2012-03-19

فضيحه بلوجيه


الخط واضح اهو 
وكبير كمان
للناس اللى بتتعمى من الوانى السابقه
^_^

ايوان انا بصدد فضح 
ناس هون اهو
نياهاهاهاها
الفضيحه قد تكون عباره
عن تكهنات ناس اعرفهم من خلال البلوج بس
وناس عرفتهم وكلمتهم واحتكيت بشخصيتهم

نبتدى بمين نبتدي بمين
هحط لينك مدونه كل حد بتكلم عليه
علشان تكونوا علي بينه ان
هو دة اللى بتكلم عليه او عليها
شريره انا اوى 
:)
وبعدم ترتيب كدة وبعشوائيه 
 نقول
استاذنا ابراهيم

سالزيادسو

الاول مبروك علي

سولينا

اللى خلت اسم المدونه

بقي عجيب كدهو 

 كنت سئلت حضرتك

سؤالين

الاول حضرتك بتشتغل ايه ورديت

قلتلى انك بتتسئله كتير

ومش عارف ليه

بالنسبه ليا انا كنت متحيره

انك تعرف شخصيات عامه كتير

وبتكلم عن اكتر من حاجه اتلخبطت 

وحضرتك مذكرتش انك صحفي

قبل كدة

 فكان عباره عن فضول

وحب معرفه يعنى هو ازاى فين إيه

وبس

السؤال التانى اقولك إيه؟

فحضرتك حيرتنى 

محسمتش الموضوع

انا قررت اقول لحضرتك

يا خالو لان الخال والد 

:) برضوا

عن خالوا ابراهيم اتحدث

تقريبآ واحلى حاجه ان هو

عمل مدونه متاخر

ودة سمحلى بمتابعه اكتر

لان بصراحه مينفعش بوست ينزل

لكبيرنا وكبير الكوميديا هون

ومروحش اقراه

فعلا بدخل احس انى دخلت

فيلم كوميدى مصري اصلي

كدة :)

رغم انه بيضحكنا كلنا

بس بحسه اوقات كتير انه جواه احزان

بسبب الحياه واللى احنا فيه

وحاجات اضافيه

بس هو مبيخلناش نضايق

وبيقول كل مشكله بشكل ساخر

يخليك بتضحك لحد العياط

وكدة يبقي حقق الاتنين

والمعادله الصعبه كمان

ربنا يخليك لينا يا خال

وتعيش وتضحكنا

وتعيش وتعمل كومنتات علي بوستاتى

تفرحنى كدة 

^_^

_______________

الشخصيه التانيه

عمو فاروق

قصص قصيره

احم احم

صراحتا معرفه حضرتك وبنات حضرتك

كمان كانت كنز ولو انى اعرفكم

من خلال البلوج بس

اضفتم الي الكثير

وبجد كنت فاكرة ان زمن الفن

الجميل انتهى بس معاكوا

بحس باحياء لي

بس علي تطور شويه

ربنا يخليكم لبعض ويحميكم

جدآآآآ
عمو فاروق 

بحس حضرتك طيب جدآ كدة وفي نفس الوقت

عند اللزوم بتقوى كدة وتثبت شخصيتك

بس طيب جدآ وبتحب اللمه ومش بتحب تشوف حد تعرفه

زعلان او مضايق او مخنوق

استاذه هبه دائمآ مواضيعك مضحكه  ومبكيه

في نفس ذات الموضوع

اعتقد دة راجع للمسه الهدوء والحزن اللى

بحسها منك كتير

كارولين 

مع انك تبانى هاديه كدة 

وذات عقليه واعيه وذكيه ومثقفه

بس بحسك كتير فيكى شقاوة ومواكبه 

كدة وعندك حس فكاهى عالى جدآ

 

بجد انتم ثلاثي اعجازى

ربنا يحميكم

________________

الشخصيه التالته

 استاذ خالد

 سواح في ملك الله

مؤخرآ كان ليك موضعين الصراحه

مرضيتش اقولك جاين علي الجرح ازاى

المهم نتكلم في الصميم بقي

صراحتآ برضوا من الشخصيات اللى

لو نزل ليها موضوع لازم اقراه 

وانا واثقه انك هتعمل محاكاه

لشئ معين بشكل بسيط بس يعجز

عن كتابته اى حد غيرك بالاسلوب دة

بتبان انك بتضحك كتير وبتهرج

بس كتير بحس برضوا انك جواك هم

غير معلن عنه

ودة كلنا بنعمله 

بس انت بتجيد دة بشكل حرفي اكتر

بروفيشنال يعنى هههههه

تحياتى لقلمك 

وكلامك التشجيعي دة ليا

كفايا كلمه فيلسوفه دى

^_^
_____________________

نقول مين تانى

اختار حد اعرفه بقي

الشخصيه الرابعه

روش بقي

خواطر مع الحياه

بيجد معرفتك كنز وكمان اول مرة

اتعرف اوى علي حد هون مش مصري

خواطرك دى مش مجرد خواطر بتكلمى

كدة عن كل حاجه ممكن تتعلق باي اتنين

بشكل جميل ويمزج كدة

شخصيه روش بقي

روشا بيجد حد جميل ورقيق فعلا

زى ما بتبان في البلوج

بس كمان بتمتلك شقاوه وخفه دم 

وعقل كدة يخليك طاير بيها

من الفرحه

مبسوطه بمعرفتك 

وفضحتك معرفشي هتعرفينى تانى ولا لاء

بس روش الرومانسيه اوى دى 

عندها نسبه واقعيه اكبر 

بتخفيها 

 __________________

الشخصيه الخامسه

ميروا

احلام قيد الانتظار 

مدونه جديده من شهر

لسه داخله عالمنا

بس تستحق ان تتواجد

في آل بلوج وبجداره

كانت فاكرة انى بساعدها تعمل

المدونه لله في لله

بس الحقيقه انا كنت باخد فيها ثواب

ههههههههههه

لاء والله انا حلفت لما عرفت بلوج متاخر

وقعدت شهر اظبط واتوه شويه

انى هساعد اى حد عايز يعمل بلوج

ومش هسيب يحصل معاه اللي حصل معايا

وكان عليها

ميروا شخصيه جميله من جوة ومن برة

قلم مميز

بتحاول تكون اجتماعيه كدة وتهرج

بس هى شخصيه هاديه 

وراكزة عكسي ههههههههه

رومانسيه حالمه 

بس بيجد اتشرفت بمعرفتك وفضحتك يا ميروا

ربنا يستر محدش هيعرفنى تانى

__________________

الشخصيه السادسه

ريماس ريموسه

نافذه حلم

بيجد يعنى يا جماحه البنت دى مشكله

انا مش مستغربه الكل بيحبها ليه

هى جامعه بين الشقاوه والرومانسيه

والعقل وخفه الدم والروشنه وكل حاجه

سعوديه بس تحسها مصريه اصليه

من كلامها معاك

كفايها دخلتها وتعبئتها لمكان

بالغاردينا

دى تكفي

بس بقدر رومانسيتها وقلبها الابيض

بحسك شخصيه قويه كدة 

ولو قلبتى او جبتى اخرك بتعضي

هههههههههه

لاء مش هقولك اتشرفت بمعرفتك بقي

ها ههههههههه

هقولك سعدت بتواجدك في الفريندز عندى

علي الفيس يعنى كفايا الواحد يقرأ

كلامك وينام علي الحب دة 

آة يانى تعبتونى  :)

__________________

الشخصيه السابعه

 نينو 

نيلي عادل

شخبطه

عرفتك من حمله تدوين

كانت ايام جميله

واحده واحده ابتديت اعرفك

وبعدين في الاول كنت بقرأ عادى

بس بعد كدة اكتشفت

انها بتضحك علينا

وبتخدعنا في البلوج بتاعها وكلامها

كاتبه شخبطه وهو كلام تقله دهب يعنى

بتضحك وبتغشنا ههههههههه

اعترفي بقي الكلام دة بيجيلك امتى

علشان اقطع عليكى واخده

ههههههههههه

نينو تبانى من كلامك ولغتك كدة

عاقله ومتزنه كدة

بس حساكى في الواقع شخصيه هاديه

بس فيكى شقاوة كدة 

وخفه دم  وعقل اكبر من سنه

معرفش محتكتش بيكى كتير ليه

بس هجيب السبب عليكى

واقولك انا احب اللي ينكشنى وانكشه

مش نكشتينى ليه بقي

علشان كدة بحسك مش بتحبي التدخل

وبتخافي تفرضي نفسك علي الاخرين

وعلشان كدة بتعملى في صمت

تقرأى وتفهمى وتفسري بس من بعيد

:)

انتى من الشخصيات بقي

اللى بقعد ادعى ليهم يارب كتاب

يلم كلامها بقي يارب

يا فرج ابعتلها رزق

علي راي منى زكى

دار نشر تنتشلها كدة 

هما عميوا

هههههههههه

سعدت بدخولك حياتى الدخول الهادى

دة :)

__________________

الشخصيه الثامنه 

هتموت وتعرف هقول إيه عنها

مستنيه اسمها يجى

آيه

شئ سيبقي بيننا

الاعتراف بالحق فضيله

اول حاجه شدتنى لمدونتك اسمها علي اسم ديوان

لفاروق جويده :)

ينفع كدة بتخدعينى يعنى

بس لما دخلت مصدقتش ايه يا جماعه

دة احنا مبنكتبش بقي

احنا بنهبل الله ايه المفردات والكلام الجامد دة

بسم الله ماشاء الله يعنى

حاجه تفرح 

آيه اللى اتخبطت

بس مش من ورايا علي يدي 

ههههههههههههه

كنت سعيده لما كلمتك وقتها قلبي

دليلي كالعاده انا فظيعه رهيبه

عارفه عارفه

بيجد انتى تستاهلى كل خير

للعلم بقي يا جماحه

من بابا ان آيه متواضعه

 متحبش تكلم عن نفسها

هى مبدعه الي حد كبير

آيه علمت اطفال عندها 3 ونص و4 سنين

ازاى يقرأو القرآن صح والاحاديث

وحفظتهم اسماء الله الحسنى

البنت بيجد بتربي اجيال

شخصيه يويو بقي

سوف تجدها علي البلوج ومن كتاباتها

شخصيه حالمه وهادئه ورومانسيه كدة

في الواقع الصوتى والفيسي لها

حد صوته يبهجك كدة ومتواضعه زى انا ومها بالظيبط

ههههههههههههههههه

وبيجد شخصيه عاقله ومتزنه وعندها حس فكاهى

كدة لذيذ بس كله علي الهادى برضوا

متختلفش كتير عن هنا بس بشويه

شقاوة علي لامضه وتواضع كدة 

فظييييييييييييع

غير انها طيبه قلبها حليب

تبينلك انها جامده ميضحكش عليها

بس طيبتها وحبها للاخرين

بيوقعها كتير 

ودة اللى بيخليها دايما مش مطمنه

لمعرفه ناس كتير خوف علي قلق

معقول هعرف حد واقع تانى

بس متقلقيش يا آيه

انا مش وحشه اوعدك هتلاقينى كائن لطيف

دة لو عرفتينى تانى بعد الفضيحه دى

ههههههههههههههههه

والله انتى كتير علينا وجودك وسطينا يابنتى

ايه التواضع دة 

ربنا يوفقك مع خطيبك

وتجيبوا لينا اشياء صغيره كدة

تبقي بيننا

 

انا خلصت وهكمل باقي الشخصيات في بوست تانى بقي

طبعا التكهنات لو غلط انا مبزعلشي عادى يعنى

التصحيح في افاده نياهاهاها 

انا حاسبه الموضوع كويس وعارفه هكسب من كل النواحى

ان شاء الله

طبعا انا كنت هفضح نفسي معاكوا بس قولت ساعتها

هسيبكم انتوا تتشفوا فيا وتفضحونى بنفسكوا

محبتش احرمكم من التشفي ههههههههههه 

وسيبتلكم الموضوع مفتوح اهو :)

ولي عودة اخر بإذن الرحمن 

 

هناك 54 تعليقًا:

  1. ايوة افضحي الدنيا و لا يهمك :)
    بجد انتي اخترتي شخصيات في منتهى الروعة و الابداع و الاخلاق و الاحترام
    ربنا يسعدك و يهنيكي بس لون المدونة دلوقت الصراحة اوحش :)

    ردحذف
  2. ههههههههههههههههه
    ايوة افضحى اكتر واكتر
    علي فكرة انت جاى لاتقلق هههههههه

    اموت في الصراحه اوكى اغيرها لتصميم القديم بتاعى خالص من فات قديمه تاه
    :)

    ردحذف
  3. رونا
    بجد انتى فظيعه عندك حاسه سادسه ولا ايه عرفتى ازاى كل ده يا قروبه عارفه تحليلك فى الصميم بجد اقرب للواقع
    انتى دارسه علم نفس ؟
    بجد برافو عليكى انك قدرتى تعرفى كل ده عن بعد من خلال كتابتنا امال لو قربتى حتقولى ايه هههههههههه
    اشكرك حبيبتى على كلماتك الرقيقه واشكرك بالنيابه عن ال الفاروق جميعا سعدت بهذا البوست الذى اظهر موهبتك فى تحليل الشخصيات من خلال الكتابه
    سلامى لك ايتها المحلله الرائعه

    ردحذف
  4. السلام عليكم
    لو كل الفضايح فى الدنيا بالشكل دا ربنا يزيدها
    ههههههههه
    ربنا يجمع الكل بالخير وفى الخير

    ردحذف
  5. جامده جدا جدا الصوره اللى فى الأول ... أعتقد ده هيبقى شكلهم لما يقرأوا كلامك :D هههههههه

    وما تقلقيش ان شاء الله بعد الفضيحه ده هيتمسكوا بيكي أكتر ... ربنا يستر ههههههههههه :D


    لا بس جميل جدا الموضوع ... مبدعتى الصغنونه :)♥

    ردحذف
  6. صباحك فل وورد وياسمين
    صباحك عسل وسكر زياده

    اولا انا سعيده ومبسوطة اني انتعرفت عليك تدخلي القلب بدون استأذان بس عيب لازم تكوني تستأذني يمكن يكون صاحب المكان نايم ولا شي هههههههههههههههههههه

    ثانيا انت شكلك معك عفاريت كل ماتتعرفي على حد ترسلي العفريت بتاعك لعنده وتخليه يحلل شخصياتنا بصراحة مستبعدش ده
    كل شيء جائز هههههههههههههههههههه

    بس بجد سعيده جددددددددددددا اني اتعرفت على بنوتة مثلك طيبة ومحترمة وفرفوشة وخفة دم ايه شكلك تشربي ميه كثيييييير

    ربنا يخليك يااااااااااااااااااارب ويحفظك
    ويفرحك يارب

    سعيده انك ذكرتيني وتعتبريني صديقة لك وربنا يديم الصداقة والمحبة ^_^

    تقبلي مروري ياقمر ^_^

    ردحذف
  7. يااااااااااااه كل ده الكلام انا قلته خطبة الجمعة مقدما ههههههههههههه ^.^

    ردحذف
  8. حبيبه قلبي رنا
    تحليلك عجبني
    في كل الشخصيات حتي تحليلك لي
    بس ايه كم الفضائح دي ههههه
    لأ بوست رائع ودمه خفيف
    دومت بخير

    ردحذف
  9. واضح غعلا انك بتحبي الفضايح
    ههههههه
    ضحكتيني يا بنوته :)))

    ردحذف
  10. هل انا امام محلله تفسيه ام منجمة ام قارئة خطوط فتجانين حياتنا
    انا درست التحليل النفسى فى كليات آدابنا والتجارة فى كلياتها والممارسة العمليةفى تطبيقاتها
    ولكنى وجدت فيكى اجادة الناحيتين التحليلية لفرويدوالتجارية لكارك ماركس بما فزت به وستفوزين فى مسابقة محبة الناس
    كان لقائى باسلوبك المعسل الذى اغنانى عن العسل الابيض الذى اتناوله صباح كل يوم
    انا اتابع ما تكتبين ولاسفى الشديد لايظهر بوستك فى لوحة نحكمى والذى نبهتنى اليه هبهوبه
    فعلا لازلت احمل قلبا صبيا لايعترف بسباقه مه عمرى
    شغوف بالخياة وبحاول دائما ان احاورها واداورها وقليلا ما تستجيب لى وكثيرا ما تعصانى مع انى دائما وابدا اول من يطيعها وآخر من يعصاها
    دمتى يارونتى فى محبتنا ودمنا فى محبتك
    الفاروق

    ردحذف
  11. بجد الموضوع رائع وشخصيات كلنا بنحبها وبنحترمها... ومستنيين الباقي
    تحياتي

    ردحذف
  12. والله انتي زي السكر و كل يوم عن يوم بتأكديلي كده اكتر و اكتر

    و يا ريت كل الفضايح كده هههههههههههههههههه

    اخترتي شخصيات غاية في الروعة الصراحة انا بحبها جدا و حللتيها صح اوي :)
    تحياتي ليكي يا رونا يا حلوة يا ام دم شربات

    ردحذف
  13. افول ايه بس يارنا

    لازم الفضايح دي وانا داخل علي انتخابات رئاسة

    هههههههه

    طيب هواجه الشعب ازاي هااااه

    حقا انتي فيلسوفة كبيرة

    وشقية صغيرة

    تحيتي يارنا

    ردحذف
  14. رنا ما احلى الفضائح بهذا الشكل

    بجد اخترتى ناس تستحق التعريف منهم اللى كنت اعرفهم وعندك حق فى اللى قولتيه عنهم
    والباقى شكراااا انك عرفتينى عليهم وعلى مدوناتهم

    امنياتى ان القاعده توسع وكلنا نعرف بعض
    لا تتصورى اد ايه بكون مبسوطه لما اعرف حد جديد من خلال كلماته

    وكمان لو انتى اتكلمتى على حد تانى بحس انى اعرفه والمحبة بتتنقل بسرعه

    عن نفسى بجد عايزة اتعرف على كل اهل بلوجر المحترمين

    هو عالم نختاره

    دمت بخير

    تقبلى تحياتى

    رؤى

    ردحذف
  15. رونا يارونا :)
    اقول ايه بس يابنتى :)
    اولا الفكرة تجنن ولطيفة خالص، فعلاً هاتوسع نطاق الصداقات البلوجرية D:
    وبالنسبة للشخصيات فا انا سعيدة بجد إنك إخترتينى .. وبينى وبينك جبتى الفولة فى غالب الكلام الصراحة:))
    اسعدنى كثيرا كلامك وتفسيرك لشخصيتى بجد والدعاء بتاع دار النشر والكتاب بتاعى فــ أحب أقولك آآآآآمين D:
    تسلمى ياحبيبتى .. ربنا يدخل على قلبك السعادة كما فعلتى لنا .. ولى على وجه الخصوص :)
    فى إنتظار البقية ~~

    ردحذف
  16. ههههههههههه
    حلوة الفضايح دي ^_^

    ربنا يبارك للكل ويجعل فضايحهم حلوة كدا دايما ;))

    ردحذف
  17. ههههههههههههههههههه ضحكتينى كتير اوى يا رونا واحلى فضيحة شفتها على الاطلاق ولو كل الفضايح هتعرفنى بناس تجنن كده ياريت تفضحيهم على طوووووووول
    وكلامك عنى قريب من شخصيتى جدا واحييكى انك عرفتى تفسرى شخصيتى برغم اننا لسه متعرفين قريب وبحييكى على كلامك الرائع عن بقية الزملاء وهما فعلا يستحقوا الفضيحه هههههههههههههههههههههههههههه
    قصدى اننا نعرفهم عن قرب لانهم بجد متميزين جدا وكل مدونتهم بقوا فى المفضلة وهتابعهم باستمرار لانهم يستحقوا ده
    ربنا يعزك ويكرمك على قد قلبك الابيض ده يا احلى رونا

    ردحذف
  18. مسائك عَسل ي عَسل

    حِلو البُوست بالمرا
    الله يحفظكم لبعض ي رب

    دمتم بخير

    ردحذف
  19. الصورة وفكرة البوست حلوة اوى
    والتعليق الوحيد :
    مبسوطة جدا أنى عرفتك بجد

    :)

    ردحذف
  20. بتفكرينى بطريقتك دى بحد عزيز عليا فى التدوين
    مبقاش يدون
    ومبقاش ييجى تانى
    بس واضح ان روحه بتحوم فى التدوين دايما وبتظهر فى ناس تانيه
    انا عجبنى البوست مع انه وصف لاشخاص
    بس برضو
    الابتسامه فعلا مش صعبه زى ما قلتى

    ردحذف
  21. هههههههههههههههه
    عارفه انا عملت ايه
    قبل ما اقرا قعدت ادور على اسمى واقول يا منجى من المهالك يارب هههههههههههههههههههههه

    فى اللى انتى قولتيهم شخصيات انا شخصيا فخورة جدا انى اعرفها

    عندك رشا مثلا شخصية فى منتهى الرقة بجد

    استاذنا فاروق وبناته حد فى منتهى الحنية حساه لممنا هنا وخدى عندك وهو بيحكيلنا ذكرياته حاله تانية وعالمتانى

    خالد بقى اخويا هنا فى عالم البلوجرز وديما يقولى نور الطيبة هههه بجد ربنا يحميه

    اما ابو زياد بقى فانا مش فاهمة موضوع الاسم بس انا كمان كنت هموت واعرف بيشتغل ايه وسالته الصراحة
    هههههههههههههه

    الراجل ده ديما موضوع حديث ليا لما بتكلم عن المدونين مع اى حد حتى اهلى وتعليقاته وارائه موضوع مناقشة العيله عندى ههههههههههههههه

    بجد احلى ناس

    والباقى يشرفنى انى اعرفهم جدا

    ردحذف
  22. هوبا:)

    يسعدنى ويشرفنى انى طلعت فظيعه
    بس مافيش حاسه ومافيش علم نفس
    والله انا بحاول افهم واستوعب الشخصيات قدر امكانى :))

    ربنا يخليكى انا محلله
    هوقع البرطمان زى الفيلم بتاع سبع بنات

    ربنا يخليكوا لينا يا هوبا كلكم
    وتعيشوا وتجمعونا دايمآ

    انا بقي اللي يشرفنى اعرفكم اكتر مش من خلال الكتابات وبس :)

    بيجد مبسوطه بكلامك اوى اوى
    ^_^

    ردحذف
  23. مدونه رحله حياه
    وعليكم السلام
    ياهلا

    هههههههههههه اة والله كانت هتبقي فضايح فظيعه رهيبه كدة

    اللهم آمين
    اسعدنى تواجدك :)

    ردحذف
  24. سوكتى

    انا صغنونه يابنت
    بتنسي انتى اكتر :)

    ربنا يخليكى ليا ايوان انا لقيتها مناسبه للحدث فعلا

    حبيبي وفهمنى يا ناس ^_^

    ردحذف
  25. مسائك جمال وحب
    وسعاده يارب يا روش

    انا اسعد بمعرفتى بيكى ياقمرايا
    انا المرة اللى جايه حاضر هخبط
    علشان كدة عيب

    اه انا عفاريتى كتير الصراحه ههههههههههههه بتكلمى عن انى عفرت منهم :)

    حبيبتى انتى والله يا روش

    كلامك شكحنى اوى اوى :)
    ويسعدك انتى كمان ويسعدنا جميعا
    اللهم آمين

    وانا بقي من غير ما اتقبل انتى خلتى خلاص ونورتى :)
    ومطولتيش ولا حاجه
    انا بحب الرغي ^_^
    نورتينى اوى

    ردحذف
  26. كارولين

    يعنى انفع مغلطش يعنى
    انا كان ممكن ازود بس خوفت علي نفسي
    تفتكرونى بعمل شغل عفاريت هههههههههههههه

    تسلميلي بيجد ويسلم ليا وجودك دة وطلتك

    :)) نورتينى اوى

    ردحذف
  27. رنافرويد

    ايه يا بنتى التحليل ده
    طبعا انا سعيد انك عرفتينى ناس ممكن اكون مش متابعهم لكن بأذن الله هاتابعهم
    اما خالو فخالو خالو حد يكره
    ههههههههههههههههههههه
    انا على فكرة ليا ولاد اخت قدك كده
    اما تحليلك لشخصيتى تصدقى انى مبحبش اقف قدام نفسى كتير يعنى نفسى افهم نفسى
    على العموم فى انتظار الباقى
    يلا سلام بقى

    ردحذف
  28. انغام

    اتاكدى اهو بس الا قوليلي مين العسل دة يا ناس مش تقولى انك مزة كدة :)

    المهم بقي انتى جايه لاتقلقي دورك جاي صبرك بس :)

    ردحذف
  29. هههههههههههههه عمو فاورق
    انت قدام رنا فقط هههههههه

    ورونتى كمان لاء كدة خدنا علي بعض اوى ههههههههه

    والله كلامك دة شكحنى انشكاح
    انا كل دوال انا عسل هوقع البرطمان تانى بقي ههههههههه

    ربنا يخلي حضرتك ليا ودومتم انتم لنا مثل المناره :)

    انا مبسوطه من كلامك اوى بجد حقيقي
    اشكرك :)

    ردحذف
  30. محمد

    فعلا كلهم شخصيات اكثر من رائعين كمان

    بامر الله هنزل علي طول يارب كدة اقدر بس

    بستعدنى متابعتك الدائمه دى :)

    ردحذف
  31. افكار شيمو:)
    حبيبتى انتى والله
    يلا انا فاتحه هون برنامج كوميدى
    هههههههههههه

    ربنا يخليكى علي كلامك دة انا معاكوا بكتشف نفسي وبجرب معاكوا وفيكوا :)

    اسعدينى بكلامك اوى <3

    ردحذف
  32. استاذ خالد

    متقولشي حاجه تعاطفك لوحدوا يكفي

    شوفت اغيب اغيب وارجع بفضيحه هههههههههههههه انا مبدعه ومتالقه دائمآ

    فيلسوفه هيه هيه هيه

    شكرآ كتير اوى كدة

    اسعدنى تواجدك فعلا ورايك :)

    ردحذف
  33. امه الرحمن :)

    تعجبنى الدماغ دى انا اة والله

    انا كمان امنياتى كدة وانا عرفت الناس العسل دوال من خلال كدة اتابع حد اشوفهم اتابعهم وهكذا بقي

    ربنا يخليكى وتتعرفي عليا اكتر وافضحك كدة هههههههههههه

    حكم انا اة يتخاف منى اليومين دوال بقي

    نورتينى بيجد :)

    ردحذف
  34. طيب نينو يا نينو
    دة نشيدنا يا نيللي :)

    انا جيبت الفوله طيب لولولولوي
    اللهم آمين ايوة صح كدة
    ادعى وان شاء الله تطلعى من البيت في يوم تقعى في دار منهم ويقعوا فيكى
    تعملوا لينا كتاب حلو كدة هههههههههههه
    انا اللي اسعدتنى معرفتك اساسآ :)


    يعجبنى الناس المنتظرة
    ربنا يسعد قلبك بيا ومن غيري يا نينو لان قلبك يستاهل فعلا :)

    ردحذف
  35. ريمو

    ملاحظه بشماته في الناس دى ولا إيه

    لاء لاء فوقي كدة انتى فاكرة انك عديتى علشان مكنتيش في الاول انا بحب اخلى التقيل في الاخر ياحوبي :))

    ريمو بحبك اوى فينك منى :)

    ردحذف
  36. ميروا مبسوطه انى ضحكتك وطلعتك
    برة المود شويه ;)

    عينى استنى اللى جاى اكترهم بنات اعرفهم اوى بقي :)))
    وهيتفضحوا احلى فضيحه

    هههههههههه يستحقوا الفضيحه ضحكتينى اوى اوى اوى :)

    وانا بحييكى علي تحيتهم
    والحمد الله اني قربت من شخصيتك شويه والله انا كنت بحاول قدر امكانى يعنى
    بس في الاساس انا قولت افضح وجودك في عالم التدوين ههههههههههه

    اسعدنى كلامك ومعرفتك بيجد
    ^_^

    ردحذف
  37. عازفه
    ربنا يخليكى ويعزك دايمآ كدة

    وتعيشوا وتعرفونى وانا بفضحكم كلكم دايما كدة

    نورتينى ياقمر :)

    ردحذف
  38. نسومه

    :))) واخدة بالك انتى
    وانا اكتر يا نسومه بيجد يعنى
    اسعدتنى جملتك دى اوى

    ردحذف
  39. زناتى :)

    معرفش ليه جمله بتفكرينى دى حسستنى ان الحد راح خلاص مش هيرجع تانى
    ومحستكش بتكلم عن حد لي مدونه حاسيتك بتكلم عن شخصيه لسه موجوده بس مبقتش كدة

    المهم نورتنى جدآ
    وبس بسات :)

    ردحذف
  40. نور ريموسه

    وقلقانه ليه دلوقتى بس
    استنى علي رزقك كدة
    بصي مافيش اختلاف علي كل اللى اتكلمتى عنهم
    استاذ ابراهيم
    بسبب جمله قالها ليا مرة قعدت طول اليوم اقولهم استاذ ابراهيم قالي كذا هع هع ومفتخره اوى

    وفي الحكاوى الراجل اكيد بيشرق كتير يعنى ههههههههه ياعينى

    نورتينى يا نور :)

    ردحذف
  41. خالوا ابراهيم
    والله اسم فرويد احلو جمبي موش كدة

    انا حاسيت كدة برضوا بس لازم حضرتك
    تعرف انك لو بصيت في المرايا شويه
    هتشوف استاذ ابراهيم اللى بيمثل ععندنا حاجات كتير اوى ودى حاجه مش قليله

    دايما كدة تيجى في الاخر تسعدنى :)

    ردحذف
  42. ههههههههههههههههههههه

    أنا قولتلك قبل كده أننا بنموت فالفضايح مصدقتنيش اصلا ههههههههههههههههههه

    عامة .. عاجبانى الفضايح دى جدا :D

    ردحذف
  43. هههههههههه ماشى ماشى اتعرفى براحتك
    بس بهدوء وانتى بتفضحى :)

    ردحذف
  44. ههههههههههههههههههههه
    المشكله انك اروبه والله
    ودى مشكله
    الناس الاروبين دول بيطلعوا جواسيس فى الاخر
    ههههههههههههههههههههههه
    عموما يعنى
    انا جاى ارد على تعليقك هناك واقولك
    متفقنااااااااااااااااااااااش على كده

    ردحذف
  45. طبعا كان لازم الكومنت بتاعى يتأخر
    بعد المعاناة وتعب الاعصاب اللى عملتهولى :P
    وكمان اتكلمتى عنى اخر واحدة أينعم علشان يكون ختامها مسك انا عارفة الا انى تعبت على ما وصلت لفضيحتك عنى وبناء عليه قلت اتقل عليكى شوية ف الكومنت ههههههه

    مش عارفة اقول ايه ف الكلام اللى قولتيه عنى غير انه فرحنى جدا
    كمان اسلوبك ف فضيحة الناس رهيب ههههههه
    عسل انتى يا رونا
    ربنا يخليكى ليا يا حبيبتى وتفضحينا كمان وكمان ههههههههههه

    ردحذف
  46. مهجتى
    كنت بتصل علشان افضحك مع طنط انهاردة
    بس انتى مش اديتى ليا الفرصه
    عيب كدة اوى كبتينى هههههه

    عندك حق انتى من الناحيه دى ماركه مسجله يا ميهو هههههههههههه

    وانا عجبنى انه عجبك بقي
    :)

    ردحذف
  47. أمه الرحمن

    :)))))))) ضحكتينى والله
    حاضر بهدوء وبطراوه ههههههه

    ___________________

    زناتى :)
    ههههههههههههههههههههههه
    انا اروبه ايه حكايتكم كلكم عليا ولا إيه ههههههههههههه
    الكلمه دى بتتقلي كتير زيادة عن اللزوم

    يلا عموما انا معقدش اى اتفاقات معاك :)))

    ردحذف
  48. آيه

    ههههههههههههه
    ههههههههههههههه
    انتى مش بتعدى بقي ولا إيه هههههههههههههههههههه

    ايوة والله خاتمها مسك في الاساس وكمان علشان ازيدك اثاره وتشويق

    المهم انك فرحتى ودة فرحنى جدآآ كمان
    اهو انتى اللى اعسل ها بقي

    يارب يخلينى ليكم كدة واعيش افضحكم انا عارفه انكوا متقدروش تستغنوا عنى ههههههههههههههه

    وردآ علي كلمه قولتيها علي الفيس انا كومان بحبك كوتيييييير <3

    ردحذف
  49. ممممممم..
    انا من اول مرة قريت تعليقك وانا قولت انك (ارووووبة) يا رونا..
    ومع البوستات والتعليقات (اتأكدت) من الاحساس ده..!!
    (';')

    حلوة قوووي فكرة البوست :)

    ردحذف
  50. Timo

    احم اروبه برضوا مافيش فايدة

    شكرآ كتير كتير يعنى
    نورتنى كالعادة :)

    ردحذف
  51. شكررررا ليكي علي فضايحك الحلوة دي ،خلتيني انا كمان اجرسهم كلهم ههههههه
    اقصد اتعرف عليهم،ومنتظراكي في فضيحة جديدة

    ردحذف
  52. ههههههه اللي عايزيحفظ سر يقولك.....معظم اللي قلتي عليهم فعلا كريمة البلوجات

    ردحذف
  53. you have changed :)

    ههههههههههههه ضحكتينى بيجد يعنى
    خلاص اوكى بس ليه لما بدخل عليكى مش بيظهر مدونتك بقي ها :)

    نورتينى جدآ كرريها :)

    ردحذف
  54. تركيب :)

    انتوا شكلكوا بقتوا فهمنى زيادة عن اللزوم ههههههههههههه

    ربنا يخليهم لينا ونورتنى
    واسعدتنى :)

    ردحذف