2011-11-12

الفكرة (2)

 :) فكرة التفكير


انزعها انزع تلك الفكرة ان الكون
يقصدك انت بالذات
تخلى عنها فانها فكرة طفوليه غير مبرره
لتعيش حياتك هكذا
تحكم في وقتك تحكم فان الزمن لايجري
ليخطف اجمل الاوقات لديك
 وسنين عمرك
انه يجري ليثبت فقط ان لاشئ يوقفه
ان لاشئ سيجعله يتخلى عن الاستمرار
لما لاتكون فقط مثله
تحكم في حياتك
لاتدعها فارغه
بلا عاطفه
بلا حب او اهتمام
____________________

الفكرة مش انك تفكر هتعمل
ايه بكرة ولا حصل ايه البارح
الفكرة انك عايش وبتتعلم وهتتعلم
وهتتعرف علي حالك ونفسك :)
___________________________

دعوه للفرح


من هنا 
احب ادعو الجميع 
دعوه للفرح 
نريدها فرحه تدوم كل يوم هو عيد
لانك تخطيته
لانك عشته
لانك تعلمت منه
لانك فقط انت كما انت
لاتدع احد يخبرك كما كنت مذهلآ
فانت مذهل بالاساس
او كم انت رائع
فالروعه هى وجودك 
لا كلماتك فقط
لذا اطلق العنان لنفسك
اطلق العنان لضحكتك
استمتع فقط بالحياه
التى تريدها
________________________
الفكرة في وجود حد مزعج
 
مش انه يضايقك في حياتك
بس بيعرفك انك لما بتكون مزعج
بتبقي مقرف ازاى
اعتبر نفسك قاموس معنوى
بيلم ويترجم المشاعر
لابد ان يتعرف علي كل الانواع
ليكتب ويترجم للعالم
وحول ذلك لطاقه ايجابيه تفيدك
__________________

الفكرة في الكتابه
بترسخ مشاعرك
بطور افكارك
جيب ورقه وقلم واقول انا هعمل كذا
وكذا رتب حياتك ادمجها
اكتب المستحيلات والممكنات
اصحى تانى يوم متعملش اي حاجه
بقصد او بغير قصد
اخر اليوم هيجى هتلاقي نفسك بتضحك
وتفتكر ازاى ممكن في ناس كتير
متعرفش تتحكم في حياتها زيك
ممكن بمشاكلها تحولها لجحيم
عرفت بقي
انت مميز قد إيه 
 :):)
________________ 

فكرة الاراده

مش الكلمتين اللي بنسمعهم
في كل فيلم وكل ندوه
الاراده مش انك تستمر وتحاول وتفشل وتحاول تانى
مافيش حد بيحب الفشل
ومحدش بيقف وميحاولش
الفكرة في الاراده
بتحسسك قد إيه
انك عايش
انك بتتنفس
انك لسه فيك روح بتقاوم
انك ازاى كل شئ في ايد غيرك
ممكن يبقي في ايدك
ازاى تسعد نفسك
ازاى تفرحها
ازاى تسيب بسمه في وجوه
من حولك
الفكرة في الاراده انك حزب نفسك
انت الرئيس وانت المنفذ وانت السكرتير
وانت حتى عامل البوفيه
حد يلاقي حزب زى دة ومش يديروا صح
ويشترك فيه
_______________________ 
وللحديث بقيه اخري ايضآ 
اسيبكم مع محمد فوزى وابداعته
والحانه
تملى في قلبي

;);)
شكرآ للي كان السبب في انى اسمعها


هناك 39 تعليقًا:

  1. حلو اوى تفكيرك ف الحاجات دى

    :)

    ردحذف
  2. غير معرف8:34 ص

    صباح الورد rona

    تتخيلي لو كل شخص فكر بنفس هذي

    الطريقة أو بلاش فكر تتخيلي لو سمعنا

    الكلام هذا بإستمرار كيف ستكون

    أوضاعنا ؟؟؟

    للأسف نحن بحاجة لمثل هذا الفكر

    التفكيري إذا صح التعبير والأهم من

    هذا كله أننا نملك المستقبل حتى و

    إن لم تتحقق كل أحلامنا ...

    بكل أمانة هذا أجمل ما بدأت به

    صباحي كل الشكر لك ...

    تحياتي وإحترامي

    ردحذف
  3. صباح الفل رونا
    عجبتنى كثيرا مدونتك فاسرعت بالانضمام الى متابعينك حتى تظهر اعمالك فى لوحة تحكمى وارجو ان تفعلى المثل وشكرا
    الفاروق

    ردحذف
  4. والله يارنا

    انتي كلامك روعة بجد

    انا مبسوط لعقليتك الناضجة الجميلة

    وانا كمان بشكر اللي خلانا نسمع معاكي

    اغنيةمحمد فوزي

    تحيتي يارنا

    ردحذف
  5. لاتدع احد يخبرك كما كنت مذهلآ
    فانت مذهل بالاساس
    او كم انت رائع
    فالروعه هى وجودك
    ..
    جميلة يا رنا .. اسلوبك بيجذبني :))

    ردحذف
  6. عبارات مؤثرة رونا ولها فى حياتنا كلنامكااان
    بعض الحجات اللى قولتيها بعملها والبعض التانى بخاف اعمها اما دعوة الفرح
    صعب :(

    ردحذف
  7. يااااااااااه
    قد ايه احساس حلو لما الواحد يصحى على بوست يملاه بالطاقة الايجابية زى ده :)
    والنبى كترى من الحاجات دى يا رونتى علشان انا بحبيها :$

    ردحذف
  8. "مش انه يضايقك في حياتك
    بس بيعرفك انك لما بتكون مزعج
    بتبقي مقرف ازاى
    اعتبر نفسك قاموس معنوى
    بيلم ويترجم المشاعر
    لابد ان يتعرف علي كل الانواع
    ليكتب ويترجم للعالم
    وحول ذلك لطاقه ايجابيه تفيدك"
    ايوه اهو انا بحس بكده بقى
    ان احنا بنقابل حد مزعج عشان نشوف اد اي بنبقى رخمين وتنحين احنا كمان

    تفكير حلو بجد يا رنا
    تسلم ايدك :)

    ردحذف
  9. بصي انا بحب ابقى مزعجه واعمل شقاوة حتى بعد ما بشوف حد مزعج اعمل ايه الفكره انى بحب ابقى مزعجه هههههههههههههه وبموت موت كده فى الشقاوة

    ردحذف
  10. غير معرف7:19 م

    كلام حلو اوووي يارونا تسلم إيدك ياقمر
    وجميلة اوي الاردة:الفكرة في الاراده انك حزب نفسك
    انت الرئيس وانت المنفذ وانت السكرتير
    وانت حتى عامل البوفيه
    حد يلاقي حزب زى دة ومش يديروا صح
    ويشترك فيه نظرية برضو
    بس يعني من الاخر الكلام كله جميل ماشاءالله بجد :)

    ردحذف
  11. الحياة من غير أراده وحلم وحب وحماس ماتتعاش أزاى الأنسان يعيش حياته مجرد من كل طاقه إيجابية ويكون مجرد كائن بيكل وبيشرب ..لازم يكون إنسان لى حلم لى غاية على راى حمزة نمرة :)

    ردحذف
  12. و هي الحياة ايه كلها غير شوية افكار..مشاعر ..افعال..كلمات ..

    بجد حلوة اوى افكارك

    تسلم ايديكي رونى و تقبلي مروري و متابعتي لمدونتك الجميلة

    تحياتي

    ردحذف
  13. انا شايفة ان سلسلة فكرة دي
    بذرة لكتاب هيكسر الدنيا !!!

    ابدعتي
    يامبدعتي الجميلة :**

    ردحذف
  14. التدوينة دى جايالى انا فى وقتها بظبط :)
    طاقة ايجابية فوق الوصف بتتنقل بالكلام
    انا هستنى باقى التدوينات ان شاء الله

    ردحذف
  15. جميل ما تكتبى ورائع ما يخط قلمك
    تحياتى وتقديرى ابوداود

    ردحذف
  16. خالد شكرآ ليك :)
    __________________

    خى ريبال :)
    هو الاسلوب دة نهج حياه
    فعلا
    سعيده انك اصلا بدات صباحك ببوست ليا
    ولي كامل الشرف :)
    منورنى دايمآ

    ردحذف
  17. استاذ فاروق
    يشرفنى ما فعلت فعلآ
    ويشرفنى اكثر اعجابك بمدونتى :)

    وانا فعلت بالمثل اكيد
    تحياتى لك :)

    ردحذف
  18. سواح :)

    منور كالعاده انا اسعد بمعرفتى بيكم

    هى اللي بتخلينى اطلع حبه من الافكار دى :)

    طبعآ الشكر واجب لي :)

    شكرآ كتير لتشجيعك وتواجدك الدائم :)

    ردحذف
  19. ندى :)

    سعيده بتواجدك فعلا
    واسعد ان اسلوبى جزبك
    ربنا يسعدك بقدر ما اسعدينى

    بس اقولك علي حاجه بيجد علي الجمب
    انتى مميزة ايضآ في كتابتك استمري
    فانا اعلم ان لديم الكثير :)

    نورتينى بالفعل :)

    ردحذف
  20. زى ماتيجى اسم لطيف اوى

    ومدونتك اسمها احلى وانتى اجمل من دة كله طبعآ ;)

    طيب دة انتى بالذات المفترض تعملى

    دعوه الفرح دى شوفي اي بيسعدك

    واضحكى بشده بهبل بسخريه حتى من حالك

    وخليها زى ماتيجى وولايهمك :):)

    ردحذف
  21. مهجتى :)

    انتى تامري يا اختى

    وعندك واحد بوست ايجابيه وكترلي من البهجه شويه :):)

    احلى حاجه عجبانى انك صحيتى علي بوستى انا دة حب طبعآ :):)

    منورنى ياعسولتى :)

    ردحذف
  22. دودو :)

    بتهيالي انتى مهما تعملى عمرك ماتوصلي تكونى تحنه

    بس الفكرة ان في اشخاص مزعجه لحد الاحباط لحد الياس مش بتبقي دى شقاوة بتبقي رخامه خنيقه :)))

    منورنى دايما دندن :)

    ردحذف
  23. نونا

    المقصد من المزعج مش شقاوة ورخامه بتاعتنا دى وغلستنا علي بعض كاصحاب مثلا كاخوات

    لاء حد مزعج بمعنى مثير للاشمئزاز وانتى مش كدة طبعا

    انما شقاوتك انتى ابقي عليها ياعسل
    دى بتبقي شقاوة لذيذه

    نورتينى اوى جدآ بيجد :):)

    ردحذف
  24. يوشتى المرة اللي جايه امضي باسمك
    او ادخلى بحساب الياهو

    انما تتواجدى بغير معروف لن ولم اسمحلك تكونى غير معروفه دة انتى حياتى :):)

    حلوة من الاخر دى
    مبسوطه انه عجبك ريلي يعنى
    :):)

    ردحذف
  25. نيللي :)

    انا كدة ضمنت انى مش هحط اغانى لحمزة نمرة الا وانتى حفظاها

    او ممكن تكملى ليا بكومنت اغنيه لي

    عجبنى الحماس التعليقي دة :)

    نورتينى بالفعل ياقمري

    ردحذف
  26. ايما متابعتك تزدنى شرف وسعاده

    مبسوطه ان الافكار عجبتك

    وانا كمان متابعكى بشده :):)

    نورتينى بالفعل

    ردحذف
  27. ريمو:)
    او كتاب دة ايه دة

    ربنا يخليكى يا مبدعتى الكبيره

    ويسعد قلبك دومتى بخير دائمآ

    لو دومتى مش بتعجبك نستخدم نوع تانى :)

    ردحذف
  28. محمد :)

    وانا هستنى اشوف التغيير والنشاط والكتابه

    مبسوطه انها عجبتك وجات في وقت مناسب ليك

    منورنى بمتابعتك اكيد :)

    ردحذف
  29. ابو داود:)

    شكرآ لك وشكرآ لتواجدك الدائم

    وتشجيعك :)

    ردحذف
  30. تصدقى بعد ما قرأت البوست ده حسيت بأختلاف حاسه انى فرحانه فعلا ::))
    كلامك عسل يا رونا و حلو زى النسيم

    ردحذف
  31. آيه :)

    ربنا يخليكى يا قمر

    وجودك اسعدنى فعلآ

    نورتينى :):)

    ردحذف
  32. تدوينة ذات مسحة تفاؤلية و رائعة

    لك إعجابي

    أهلا
    موضوع: تدوين تحت الوصاية
    موضوع هام و أسال الكثير من الحبر
    أرجو مواصلة الرابط و الادلاء برأيك / رأيك يهمنا كثيرا !!
    http://zaman-jamil.blogspot.com/2011/11/blog-post_08.html
    شكرا على التفاعل
    منجي

    ردحذف
  33. استاذ منجى

    اهلا بحضرتك شرفتنى

    شكرآ كثيرآ لرايك :))

    اتمنى تكرار الزياره

    ردحذف
  34. انا بكفر عن ذنبى اهوه

    وعمال اقرى كل اللى فاتنى

    شكرا انك حطيتى الاغنية دى

    جميلة افكارك المتفائلة

    ردحذف
  35. اسلام

    العفو علي إيه

    انتم تامرو ياجماعه وانا هحط علي طول :):)

    نورتنى

    ردحذف
  36. الفكرة مش انه مجرد بوست تقراه و تنساه
    لكن بوست يتغلغل جواك و تحس بالحكمة فيه و انك مش عايزو يخلص
    بوست هايل يا رونا
    برافو عليكي

    ردحذف
  37. حلوة الفكرة دى :):)

    منك يا استاذ مصطفي

    ربنا يخليك شكرآ مبسوطه انه عجبك بيجد عن جد يعنى ^_^

    ردحذف
  38. الفكرة ان بتعجبنى جدا افكارك
    ومش محتاجة اقولك طبعا قد ايه
    عاجبنى البوست ده
    عايزين كتير بقى منه
    ربنا يكرمك يا رونا وتمتعينا :)

    ردحذف
  39. ^_^
    الفكرة ان وجودك هو اللى مجمل افكاري
    وكلامك مشجع جدآ
    حاضر من عيونى في اوقات الروقان بقي يا اختى :):)

    نورتينى اوى يا يويتى بيجد :)

    ردحذف