2012-02-02

انا اللهو الخفي

انا هقول اللى عندى مش شعر ولا خواطر
مجرد كلام مترتب وبيحاول يخرج وخلاص 
:(:(
حاولت اسكت لكنى بتنفض
مش مصدقه ان ببساطه
اخويا بيتقتل قدام عينى
وبايدى ياريت بايد غيري
اللى كان في الاستاد
كان ممكن يكون اخويا 
او ابن خالى او ابن عمى
واللى بيقتلهم دة منى 
مصري زى
واللي خطط دة خاين
وعمرة ما هيبطل يخون
و الجيش ..الجيش ياحسرة
بيساومنى علي امنى
قصاد حريتى وكرامتى
ومعندوش غير كلمتين
انا مش مسئول
وفي طرف تالت وايادى خفيه
احب اقولهم انا اللهو الخفي
قدامكم اهو مستعده لاى حاجه
انا مش طايقكم 
ومبقاتش عايزكم
ونفسي تغورة وتسبونى اعيش
اموت مموتشي ميهمنيش
بس انتو لازقين ومش ماشين
الا لما ندخلكم في القفص جنب اعاونكم
وتكونوا مساجين
وترتاحوا ونرتاح ونعيش
بقي تعبنا تعبنا تعبنا
مرة بلضجيه 
ومرة ثورة مضادة
ومرة ايادى خفيه
ومرة لهو خفي
ومرة ايادى مندثه
انا كل دة بس سابونا
كفايا قتل في شبابنا 
انتوا بتنقوهم 
يعنى وبتوجعوا قلوبنا
فاكرنا هنسلم
وهنسببها ليكم خضرة
وكانكم بتقولو لينا
هذا من اعمالكم
مش هتلغوا الطوارئ
وهتادبوا الجانى
وهتمسكوا الحرامى
وهتعيشوا في الحريه
يبقي اشربوا دمكم 
وشوفوا شهداء بتتساقط علي ارضكم
وكاننا قلنا ادبنا لما طالبنا
بحقنا يرجعلنا 
بس انا بقولك يا اللى مبقتش مجلسي
ولا ليك لازمه في دنيتى
مش هبيع كرامتى وحريتى 
ومش هخليك تساومنى عليهم
قصاد امنى وحياتى
اموت مموتشي مبقتش تفرق معايا
المهم اموت واعيش بحريه
وبكرامه 
ويسقط اعاون النظام السابق اجمعين
ويسقط يسقط حكم العسكر
.......


أم حسبتم أن تدخلوا الجنة ولما يأتكم مثل الذين خلوا من قبلكم مستهم البأساء
 والضراء وزلزلوا حتى يقول الرسولوالذين آمنوا معه متى نصر الله ألا إن نصر
الله قريب... 
سورة البقرة: 214


هناك 14 تعليقًا:

  1. لا مش فيه تعليق يتقال غير حسبى الله ونعم الوكيل :(

    ردحذف
  2. يااااارب
    نصرك قريب يااارب
    حسبي الله ونعم الوكيل

    ردحذف
  3. الكلام كتير بس الحروف تاهت

    اللهو الخفى الظاهر عندك حق واحنا اللى هنطلع اللهو الخفى

    يخفى دمهم ده لو عندهم دم كانوا حسوا

    ربنا عليهم هو الاقوى

    ردحذف
  4. حسبي الله ونعم الوكيل

    ردحذف
  5. حسبي الله ونعم الوكيل

    معنديش حاجة اقوله غير الله يرحمهم ويسكنهم فسيح جناته

    يمهل ولا يهمل

    ردحذف
  6. و الجيش ..الجيش ياحسرة
    بيساومنى علي امنى

    جميل اوى دى

    بتقول الحقيقه من غير مجامله ومن غير مواربه

    ردحذف
  7. مش هنسيبهم !

    ردحذف
  8. نسأل الله السلامة .. !

    ردحذف
  9. اول مرة ادخل المدونة بتاعتك :)
    وان شاء الله مش هتكون اخر مرة
    تحياتى :)

    ردحذف
  10. ألا إن نصر
    الله قريب

    ردحذف
  11. اسراء <3
    فعلا يا سوكتى حسبي الهه ونعم الوكيل
    ________________________

    ريمو :)

    ان شاء الله ان غدآ لناظرة قريب
    وبكرة هنشوف كل ظالم وفاسد معدومين ودايقين من اللى دوقوا لناس
    وان مش شوفناهم كدة في الدنيا هنشوفهم في الاخرة :)
    _______________________________

    اللهم آمين دة لوعندهم دم فعلا

    وانا اصبحت حاسه اننا اللهو الخفي والجيش داخل بنفارين :)

    ردحذف
  12. نيللي
    نيلو حسبي الله ونعم الوكيل علي الظالمه ومعدومين الدم والضمير دوال
    ______________________________

    خواطري مع الحياه
    روش اللهم آمين
    وشكرآ علي دعاكى واهتمامك دة ياقلبي
    ________________________

    تاكاشي
    شكرآ لتواجدك
    نورتنى
    وهى دى الحقيقه بدون مجامله فعلآ
    _____________________________

    ردحذف
  13. مهجتى
    باذن الله مش هنسيبهم
    ________________________

    شيماء علي
    يارب اللهم آمين
    ______________________

    زينا
    انتى نورتينى ياقمر
    وتشرفينى بالتاكيد :)

    ردحذف
  14. خالد ناجى :)

    يارب ان شاء الله

    ردحذف