2011-10-11

بالعربي كدة

اموت وافهم ايه الفرنكوا العربي دة
يعنى قاموس الانجليش وهو ماشي خبط في قاموس
العربي 
خلفوا عيل اسموا فرنكوا ولا ايه 
!!!!!!!!!!
بالعربي كدة
والله العظيم عليا النعمه
اسمى بيتكتب كدة
مافيش حرف الالف اللي في النص
لانى بتنطق علي طول
ونبي العقول تبقي متفتحه وتستوعب وهى بتكتب
علشان مش عايزين نطخ حد بالنار
وانا بجد والله بجد يعنى عارفه
ان اسمى بالانجليش في الف 
مش جهله يعنى متقلقوش 
بس مبحبش الالف بالعربي واتسجلت كدة
اغلط البطاقه يعنى  ولا الغي شهاده الميلاد 
هههههههههههه


هههههههههههههه مش عايزين الناس تفهمنا غلط
دى مش دعوه للعرسان ولا اي حاجه يعنى
بالعربي كدة يا جماعه
انا والله سينجل
مرتبطش عاطيفي
ولا ارتباط رومانسي
ولا مسكت في حد ولاحد مسك فيا
:) ولا عايزة اتكهرب
هتيجى ناس تقولى يا سوسه اطلعى منها
اومال ريلايشن شيب ازاى علي الفيس
:):) هذا وبكل صراحه 
يبقي كريم ابن اختى فلذات فلذات قلبي
اعتقد علاقه احلى من كدة مفيش
:D
لذلك انا سينجل
وعجبنى حالى وانا سينجل
انزل اغنيه سينجل يعنى تفهمكم انى سينجل
وعندى ثقه ان ربنا شيلي الاحسن
علشان مبقدمش تنازلات
تقلل منى كبنت
بحب التهريج في موضوع مفيش عرسان
بس مبجبش اللي بيقلبوها بجد
وتبقي شاغلها الشاغل هو عريس يابوي

مش برفض حد تكبر منى
او شايفه نفسي بس لانى 
شايفه انى لسه صغيره فعلا
والجواز مش لعبه
علشان كل واحد يجى العب معاه
!!! لعبه الاسئله الغامضه والملمه

وبالنسبه لستات البيوت 
اللي شغالهم الاكبر يجوزوا عيالهم وعيال 
حبايبهم  وميحبوش يشوفوا بنت
مش في ايدها الدبله
انا معلقتش يافطه عايزة اتجوز لسه
:D:D
لما اغلب هبقي اقولكم
تنقوا ليا من الخيار اللي عندكم
عارفه بجد 
انى محيره ومغلبه في بعض الاحيان الاخري
عارفه انى احيانا صراحتى تكون لاتطاق
بس متعودتش اقول حاجه غير اللي شايفها
عارفه ان مصر ممكن متعملشي حاجه
والدنيا هتفضل خربانه فتره
وقد ندخل علي مجاعه
عارفه لانى بالعربي كدة
انا كدة وبقول اللي نفسي في
ومعنديش غير كدة
اسفه ان في بعض الاحيان
قسوتى مع اللي بحبهم
بتعيطعم
بس العياط حلو لانه بيفوق
اسفه انى ممكن اضايق حد
لما اقوله انت كدة غلط
بس متعودتش اننافق طالما بحب
بس هعمل ايه في حالى
:) انا كدة 
ناتى لجزء الاخر من البوست
!! المقوله
ليس هناك من هو أكثر بؤساً من المرء الذي أصبح اللا قرار هو عادته الوحيد
( وليام جيمس )

السؤال؟؟
نكمل باقي اسئله "جيمس بندر" لتعرف علي مقدار ثقتك بنفسك

هل تركن لحكمك علي الاشياء ام تركن لحكم الغير عليها؟
هل تري ان في امكانك ان تساهم في جعل العالم مكانآ افضل للعيش؟؟
هل تحتفظ ببشاتك واتزانك في الوقت الذي يفقد فيه كل من حولك بشاشتهم واتزانهم؟
هل تواصل المضي في طريقك غير ممتثل للاخفاق اذا صادفك مرة؟؟
هل تفعل شيئآ لازاله مخاوفك واسباب قلقك؟
هل تعتقد ان في استطاعتك ان تبذل مجهودآ اكبر مما تبذله الآن؟؟
 "ملحوظه"
الاسئله مطروحه لكم الحريه
:) وليس يشترط الاجابه عليها في كومنت 
فذلك يرجع لراحتكم الشخصيه 
:):) دومتم دائمآ بكل خير وسعاده
 

 

هناك 27 تعليقًا:

  1. جميل البوست يا رنا
    أنا بردو بكره حاجة اسمها فرانكو أرب
    وبمناسبة ألف رانا.. أنا عندي واحدة صاحبتي اسمها كده في شهادة الميلاد ومقصود إنه يكون كده، بتقول إنه متاخد من لغة تانية ومعناه "الجميل" أو حاجة شبه كده غير معنى رنا بالعربي اللي نعرفه

    ردحذف
  2. نسيت أقولك
    "لو لم أكن كده لوددت أن أكون كده"
    عبقرية العبارة دي :)

    ردحذف
  3. بصي يا رونا يا عسوله انت
    والله ما في اجمل من اني الواحد كده يبقى سنجل على الاقل ميشلش مسؤليه
    عارفه اكيد هتقولي هي علشان خلاص اتجوزت بتقول كده
    لا والله هي ديه فعلا الحقيقه
    انا اقبل ما اتجوز كانت البنات اللي اتجوزت يقولولي كده بس ما كنتش بصدق
    وعلى فكره احسن حاجه انك تقولي اللي انت شيفاه من غير مجامله حتى لو هتزعلي حد منك
    ربنا يوفقك يارونا وتلاقي نصفك التاني
    ونصيحه مني لو تقبليها
    اوعي تقولي اي حد وخلاص انت اتنكي واشرطي واختاري عريسك اللي يستهلك بجد
    تحياتي لكي يا قمرايه

    ردحذف
  4. الفرانكو اراب دة خنيق خنقة السنين بجد
    حاجة شلل
    اما بالنسبة للأسئلة هافكر فيها و جايز اجاوبها و جايز لأ
    تحياتي

    ردحذف
  5. جميل النوت دى

    ردحذف
  6. انا كمان مبحبش الفرانكو بالذات لما الاقي حد كاتب موضوع تعبير بالفرانكو
    ياخرااااااابي ببقي عايزة اعضه

    عجبني فضفضتك عموما
    سواء ع الاسم ولا العريس ولا القسوة المليانة بالحنية اللي حستها في كلامك

    ...

    المقولة روعة
    والاسئلة كمان

    واديني فرصة اجاوب بقي لاني بحب اكتشف نفسي هنا ههههههههه

    هل تركن لحكمك علي الاشياء ام تركن لحكم الغير عليها؟

    حكمي + حكم الغير يعطيني الصورة كاملة !

    هل تري ان في امكانك ان تساهم في جعل العالم مكانآ افضل للعيش؟؟

    اكييييييييد
    كل بني آدم خلقه ربنا ليه دور في تطوير وتحسين الحياة !
    بس ازاي نكتشف دورنا ايه ؟ هي دي المشكلة !

    هل تحتفظ ببشاتك واتزانك في الوقت الذي يفقد فيه كل من حولك بشاشتهم واتزانهم؟

    احيانا

    هل تواصل المضي في طريقك غير ممتثل للاخفاق اذا صادفك مرة؟؟

    نادراً :(

    هل تفعل شيئآ لازاله مخاوفك واسباب قلقك؟

    بصلي وبكلم ربنا وببكي :(

    هل تعتقد ان في استطاعتك ان تبذل مجهودآ اكبر مما تبذله الآن؟؟

    نعم ولكن دايما في شئ من الكسل :(
    من اضخم عيوبي الكسل فعلا :((

    ووووووووووو
    بـــــس كدا
    وآخر كلامي سلام للقمر:*

    ردحذف
  7. والله انتي جدعة

    بلا جواز بلا وجع قلب

    بس انا مبسوط انك مش بتحبي تقدمي تنازلات

    ثانيا

    احساسك بالمسئولية عالي جدا

    ردحذف
  8. الفرانكو وما ادراكي ما الفرانكو :S ما بطيقوش بس مفروض علينا من بعض الاشخاص -_-

    ~~~

    لو لم أكن كده لوددت أن اكون كده

    صح كده ;)

    ردحذف
  9. هههههههههه والله انتي عسل

    والاسم من غير ألف هو فعلاً كدة مين بيحط ألف إعترفي ههههههههه

    على فكرة عجبتني أوي سينجل بلا جواز بلا بتاع الواحد يكبر دماغه أحلى نصايح واو اهي ههههههههههههه

    بوست خفيف ولذيذ بجد كدة ذي لولم أكن كدة لوددت وأن أكون كدة هههههههه

    امواااه دي عشانك عسولة

    أول زيارة
    خدي دي عندك بئا ههههههه
    ولن تكون الأخيره

    ردحذف
  10. الاخت رانا غصب عن اللغه العربيه ههههههههههههه
    شوفى والله ما بتهمنى الاسامى المهم الجوهر والى جوه وطالما الى جوه ابيض تبقى الاسامى ولا فى الدماغ وبعدين اجمل شىء ان البنت اول حب ليها يكون جوزها هتحس بطعم الحب الحقيقى لكن على شان تحب فى كل سنه دراسيه واحد زميلها تبقى مش هتخلص دراسه ههههههههههههه
    بوست جميل وكلماتك يا سينجل خفيفة ورقيقه ودمها خفيف سعيد هنا اتمنى ان تسعدى بحياتك تحياتى ابوداود

    ردحذف
  11. بقى ممل اوووووى الفرانكو ده
    خلى الواحد العربى بتاعه باظ والانجليزى بيطير معاه اهو

    هى فتره السنجله دى على فكره بتبقى تحفه
    واكيد ربنا شايلك الاحسن ان شاء الله

    خليكى صريحه زى ما انتى ومش ليكى دعوه بأى حد
    لو مشيتى على دماغ اللى حواليكى هتخسرى رأيك وتفكيرك انتى

    ردحذف
  12. حلوه الصراحه مهما كانت محبطه

    والفرانكو ده موضه هياخد وقته بس مش اكتر

    والسنجله جميله لأن فى الاخر اللى عايزه ربنا هيتم يبقى بلاها وجع قلب وخليكى فى السنجله

    اما بالنسبه للأسئله مش ناوى اجاوب

    انا اول مره ازور المدونه وان شاء الله مش الاخيره

    تحياتى

    ردحذف
  13. لعلمك بقى انا جاى مخصوص النهارده

    علشان اكتب رانا واشوف بقى حتعملى ايه .... هههههههههههههه

    ...

    صباح الخير رنا

    بصراحه كدا وعلى بلاطه

    مدونتك زى الشهد

    لا .. شهد ايه

    هى اشهى والذ ..

    وبعد إذنك .. سوف أُكرر الزيارة


    تحياتى

    ردحذف
  14. السلام عليكم
    تحياتى
    طبعا لا ارتاح لحكم الآخرين على الاشياء وخصوصا هذه الايام اللى تطلع فيه اشاعه والكل يجرى حواليها
    لازم الواحد الفكره تدخل دماغه وبعدين يلففها فى دماغه وتدخل فى نخاشيشه وتطلع تانى والواحد يدوخها شويه فى دماغه وبعدين يحكم على الشيئ
    يعنى العقل النقدى احسن من العقل النقلى

    اما يا ست رنا انا لو كنت يعنى مش سنى 60 سنه كنت جيت وبربشت لك عينى وانت على طول تقولى الحقونى بالراجل ده واعمل لك رمش ما حصلش وهو يعمل كل شغله بقى معاك .. الا ليت الشباب يعود يوما فاخبره عما فعل المشيب
    تحياتى

    ردحذف
  15. وكالعاده سوري انى بتاخر في الرد :)
    اصلي مش بعرف اعلق غير وانا رايقه :D


    لبنى حبيبتى ربنا يخليكى ياقمر وجودكم هو اللي بيحلى اى بوست بجد :)

    بالنسبه لاسم هو في فرق في المعنى علي ما اعتقد فعلا رانا تعنى الجمال اما رنا فهى بتيجى من الصوت بس في الاخر هو اسم بيدخل علي الصوت سواء دة او دة

    نورتينى لبنى كتير :)

    ردحذف
  16. ريري حبيبتى

    يافهمنى انت يافهمنى :)

    لاء انا مش هقول علشان اتجوزتى قولتى كدة بس فعلا انا بحاول استمتع بحياتى سينجل لانى اوردى متحمله هنا البيت مابالك بقي ههههههههههههههههه

    وحاضر هعمل بنصيحتك لانها عجبنى جدآآآ

    منورانى دايما يا ريري بجد :)

    ردحذف
  17. احمد
    واضح ان كلنا مخنوقين خنقه رهيبه ههههههههههههههه

    مش مهم يا احمد هى اسئله شخصيه ليكم انتم والمهم انه اكبد انك نورت المدونه :)

    ردحذف
  18. خالد ناجى

    منورنى دايمآ يا بحار
    شكرآ ليك :):)

    ردحذف
  19. ريمو حبيبي :)
    ردودك حلوة اوى بجد
    وعجبنى صراحتك :)

    نورتى بجد هون ويارب دايمآ منورانى كدة :)

    ردحذف
  20. استاذ سواح :)

    اولا مبسوطه ان حضرتك نورتنى هنا :)

    ثانيآ طيب مبحبش اقدم تنازلات وحضرتك عرفتها من البوست انما احساس بالمسئوليه دى جيبتها منين انت مكشوف عنك الحجاب ولا إيه؟
    بس هى عمومآ فعلآ صح

    وبلا جواز بلا وجع قلب دة عن تجربه هههههههههههههههههه

    ردحذف
  21. هبه :)
    وانتى جدعه كدة
    والله ولا انا احنا شكلنا هنعمل مدونه جماعيه لكارهي الفرانكوا ارب
    ونعمل مدونه مش عايزين نتجوز بالمرة

    نورتينى هوبـــــا;)

    ردحذف
  22. هنان:)
    والله انتى اللي عسل ومدونتك اعسل
    مجاليش شرف لسه اعلق بس في يوم رايق هدخل واظبطك اكيد

    اللي بيحطوا الف كتير مكان الكورس بتاعى صمم انى الف اول ما دخلت الكليه كل ماحد يكتب اسمى يقولى احنا اتعلمناه في الف ههههههههههههههههههههههه اعمل انا ايه ابقي ماشيه بالبطاقه وشهاده الميلاد علي طول يعنى :)

    اولا مرسي علي البوسه الجميله دى
    ثانيا يارب فعلا ماتكون اخر زياره
    ثالثآ انا بحب ادخل في الجد علي طول ميلك وفيسك وكل حجتك تكون عندى ههههههههههههههههه

    رابعآ نورتينى كتيييييييير كتييير يا هنونه ;)

    ردحذف
  23. استاذي الفاضل ابو داود:)

    انا ملاحظه كدة في عند في الكلام لالالا ياجماعه طب خلوا الكلام دة مع الناس الغريبه وعموما حضرتك بس علشان خاطرك اكتبها باللي يريحك
    انا بعلق علي اللي بيصمموا ان في الف لكن كتبوها كدة وعدت خلاص انا ديمقراطيه خالص :):)

    شكرآ ليك كتير واتمنى ان تسعد انت الآخر بحياتك
    بخصوص حب الجامعه فدة من الاخر النسبه الاكبر والاعم لعب اطفال :):)

    استمتعت بافكارك لانها شبهه افكاري لاتحرمنى من وجودك دائمآ
    ونورتنى يا ابو داود:)

    ردحذف
  24. دينا :)

    والله ليكى وحشه انبسط لما شوفتك هليتى كدة تانى

    بصي انتى عندك حق في كل كلمه قولتيها
    بخصوص فتره السنجل انا خالص اتفقت مع هبه نعمل مدونه تلم كل الناس اللي اوردى سينجل واللي عايزين يرجعوا سينجل واهو حاجه تطلع الكبت اللي جوانا هههههههههههههههههههههههههه

    منورانى دايمآ يا دودو بجد:)

    ردحذف
  25. اسلام :)

    عايز الصراحه اكتر اكتر حاجه عجبتنى انك ضربتها وش مش هجاوب علي الاسئله هههههههههههههههه

    بس اللي عجبنى اكتر انها مش هتكون الاخيره خلينا صادقين وكفايانا رياء هو دة المهم انك تنورنى تانى هههههههههههههههههه

    وشكرآ ليك ونورتنى :):)

    ردحذف
  26. الجوكر :)

    انا اول ماقريت اسمك قولت هيبقي في عم ايوب بقي وهنشقي وهنتلابط ههههههههههههههههههههه

    طب لعلمك علي فكرة انا قابله يلا ها خليها عليا :)

    شكرآ لراي حضرتك بجد في المدونه

    واكيد بدون اذن حضرتك تنور في اي وقت يعنى بس ابقي ادى البواب اللي قاعد بره اى حاجه كدة علشان بس يظبطلك القاعده ويرش المكان ويروقه كدة يعنى :):)

    نورتنى ياجوكر :):)

    ردحذف
  27. وعليكم السلام ورحمه الله وبركاته:)

    استاذي وسيدى الفاضل عمو فشكول
    واسمحلى اقلك عمو :)

    والله دة يبقي شرف بس لو غمزت يعنى

    المقطع الاول بجد حضرتك جيبت المفيد ومن الاخر
    وفعلا لو كل واحد خد اشاعه او موضوع مسلم بي ومشي علي اساسه وغيب عقله يبقي كدة هيبقي ميفرقشي كتير سوري يعنى عن الحيوان اللي بلا عقل وانا بصراحه مبعرفشي اعمل حاجه غير لما بوزنها صح :)

    نورتنى استاذي العزيز :)

    ردحذف