2011-10-26

يقطع النت علي النتيت علي اللي عايزين ينتتو

لالالا متقلقوش مش هنتكلم عن الكبير اوى
ولا البقره ولا اى حاجه 
:D:D
 

بس هتكلم علي الحاجات اللي بقت فعلا حماده بالجنزبيل 

وقرفه كمان 

لما ابتدى النت يغزى مصر
وتوغل وتوغل فانتشر
كان فكرة جميله
مبدعه للتواصل لكل من يشغلك وقتك
عن التواصل الحسي معهم
وايضآ يتيح لك العديد من المعلومات
البعض منها جديد والبعض مبتكر بالفعل
بالنسبه لى اتاح لي العديد من الصدقات الجيده

كنت مرزقه زى مابيقولوا 
الحمد الله وقعت في ناس زى الفل
ولو في حاجه احلى من الفل وعبيره ورائحته
كنت اقول بجد

واتاح موضوع الكتب دة
لان معنديش مكتبه خالص قريبه او بعيده ولا اعرف 
بستنى المعرض من السنه لسنه 
في النص بقي قرايه الكترونيه شيقه
تعالوا بقي
للجنزبيل بقي اللي حصل
الاستخدمات الغلط 
في ناس اولكش فتحت مواقع زى الزفت
ياريتها اذت نفسها بس
لاء كمان ياعينى اذت جهازها
وفيرسته ونيلته

غير اللي دخل علي الدردشه
والل دخل يتسلي بالبنات
واللي تطفل علي الناس

ايه الفكرة من انك تعمل اميل
ويبقي سري علي كل المواقع 
اللي مشترك فيها
ايه الفكرة انك تقفل ماسيجاتك
او تخصص فريندز اوف فريندز
علي الفيس توك

الفكرة هى ان ليك خصوصيتك
لما يجى حد يقتحمها
وباسلوب وحش
يبقي دة إيه

في يوم من الايام كدة خير اللهم اجعل خير

ولانى بعمل زى ما ساره درويش كانت قايله
علي تويتر دايمآ سباقه
يا ساره
انى مبدخلش اونلاين في مكان
غير وانا مستعده ورايقه
مبردش حتى علي بوستاتى
غير وانا فايقه كدة وهرد كويس

نرجع ليوم دة بقي دخلت بعد فتره علي الياهو
لقيت غزو من الاضافات
انا قولت انا اتشهرت وانا معرفشي
المهم الناس دى بضيف وتلاقيها موجوده
في لحظتها بتكلمك
المهم قولت نشوف يمكن حد اعرفه

اول اميل ايوة السلام عليكم
رد طلع ولد ومصمم يتعرف
وانا من اسكندريه وبطيخ
وجابت ميلك بصعوبه 
وكلام من دة
قولتله شكرآ
واجنرت

ثوانى والميل التانى اتكلم
من اسكندريه 
المحافظه مسكتنى ومش هتسبنى الليله 
قولت ماشي رب صدفه خيرآ
من الف اضافه 
اجنور وقفلت

دقايق ميل باسم بنت 
بس بتكلم باسلوب 
اقل ما يقال قله ادب
المهم يمين في شمال
اعترف انه ولد
برضوا اسكندريه
علي مايبدوا ان نفس الشخص يحاول
ان يستفزنى مرارآ ويقتحمنى
بشكل سئ للغايه
وهذه المرة شتايم بقي
وانا طلعت قليله الزوق بقي
انى مبردش
الغريب انه في النص بيقولى استنى هقولك انا مين
بعد ما اصلي المغرب
ياحلولى انت بتعرف تصلي
اهو لا اله الا الله
المهم عرفت انه ولد
اجنرت وبعتلى فيرس بقي
الصراحه كان بيحاول يظبطنى
بس طلعت ناصحه ومدوستش:)  

بعدين بقي الاميلات اللي هلت بعد كدة بنات وولاد
بقيت اجنر علي طول
ماما دخلت لقتنى باجنر واقول
فلان الفلانى من اسكندريه
جبت ميلك بصعوبه
وانتى قليله الزوق
حفظت الاسطوانه

بعدها افتكرت الجمله الشهيره بتاعت
مكى
يقطع النت علي النتيت 
علي اللي عايزين ينتته

الفكرة باختصار انى انسانه اجتماعيه
بشكل منغلق
يعنى محبش حد يقتحم حياتى خاصه
لو كان شخص معرفوش
وليس لي سابق معرفه بي
ويقولى معلشي اصلي تعبت علشان اوصلك
انت وصلت اه بس العنوان غلط
فبركبه اول تاكسي اجنور وقلبي بيدعيلوا

مينفعش حد يكون فاتح وال علي التويتر علي فيس علي اى موقع
مش فاتح وعامل خصوصيه عامل اى حاجه
فتدخل توجب معاه بفيرسيه تضيع فيها
شغل سنين وحياته
او تدخل ترخم حبآ في المعرفه
والمعاكسه 
هتتردلك هتتردلك والايام ياما بتثبت

التكنولوجيا في مصر
مازالت بتستخدم بشكل سلبي
مازالنا بنضيعها
علي سيتى فيال
وفارم وبس
زى مافي لعب
في حاجات تانيه تفيدك
مازال الفيس عند البعض فقط
اعرف حظك اليوم
اعرف مودك اليوم
وبصراحه هى حاجات جميله
بس انت فاتح صفحه غايتك منها التواصل
والمعرفه
ولا التهريج فقط
وازن امورك
لاتقفل وتتقيد وتبقي منصرم الي حد
التنفير
ولاتنفتح وتزدهر صفحتك
بحاجات ملهاش لازمه

نيجى لجزء حلو اوى وعجبنى من ساعات ما دخلت عالم التدوين دة

حاسيت ان فعلا دة عالمنا قد تختلف رؤيتنا
اسلوبنا في الكتابه بالطبع
وجهه نظرنا
لكن لينا مود واحد او شبهه موحد
انا اغلب البناتيت القمامير اللي ضيفتهم
ياهو او فيس
زى بالظيبط اغلب الوقت قافلين اوفلاين
مبيدخلوش غير كل فتره اطمئنان كدة
مبيدخلوش غير وهما رايقين
دة يخلي ساره درويش تنبسط بينا بقي

بجد انا هنا عرفت ناس محترمين اوى من الجانبين
خلونى احس انى مش مختلفه كتير
عنهم
احتونى فعلآ
علشان كدة بجد انا بحاول قدر امكانى وذاكرتى الرهيبه دى افتكر وادعلكم قدر امكانى
لانى شايفه في كل حد فيكم حاجه حلوة اوى
وكل حد عرفته هنا لي طريقته واسلوبه اللي يجذبك
انا ممنونه ليكم
وبشكر القدر اللي عرفنى عليكم

اترك ليكم المايك بقي كفايانى رغي
بقي كالعاده
ولو حد عنده موقف زى اللي حصل معايا
ودة طبعا اقل موقف حكيته يقولى بقي ويشاركنا الضحك
:D:D
 

هناك 25 تعليقًا:

  1. بست .. بست
    كابتن كابتن أنت مرتبط ؟؟
    أنا عزة من الساحل
    هههههههههههه

    بوست حلو قديم / جديد .. بصي سموك في رأيي المتواضع إن النت زي الشارع طول ما انتي ماشيه ياما هاتشوفي وتقابلي وتتكعبلي !
    المهم انتي رايحه فين وليه ؟
    وكل طريق وله سككه ومطباته !!
    طالما انتي عارفه طريقك أستمري .. وإذا ربنا كرمك برفيقة درب أصبحت مع الوقت زميلة فـ صديقة يبقى انتي كسبتي كتيــر :)

    وربنا يوفقك إن شاء الله

    تحياتي

    ردحذف
  2. اهلا بيكي في عالم بلوجر

    وهو ده النت

    واجنور اي حد بيخرج عن الحدود

    وطبعا فعلا بلوجر اعتبره اجمل المواقع

    :))

    ردحذف
  3. بصي يابنتي

    دي حاجات بتحصل في كل شئون الحياة

    يعني اللي اخترع التكنولوجيا

    اخترعهاعشان يبسط لنا الحياة

    ويسهل لنا الحصول علي الخدمات والمعلومات

    بسهولة ويسر

    احنا بقي كعالم عربي بنستخدمه في الهيافة

    اكتر الاشياءاللي دايما كانت بتثير سخريتي

    لما ولد او بنت يكون شايل موبايل

    بعدة الافات من الجنيهات

    وبعدين يقوللك او تقوللك معييش رصيد

    اتكلم

    حتي شركات الاتصالات بتكسب من هيافة

    الناس

    ييجي يديكي ساعات مجانية

    مش عارف من الساعة 12 بالليل

    لحد مش غارف كام الصبح

    وهو عارف ان نص الشباب حبيبة

    وفاضيين بقي موراهمش حاجة

    هيسهروا رغي رغي لحد الصبح

    اصبح هو مستفيد من الساعات

    اللي الاتصالات فيها تقريبا منعدمة الا للطوارئ ظروف مرضية مثلا او ماشابه

    والتاني سهران يحب وطظ في الشغل الصبح ده اذا كان فيه شغل

    ردحذف
  4. سؤال بقي جانبي كده

    هي مين سارةدرويش

    ردحذف
  5. اتكلمتى فى موضوع مهم بطريقتك اللى بجد بحبها
    دمك زى العسل :))

    لو على المواقف اللى زى دى فا هى كتيييير
    النت زى ما ليه مميزات ليه عيوب بردو
    وده بيرجع للشخص اللى بيستخدمه نفسه وطريقه استخدامه ليه
    الفيس بوك فى حد ذاته مفيد فى حاجات معينه
    بس مع الوقت بقيت احس انه ممل من كتر ما الناس بتستخدمه غلط
    وشباب كتير بيدخلوه لمجرد انهم يتعرفوا على بنت
    والغريبه ان ممكن ولد من دول يشكك فى نفسك انه يعرفك اصلا بس عاملهالك مفاحأه فى الاخر
    وفى النهايه يطلع لا يعرفك ولا نيله بس اهو بيستظرف شويه :D

    ردحذف
  6. شعقول شعقول
    بقه كانبة البوست ده كله علشان تحمدى ربنا انك عرفتينى :$
    مالوش لزوم يا رونتى
    انتى عارفة انى بحمر خجلا بسرعة
    والكلام ده يبقى بنا وبين بعتشينا :$
    رنا رنا
    عندك كاميرااا
    ههههههههههههههههه
    دى ناس فاضية والله اصلا
    وبيحرقو دمى جدا
    اهى دى ميزة من المميزات بتاعت انى مش بفتح ميل
    علشان محدش يجننى :D

    ردحذف
  7. استخدام الانترنت لكل شخص بيعكس انطباعاته وشخصيته

    بالتأكيد مش كلنا ملايكة
    لكن قدر الامكان لابد ان نستفيد من شبكة الانترنت قدر المستطاع

    البوست جميل وطريقة عرضه روعة
    والمدونة ككل شكلها جميل

    هذه أول زيارة
    وإن شاء الله لن تكون الأخيرة

    تقبلي مروري
    Casper

    ردحذف
  8. غير معرف9:21 م

    كل انسان بتبان انعكاسات استخدامه للانترنت من خلال كلامه واختيار اصدقائه

    ردحذف
  9. النت عالم اخر

    واللي يتعود ع النت

    يستحيل يعيش بدونه

    ردحذف
  10. ازيك يا رنا

    والله الموضوع ده بقى نكتة

    وبعدين خلاص الميل ده راح زمنه

    بس الجميل كلامك عن التدوين فعلا زى ما قلتى تحسى ان التدوين ده شىء خارج السرب شىء خاص جدا لعقليات معينة حتى اللى بيدون بلا هدف بيحاول يطرح افكار او حكايات

    بس حاجه بينى وبينك
    كان نفسى اتفرج على حفلة الاجنرة دى هههههههه

    ردحذف
  11. باشا :) والله باشا

    الحمد الله مش عزة ومش في الساحل ههههههههههههههه
    طبعا كلامك صح انا بس يا سيدى اتعقد اليوم دة

    بس الحمد الله انى اتكعبلت في ناس كويسه حتى الان بس بصراحه صداقات النت مهما كانت لو متوثقتش بتتنسي علشان كدة هتلاقي كل فتره ناس بتزيد وناس بتختفي :)

    شكرآ لطلتك هنا :)

    ردحذف
  12. اهلا بيكي في عالم بلوجر

    وهو ده النت

    واجنور اي حد بيخرج عن الحدود

    وطبعا فعلا بلوجر اعتبره اجمل المواقع

    :))

    شموسه :)
    وبيكى ياقمر

    بلوجر يعتبر موقع اجتماعى بيزود معرفتك بالاشخاص وبالقرأة وبحاجات كتير اوى

    الاجنور دة مش بنستخدمه نت بس دة حتى في حياتنا الشخصيه :)

    نورتينى ياشموسه

    وتروحى وترجعى من الحج بسلامه ان شاء الله ابقي ادعيلي :)

    ردحذف
  13. استاذ سواح :)
    حاضر ابص فين بالظبط يا بابتى :)

    كلامك طبعا صح انا مشكلتى مع الهيافه
    يعنى انا مش هقولك انى برضوا مبلعبشي انا اول ماعملت فيس وقعد اعاند العالم كله انى مش اعمله اصله كان موضه بقي ساعتها :)

    مش عملته غير بمزاجى اول مادخلت لاقيت كويزات حظك اليوم اعرف مين حبيبك ومين بينتقم منك ولقيت امك لا اله الا الله بضيع وقتها في كدة قلت اضيع معاهم هههههههههه واهو مشاركه
    بس بعد فترة كدة فكرت لاقيت ان دة مش غرض اساسي لفيس دة شئ بيغيب عقلك ويخليك حتى لو بتلعب وبتستهيفه وبتعمل كدة فانت كدة كانك بتحاول تعرف الغيب ودة في علم ربنا

    انا بقي معرفشي الناس دى مبتفكرشي ولا دماغها عطلانه :)

    بالنسبه لشركات الفون دوال قصتهم وحكايتم لاتنهى دايما يدونى عرض في وقت غير مناسب وساعات ابقي في الطريق وفي حاجه محتاجه اكلم مامتى ملقيش ولا اي مساعده ولا ربع جنيه عندك حق فعلا في كلامك حاجه تنقط


    بالنسبه لساره درويش علي جمب كدة
    هى كاتبه وصحفيه وعملت كتاب زوجى مازال حبيبي وكتاب مشاعر مرهقه وكتب تانيه شاركت فيها :)

    منورنى دايمآ بجد

    ردحذف
  14. اتكلمتى فى موضوع مهم بطريقتك اللى بجد بحبها
    دمك زى العسل :))

    لو على المواقف اللى زى دى فا هى كتيييير
    النت زى ما ليه مميزات ليه عيوب بردو
    وده بيرجع للشخص اللى بيستخدمه نفسه وطريقه استخدامه ليه
    الفيس بوك فى حد ذاته مفيد فى حاجات معينه
    بس مع الوقت بقيت احس انه ممل من كتر ما الناس بتستخدمه غلط
    دودو ربنا يخليكى انتى اللي عسل بجد :)

    كلامك مظبوط بيجد
    موضوع في النهايه ميعرفنيشي عملها معايا واحد مرة بس مكنتش مقتنعه ساعتها غيرت ميلي لانى حسيته شئم هههههههههههههههههههههه

    والله الواحد بيحصله كدة وانا بدخل كل فين وفين الياهو قولى الفيس في تحكم انما الياهو دة او الهوت مشكله بجد

    يلا خير خلينا نتفائل ونقول مسير العقليات تتغير ومصر تبقي احسن ونستخدم التكنولوجيا بشكل افضل واوعى :)

    يسلملى وجودك يا عسولتى :)

    ردحذف
  15. مهجه قلبي :)
    مش معقول بجد الذكاء دة بيجيلك كدة فجاه ولا عندك من الاول نبيه نبيه يعنى خايفه احسدك بيجد :):)

    وبعدين متقلقيش بكرة تفتحى زى بعد فتره تلاقي افواج بعتالك اضافه هههههههههههههههه

    لاء موصلتش لكاميرا بتوعى محترمين بيطلبوا صورة بس ههههههههههههههههههههههههههههههه

    يسلملى وجودك وخفه دمك المعتاده يا مهجتى :)

    ردحذف
  16. Casper :)
    فعلا لازم مع الوقت نستفيد صح
    احنا كلنا بندخل انترنت علشان نشيت مع اصدقائنا نضفهم ونهرج معاهم نتعرف علي اصدقاء جداد
    يعنى كلنا نعتبر استخدمنا محدود
    قله بقي بتستخدم البرامج او بتحمل حاجه مفيده او كتب او تعمل بلوجر او صفحه تهتم بنشر ثقافه سياسه
    عندك حق كلنا مع الوقت بنتعلم ونستفيد

    نورتنى واتمنى فعلا متكنشي الاخير :)

    وشكرآ لرأيك في المدونه بسطنى بجد

    ردحذف
  17. غير معروف
    كان نفسي تبقي معروف علشان بس اعرف اوجهه الكلام لحضرتك صح

    بس علي كلآ كلامك صح فعلا كله بيتحدد من خلالنا :)

    ردحذف
  18. اقصقوصه:)

    فعلا النت عالم تانى وبيشد اى حد

    ومع استمرار استخدامه بيبقي جزء من حياتك لايتجزأ بس كله مرهون بينا
    مش لازم نخلى يتحكم لدرجه انه يقضي علي اي شئ تانى بسببه :)

    نورتينى بجد
    اتمنى متكنشي الاخيره :)

    ردحذف
  19. اسلام :)
    انا الحمد الله بخير اهو

    الميل راح زمنه فعلا علشان جيه الافضل والاسرع منه مع انى برجعله والله برضوا بيفيد :)

    الجميل في كلامك انت بقي عن التدوين انك كملت باقي

    بالنسبه لحفله حاضر هبقي ابعتلهم مدونتك تحتفل معايا بالحفله واجيبلك شاي وجاتوه كمان ههههههههههههههههههه

    ويارب دايمآ منورنى كدة :)

    ردحذف
  20. هااااااى ازيك ؟

    على فكرة انا بجد سعيدة بوجودى هنا فى مدونتك
    ان شاء الله على طوووول

    والبوست بجد رااااائع
    احلى حاجة العنوااااااان
    لايئ عليه اوى
    ههههههههههههههه

    وفيه حاجات كتييييير على فكرة حصلت معايا كتيييير

    تحياتى ليكى دايما
    تقبلى مرورى

    ردحذف
  21. رنا رنا
    انا رحمة
    مش من اسكندرية
    ممكن نتعرف؟






















    :D

    ردحذف
  22. لكل شىء اختى العزيزه ايجابياته وسلبياته وهذا النت مع انه توجد له سلبيات كثيره لكن اجابياته تؤثر فى النفس تكون اعمق فهناك اشياء جميله وتحبيها ولولا السىء ما احسسنا وما شعرنا بالايجابيات ولا بمتعة هذا النت
    اتمنى ان يقيقى ربنا من شرور الناس
    كل سنه وانتى طيبه تحياتى ابوداود

    ردحذف
  23. سمسمه:)

    انتى اللي وجودك اسعدنى ونورتينى

    ياقمر

    واكيد اللي يعيش ياما يشوف بيجد:)

    نورتينى كتير بيجد عن جد

    ردحذف
  24. ريمو:)

    ايوة ايوة
    وانا هتعرف حتى لو مش كنتى من الاسكندريه :):)

    ردحذف
  25. ابو داود

    اللهم آميين

    وحضرتك طيب وبصحه وسلامه انت واهل منزلك :)

    ردحذف