2017-07-08

eat.pray.love

مؤمنه بإن علشان عيش وتكمل وتقدر تكون انسان سوي طبيعي يكون عندك مصدر الهام ليك حاجه تخليك 
تستنشق نسيم الهواء بشكل مختلف عن الناس
انك تبص لسما وتشوف السحاب بيضحكلك انت
تهئ الكون لنفسك بالشكل اللي يرضيك نفسيا ويوسع مساحه براحك جوة نفسك ويخليك تنور 
 من الافلام اللي كانت بتعبر عن كدة جداااا Eat.pray. love
    
انا بالنسبالي في اغلب فترات حياتى عمري ما حاولت اعلق نفسي بحاجه زائله لكن اكيد بتأثر باللي الزمن بياخدهم لاسباب كتير وبيتسرسبوا 
الهامى كان دايما مربوط ب الله وعلاقاتى بــ  كل شعور بالطمأنينه بيرجع لقوة علاقتى بالله وكل ثغرة امل وثقه وراحه سببها خطوات دينيه مافيش رجوع فيها 
لكن من وقت كبير التغائل والثقه والطمأنينه فقد جزء منهم زعزع كل افكاري وهدد كل معتقداتى
فقد شغفي بالحياة واصبح الموضوع يقتصر طالما يوجد شهيق وزفير اذا انا بخير ويكفينى ذلك
انا وقعت كتير لدرجه بتخلينى اتألم واكمل و انا مدركه ان النقطه دي هتألمنى جدا بس بكمل واروحلها لان الالم اصبح معتاد ومقبول
مبقتش اشيل هم حاجه طالما ليها حل في الاخر اما ما ليس مقبول تغيرة ودائم فلا استطيع الا حصر نفسي في جدار الاذلال النفسي والاستهانه بكل شئ
وهل دة مؤلم .... اة هو مؤلم جدااااا

انك تعوز حاجه ومتتحققش وقلبك يبقي في حته وانت في حته تانيه
مؤلمه لدرجه تخلينى ارجع ابوس على ايد كل حد قلتله الموضوع سهل
قبل كدة وصدقت ان الوجع بيوجع بس مبيعلمش
الوجع بيوجع وبيعلم وانت بتفضل تقارن بين كل حالتك اللي قبل دي وحالتك حاليا 
الالم مبيخفش غير لما بتؤمن بنفسك تانى من جوة انك ممكن ترجع
 تانى وربنا هينزل عليك سكينه يهديك بيها ويريح صراختك المكبوته 
.جواك 
انا كل فترة هكتب عن مراحل في حياتى وتغيرات علي مدار الفترة اللي فاتت وهحاول اشوف الحكمه والمعنى من كل شئ حصلي طبعا زى ما كنت بعمل
هحاول ارجع اللي انطفي فيا رغم مرارة وصعوبه دة بس مافيش مستحيل علي ربنا وانا ثقتى وايمانى زادوا اضعاف مضعفه بعد كل الاخطاء وكميه الذنوب وكل شئ محصور في اطار الضعف النفسي اللي الحياة بتحطنا فيه 
" واصبر لحكم ربك فإنك باعيننا "

هناك 4 تعليقات:

  1. " واصبر لحكم ربك فإنك باعيننا "
    هو ده المقصود .. الصبر
    حياتنا كلها من غير صبر صدقيني ممكن تدخل ف مرحلة الكفر والعياذ بالله
    التغيير سنة الحياة ومنه بنتعلم وبنرجع لنفسنا تاني بس بشكل أكثر نضجا عن ذي قبل .. وتحصل تغييرات تاني ونتعلم حاجات تانية أكتر ترجعنا لنفسنا بشكل أكبر وأنضج إلى أن يأتي أجلنا.
    :-)
    تسلم إيديكي ياقمراية :-)

    ردحذف
  2. الوجع بيوجع اوى وبيعلم ومبيخفش فعلا حسيت اوى لان كل كلمه قولتيها تحديدا وصدقا بتحصلى ومازالت لحد اللحظة اللى بكتبلك فيها دى بقارن فعلا بين زمان ودلوقتى ويمكن بقيت هشة اكتر وبتأثر اكتر عن زمان
    القرب من ربنا واليقين بالله إن كل حاجة بامره دى لازم تبقى رقم واحد فى حياتنا عشان نقدر نستوعب ونكمل اللى جاى
    كلامك بيريحنى اوى وبحس انى مش لوحدى ع الكوكب ده
    خليكى دايما هنا فضفضى واتكلمى وعيشينى معاكى جوة كل سطر بتكتبيه
    بحبك فى الله

    ردحذف
  3. الصبر جميل
    والاعتراف مع النفس ومشاركة الاخرين راحة نفسية

    مع خالص تحياتى

    ردحذف
  4. أزال أحد مشرفي المدونة هذا التعليق.

    ردحذف