تقحم نفسها لمرة الثانيه بعد فتره من الوقت استيقظت لانى وجد ان شيئآ يسحب كل ما احببته من تحتى وكانه ياخذنى الي عالم لطالما لم ارغب الدخول اليه عالم ليس كعالمى البرئ عالم قد يجعلنى افعل اشياء لمجرد انها تفعل ولا افهم السبب والتى دائمآ التزامتى الدينيه والاخلاقيه منعتنى من الدخول فيها وقتها استيقظت بحق لانى اعلم ان ذلك العالم قد ينسينى من انا قد يجعلنى حالمه الي ان استيقظ علي ذلك الكابوس الذي لايعوضه تلك اللحظات التى نتخيل اننا فيها في افضل اوقات حياتنا والوضع يكون بالعكس بالطبع تطلب منى ترم كامل من العام الاول لادرك ذلك لادرك ان هناك شئ اهم يفوتنى بغبائي وبتكراري تلك الجمله التى تجعل حياتنا مآساويه وهى لا احب تلك الكليه لن انجو منها منها ولن اتخطى تلك العقبه......... 

بعدها قررت ان تلك الجمل نرددها لنشعر انفسنا ان ليس بيدنا شئ نفعله ان كل شئ يتم بدون اردتنا ولكننا نكون مدركين بشكل كامل لما نفعل احسست ان هذا الكم من الغباء لايجب ان يستمر لايجب ان يقيدنى لاعيش واحيا بالشكل الذي لطالما اردته لنفسي وخطتته لي اعلم ان تلك قرارات صعبه في البدايه ولكنها تزيل تلك الاوهام لدرجه التى تجعلك تهدء وتستقر بشكل خيالي ........

نكمل فيما بعد وللحديث بقيه

Continue reading →