2011-10-08

جدار...... وسد



جدار وسد وبينهم جرح مابيتهد
ضحك وجد ودنيا عمرها مابتضحك لحد
وثقب في جدار القلب
بينبض علي دقه حب
وسكوت بيبص لصمت الكلام
نفسه يبطل اوهام
دة الثقب مسيرة يكبر ويبان قوام
وليل بيغيم علي النهار
وسحاب بيطلب من المطر ينهار
والارض بتستغيث محتاجه ضل الاشجار
والبشر زي ماهى مش محتاجه استفسار
بتقضي حياتها في محاوله الاختيار
ودة شئ في منتهى الاحتيار 
******************************************

 

جدار وسد وبينهم واصله شوق بتتمد
انبوبه اختبار وبتتسد
تخاف تنفتح لتنفجر في حد
وعيون بتسهر في سكون الليل
وقلوب لهفتها تشوق الشوق
وشمس بتشرق في الشروق
وبين حياة وحياة في شقوق
تركها الزمن تعلم علم
ودة شئ في منتهى الآلم 
*************************************
 


جدار وسد وقلوب عشقت الحب
ترفرف العصافير علي ضاحكه صافيه بجد
ونجم بيوعد القمر باجمل وعد
يشهد عليه الليل الايادى يتتمد
وسعادته مالهاش حد
نور ضحكته مالي الشقوق
طفا كل الحروق
اياد شمعه في كوحله ليل
خلي العيون تتمايل ميل
وقلب يرفرف يجناح طير
شاف الحريه وعرف الخير
جدار وسد وقلب حب الحب
لاهيعرف يهد جدار
ولايبنى سد ويحتار
عرف معنى الحب واخيرآ اختار
حبيب من الاخيار...


التلاته متفرقين بس انا جمعتهم كانهم حدث واحد 
كتبتها بتاريخ

13/12/2009


هناك 6 تعليقات:

  1. وسحاب بيطلب من المطر ينهار
    لا لا لا الجملة دى انا فضلت اقراها كتير اوى اصلا
    عارفة تحسى ان كل جملة اصلا محتاجة بوست كامل تتكلمى عنها

    نور ضحكته مالي الشقوق

    حلوة اوىىىىىى دى بجد
    عارفة لما تحسى انك بتقرى كلام بيوحيلك بالنور قدامك كده
    الجملة دى حسستنى كده بالظبط اصلا

    حبيب من الاخيار...
    نفسى اختاره بقه يا رنا
    عاااااااااا
    ههههههههههههههه
    اكيد مش محتاجة اقولك ده البوست تحفة يجنن فظيع رهيب
    انتى عارفة بقه ;)

    ردحذف
  2. كلام حلو اووي يارونا

    ردحذف
  3. لوزة علقتى علي اكتر جملتين فعلا انا بحبهم ووراهم كلام كتير كتير

    والله كلنا عايزين الخيار دة حتى لو طماطم عادى يعنى احنا بنتاقلم ههههههههههههههههه

    مبسوطه انها عجبتك موهتى وانك حسيتى من جمله نور ضحكته مالي الشقوق
    بالشعور الحلو دة
    منورانى دايما هوتى والله

    ردحذف
  4. ريمو وجودك محلى التدوينه

    ربنا يخليكى ليا ياقمرايا :):)

    ردحذف
  5. جميله

    وتظره كانها فعبلا واحده مش تلاته

    :)

    ردحذف
  6. ربنا يخليك يا بحار :)

    ماهو دة من ضمن الروقان برضوا :)

    ردحذف