2012-02-01

الروقان ..1


من حيث مبدأ التمييز
وكونى متميزة كالعاده طوبعآ 
وكمان من حيث ان استاذ ابراهيم
 بيناكف في كل الناس وبيعمل بوستات
 تثبت ان اى شئ بيتكلموا في لايقارن بكلامه عنها


هعمل كدة
مع حفظ الفرق والالقاب بينى
وبين استاذ ابراهيم طبعا
وبدايتآ من هذا المنطلق هبدأ 
هع هع هع
 
عن الروقان اتحدث ولكم الصبر والسلوان
 :D طبعآ


لالالا الروقان مش في فكرة كوبايه شاي كدة وقاعده وكلام من اياه
الروقان انك تتمزج ازاى بكل شفطه من كوبايه الشاي دى
وبكلام انت نفسك متعرفش بيطلع منك ازاى قفشات
الشاي تختلف كثيرآ عن قفشات النسكافيه
اة طوبعآ الشاي مصري اصلي
في فرق تام طوبعآ 
___________________________

 
دايما تلاقي البنات بالذات
كل ما تتسئل انتى بتحبي ولا لاء
تبصلك باصه من بتاعت
i Ev you
ولو عنيها ساعدتها ودمعت
وتقولك
انا حالتى معقدة شويه
ايوة يعنى معقده ازاى
معرفشي بس معقده وخلاص
_________________________


كيد البنات بقي
تلاقي البنت من دوال
في كل مناسبه كدة
ومن غير داعى
تقولك علي فكرة فلان
خطب فلانه
ايوة مبرووك
الكلمه تقريبآ مش بتوقفهم يكملوا الحوار
تقوم باصلك كدة باصه اللى هو
انتى غيرانه ولا لاء
ياحجه وانا مالى انا ان شا الله يتجوزو
يعنى اعملهم إيه انا
مش مقتنعه برضوا
اسلم حل كيدوهم زى ما بيكدوكو
ماهى اكيد سينجل برضوا :)
قطيعه محدش بياكلها بالساهل

______________________


المسهوكين دوال
لازم ينقرضوا انقراض تام
يعنى نجم الحمير دة
اقصد استغفر الله العظيم نجم الجيل
لا اختلاف علي ذكائه وعبقريته
الناس كلها مسكت في ام البنطلون الاحمر
وسابته هو كشخصيه
يعنى مش كفايا
نطقه لكلمه
love enjoy
يحسسك بنوته وبتتسهوك اة والله
so when any person ask you about
tamer hossny
say i do not know him
who is tamer hossny??
heheheheheheh
الغيظ وتطليع اللسان حلو برضوا

________________________



طيب هسئل تانى
لان شكل السؤال مجبش همه علي الفيس
ليه مش يخترعوا مساحات صغيرة زى بتاعت العربيه
تمسح النضاره وقت المطرة
يعنى البنى آدمين اللى زى وبيلبسو نضاره شمس
يعملوا إيه

________________________
عمو مجلس من فضلك ممكن
تمشي
لاء انا بايت وقاعد هنا دى بقت منطقتى
طيب ياعمو انا مش عايزة مجلس شوري
بياخدوا ملايين وحصانه
ورايهم علي الفاضي
لاء لازم تنتخبي المجلس دة
مهم اوى اوى
طيب ماهو زيه
زى فض المنازعات كدة القاضي
اللي يطلع علي المعاش
مينفعش بعد ماياخد 15 الف
ينزل لكلام تافهه
يحطوا في فض المنازعات علشان
ياخد 8 الف
وهو رايه استشاري مبيتخدش بي
خلاص
وبعدين يقولك اصل مافيش فلوس
والجيب فاضي
يلا بينا نشحت يلا بينا نتذلل

 طيب ياعمو
علي فكرة بقي
يسقط يسقط حكم العسكر
^_^

_____________________

 




اة كله الا الاعلانات
اللى تحسسك بالطراوة وانت قاعد
ما انت شغال تف مع كل اعلان بقي
وقنوات فضائيه وتاك شو تنقط يعنى 
وجرايد محايدة تمامآ تمامآ يعنى
قال إيه كدة ياخونا سمعت 

 ان ينهار الوانات  فلوس المعاشات اتسرقت
800
وحاجه مليار اتسرقوا ينهار ابيض
طيب والحل
تلاقي واحد فكيك كدة يقولك عندى يا باشا

بص بقي كدة كدة في ناس طلعت علي المعاش ومخدتش لسه معاشها
وناس لسه في الخدمه دوال بقي بدل ما كنا بنخصم منهم
9%
هنخليهم
10%
والواحد دة هيجمع من الموظفيين الحالين وساعتها ندى
للى طالعين معاش
طيب ياعمو اللى طالع دة هيقعد قد إيه كدة
مش مشكلتى دى
طيب الواحد في الميه دة حرام عليك
مسبتوش حاجه لى موظف الحكومه
الله مش انتوا عايزين تقبضوا المعاشات


فعلا احنا غلطانين ياجماعه
والغريب اللى سارقهم فاكك في لندن
وماشي براحته
واحنا هنا بنسد اللى سرقه من جيوبنا برضوا


يدخل الاعلام المصري بقي
وتلاقي بيقولك هنعمل حمله
تحت شعار جيوبنا مليانه وبطننا شبعانه
مع ان اسقف بيوتنا متشاله
وعشوائيتنا منحدرة وغلبانه
بس جيوبنا  مليانه وبطننا شبعانه
الشعب المصري تقريبا بيمثل
علي حكومتنا الشقيانه

واهو سريرآ في القفص خيرآ من مليارات
في سويسر ولندن

_______________________

بمناسبه تدليع مبارك
محدش يقولى بيتحاكم وبتاع
دة انا هموت وادخل السجن
لو هتعامل كدة
قال طيارة رايح وطياره جاى
واحنا مش لاقين تمن النقله الواحدة

والله المحاكمات دى ما محاكمات
والديب بيجد عار علي المحامين
دة شويه وهيشحت علي الراجل
دى مرافعه دى طب اعمل بالمليارات اللى خدتها
في جيبك اللى هى فلوسنا
وقال إيه حسنى مازال رئيسآ
علي كدة ابن الملك فاورق المفترض يرجع
يحكم مصر ماهو الملك طلع بثورة 52
من غير مايصدر ورقه استقاله يعنى
حكم مصر ال 60 سننه اللى فاته حكم
مضروب من الاخر علي ورقه بيضه


قشطه يا اونكل الديب اة وسيادته استاذ جمال بيه باشا
طلع لو حتى خد الفيلا والاماكن الواو دى
لو رشوة فهى سقطت بحكم انه عدى اكتر من 3 سنوات بدون بلاغ
طيب يا حبيبي ومن حيث انها اموال عامه منهوبه
لاتسقط ابدآ ازاى بقي يخرجوا منها دى
ومبارك بعد كل اللى عمله دة بيتحاكم علي تهمتين
علشان مافيش تهمه اسمه افساد الحياه السياسيه
طيب ومافيش تهمه سرقه اموال عامه وتبديدها
ولا الغاز ولا اراضي الدوله اللي اتاخدت
او القمح اللى مبقاش يتزرع
يعنى هو مش كرئيس مشترك في كل اعمال الوزراء ولا إيه
لكى الله يامصر لكى الله

وانا بحب اشبهه المحكامات دى بحاجه
تحسها زى مايكون الشعب بيطلق مراته ومراته قاعده بتتفاوض علي النفقه


بجاحه بجاحه
_____________________




 سؤال اخير علي الماشي كدة
ليه اعلانات كوكولا احلى من بيبسي

بس طعم بيبسي احلى من كوكولا

^_^



    

هناك 43 تعليقًا:

  1. بصي يارنا يابنتي

    انا هسيب البوست الجميل ده كله

    وهمسك في موضوع نضارة الشمس في النطرة دي

    الا قوليلي يارنا

    هو فيه شمس في النطرة عشان تلبسيلها

    نضارة ههههههههه

    وبعدين انا مبسوط منك انك كتبتي بوست عن الشاي

    اصلي كييييف شاي تقيل اوي

    هههههههههه

    ردحذف
  2. ههههههههههههههههههههههههه

    اخخخخخخخخخ انا قولت هتعدى في وسط البوست ومحدش هيقول حاجه ^_^

    ايوان انا بحب البس النضارة في الشتا خصوصآ لاربع اسباب

    اولا وقت المطرة لما بيكون علي الضهر والعصر كدة ببقي موش عايزها تدخل عينى

    ثانيآ التراب والعفاره بيضايقونى

    ثالثآ شياكه

    رابعا بغيظ الناس اللى معندهاش نضارة

    خامسآ انا بحب نضارتى اوى فلازم تتحرحك معايا فاي مكان ^_^


    بالنسبه للموضوع الشاي دة فهو الروقان كله بيجد يعنى ^_^

    ردحذف
  3. عارفة بقي
    انا نمت نص ساعة
    وصاحية متعفرتة عشان عملولي دوشة وصحوني ومعرفتش انام تاني !!
    البوست دا خلاني رايقة عشترلاف حاجة يعني

    ...

    حبيت بقي اسألك

    مين استاذ ابراهيم :D

    //

    وأفضل اقولك اني مبطلة مكيفات من زمان
    بس كل فين وفيييييين بشرب نسكافيه

    همم مدمنة ينسون حالياً
    بتمزج بيه أووووي أووووي
    زي الشاي كدا حداكم =)))

    //

    ههههههههههه
    عن البنات المعقدة
    كلنا معقدين ياحبيبتشي هع هع هع

    //

    آآآآآهـ
    لاء دا كيد بنات السينجل !
    تحبي تشوفي كيد المخطوبين ههههههههه

    واحدة صاحبتي اوي
    المفروض انتيمتي اوي اوي يعني
    كل ما تكلمني
    تقولي فلانة اتجوزت
    اقولها بجد
    مبروووووك
    تقولي وفلانة كمان
    حقيقي
    فرحتيني ياشيخة
    وفلانة وفلانة وفلانة
    اقولها بشرة خير
    تقوم صادماني بجملة
    ما هو اللي ربنا ميسرله جوازه بيتجوز علي طول مش بيوقفله في كل خطوة شوكة =)))))))))

    بكل بساطة بقولها وانا ببتسم
    ربنا يرزقك الزوج الصالح :)

    واقسم بالله دعوتي ليها دايماً انها تتجوز علي طول من غير خطوبة كمان :D

    عارفة انها يمكن بتقول كدا لأني من وقت ما اتخطبت بعدت عنها شوية بحكم اني مبعرفش اشوفها وكدا
    بس هي من كتر حبها فيا بتغير عليا وبتديني كلام يوجعني
    ومع ذلك بعمل عبيطة يعني =)))))

    دا مثال يارنا
    ممكن اقولك امثلة كتير ع بنات قرايبي برده كمان اول حاجة بيقولوهالي
    هتتجوزي امتي بقققي انتي خللتي دا فلانة وفلانة وفلانة اتجوزو
    ارد واقول طب انتي متجوزتيش ليه !
    الرد يبقي لسة النصيب !
    طيب ياحاجة
    لسة النصيب برده مجاليش
    هتجوز في معادي واديني مستنياه بفارغ الصبر =)))))

    \\

    المسهوكييييين

    حييييييح بقي

    مع اني مبحبش حد يشتم تامر حسني
    مش حباً فيه والله
    هو مليان بلاوي اد كدا ساعات بتشل منه
    بس في نفس الوقت هو بيشكل نوعية من الشباب
    وبشتيمته دي
    بنشهره اصلا اكتر !
    فـ لو حد مش عاجبنا اوي وشخصية عامة بلاش نشهره اوي اوي كدا
    زي ما احنا اللي شهرنا عكاشة وخالد عبدالله وغيرهم !!
    خلينا نظهر المحترمين
    ونسيب غير المحترمين لنفسهم
    مناخدش ذنوب عليهم ع الفاضي
    ف الاخر تامر بني آدم بيغلط وبيرجع عنده مواهب وعنده بتنجانات شايفها هو مواهب او في ذوقيات بتشوفها مواهب !
    يالا مو علينا مبحبش قولت ارغي في الموضوع دا
    لا طمبورة ولا عمورة
    احنا نخلينا في حمزة نمرة والناس اللي صوتهم نضيف أو بيتكلمو في حاجة ليها معني واحساس كويس =)

    //

    عقبال ما يخترعولك اختراع المساحة للنضارة
    امسكي شمسية :D

    والبسي نضارة شمس براحتك حتي بالليل يابنتي
    انتي حرة =))
    زي ما بلاك تيما بيقولو :

    حر أني أقلع روتيني

    أني البس توب جنوني

    أني أجدد لما اّمل

    ...

    حر في أستيلات هدومي

    وف ديانتي ووقت نومي

    من ملامحي أزهق أمل

    أصلي حر

    //

    بمناسبة المجلس والاعلانات

    هممم
    في بالي تعليق بعتبره أبيح شوية :D

    عاوزة اقول للمجلس العسكري ولمجلس الشوري ولمجلس اعلانات الشحاتة وأكل جيوب الغلابة ( حمرا ) =))

    //

    محاكمات مبارك هتشلني بقي
    يعني ياشيخة حاجة تتعب رسمي فهمي نظمي يعني
    ومازال جماعة اسفين ياريس بيتكاثرو ومش هاممهم اي حاجة ومش شايفين اي ظلم بيتعرض ليه الشعب المصري الغلبان

    اللي ممكن واحد ينسي بطاقته في البيت فيتاخد تحري ويتضرب ويتهان ويتبهدل
    مع انه شكله محترم !!

    وواحد سرق ونهب وقتل وأفسد وخان بلده
    وبيتدلع الدلع دا كله

    لا بقي
    سوري يعني
    نفس اللفظ الابيح اللي قولته المرة اللي فاتت <_<

    //

    وآخيراً
    .....

    وبالنسبة لاعلانات بيبسي وكوكاكولا وطعمهم
    انا بحب اعلانات كوكاكولا اووي
    بس ماليش في البيبسي والكولا اصلا الا نادرا فـ مبركزش
    كويس انك قولتيلي ان البيبسي أحلي :)))

    ردحذف
  4. ياخبر
    كل دا تعليق
    ههههههههههههه

    اطول تعليق عملته في حياتي علي فكرة

    دخلتيني في روقان عميق بقي

    وحبيكي

    <3

    ردحذف
  5. "اسلم حل كيدوهم زى ما بيكدوكو
    ماهى اكيد سينجل برضوا :)
    قطيعه محدش بياكلها بالساهل"
    ههههههههههههههه اه والله ماحدش بياكلها بالساهل

    "ليه مش يخترعوا مساحات صغيرة زى بتاعت العربيه
    تمسح النضاره وقت المطرة
    يعنى البنى آدمين اللى زى وبيلبسو نضاره شمس
    يعملوا إيه"
    اه والنبى والبنى ادمين اللى زي بيلبسوا نضاره نظر يعملوا ايييييييه :@ :@

    اهو انا بسبب قرف مجلس الشورى ده
    ماروحتش انتخبت اصلا
    هو انا حد عرفنى انه مرشح نفسه عشان اروح انتخبه جاتهم القرف

    "سؤال اخير علي الماشي كدة
    ليه اعلانات كوكولا احلى من بيبسي

    بس طعم بيبسي احلى من كوكولا"
    ايوه صح الكلام ده اوى على فكره

    رونا
    احب اقولك
    انتى سكر خالص ♥

    ردحذف
  6. لا يا رونا بجد ده كتير عليا
    يعني اطلع من بوست ابراهيم رزق ميت من الضحك تستلميني انتي
    طيب كنتي حطيتي يافطة على باب الجروب اللي ميتين من الضحك يستنوا يفوقوا قبل ما يدخلوا :)
    بجد بوست هايل و من الآخر و اهتم بقضايا مهمة جدا
    بالنسبة للكوكاكولا اعلاناتها افضل علشان اعتقد الاقدمية فهمت ازاي توصل لقلب المصريين بالرغم انا شفت اعلان لبيبسي بهدل فيه كوكاكولا استني اجيبهولك علشان تضحكي بجد بس ادعي الاقيهولك :)

    ردحذف
  7. لقيت اعلانين
    خدي بقى علشان يبقى الروقان على اصوله

    http://www.youtube.com/watch?v=EMo6o0BtFG8

    http://www.youtube.com/watch?v=_okvN-u0qQo&feature=related

    ردحذف
  8. هههههههههه ماشاء الله عليكي ع هالبوست
    نتفق في بعض نختلف في بعض
    بس السؤال الاخير فعلا محير.. ههههههه
    سررت بمروري.. شكرا لك ع الضيافة

    ردحذف
  9. ايييييييية دة ؟؟
    طب جنابك كدة انا محتاج كشكول عشان اعرف ارد على البوست دة كلة D: اة والنعمة
    بس خلينى ارد على اللى افتكرتة من الرحلة بتاعتى فى البوست بتاعك دة
    اولا انا طعم الكوكولا احلى من البيبسى و دة اللى الاعلانات بتقولة D:P:
    ثانيا سهوكة البنات دى شر لابد منة , يعنى هى عاملة زى الملح فى الاكل , من غيرة الاكل يبوظ ((:
    ثالثا بخصوص المسرحية الظريفة اللى بيلعبوها علينا و مسمينها محاكمات فأحب اقولهم كلمة واحدة " يسقط الحكم العسكر بردو " فى الحقيقة دول اربع كلمات مش كلمة واحدة D:

    ردحذف
  10. هههههههههههه

    ايوة كدة اتبسطت قوى ان فيه عضوة جديدة انضمت لمجموعة نحو رومانسية حقيقية سيبك من ملعبهم ده ده ملعب بيلعبوا فيه ابتداء من عنترة بن شداد و ابو فراس الحمدانى و قيس بن الملوح و نهاية بنزار و فاروق جويدة هو فيه فى الدنيا كده

    انا بقى روقانى مع كوب مياه غازية عشان انا مدمن كافين و ساعات كوب حلبة ميسا اى حلبة بحليب نجى للبوست

    اما البنات فواضح انهم بيحبوا بعض حب ربنا مبحرمهمش من الحب و اكبر دليل على حب البنات طبعا مش هاقولك فيلم حب البنات الصوت الهادىء الذى يرج محطة المترو عندما تنشأ خناقة بين اثنين من القوارير فى عربية السيدات

    اما ملك المسهوكين تامر شعر الصدر فطبعا هو مش بيصعب عليا انا بيصعب عليا السادة المعجبين به و بعمر و سلمى اللى ربنا يعنا على اعلاناته اال الفيلم عامل ايه

    اولا فيه نضارات بمساحات و فيه نضارات بكفر و فيه نضارات بكشافات و فيه نضارات بعواكس و مرايات عشان تجيب اللى فى ضهرك و كل هذه الانواع تجديها بمحلات الخواجة سمير غانم

    و طب و القضاه اللى لسه فى الخدمة و بيشتغلوا مستشارين للشركات و ييتقاضوا الافات برضه
    و يسقط يسقط حكم العسكر

    اما بطرس بطرس بطرس فالموضوع ده بيشلنى
    اما الاعلام المصرى و حملاته و اخرها حملة اشترى المصرى طب يا عم ادينى فلوس و انا اشترى المصرى و ابو المصرى بس فين الفلوس

    اما المسمار فى العيش فده كان زمان لان ثمن المسمار اغلى من الرغيف دلوقتى الرغيف تم استبدال القمح بالتبن

    و ايه دلع دلع دلع روب دى شامبر و ماكير و كوافير بس مخدناش بالنا من ايده فيه بادكير و لا لا لو مفيش بادكير تبقى معاملة غير انسانية ابدا
    اما الديب انا نفسى يظبطوه مرة حظيرة مواشى

    هى اعلانات كوكولا احلى لكن الاثنين بيضحكوا علينا و بياخدوا فلوسنا و هما قاعدين فى امريك
    استمتعت بوجودى و مرحبا بكى مع هبة فاروق و عقبال ما نكمل الفريق
    تحياتى

    ردحذف
  11. اه يابا علي الكلام اللي مكتوب
    حلاوة ايه وسكر ايه فيد بيدوب
    قعدت اضحك وكركر وكان حيغمن عليا يدوب
    ويخلصنا ربنا من عصابة البلا بلا بلا ونبقي غالب وهما المغلوب
    اما السؤال فياحسره معرفش اجابه عليه وانا عندي احسن من الاتنين شرب الخروب

    ردحذف
  12. ايه يا رونا البوست الجامد ده
    ايوه كده عايزين نهيص ونفرفش ونضحك
    بقولك ايه اللى يكيدك اخنقيه على طول ههههههه ولا يهمك
    بالنسبه بقى للمسحات اللى فى النضاره شوفت سمير غانم لابس واحده فى الفوازير بس عجب حتعجبك اوى
    اعلانات كوكاكولا اجمل رغم ان البيبسى اطعم
    قويه الملاحظه يا رونا وانا بحب البيبسى
    عايزه حق الاعلان بقى قبل ما امشى
    بوست جميل يا رونا استمتعت به

    ردحذف
  13. ههههههههههههههههههه جاااااااااااااااامد جدا البوست ده :)))))))
    طيب انا كييفة شاي بيلبن ينفع :)
    طيب اعلق على ايه ولا ايه ولا ايه تشمورة الامورة ولا سهوكة البنات و لا المحاكمة الخزعبلية المهلبية ولا ايييييييييه :)
    احلى ملاحظة بتاعت اعلانات الكوكاكولا دي بس انا بحب الكوكاكولا برده :)))
    دمتي بخير و ادينا من ده كتير عاوزين نضحك بقا :)

    ردحذف
  14. ليه مش يخترعوا مساحات صغيرة زى بتاعت العربيه ..
    على فكرة فى ناس كتيير نفسها فى الموضوع ده :D

    أما عن الكاريكاتير بتاع المسمار فوالله العظيم حصل شفته بعنيه و كان زي الفل بصراحة.

    يلا
    سررت بتواجدي

    ردحذف
  15. ههههههههه كنت اعملي كل فكره مندول بوست اصلا يا بنتي

    ارد على ايه انا دلوقتي :)

    اكتر حاجه عجبتني " عمو مجلس من فضلك ممكن
    تمشي "

    وعادي جدا البسي نظاره ف اي وقت
    اشمعنى الولاد بتلبس الكاب حتى بلييل يعني D:


    كيد البنات اممممممم
    انا اهو مش مخطوبه ولا متجوزه
    بس بزعل ولا بتضايق لما حد يقولي ان حد اتخطب هههههههه عادي نصيب
    ومحدش بيحب يغيظني اصلا يابنتى محدش يقدر يعني


    واونكل تامر حسني
    ع فكره كنت بحبه اول سنه طلع فيها
    حبيبي وانت بعيد واول البوم كمان
    بس بطلت اسمع اغاني من زمان
    انا ضد اننا ننقد شخص عشان لبسه وشكله

    الاعلانات بكرهها جدا بطلت اشوف تليفزيون عشانها اصلا

    فلوس المعاشات بتتسرق كتير :( معرفش ليه
    ههههههههه خلاص المره الجايه تعالى نروح نسرقها سوا شكل الموضوع سهل باين :)

    كفايه كده بقى,,,,

    ردحذف
  16. ههههههههه عاملة دماغ وشاربة ريري ..الصورة دي بتاع ريري مش كدة....جميل

    ردحذف
  17. ايه يا رنا الجمال ده
    خفه دم مش معقوله ربنا يحفظك
    والله احنا مش عارفين رايحيين علي فين
    السياسه اصبحت نكته
    تحياتي يا قمرايه

    ردحذف
  18. =)) يالهوى عليك زى السكر ماشاء الله ^_^

    ردحذف
  19. عسل يا رونا :)
    جميل جدا كنت عايزة اعلق على كل حاجة
    بس انتى كدا عايزة يوم من اوله :)
    لكن حقيقى اسلوبك تحفة عجبنى جدا

    ردحذف
  20. جميل يا باشا .. مش هلاقى كلام احسن من اللى قالوه عشان اقولهولك :)

    ردحذف
  21. موضوع جميلب وخفيف
    بس لاسف قريته بعد لاحداث

    ردحذف
  22. هههههههههههه
    علي فكره البوست تحفه...
    نبدا بقي البوست من اوله...
    بغض النظر عن اني معرفش استاذ ابراهيم مين...
    تاني حاجه...مش اي حد بيستمتع بالشاي زيك كده...اصل انا اصلا مبشربش مكيفات الا ايام الامتحانات فقط...
    تالت حاجه بقي...فالبنات دايما حالتهم معقده حتي لو مش معقده اصلا...
    رابع حاجه بقي...كيد البنات ده موجود في كل حته...لازم كده يحقدوا علي بعضيهم ومفيش قاعده فيها بنات غير لما يقطعوا في فروه غيرهم...
    وعن الاخ تامر حسني فانا مش عارفه هيفاجئنا ويهبب ايه تاني الله يخرب بيته...واما بقي عن المجلس العسكري فيسقط يسقط....
    انا حسه اني طولت عليكي صح ولا ايه؟؟؟
    بس من الاخر يعني البوست جاااااااااااامد...تسلمي يا قمر

    ردحذف
  23. بصي يا رحمه
    انا اخدت كومنتك واحط بدل البوست
    والله هيضحك اكتر ياحوبي
    اولا براحتك ارغي براحتك
    هنا مكان الرغي :))

    احل حاجه انى روقتك عموما ودة في حد ذاته اسعدنى جدآآ
    كلامك كل جامد اخر حاجه
    ادعى الاقي الاختراع دة هنا بجد
    :))

    رحمه نورتينى نورتينى

    ردحذف
  24. دينا دندن دندون :))

    فعلا محدش بياكلها بالساهل

    فعلا بالنسبه لنضارت النظر انتوا اولى فعلا يبقي انا لازم احاول امشي ورا القصه دى لحد ما نشوفلها حل ههههههههههههههههه

    مجلس الشوري نعدي بقي

    البيبسي اهو واحدة شهدت بالحق زى يا ناس :)))))))))

    دندن انتى اللى سكر وعسل خالص

    ردحذف
  25. استاذ مصطفي :)

    حضرتك كنت ممكن تطلع الكارت كنت خدت بالي معرفش انك مريت عند استاذنا ابراهيم :)))))))))

    ربنا يخليك علي كلامك دة بجد
    وممكن فعلا للاقدميه ^_^
    هستنى الاعلانات :)

    ردحذف
  26. ايه دة يا استاذ مصطفي

    مخدش بالي انك لقيتهم بسرعه كدة انا قولت ليسه هنزل بالتعليق علشان اشوفهم

    ايه جمال اوى فعلا ههههههههههههههههههههههههههههه فطسنى من الضحك
    اللى كانوا قاعدين علي البار ومرضاش يرجعله ازازته هههههههههههههه

    تسلم ايدك :)

    ردحذف
  27. قمر
    لا شكر علي واجب دة مكانك يعنى
    نختلف ونتحد المهم اننا في الاخر اخوات :):)
    وانا بحترم الراي الاخر ايا كان يعنى

    نورتنى وشرفتنى :)

    ردحذف
  28. روما
    ههههههههههههههههههههههههههه
    والله انا كان يستحسن اعمل بوست مجمع بارئكم انتوا وهيضحك اكتر ^_^

    حاضر هبقي اديك كشكول وقلم وانت داخل بس ابقي زمر بقي :))

    يا راجل شر لابد منه وزى الملح دة عن تجارب بقي اممممممم طويب

    كوكولا احلى من بيبسي مين قال كدة
    طويب يعنى هى حاسه تزوق وانا شايفه العكس بس ماعلينا :)

    ويسقط يسقط حكم العسكر
    ودى جمله لانتنهى ^_^

    نورتنى وشرفتنى :))

    ردحذف
  29. استاذي ابراهيم

    ردى هو دة ليس اكثر ولا اقل
    هههههههههههههههههههههههههههههه
    هههههههههههههههههههههههههههه
    ههههههههههههههههههههههههه

    ومتشكرة انك ضمتنى لناس علامقه كدة بجد يعنى :)))))))
    انا مجيش حاجه جنبهم

    بجد فسطتنى من الضوحك ابقي تعالى كتير انت مش بتيجى ليه :))))))

    ردحذف
  30. محمد

    شعر دة ههههههههههه

    ربنا يخليك علي الكلام دة
    ونورتنى عن جد

    ردحذف
  31. هبه
    انا ممكن اديكى اللى انتى عايزة من غير حاجه ^_^

    فعلا يعنى اروح لعمر سمير بس الاقي فين عند مكتبات سمير وعلي هههههههههههههههههههههههههههههه

    نورتينى يا هبه بجد
    وقوة الملاحظه جايه من اعاده الاعلانات هههههههههه اعلانات رهيبه بجد

    شرفتينى عن جد :))

    ردحذف
  32. افكاري :))

    اديكى ياحوبي عينى عينى
    انا افديكى الساعه لما اضحكك يعنى وتنبسطى كدة وضحكتك تنور الدنيا :))

    احلى رد الرد بتاعك اللى جاب البوست من اوله للاخرة بسطر واحد كان فين السطر دة ههههههههههههه

    انا ديمقراطيه حبي كاكولا وانا احب بيبسي :))))))

    نورتينى يا قمر عن جد

    ردحذف
  33. دكتورة آيه
    منورانى لاول مرة اتمنى تكرريها بجد

    فعلا يعنى مش لوحدى طيب يلا نتظاهر ونتطالب بالموضوع دة

    بجد لقيتى مسمار اعاااااااااااااااا


    يلا نورتينى بجد وشرفتينى :)

    ردحذف
  34. مونى فراشتى فراشتى
    عسل يابنتى والله هههههههههههههههههههههههههههههه

    بعدم ترتيب هرد
    تعالى نسرقها انا هدخل من هنا وانتى تدخلى من هنا ويمسكنا البوليس هنا هههههههههههههههههههههه
    يابنتى البنوك بقت كمان تتسر ومافيش امن عادى بيبقوا نايمين من كتر ضرب الصبح هههههههههههه

    هما مستنين مننا نتغاظ بس علي مين فعلا :)))))))))))

    جدعه يابنتى

    نورتينى فراشتى اوى اوى وضحكتينى جدآ تلقائيتك تجنن بجد :)
    تامورة انا كنت زيك
    وعلي فكرة احيانا بيبقي زكى اوى وبيعمل حاجات كويسه بس هو كشخصيه زى انسان في الحلو والوحش زى اغنيته كدة انا عايزة يتغير :))

    ردحذف
  35. تراكيب
    اه عامله احلى دماغ بوكبايه لبن بقي مش عايزة اقولك

    معنديش علم الصورة بتاعت ايه بس هى معبرة وخلاص ههههههههههههههه
    احنا لسه هندق يعنى :)

    نورتنى :)

    ردحذف
  36. كارولين :)

    ربنا يخايكى ياقمر
    دة انتى وهبه اللى دمكوا العسل دة بيفطسنى من الضحك بجد يعنى :)؛)

    نورتينى اوى اوى
    وشرفتينى فعلا :)

    ردحذف
  37. كارمن
    اهو انتى بقي ها بقي ها ههههههههههههههههههههههههه

    ربنا يخليكى ياقمر
    نورتينى بجد يعنى :)

    ردحذف
  38. آييه يويو المبدعه دائمآ

    انتى كمان عسل خالص وبلاش نعاكس بقي هون علشان منفضحش بعضينا ^_^

    انا عارفه الروقان بيحتاج يوم طويل علشان يطلع ما بالك علشان يتعلق عليه ^_^

    ربنا يخليكى دى شهاد اعتز بيها من كاتبه جميله زيك :)

    بيسعدنى تواجدك جدآ يا يويو

    ردحذف
  39. سوكتى سوكتى

    احم طويب كويس انك مكثفتنيش بكلامك
    استعبط واعمل نفسي مش قصدك حاجه بالجمله بقي

    ^_^

    ردحذف
  40. خالد

    شكرآ جزيلا يا فندم

    ما للاسف دى بقي مش عارفين

    نعمل إيه كل حمله يحصل كدة مش معقول

    تفتكر كدة احنا منحوسين ولا إيه :)

    ردحذف
  41. اميرة العسل عندنا يا مرحبا :)
    ابدأ ارد علي كومنتك علشان منساش عملت كوبي لي :)

    "بغض النظر عن اني معرفش استاذ ابراهيم مين..."

    اطلعى هتلاقي استاذ ابراهيم رزق معلق وهيعجبك اسلوبه جدآآ:)

    "تاني حاجه...مش اي حد بيستمتع بالشاي زيك كده...اصل انا اصلا مبشربش مكيفات الا ايام الامتحانات فقط..."

    انتى منهم يا اميرة دة الشاي دة اكسير الحياه والشئ الروتينى عن جد في يومى هون الشاي بعد اى اكل :)

    "تالت حاجه بقي...فالبنات دايما حالتهم معقده حتي لو مش معقده اصلا..."

    اصلا اصلا هههههههههههه صح عندك حق

    "رابع حاجه بقي...كيد البنات ده موجود في كل حته...لازم كده يحقدوا علي بعضيهم ومفيش قاعده فيها بنات غير لما يقطعوا في فروه غيرهم..."

    هههههههههههههههههه النميمه اجارك الله فينا كلنا وانا اعترف يابنتى هههههههههههههههه

    "وعن الاخ تامر حسني فانا مش عارفه هيفاجئنا ويهبب ايه تاني الله يخرب بيته...واما بقي عن المجلس العسكري فيسقط يسقط...."

    كفايا عمر وسلمى اصلا هههههههههههههه هيهبب حاجه اكتر من كدة :))

    انا حسه اني طولت عليكي صح ولا ايه؟؟؟
    بس من الاخر يعني البوست جاااااااااااامد...تسلمي يا قمر

    مطولتيش ولا حاجه ياقلبي
    وانا مبسوطه من كومنتك ضحكنى اوى
    ووجودك الاجمل والاحلى

    نورتينى وشرفتينى :)

    ردحذف
  42. متأخرة بس معلش بقه
    هههههههههههههه البوست وهمى أوى وبالذات موضوع نضارة الشمس دى أستثنائية جدا :)
    البيبسى ده بقه سؤال مهم جدا وياريت لو لقيتى أجابة تقوليلى
    وأخيرا بقه مع أن فى حجات كتير كان نفسى اعلق عليها
    البنات سعات بيبقوا ملهمش حل بصراحة تحسى أن الفراغ وحش برضه هههههه

    المسهوكين دول
    لازم ينقرضوا انقراض تام
    جدا جدا
    :) بس كده

    ردحذف
  43. نسومه انا اللى اتاخرت بقي معلشي :)

    الله يخليكى انتى اللى وجودك دايما بيعجبنى اوى وبيبسطنى جدا :)

    عيونى اول ما الاقي اجابه هقول علي طول :)))

    عارفه انا نظام البوستات اللي بيبقي فيها تفصايل كتير متبقيش عارفه تعلقي بايه :))

    ههههههههههههههههه ينقرضوا ويسبونا في حالنا معتقدش :))

    نورتينى كالعاده <3

    ردحذف