2011-08-30

يعنى ايه عيد!!!!



 يعنى ايه عيد؟؟؟

يعنى تفضل سهران
من تعب طول الليالي والصيام
وتروح تصلي صلاه العيد الحاجه
الوحيده اللي باقيه من ريحه العيد
علشان ترجع تستهدى كدة وتقول يلا نحاول نهيص
تلاقي ابن خالتك بيضربك بكورة لاتصد ولاترد
في عينيك وتحرقك وتبهدلك وتخلى منظرك زى اللي
لسه خارج من مرض مميت
يعنى إيه عيد

يعنى كل الناس اللي مش بتعرفك طول السنه بتفكر كدة
مرة واحدة تخطر علي باالها
تتصل وتقولك كل سنه وانت طيب
وبنتقبلها لاننا طايبين وعايزين نفرح
يعنى يجى عليك مرة واحدة في العيد
صحوه فجاه وتفتكر قرايبك وتسبق عليهم قبل اى حد من اصحابك
وعلي غير المعتاد وتقولهم كل سنه وانتوا طيبين
ويارب بصله الرحم مدايمين
وابوس رجلكم عبرونا فيما بعد يا بنى آدمين

يعنى تجيب بمب 
بس ميبقاش زى بمب بتاع زمان
تخبطه تلتميت مرة 
وميفرقعش
وكإن البومب اصبح فجاه سيلنت
ربنا يرحم بموب زمان اللي كان بيحرق الايشاربات

يعنى تعمل كل شئ في اخر دقيقه
وبرضوا يتفضل دقيقه تغلس بيها علي اللي بتحبهم
وبيحبوك وتقولهم انا فكركم بس مش فكركم لانى احس منكم
بس لانى بحاول استمد فرحه العيد منكم
وشكلكوا يقطع الخميرة من البيت اصلا
لان كل مابتصل مباخدش غير كلام يوجع الكلى
وفكرة بيت العريس المجهول 
اللي ممكن اروحه بس من غير عريس علشان اريحهم
هههههههههه

يعنى مماتك تبصلك بصه اللي عايزة تقولك
افرحى افرحى وانبسطى وعيشي
وتاخدك بالحضن
بس حضنها علي قد جماله مبينسكش اي شئ
من اللي بتفتقده في العيد

يعنى العديه اللي الكل خلوك كبرت علشان يوفروا
ولابس العيد اللي اول ماعرفناكى ياجامعه
بقي اللبس لي مواسم اخري
يعنى محلات مفيهاش خرم ابرة اصلا
علشان تنزلها ترن او تسمع نغمه حتى 
يعنى شوارع كلها ناس في ناس ماشيه ورا بعض
بتجر في بعض او بتتجر
بتبص علي الفاترينات
وبتضحك بس مش من قلبها

يعنى العيد وكل عيد نفس المآساه 
ونفس الحيـــــــاه
والبشر هما هما مبيتغيروش

واهلا بالعيد وفرحه العيد وفرخه العيد اى حاجه
بس حد يجبلننا ريحه العيد بتاعنا
والكحك في البيت اللي بيغطى تلت شوارع جمبنا

وعلي راي اللي مش فاكرة اسمه
خدوا كل حاجه بس ادونى العيال قصدى هاتولى العيد بتاعى :):)

 العيد دة من الاخر
يعنى لازم تفرحوا يعني تفرحوا
تستمدوا الفرح من الجيران
تستلفوا من اى حد
تحولوا لبعض رصيد فرح
المهم تحاولوا تفرحوا باي طريقه
لانى مقدرش اضمن العيد اللي جاى 
هنحس بيه ولا لاء
فافرحوا في دة واضحكوا علي العيد اللي جاى
وقولوا لدنيا استنوا بقي احنا قررنا منبقاش
زى نحن لانزرع الشوك
ولاعايزين سيده 
من انهارده احنا مع اهلا بفرحه العيد
وجمال العيد 
وبهجه الاطفال
وفرقعه الصواريخ نصيحه بلاش بمب
واكل الكحك حتى لو جاهز
ولناس الرايقه ترمس وذره مشوى :)
اهلا يا من نسيتنا وتكبرت علينا
فادخلت علينا فرحا وسرورنا 
حتى وان كانت تلك حياتنا
اهلآ بالعيد


وكل سنه وكل الناس الحلوة اللي هون طيبين
لمدونات الشقيقه واللي اجوانها عجب
وموضوعتها في الشبكه علي الطول
لاول واحده استقبلتنى هنا
وكانت فعلا بنت من الزمن دة
كل سنه وانتى طيبه
للي تابعتها وحبيت رغيها وسردها
طالبه مقهورة جدا
كل سنه وانتى طيبه
للي زوقها واحساسها عالي اوى
Flied Away
كل سنه وانتى طيبه
للي روحها ماليه المكان وكل مكان
روح طفله يارب ماتعرف تكبر ههههه
كل سنه وانتى طيبه
للي هلت عليا وفرحنى وجودها
ميس لوزة
كل سنه وانتى طيبه
بحبكم كلكم سعيده بانضمامى الجديد والحديث ليكم كلكم
كل سنه وانتم طيبين يابشر :)

هناك 6 تعليقات:

  1. هع هع هع حلو جدا الموضوع وكل سنه وانتى بالصحه وبالسلامه.
    وكل سنه تتضربى بالكوره بقى وتعيشى وتآخدى غيرها يا كتكوته هههههههه

    ردحذف
  2. اولا كل سنه وانتى طيبه جدا بشده

    ثانيا سؤالى الرخم

    هو ليه فى نحذير بشان المحتوى؟

    ردحذف
  3. ههههههههههههه
    جميله اوى الحاجات اللى قولتيها
    كل سنه وانتى طيبه يا جميله
    ويارب تكون ايامك كلها عيد ان شاء الله :))

    ردحذف
  4. ماشي يا سوكا ليكى يوم ياحجه :):)


    The illusionist
    وانت طيب جدآ وبشده وبكسره :D:D
    بالنسبه لسؤال مش رخم ولاحاجه
    اصل انا بحب الاثاره والاكشن :)
    وعموما خلاص مبقاش في كدة
    نورت

    دينا
    انتى اللي جميله ياقمري
    وانتى طيبه
    وان شاء الله ايامنا كلنا تكون اجمل واجمل :D:D

    ردحذف
  5. ايه ده
    انا اهو انا اهو
    هييييييييه
    متأخرة شوية بس وانتى طيبة برده
    ههههههههههههه

    ردحذف
  6. انتى اهو يا ستى :):)

    ولايهمك علي التاخير وانتى طيبه

    ردحذف