2012-02-03

:) فرحه شهيد



ممنوع االعياط والدموع
انا بقول اهو
دى حاجه كدة
تخيل عفوى بمعنى اصح
:):)
فرحه شهيد بيمووت
وبيتقتل من اخوه
في وقت لايخطر علي باله
اهل بلده يخونوا
والسيناريو يبقي عالي
ويذبحوا
يجري عليه اخوة
يحاول ينقذه
يلاقي بيضحك وبيقول احد شعارت التشجيع
يعيط اخوة يبصله الشهيد ويقوله
بتعيط علي إيه ياغبي انا احسن منك علي فكرة
وبكرة تفتكر انا رايح الجنه اوعاك تبكى عليا
وبايامك وباهلك اتهنى 
وصيتى انقلها كدة زى ماهى
التي شيرت اللي ياما كان نفسك تلبسه
واتخنقنا عليه كتيير
خدوا انا مش عايزة معايا بقي ليك
واللاب من انهاردة بتاعك ياعم
بس ابقي خلى اخوك الصغير يلعب عليه
اوضي اللى كان نفسك فيها
بقت ليك ومش هتتخانق ويا اخوك الصغير تانى 
بس اوعاك تسيبوه مش فاهم حاجه في البلد دى
وربي ربي يطلع عارف ربه ومحافظ علي صلاته
زينا اوعى تسيب حد يلعب بي  وبعقله الصغير
حبيبتى اللى معترفتش ليها بحبي
خد بالك عليها 
اخوة: دة وقته ياعم انت سبنى انقذك
ياغبي دى مرات اخوك اللى ملحقش يتجوزها
شالها في عينيك ومتخلهاش تبكى وتزعل
عليا ولا تتحسر وقولها تعيش حياتها
وبعدين اسمع كلامى حتى وقت موتى بتخنقنى ليه
اة وعم حمزة بتاع الجبنه كنت سالف منه قرشين
انت الراجل بقي دلوقتى ابقي سدهم 
علشان اكون مرتاح
اخوة: هتقوم بنفسك تردهم لي انا مش فاضيلك
يضحك الشهيد ويقوله طول عمرك كدة عامل فيها
مشغول هو النت نسف راسك خالص
يضحك اخوة ويقوله هنفضل نتناقر كتير كدة
يبصله ويقوله امى ياخويا 
خد بالك عليها ومتزعلهاش بكلمه وحشه
وسبها تعيط يمكن تستريح
بس عرفها انى مت مرتاح 
ومبتسم
اخيرآ موت زى ما دعيت ربنا

اشهد ان لا اله الا الله واشهد ان محمد رسول الله


 

هناك 41 تعليقًا:

  1. رحمهم الله

    انا لله وانا اليه راجعون

    ردحذف
  2. ربنا يرحمهم ويرحمنا :(

    ردحذف
  3. فعلا المفروض نودعهم بالزغاريد بعدين لما نرجع نبكي على حالنا
    ربنا يرحمهم رغفرلهم ويسكنهم جناته

    ردحذف
  4. ربنا يرحمهم

    :(

    ردحذف
  5. ان لله وانا اليه لراجعون
    ربنا يرحمهم يارب ويرحمنا

    ردحذف
  6. روعه بجد
    روعه
    مقدرش اقولك غير كده

    ردحذف
  7. اللهم ارزقني ا لشهادة في سبيلك يارب العالمين اللهم اجعلني واحدة من هؤلاء الطاهرين الذين دخلوا جنتك من اوسع الابواب

    جميل احساسك يارونا ربنا يوفقك يارب

    ردحذف
  8. :((

    آآه :(

    وكمان ضحكة المساجين
    اللي اصلا بتبكيني من غير حاجة
    فمابالك بعد الكلام دا !!

    ربنا يرحمهم ويرحمنا يارب

    ردحذف
  9. رنا أنتى بتهزرى وحياة ربنا
    أنتى وحشة بقه اصلا هه
    قطعتى قلبى وعيطينى حرام عليكى هو أنا ناقصة :((

    ردحذف
  10. ربنا ير حمهم جميعا يا رب و يتقبلهم عنده من الشهداء و يحشرهم مع النبيين و الصديقيين و الابرار يا رب العامين
    و حسبنا الله و نعم الوكيل

    ردحذف
  11. سواح

    اللهم آمين

    ربنا ينصرنا قريبآ

    احنا تعبنا بقي

    نورتنى

    ردحذف
  12. باسنت :)

    خليها كدة :) وقوليها بسعاده الحقيقه

    انهم احسن منا بكتير اوى

    وربنا رحمهم منا فعلآ

    نورتينى للمرة الاولى وشرفتنى

    ردحذف
  13. دكتور مصطفي

    اللهم آمين اولا

    ثانيآ بالنسبه للجمله الاولى
    حضرتك تقصد لحد ما نرجع حقنا نبقي نبكى صح كدة ولا
    اصلي مفهمتش الجمله اوى صراحتآ

    ردحذف
  14. خالد ناجى

    اللهم آمين
    _____________________

    اميرة
    منورانى للمرة الثانيه
    اللهم آمين الحمد الله تحققت الاولى ربنا رحمهم فاضل الثانيه يرحمنا احنا كمان

    ردحذف
  15. زناتى

    شكرآ كتيرر

    نورتنى كالعاده
    ______________________

    برنسيستنا

    اللهم آمين
    بل الاجمل تواجدك

    وربنا يوفقنا جميعا ان شاء الله
    وبكرة احلى باذن الله :)

    ردحذف
  16. ريمو

    والله انا تخيلت المشهد وانا زعلانه علشان اكتبه ضحكنى
    وتخيلت نفسي بعمل كدة وبضحك وسعيده

    والله ما اقصد اعيطكم انا زحلانه من نفسيتى بيجد

    وبعدين ضحكه المساجين والله ماهتصدقي الاغنيه دى بتدينى امل بحس كفايا انها حاسه بيا وبتنقل مشاعري بتخلينى طايرة لما بسمعها

    انا تقريبا مش زى الناس ولا إيه خلف خلاف ههههههههههههه

    ابتديت اقلق علي نفسيتى

    يلا اضحكى بقي ومتعيطيش دة ربنا كبير وهو حلال كل عقده اصلا هقلك انتى الكلام دة ;)

    منورانى كالعاده

    ردحذف
  17. لوزتى ومهجتى

    بس اشهدى انى ضحكتك قبلها علي الفون

    معلشي امسحى دموعك يا شابه اقري تعليبقي علي ريمو علشان بقالي ساعه بكرر نفس التعليق مع كل الناس :)

    يلا امسحى دموعك فيا موش خسارة فيكى التي شيرت

    ردحذف
  18. اسراء

    يارب اللهم آمين

    وحسبي الله ونعم الوكيل كافله بيهم باذن الله ودعوه المظلوم لاترد :)

    بكرة افضل ان شاء الله بينا احنا :)

    نورتينى جدآ

    ردحذف
  19. ليرحم الله الجميع

    فأدوات الحزن لدينا قد تعطلت من كثرة استعمالها ...

    ردحذف
  20. ربنا يرحمهم ويسكنهم فسيح جناته
    حلوة اوى تسلمى

    ردحذف
  21. انا لله وانا اليه راجعون
    ربنا يرحمهم
    ويحفظ مصر

    ردحذف
  22. استاذ منجى

    اللهم أمين يارب

    ويرحمنا احنا كمان قريبا من الالم والوجع النفسي دة

    حاضر افضي واروق كدة وهدخل القي نظرة وراي باذن الرحمن :)
    شكرآ علي الدعوه
    نورتنى :)

    ردحذف
  23. roma

    :) تعبير دقيق فعلا
    احييك

    وربنا يرحم الجمييع يارب

    نورتنى

    ردحذف
  24. شفقه واحسان

    يارب اللهم آمين

    طيب حاليآ اقول تسلم ولا تسلمى :):)

    شكرآ انك لتنوير مدونتى بتواجدك :)

    ردحذف
  25. يارب اللهم آمين
    يا كارولين

    يحفظ مصر وشباب مصر واهل مصر جميعآ من اى شر واى ضرر واى خسائر في الارواح

    نورتينى

    ردحذف
  26. انا لله وانا اليه راجعوون


    رحمهم الله واسكنهم فسيح جناته

    ردحذف
  27. ربنا يرحم كل الشهداء

    الاغنية دي بقالي يومين باسمعها..!!

    ردحذف
  28. احيانا الكلمات الحزينه تريح النفس لانها تاتى على الجرح
    كلماتك رائعه ولكنها داخل نطاق الحزن الشديد رحم الله كل شهيد وادخل كل المسلمين جناته امين يارب العالمين
    تحياتى ابوداود

    ردحذف
  29. وحياتك يا رونا انا مش ناقصة
    وجع قلب
    البوست حلو بس بيوحع القلب اوي

    ردحذف
  30. غير معرف3:27 ص

    يعني انتي توجعي قلبي
    وتخلي دموعي تتسابق
    وبعدين تقولي ممنوع العياط
    بجد تسلم ايديكي
    وصلتي الصوره صح :((

    ردحذف
  31. ربنا يرحمهم ويرحمنا معاهم .. وياريت زي ما قلنا قبل كده نواجه المشكلة بدل ما نكبرها ومايبقاش ليها نهاية والناس ساعتها تضطر تاخد حقها بايديها من غير ماحد يلومها

    ردحذف
  32. السلام عليكم
    رحم الله كل الشهداء
    الى كل شعب مصر واصلوا المسيره
    فنحن مصرون على الحريه الكامله الغير منقوصه
    لابد من الثمن ونحن ندفعه عن طواعيه وعن قصر ايضا
    تحياتى

    ردحذف
  33. غير معرف7:49 م

    ثقافة الهزيمة .. عصابة البقرة الضاحكة 6‏

    و فى حوار مع القيادى الأخوانى إبراهيم صلاح المقيم فى سويسرا منذ عام 1957 و نشرته جريدة المصرى اليوم فى 23 إبريل 2011 جاء فيه:

    وما صحة ما بعض المواقع من أخبار عن رفض سويسرا عرضاً مصرياً لشراء بنادق قناصة وقت الثورة؟
    - حدث بالفعل وحكاها لى أحد رجال المخابرات السويسريين فى حضور عدد من الشخصيات العامة، وقال أنه بعد أندلاع الثورة بيومين تقدم السفير المصرى فى سويسرا مجدى شعراوى، وهو صديق مقرب من «مبارك»، بطلب للحكومة السويسرية لشراء عدة آلاف من بنادق القناصة سويسرية الصنع بها تليسكوب يقرب لمسافة 1000 - 1500 متر، وجهاز يحدد المنطقة المطلوب أصابتها، وجهاز رؤية ليلية ويتم التصويب بدقة الليزر، وذخيرة مخصوصة وهى لا تُحمل باليد، ولكن لابد من تثبيتها على قاعدة ويُقدر سعر البندقية الواحدة بنحو 4000 دولار، ولكن الحكومة السويسرية رفضت الطلب.

    الحكومة السويسرية أدركت كيف سيتم أستخدام تلك البنادق، وبالتالى رفضت أن يكون لها أى دور فى تلك العملية. و تحت عنوان " لواء شرطة : مبارك كان يتسلى بالشرائط الجنسية للفنانات" ...

    باقى المقال فى الرابط التالى www.ouregypt.us

    و المقال به معلومات هامة عن عمر سليمان.

    ردحذف
  34. اسراء

    اللهم آمين ياقمر

    نورتينى واسعد بتواجدك لاول مرة كتير

    ابقي كرريها في شئ قد يبهجك لايحزنك :)

    ردحذف
  35. تيمو

    يارب اللهم آمين

    اة وانا والغريب انها كل يوم يذهلنى جزء فيها عبد الرحمن الابنودى دة رهيب بجد

    بس بعد كام يوم بقيت تمزجنى بجد :)

    نورتنى جدآ

    ردحذف
  36. ابو داود

    صدقت بجد

    اللهم آمين

    ودام لى تواجدك الرائع :)

    ردحذف
  37. ريري
    وحشتنى قفشاتك يابنتى

    معلشي بجد امسحوا دموعكم فيها يا بنات

    نورتينى والاجمل تواجدك :)

    ردحذف
  38. نورة رقم واحد للتمييز :)

    انا دخلت المدونه وعجبتنى اوى ليكى عندى زيارة بجد في الروقان كدة باذن الله

    بالنسبه لبوستى معلشي يا اختى والله مقصدناش يا ناس ياعسل وعلي كلا خدى منتديل من اللى حطهم علي باب البوست ولا حد ضحك عليكى :)

    نورتينى جدآ ياريت تكرريها تانى ^_^

    ردحذف
  39. نور عندك حق فعلا بجد

    وفكرة تكبير المشكله واثاره النفوس وتداول الشائعات مش بيحل بس بيوجع

    نورتينى كالعاده ^_^

    ردحذف
  40. استاذ فشكول

    وعليكم السلام ورحمه الله وبركاته :)

    ربنا يرحمهم ويرحمنا جميعا اللهم آمين

    فعلا لابد من ان ندفع شيئآ غاليآ وليس هناك اغلي من النفس البشريه :)

    نورتنى ودام تواجدك بمدونتى البسيطه :)

    ردحذف