كلـمات مــن نبــع احساسـي

2012-11-14

انا عارفه الحاله دي

انا عارفه الحاله دى كويس اوى لدرجه

انا بقيت انسجم معاها

حاله بلوجر وهو فقير من وجود اشخاص

بعزهم جدا وبعز كتاباتهم ووجودهم

الحاله اللى انا فيها دى

وانا بتفرج بسرعه على اللي فاتنى

بس مش عايزة اتعمق

ومش عايزة اعيش مع كل اللى بقرأة

الحاله اللى بحس فيها

انى مبعرفش اكتب

او كمان اكتر

مش عايزة اكتب اساسا

حتى البوست

دة تقيل عليا اوى كتابته

بس مدونتى وحشتني جدا

الحاله اللى بيبقي حواليك ناس كتير

وناس بتعيد عليك علشان العيد

وعلشان عيد ميلادك

وفي اشخاص حواليك

وفي ناس كتير حلوة

بس في ناس وحشه بتقريف المود

وفي جو عام مش وحش

بس انت ناقم ومتعرفش ليه

مش بتفكر غير في اللى ناقصك ومفتقده

مش لانك مش راضي

ومش لانك بتبص لنص الفاضي

لان فعلا نصك المليان اصبح هو كمان فاضي

كل دة مش ملى فعلا

لان متطالباتك اصبحت اكتر

طموحاتك اصبحت اكبر

وكل شئ بتفكر فيه وعاجز عن فعله

هو دة اللى مخليك تشوف كل الكوبايه فاضيه

في دوشه بس انت مش مدوش

انت مصدع ومتكركب ومتفرفت

في بهجه وانت بتضحك

بس لان معندكش خيار اخر

لان الاخرين معلقين فرحتهم

علي فرحتك

فلازم تنبسط

لازم تزقطط

لازم تفرح

لازم تكون تمام

بس هل انت فعلا تمام

ساعات كتير ببقي عايزة

اقول لناس اعرفهم انا عارفه

اللى انتوا فيه دة وهتعدى

وهتضحكى على نفسك واللى بتعملى

بس لو قولت دة

كانى بفوت عليهم رحله المغامره

وتجربتها

بجد ببص ليهم بشوفنى

وبضحك على عقلهم

وبضحك على عندهم

وبضحك احيانا انى

عرفت انا كنت ازاى ساعتها

وبقول بكرة هتعدى

بضحك اوى لما حد طيب يحاول

يبقي شرير كده

قال بيجرب تجربه جديده

او مل

بس في النهايه كل

الافعال بدل على طيبته

من يومين حد قالي في ستين داهيه

من هول الموقف انا كنت بضحك

ونفسي اشتم

بس انا كنت عارفه لما هوضح

الشخصيه دى هتكون مكسوفه جدا

لانه كان سوء تفاهم

هل هكتفي بكده لأ طبعا اقابلها بس

وهتشوف الداهيه بعينها

بس بيجد انا اتقالى في 60 داهيه

دى جراءه مبالغ فيها

هههههههههههههه

ودى الحاله ببقي فيها عايزة اكسر حاجه

واكسر اللى قدامى بس اخلاقي بتمنعنى

انا عارفه الحاله دى

لما بقرأ علشان افكر نفسي

انى بعرف اكتب كلام زى دة

علشان مخى مش يقف

انما في الحقيقه

انا مش عارفه افهم الكاتب عايز ايه

خلطته معملش كتاب ليا مخصوص

اسمه الحاله دى ليه

حاله عدم الاستمتاع باي شئ

بكرها بيجد بفوت على نفسي حاجات

حلوة بسبب الحاله دى

وفي الحاله مبقاش عايزة اعرف حد

ولا حد يعرفنى

بس بضطر علشان محدش يزعل منعزلش

الحاله دى تقريبا مش هتتعدى بسلام

الا لما احقق اللى انا متنرفزة انى مش بحققه

وعلشان احققه محتاجه يجى تلت سنين كده

محدش يجى جنبي ويقولى اى حاجه

الى صديقه افتقدها قريبا

فقدها في زحمه الحياه

الى من قالت لى ما فعلتى

خطأ

احب اقولكم انتوا الاتنين غلطانين وانا كمان

لاننا جميعا مستفدناش شئ من اللى حصل

هتقولوا ليه

ارجع اقولكم ما انا عارفه الحاله دى

^_^

عند مبالغ فيه من كل الاطراف

ههههههههههههه

انا لسعت من موضوع الحاله دة

وحاسه حكيم هيطلع يغنى هى الحاله ايه

:)))

المهم في النهايه

عيد سعيد يـــــــــــــارب

عليكم كلكم وعلى اسرتكم

^_____^

2012-09-23

عجيبه مطروح

وحشتونى جدااا جداااا
الفتره اللى فاتت كتير بيسالونى كان في ايه
كان فيه انا والحياه واحداثها واصدقائي مظلومين معايا
كان فيه الطبيعي للي يعرفونى ولا اللى ميعروفنيش استغربوا
كان فيه كل حاجه مشاكل مع روتين مع جنان مع شغل عبط مع كذا حاجه كان في انا بكل حالتى

وكان في مسابقه مشروع كتاب ال 100 تدوينه
كان شئ خيالي انى الحق اشترك فيها لانها كانت في نص رمضان
وانا من نص رمضان انقطعت عن العالم
والاصعب اختيار تدوينه ابعتها ليهم ولكن مدت الى العون صديقتى قبل مده من بدء المسابقه واشارت باصبعها لتدوينه بذاتها
كما اشرت انا للتدوينه لديها كنت متاكده تمام التاكد لو اشتركت بها ستنجح نجاح ساحق لاختلافها وتميزها
ثم انشغلت في الحياه مرة اخرى ولم اتحدث مع احد اخر بشأن ماذا اختار واستيقظت على بقاء يوم واحد على التقديم في المسابقه
وبدون تردد اخذت التدوينه التى اشارت إليها صديقتى
ووضعتها وأنشغلت تانى في الحياه
وانا في السفر نزلت اسامى اللى عدوا مرحله التحكيم
وكانت هى صاحبه تبليغ احلى خبر ليا :)

فكانت التدوينه تجرع المراره
والصديقه آيه اللى حكمت في الخواطر
وتدوينتها التى ظلمها تحكمها فيونكات فلم تدخل معانا
وكنت ممتنه للقدر الذي جعلنى لا اتردد فيما اشارات اليه به

والان مرحله التصويت اعتقد انها ستظلمنا جميعا من جمع اراء المدونين اللى اشتركوا العام السابق في ابجديه ابداع عفوى الذي لم الحق به
ولكن في نهايه اول يوم تصويت حاسيت بروح المنافسه عجبتنى اللعبه فعلا هههههههه اة والله :)

هذه هى تدوينتى المشاركه
http://100posts2-votes.blogspot.com/2012/09/blog-post_21.html

لا اطلب تصويت لمجرد الفوز انا اطلب الرأى اولا في التدوينه بقي
ايوة شحات و بيتأمر ^______^ هو كده بالظيبط

2012-09-17

افــتــقــــــاد

ستعرفونها وسط أساطير الحكايات حكايه مازالت تسرد
تهدى إليكم أمالها وأحلامها وتسرد إليكم أيامها
تدعوكم لفرح لكنكم ستشاطرونها بعض الحزن احياناً
ستعرفونها بذاك الفستان الناصع الألوان
وألوانه تملئ وجهها بضى الشمس
تداعبها فتهاودها ثم تشد بطرف فستانها
وتشرد ... تراه موجودً في حياتها
له دور ... يحتضنها ويقف بجانبها
تفتقد أحساسه وهو لا يفتقدها
قالها لها ذات مرة اعتبرينى ميتاً
واعتقدته هو أيضا يداعبها كالشمس
وحينما كبر فستانها وكبرت هى
واختفت الالوان من فستانها
وعيت من غفلتها شاطرت نفسها احزانها
واغلقت عليها واغمضت عينها كى لا تراه

مره تلو الاخرى يردد ذات الجمله

كانت تعتقد انها أبنته وكان يعتقد ان الاشياء البسيطه

التى يفعلها يخفي بها عدم وجوده في حياتها
!!! لكنها دائماً كانت تشعرأنها يتيمه الاب