2011-11-04

قائمه "مبحبش و"مبعرفش""




كتير مش هيفهموا البوست دة ليه ولمين ومن إيه
وهتحسوا بعالم مجانين 
:))))))))))))))))))))))بس من امتى انا بهتم وانا بكتب


دايمآ بأجل اللي جوايا لحد ما افضي و اروق فافهم في إيه

الدنيا بقالها فتره مقلوبه فعلا عايزة اتحكم في حياتى زى الاول
عايزة ابرمجها صح
وانا مبحبش اسيب حياتى تسيطر هى عليا
ودى من ضمن اساسيات مبحبش
:):)

مع ان حاجات حلوة كتير بتحصل وبجد تفرح وانا بفرح ونط
بس جوايا فاضي ناقصه حاجه مش عايزة اعترف بيها 
_________________

جوايا فراغ مستيكى تملي
جوايا آلم مستنيكى تداوي
جوايا متاثر اوى ومش عايز يعترف
ايوة ممكن حاجه تافهه تضايقنى وحاجه اتفهه تضحكنى
ايوة بجمع الحاجات البسيطه لانها بتفكرنى قد إيه ممكن تكونى مهمه في حياتى
ولما مش بتحصل بحس ان اهتمامك انتى قل
مش بايدك مش بايديا
___________________

بس الفكرة دى بتعذبنى
انى اهتم .... اواتعود علي حاجه واصحى تانى يوم ملقيهاش

مبحبش اى حاجه تعكر حياتى مع اى حد 
مبحبش ازعل مع حد بحبه لان زعلى وحش
مبحبش اشتكى لان بحس الشكوى يعنى اهتمامى بي قل
يعنى انا وصلت لمرحله مش قادره اكون صريحه
وانا مبحبش اكون مش صريحه
مع ذلك احيانا بشتكى لما بحس بعدم تقدير متوالى
لانى مبعرفش مقدرش حد حتى لو السبب
اللي بيقوله مش مقنع بقدر برضوا
بالتالى لما ميقدرنيش
من جوايا بزعل اوى وبستناه يفهم
حتى زعلى بخبي ولما حد يقولى مالك
بقول فتره وهتعدى

بحول غضبي لاستاتيوس ملهاش لازمه
لكلام في كشكولى هضحك عليه بكرة
مبحبش اعرف حد مشاكلى
مبحبش اعترف بحزنى علشان اعدى اسرع مايمكن

مبحبش اعيش نفسي في اوهام

مبحبش النفاق الشفقه ....المشاعر السلبيه
مبحبش حد يحبطنى في عز نشاطى

مبحش البعد ولا الفراق
مبحبش انتى مالك باصرار

مببحبش ومبعرفشي حاجات كتير اوى 

الظلم والكرهه لا بعرف اوصلهم ولا بحبهم

حتى مهما حصل معايا

هبعد هسيب لكن عمرى ما هكرهه 
عمري ما هغدر عمرى ما هطعن في الضهر

عمرى ماهنسي اللحظات القليله الحلوة

او الحاجات الجميله اللي حصلت مابينا

مبعرفشي الحب بتاع كدة وكدة
لا احب احب لا محبش خالص
مبعرفشي موفيش

مقدمش حاجه في ايدى

مساعدش حد هو فعلا محتاجنى

مبحبش الخبث والحقد والضغائن

مبحبش اشوف 

الدموع او حد زعلان 
او حد ممكن يضيع حياته ومعملشي حاجه

مبقدرشي مهما كان حد الاقي في ظرف وانا مش حابه اتكلم
معاه ومش امد ايدى اطلعه وامشي
____________________
مبحبش احس بالرفض وافضل مصممه علي البقاء
فانا كالشمس اغيب حينما اجد ان الناس تجد الراحه في ذلك
اغيب لو كان علي حسابي في سبيل راحتهم وعوده بسمتهم
ولو لم اكن المخطئه :)
_______________________________________
مصدومه هو انتى انتى ولا بقيتى مش انتى (وش مستغرب حال الدونيـــــــــا) 
مع انى قولتلك ان عمري ما هوجه ليكى كلام من خلال كتاباتى بس مضطرة :(
المرة دى بكلمك انتى بكلمك فعلا من خلال كتاباتى
البوست كله كنتى انتى السبب فيه

مع انى مبحبش ومبعرفش اوجهه كلام لحد من تحت لتحت
الا لو بتهريج :)) وانتى عرفانى انا بحب اهرج قد إيه
____________________________

امممممممممم اسفه ان القائمه طويله وممكن كانت تطول اكتر
اسفه ان ناس كتير بتتحير من مواقفي
ازاى حد يغلط فيا
واقف واساعد
ازاى افصل واشهد شهاده حق مع حد حتى لو جرحنى

عارفه انى مبحبش حاجات كتير اوى ومبعرفشي اعمل حاجات اكتر
ودى مش مثاليه انا عيوبي علي قدر القائمه بس عيوبي واضحه 
وضوح الشمس لانى مبخبيهاش 
لكن دايمآ بقيمها وبحاول اعدلها واحسنها 
معرفش فكرة السعى لمثاليه دى مسيطرة عليا في حياتى
بس من ضمن الحاجات اللي مبعرفش اعملها
انى انفذ اي شئ باي شكل كدة وخلاص  لازم يبقي مظبوط
لو متظبطش ودة بيحصل كتير
وبيضحكنى
بحاول تانى لحد ما اوصل ولو في حاجه واحده للي انا عايزة
مش عيب انك تعترف بضعفك بس العيب انك متغيرش
 ... دة وتحوله لنقطه من نقط قوتك
   
 لو حد عندوا حاجه لقائمه وعايز يضيفها 
فانا برحب بشده وبكسره
:D:D



هناك 26 تعليقًا:

  1. كل سنة و انت طيبة

    عيد أضحى سعيد عليكى


    ............

    دى اسمها تفريغ شحنة معنوية موجودة جوانا و مش هينفع نقولها فبكتبها

    .............

    كفايه انك خرجتيها مش مهم اننا نفهم المهم انك احسن بعدها

    (:

    ردحذف
  2. اجمل حاجه الفضفضه دى
    بتخلى الواحد يعرف يتنفس

    كل سنه وانتى طيبه يا رنا وعيد سعيد عليكى يا قمر :)

    ردحذف
  3. طبعا بدافع الفضول حبيت اجمع كلامك و احط له عناوبن
    و بدافع انك خدعتينا و مديتناش المفتاح بتاع فضفضتك
    العموم الحياة كده شوية حاجات فوق بعض
    سيبك من كل الكلام اللى فوق ده اللى انا كتبته لان انا نفسى مش فاهمه و خليكى فى الكلام المهم اللى جاى

    كل سنة و انتى طيبة و عيد سعيد عليكى

    ردحذف
  4. جميل أوي إننا نحاول نكتب نفسنا حتى لو لنفسنا بس
    كل سنة وانتي طيبة :)

    ردحذف
  5. وانت طيب يا استاذ رامى :)

    فعلا شحنه كان لابد منها بس مازالت مش مرتاحه برضوا

    بس خير نورتنى بيجد عن جد

    ردحذف
  6. دينا وانتى طيبه ياقمري ويارب تبقي ايام جميله عليكى وعلي كل اللي بتحبيهم :)

    وانا فعلا انبصت بفضفضتى :)

    منورانى دايما ياحوبي

    ردحذف
  7. استاذ براهيم

    اللينك والعنوان معروفين لواحده بس

    ادعي بقي تفهم

    ولا انا كمان فهمته بس حسيته

    هو الكلام دة بيبقي كدة :)

    واحضرتك طيب وبخير وسعاده ليك ولاسرتك يارب

    ردحذف
  8. لبنى :) وانتى طيبه ياقمر

    انتى بتاخدى الكلام من جوايا عارفه عنوان الفضفضه دى
    كانت الكلام اللي كاتبه :):)بكتب لنفسي

    ردحذف
  9. كل سنة وانتي طيبة يارنا

    عيدسعيد عليكي وعلي كل من تحبين

    ردحذف
  10. وحضرتك طيب يا سواح

    يارب اللهم آمين يكون عيد سعيد علينا جميعآ وعليك وعلي اسرتك جميعها :)

    ردحذف
  11. ازيك يا رنا
    انا لسه راجع دلوقتى
    وحشتى جدا مدونتك كل سنه وانتى طيبة

    نخش فى البوست مع انى مش فى الفورمه :)

    عجبنمى اوى جملة من امتى بهتم وانا بكتب انا كده فعلا وياريت تفضلى كده على طول لو قعدتى تركزى فى كل كلمخ عمرك ما هتطلعى شىء من اللى جواكى وبعدين على ايه فى الاول وفى الاخر محدش مسئول عن كلامك غيرك

    طيب اجلتى وفضيتى وروقتى وفهمتى احنا مفهمناش ههههه مش مهم
    المهم متكونش قائمة مبحبش ومبعرفش مؤثره اكتر من اللازم فى حياتك
    لأن احيانا بنفتكر نفسنا مبنعرفش نعمل حاجه ونطلع بعد كده سهل جدا نعرف نعملها هكذا مبحبش مش شرط كل حاجه متحبيهاش تكون وحشه او كل حاجه بتحبيها تكون كويسه

    اما باقى الكلام والحكايات معنديش تعليق فيهبس اتمنى انك تكونى ارتحتى بعد ما كتبتيه او لو مرتحتيش تبقى استوعبتى وفهمتى كام حاجه فى حياتك

    انا رغاى اوى جدا خالص
    سيبك منى :)
    استمتعى بالعيد وكل سنه وانتى طيبه تانى

    ردحذف
  12. موضوع البوست قريب أوي جداا من فكرة البوست الأخير بتاعي :)
    دلوقتي بس فهمت سر أحساسك بية لما عملتي كومنت وكأنك فهما أنا بقصد اية بكلامي الرمزي الموجة لأشخاص مش هايشفوا.! :)

    ردحذف
  13. غير معرف8:29 ص

    صباح العيد والفرح روناء

    كل سنة وأنت طيبة

    ويارب ينعاد عليك وأنت بتمام الصحة

    والعافية ووافر السعادة ..

    أنا ممكن أختصر كل الكلام هذا وأقول

    أنت ما بتحبيش وما بتعرفيش لأن بجد

    أنسانة وكثير من البشر الأحياء صعب

    نطلق عليهم مفهوم الإنسانية لأنها

    معاني وصفات سامية لا يتصف بها الجميع

    وأنما من ملك حس أنساني مثلك عشان

    كذا صدقيني ما لقيت غير كلمة أنسانة

    أصفك بها وياليت ما تتغيري وكوني

    أنت برغم نظرات الإستغراب من اللي

    حواليك ...

    تحياتي وإحترامي

    ردحذف
  14. كل سنه وانتى طيبه وعيد سعيد ...

    يارب تكونى ارتحتى بعد ما اتكلمتى .. وياريت كان بإيدي أخفف عنك :(

    ردحذف
  15. مبحبش اختى العزيزه انك
    تكونى حزينه تكونى مريضه تكونى متوتره تكونى متالمه
    ومبعرفش غير انك لابد ان تكونى سعيده دائما مرتاحه البال لا تعرف حياتك غير السعاده والهناء لابد ان تكونى هكذا حتى تسعدى من حولك صدقينى الدنيا كلها لا يمكن ان تكون سببا فى الم تشعرين به
    اتمنى من الله عز وجل ان تكونى سعيده دائما تحياتى وتقديرى ابووووووووداود

    ردحذف
  16. انا تمام بكل الاحوال
    وانت؟

    حمد الله علي السلامه المهم انها كانت رحله سعيده الحمد الله والفت اغانى الالبوم القادم وكدة ;)

    وانت طيب وبخير وسعاده

    انا احد المدونين قالي جمله عجبتنى اوى لما قلتله انى رغايه
    قالي انتى مش رغايه انتى بتفهمى
    لذلك هستخدمها واقولك انك بتفهم يا اسلام

    كلامك صح جدآ علشان كدة عيوبي بقدر القائمه دى واكتر وهتشوفها حتى في اللي مش بحبه

    نورتنى كالعاده :)

    ردحذف
  17. شيماء نورتينى للمرة الاول :)

    انا كتبت حاجه بسيطه ساعتها عندك
    محبتش اتعمق نعيش انا وانتى ساعتها حاله اكتئاب ههههههههه

    ربنا يكرمك دايمآ ويسعدك بيجد:)

    ردحذف
  18. استاذ ريبال :)

    كلامك جميل اوى
    انا معرفش اذا كنت كدة فعلا ولا لاء
    بس بالنسبه انى افضل كدة
    فانا عمرى ما هتغير علشان حاجه حصلت
    ان شاء الله
    بس هحاول اكونى اوعى :)

    نورتنى جدآ
    ويشرفنى وجودك دائمآ

    ردحذف
  19. وانتى طيبه يا سوكتى

    هو مش في ايد حد غيري :)
    نورتينى يا قمر

    ردحذف
  20. استاذي ابو داود

    مرحله وهتعدى وهرجع ببوستات كويسه
    لاتقلق فضفضه ليست اكثر من ذلك
    ولن اعطيها الاهميه
    بس مساله سعيده علشان اسعد من حولى
    فانا معرفش بسعدهم اكتر
    في عز حزنى معادلتى جميعها صعبه هكذا :):)

    شكرآ علي الاهتمام والدعاء
    وربنا يسعدك ويحفظك دائمآ

    منورنى ومشرفنى دايمآ بجد

    ردحذف
  21. قائمه ماشاء الله
    ربنا يزيد ويبارك في الحاجات الحلوة
    وينقصلك الحاجات الوحشه

    وكل سنه وانتم طيبين

    ردحذف
  22. الرائعة رنا

    هكذا نحن عندما نكتب

    نطلق العنان للقلم ليسطر مايختلج النفس من مشاعر هى فى الأساس ملك لنا

    فشكراً لمشاعركِ التى جعلت من الشتاء دفئاً

    ومن الصمت حكاية

    ومن الهدوء ضجيجاً لأشياء بدأت تتنفس على صدر الورق

    لقد ابدعتِ ايما ابداع

    وتألقتِ كل التألق

    فقد كانت مشاعركِ تُسابق حبر قلمكِ الرقيق

    في رسم ملامح كل مايختلج بالصدر

    ...

    رنا


    لقلبكِ السعادة

    ردحذف
  23. ممكن اقول ان تلت ارباع الكلام الكتوب وانا بقراه كنت حاسة انى انا الى بتكلم اصلا :)
    نوتس بقه على البوست
    اهم حاجة تكونى صريحة مع نفسك
    لازم تفضلى محافظة على كرامتك
    عبرى عن زعلك بالطريقة الى تحسى فيها براحة داخلية
    ترجمى غضبك زى مانتى عاوزة باى شكل واى طريقة مهما كانت تافهة
    افضلى رافضة المشاعر السلبية
    اوعى تكرهى ابدا
    اتمسكى ببحثك على المثالية لانك اكيد مش هتوصليلها بس هتوصلى لحاجات قريبة منها اوى
    وحشتنى البلوج عندك :)

    ردحذف
  24. استاذ محمد :)
    وحضرتك طيب وبصحه وسلامه
    اللهم آمين نورتنى
    اتمنى تكررها :)

    ردحذف
  25. الجوكر مرة اخري نورتنى :)

    اولآ انا متشكرة جدآ علي كلامك

    اللي اتمنى اكون ولو جزء منه

    اتمنالك ايضآ السعاده وراحه البال

    ردحذف
  26. مهجتى :)
    كنت عارفه انك هتحسي بكدة
    معرفشي ليه :)

    انتى لو وحشك البلوج فانتى بيجد اللي وحشتى البلوج اصلا والله لسه كان سالنى عليكى البارح وكان قاعد مستنيكى :)
    كلامك عجبنى يا بنت اللذينه
    ابقي تعالي علي طول :)
    اموااااه

    ردحذف