كل يوم بصحي وبكمل وبعيش علشان معنديش حل تاني غير اني اكون قويه وقد نفسي وحالي ....
يومي كله شغل وبيت وكلام يومي مع اقرب حد ليا وشفل الفريق الحاجه الوحيدة اللي ربطاني بي اني اقدر اساعد الناس من البيت وانا قاعدة ومن خلف الشاشه بخلاف كدة مكنتش هكون قادرة استمر ...
قاومت كتير وحاولت اتواجد مع اللي احب اقضي معاهم يوم ولو حتي في الاسبوع كتير قالوا ليا مامتك مزودها وبتتحكم بشكل غلط فيكي
بس انا عمري ماشوفتها ولا حسبتها كدة ودي امي طلعت لقتها كدة مش هاجي بعد كل تضحيتها اعيبها مينفعش
لذا انا ملتزمه بقواعدها ومبخرجش ومبشوفش اصدقائي غير كل فين وفين ... بس كل اللي بيضايقني اني دايما بتحاسب علي اللي ماليش يد في ماما مش بضيقها عليا من وجهه نظر الخوف والقيود انما من وجهه نظر نفسيه بحته..
في اماكن كتير نفسي اروحها ومينفعش تتراح غير مع ناس معينه كلها في دماغي مبكتبش ويش ليست لاني بعتبرها حاجه هتفكرني دايما اني مبحققش حاجه واني مقيدة ودة هيتعبني اكتر من دماغي اللي مش بتنسي ولكني بعيش دايما في محاولات دايما لتناسي ..
في فترة انت بتحب تفضل تحس بالألم اللي جواك بدون ماتخرجه لبرة انا انسجمت جدا مع الفترة دي ومع عذابي لنفسي كنت عارفه ان الورقه والقلم هيخرجوا مشاعر وحزن كتير بس مبقتش حابه اخرج الكلام دة حبيته عايش جوايا اكتر حبيته يألمني من جوة ويفضل يفكرني بأخطائي محبتش اني ارتاح انسجمت معاه زي ما بنسجم مع اي وضع كان في حياتي.
الجملة الشبهه دائمه انا بعمل ايه هنا
لسه ملقتش ليها اجابه وغالبا مش هلاقي
رعايه الاهل نعمه عظيمه
ردحذفورافع من على كاهلنا مسئوليه احنا مش قدها
اصدقائك معذورين فى حكمهم وكلامهم
بس لسؤال ليكى
مين فيهم حكالك عن مدى تحكم اهله فيه او فرض ارائهم عليه او حتى عن اى من عيوب اهله
اكيد اهليهم فيهم البخيل .. والعصبى ... والغير مهتم ... والمشغول ... والتافه كمان
لكن محدش فيهم حكالك عن ده
انتى بس الى شفافه وبتحكى علشان كده كان حكمهم
ممكن هى بتعترض على خروجات او رحلات
لكن غير بيلاقى اعتراض حتى على تعليم او دروش او حتى اكلات يمكن غاليه شويه بس هما محكوش ليكى عليها
احيى فيكى برك لواتدتك انت متربيه كويس
البوست حلو واسلوبك فى الكتابه رائع
تحياتى
....
اشكرا جدا ع كلامك دة
حذفوشكرا لمرورك
صعب اوى الانسجام مع الألم
ردحذفوالتكيف معاه
انا من رأيى حاولى يكون فى حوار بينك وبين والدتك
احكيلها عن كل اللى جواكى
احلامك
خوفك
طموحك
ألمك
حزنك
يمكن تقدر تتفهم ده وتغير وجهه نظرها
وبعدين متبعديش كتير عن مدونتك ودونى فيها كل اللى جواكى
هتلاقينا هنا بنشاركك مشاعرك كلها
تحياتى
بصي المسألة بتكون حياة وتعود
حذفانا اتعود انسجم مع اكثر الاشياء ايلاما
ودة خلاني اعرف اعيش ليومنا دة
وبرضوا مع محاولة اني انفذ حاجات كتير
واعمل حاجات مختلفه
واهي ماشيه :)
وربنا يخليكِ ع كلامك