2014-01-01

كيانى في كيانهم



ممكن جدا يجي في حياتك اشخاص يحسسوك ان الدنيا بخير ويجي اشخاص يحسسوك ان الدنيا سوده وتلعن البشريه كلها بسببهم
بس المرة دى هتكلم عن اشخاص اثروا في حياتى جدا سواء موجودين وقريبين او بتابعهم من خلال كلماتهم العميقه....

"الضحكة عملة نادرة جرب تشوف نتاجها،نعمة ربك مديهالك فرصة و مدفوع حسابها،زى مافى فى الحزن دمعة فى فى الفرح دمعة،بس الضحكة احلى اضحك يمكن تدوم،اضحك فى وش الناس من غير ماتكش،ده عمر الضحكة احلى عمر الشمس مابتغبش،مشروع اضحك فى وش الناس بكل احساس ،رسمتها عالوشوش تخلى الوش بشوش"...اغنيه مشروع الضحكه عمله نادرة

 انتشي بضحكاتهم وابتسامتهم الساحره الصافيه ، يجذبنى فكرهم ولا ادري لما هناك شئ يجعل كيانى يحملهم بداخله ويقرأ كل حرف منهم كانه نور .. احبهم رغم ان في محاولات عده منى فشلت في ربط نفسي بهم او تكوين علاقه صداقيه حميمه.... واسمائهم برغم عدم اللقاء محفورة بداخلى لاهل بلوج الذين لم استطع لقائهم ابداااا لكل شخص اتابعه انا ممنونه لكم ...

"علشان لازم نكون مع بعض علشان شايلنا نفس الارض علشان بكرة اللي مستنى ومش عايز يفرق حد"..
كل نقطه خير بدمى تحمل اسمهم، وكل طاعه ومعرفه كانوا ومازالوا السبب فيها ، حياتى معاهم اصبحت واقعيه اكثر 
تأثرت بايجابيتهم وحلمهم وفكرهم وحبهم للطاعه ونشرها عشقت ضحكاتهم البريئه واحلامهم الزهريه ، واحببت حتى من لم اراهم ابدا
تاثرت بكل شخصيه ، وتاثرت بكل كلمه القوها علي اخرين فكان صداها يرجنى بالداخل ، احببتهم رغم الاختلافات الشديده
ورغم انى لم اكن مثلهم تماما لكنهم احتضنونى واخذونى لما هو ابعد من الاختلاف وجعلونى اري ان هناك ما يستحق ان نتشارك
فيه بغض النظر عن المظهر وهو الجوهر والفكر ... (احبكم يافريقي).

 "حين يقلقك شئ رددى معى كل شئ سيكون بخير كل سيكون بخير من فيلم (3 idots)"
سوف يصبح كل شئ بخير وفي هذا العالم ســ تنجحى  وسـ تكونى ما تريدين رددها بعض المؤمنين بي بعض الذين اثرو بي باجابيتهم وذكائهم بعض الذين ادركوا حقيقه الحياه منذ الوهله الاولى لاول حفرة يقعون بها فظلو يبتسموا ويحاربون في كل اسقاطه وكل فشل حتى وصلوا 


هناك من يؤمن ان بداخل الحياه حياه اخرى حين ننجح بها سيقدمون لنا حياتنا الحقيقيه كجائزة ، حياتنا الجميله المليئه فقط بهؤلاء الاشخاص الذين اصبحوا جزء من كينانا المؤمن بهم لحد الكفر بالواقع الذي لا يحمل فكرهم او يجسده ...


"في طاقة مهدورة في مكان ما انا مش عارفاه ولا عارفة هي بتعمل ايه هناك" نور خطاب...

"بعض الاشخاص وهما ابعد بيكون بريقهم اقوى" كلام والسلام دينا ممدروح...

"شعور الافتقاد بيضايقني فعلا، بكرهه فعلا، نفسي أتخلص منه فعلا. والأسطورة بتقول إنه مش بيزول، حتى لو الأسطورة المضادة بتقول: "وعاشوا سعداء إلى الأبد... مع بعض". إنه فين تلاقي هذا الـ(بعض) ولو لقيته ازاي تلاقي (مع) تشبك البعض مع البعض، من غير أذى ولا خوف ولا اضطرار ولا حزن ولا غضب ولا وحدة ولا عجز ولا افتعال ولا ابتذال؟ ازاي؟!" رساله الي انت لبنى احمد...

"ساعات بفكر ان لو ابتديت من الاول وعد الشريط هتجنب اخطائي بس اكتشفت انى هتصرف بنفس الطريقه لانى هكون ساعتها لسه متعلمتش" افكار مبعثره شيماء سعيد...

"انا لم اعد اصدق الا الاشياء،قلمى،كشكولى،هاتفي،قهوتى،الشيكولاته، وايضا احلامى" رساله الي صديقه ما نيللي علي...

 " الحياة عبارة عن مشاهد منفصلة / متصلة ! كل مشهد زي ما هو بيمر فـ حياتك ،بيثبتلك أن الحياة مستمرة ..

وهـ تستمر ! ،بيك أو من غيرك" .. الحياه مستمرة رحمه ...


اشخاصاً تاثرت بهم تعايشت معهم وقتا يكفي لان تتشبع افكارنا في داخل كل منا ،، مرت علينا لحظات اليأس ولحظات الأمل ولحظات مشاركه ، كانوا في حياتى حياه اخرى ، احببتهم واحترمتهم واحترمت فكر كلا منهم على حداااااااا ، حزنت لاحزانهم وفرحت لافراحهم ودعوت لهم كثيرا

"مينفعش حد يعرفك ومش يحبك" كلمتها ليا
"متكلمنيش عن الاختلاف اللي بينا لان مافيش بينا اختلاف فمش تحسسينى بشئ انا مش حاسه" 
 
يعنى ايه يكون في حياتك حد ايجابي حد بيحس ، شخص تطلق عليه وانت مطمن كلمه بني آدام
يعنى ياخد بإيدك لمستحيل ، يعنى يعييش معاك حلوك ومرك
ويستحملك على حساب نفسه وحبه ليك يمنعه من الزعل
يعنى ممكن تستقبل 100 مكالمه بس مكالمه منه هو لوحدوا بــ ال 100 دوال
كلمه واحده منك بيفهمها ويترجم ويكمل جملك وكلامك على طول 
يعنى في حياتك واحده اسمها اسراء انا ممكن اقعد اتكلم عنك اسابيع وبوستات كتير عن مدى تاثيرك فيا :)


انت ممكن تعيش عمرك كله تدور على الشخص الايجابي دة وتعيش عمرك تدور على حد تتخذه قدوة حد معروف نسبيا
وتعيش وتلف ، انا مضطرتش ادور كتير انا ربنا كرمنى بيهم حواليا وجوايا عايشين كانوا املى وفرحتى في اوقات ضعفي
من غير ما يكونوا عارفين
كان يكفي استاتيوس واحده منهم تفوقنى وتحينى من تانى وتحسسنى ان في حد بيشاركنى في الحياه دى

خلقوا بداخلى واقع اخر ، به زهرة حمراء تورد اسمائهم هم فقط ، وترددها كل صباح ، انا لن انساكم مهما حدث
ولن انسي بصماتكم في حياتى..



هناك 7 تعليقات:

  1. رونا مش عارفة اقولك ايه
    انا زيك الشخصيات الايجابية دي هي اللي بتقويني وبتخليني اقف علي رجلي من جديد
    الحمدلله <3
    والحمدلله علي نعمة الايجابية في حياتنا رغم الانكسارات اللي بنشوفها :)

    ردحذف
  2. كل سنة وانتي طيبة يا رنا، ويا رب تكون سنة سعيدة عليكي وعلى كل حبايبك :)
    وأنا كمان بأردد مع المؤمنين بيكي إنك بإذن الله هتحققي في السنة دي كل إللي بتتمنيه وكل إللي بتسعي إليه :)

    ردحذف
  3. يارب يجعل ايامك سعيدة وتحققي اللي بتحلمي بيه

    ردحذف
  4. رنا معرفتك من الحاجات اللي بشكر ربنا عليها بجد .. حلو اوي اوي ان يكون في حد زيك في حياتي الناس

    ربنا يسعدك ويفرحك دايما :))

    ردحذف
  5. غير معرف2:55 م

    جميله جدا مدونتك
    والاجمل كلماتك الرقيقه ومشاعرك التى تحمليها لاصدقائك
    اجمل شىء فى الدنيا الصداقه حتى لو.مع ناس مش بنشوفها
    لكن ببقاء الود والتواصل نشعر اننا نتنفس ونشعر بالحياه
    اتمنى ان اكون من اصدقائك
    واتمنى التواصل بينا

    ردحذف
  6. رنا
    ما اجمل احساسك وما ارق مشاعرك اتمنى لكى السعاده دوما
    ونتمنى تواجدك معانا دائما
    تحياتى ابوداود

    ردحذف
  7. جميله اوى يارب يسعدك حبيبتى

    ردحذف