2011-11-01

خلطبيطه

بسم الله الرحمن الرحيم

نبتدى نمسي كدة بس علي الناس الجميله دى
والرايقين اوى والمبسوطين اوى
الفئه الغالبه 
السايده 
البلضجيه والحراميه
علشان بس طول مابتكلم لا اتسرق ولا اضرب:)

نسيبنا من قصه اللفافه مدونه فتافيت اتكلمت عنها
واوفيت 
 نسيبنا كمان مرة من الانتخابات مدونه شمس النهار
اتكلمت ووضحت الرؤيه

نيجى للجد
الشرطه وماادراك ما الشرطه
في الاول كانت بتعذب
كانت بتقتل
كانت بتعمل كل حاجه
بس في الضل
في الضلمه
بنعرف حاجات وعمرنا ما بنتاكد صح ولا غلط
الظاهره الغالبه بعد الثورة بدل ما يوطوا  راسهم مثلا
يتكسفوا لا دة ال بيبجحوا فينا
بيعتبونا علي الثورة
وبعدين يطلبوا مطالبهم
ويمهلوا الوزير اسبوعين من عندهم كدة يمشي حاله بيهم 
انا معرفشي ازاى كنت هعمل ندوة واصلح العلاقه
انا بقول نحرق المؤسسه دى
حتى الكويسين احرقوهم زياده في الاحتياط متضمنش
واحد فاسد يقتل واحد شريف ويزور شخصيته
:D:D
وبقي كله منكشف وبان
ضرب في عز النهار ظابط يطير عين مواطن عادى
ظابطين يقتلوا مواطن ويتهمهوا ان مافيش نمر
ويطلع في نمر وهما اللي شالوها
ورموها في الصحرا
وكله في عز النهار 
دى حاجه كميله خالص 
طيب سيبنا من الجهاز المريب دة

المشير بيحتفل باطول علم يتعمل
انجاز انجاز

انا دلوقتى بس عرفت 
ال 6 شهور المجلس كان بيعمل ايه

اكيد كل واحد كان قاعد يخيط 
واهو ينوله الشرف برضوا

وحصريآ ولاول مرة 
ونفرق عن اى دوله حتى عن ليبيا
فتاوى علي اشياء غريبه 

لم ولن تجدها في مكان آخر
وقرب قرب 

اولآ فتوى طلعت عدم جواز تصويت اى شخص من الفلول
ثانيآ او اى شخص من السلفين
ثالثآ معندناش حصر بالمصرين في الخارج
وقوانين وتشريعات واحنا ندرس
وكله علي الفاضي 
رابعآ الانتخابات هتبقي بدون دستور واضح وصريح
ايدى وجعتنى من كتر ماهى تحت ضروس ناس غريبه
خامسآ شرطه بتضرب من غير اى دليل
سادسآ مصر طلعت دوله غير آدميه
ماهو مستحيل اللي بيتعاملوا معانا دوال شيفانا بنى آدمين
سابعآ دكتور سراج فاسد
ثامنآ كل طلاب الجامعات آثمين
فتوة من شيخ مصري سلفي اسمه
ابو اسحاق الحويني
واعملوا سيرش يوتيوب كدة واسمعوا
واتمزجوا لان الباقي مينفعشي اقوله انا
للاسف  
تاسعآ والله بحبك يا بلادى وهتشحطط فيكى 
علشان خاطر عيونك بس
وشكل الموضع دة  لهيطلع فتوى غلط
لهيطلع انا الغريبه 
:D:D
اتشرفت بالتدوين طوال شهر اكتوبر
مع انى كنت زى اللي ماشي علي سطر
وواكل اربع سطور ههههههههه
شكرآ لآيه الملوانى  انها اتاحت الفرصه دى ليا
في انى استمتعت بمتابعه ناس جميله اوى
اتمنى الناس تقدر تدخل في تدوين شهر نوفمبر
من 11/11/2011
حتى 12/12/2011
ودى دعوه من استاذ خالد ناجى ومدونه  بحار في زمن غدار

  http://www.facebook.com/#!/event.php?eid=210221882384010
اتمنى تشاركوا :):)

هناك 17 تعليقًا:

  1. مي علي5:57 ص

    يا حلو انت يا حلو

    ردحذف
  2. دي بقت خلطبيطة بالثورة !!
    مش بالصلصة
    ربنا معانا يابنتي
    كل شهر وانتي طيبة

    ردحذف
  3. مبروك الافتتاح

    ردحذف
  4. بصي يابنتي هههههه

    الظاهر سلسلةبصي يابنتي دي هتطول شوية

    علشان البلد دي تتصلح لازم جيل كامل من

    اباطرة الشرطة يتغير

    لانهم اتربوا علي كدة واتعلموا كدة

    ممارسة العنف

    وميعرفوش يعني ايه حقوق انسان

    تلاتين سنه الشرطة والشعب في خدمة الوطن

    طب هو الوطن كان ايه غير الشعب

    الكبرياء اللي في نفوس اباطرة الداخلية

    خلاص بقي في دمهم

    ثانيا بالنسبة للدعاة المتشددين

    دي موجودة بس احنا اللي بنعمل زوووم عليهم

    وبنكبر المنظر

    تحيتي لابنتي العزيزة ههههه

    ردحذف
  5. لا تعليق :S
    الواحد بيحاول يطنش عشان يعرف يعيش !

    ردحذف
  6. رونتى
    احم احم
    بما انك عارفة انى حمارة سياسة
    ومليش فالسياسة خالص
    هههههههههههههههههه :$
    بس البوست عاجبنى علشان قالى حاجات اول مرة اعرفها بلا فخر
    ههههههههههههههههههههههه

    ردحذف
  7. حلوة كتييييييييير

    ردحذف
  8. ازيك يا رنا

    ليه بس سياسة قبل العيد

    ربنا يرحمنا من غباء السياسة والسياسيين

    انا معاكم ان شاء الله فى حملة التدوين

    كل سنه وانتى طيبة

    ردحذف
  9. مى :) اختى اخيرآ لقيت حد اعرفه حق المعرفه :) انتى احلى يا ام كيمو اللي اناريلاشين شيب معاه نيهياهاهاهاها

    ردحذف
  10. ريمو عندك حق بالصلصه الحاره :)

    اتمنى متفضلش الموضه الرائجه

    نورتينى امواااااااااه ;);)

    ردحذف
  11. تركيبا :)

    اهم حاجه عجبك الافتتاح

    نورتنى ويارب تنورنى دايمآ

    ردحذف
  12. سفاح :) نورتنى نورتنى


    استاذ سواح
    تقريبا اللي بنعمله في الناس بيطلع عليا

    انا دايمآ اقول يا بنى جالى اللي يردهالى ههههههه

    عندك حق بس هما مش 30 سنه بس
    احسبها من انور السادات بقي
    صحيح العداده بتعد فعلآ

    بالنسبه للمتشددين
    دة مش تشدد دة دم وعى علي عدم تفقه دينى بس نقول إيه

    نورتنى يا بابتى يلا عديتى تجهز بقي :)

    ردحذف
  13. بيزو :):)

    طنش تعيش بس مع الحاجات طنش تاخد علي قفاك :)
    نورتينى

    ردحذف
  14. مهجتى :)
    بلا فخر انا مبسوطه انك بتيجى عمومآ
    ودة فخر الصداقه المحليه والنتيه :)

    نورتينى يا حوبي

    ردحذف
  15. محمود بدون القاب :)

    شكرآ لرايك ولمتابعتك الجميله والتشجيعيه :):)

    منورنى دايمآ

    ردحذف
  16. اسلام :)
    انا تماموز يا فندم

    معلشي انا مش سياسيه انا بس متابعه في بعض الاحيان ومقروفه في البعض الاخر

    المهم انت مش سافرت ولا إيه

    وكل سنه وانت طيب

    وهتابعك اكيد لما تشارك ادخل الصفحه بقي اعرف الفكرة :)

    منورنى دايمآ

    ردحذف