2013-05-03

عن... اشيائي




فقد وقت كبير اوى علشان اعرف حقائق حاجات كتير موجوده في حياتى وفقد وقت اكبر لما عرفت الحقائق دى من صدمتى بيها


الحياه دايما مقسومه طرفين طرف انت بتعمل في كل حاجه وطرف بيرد عليك بكل اللى عملته

نفسي لما اكتب حاجه تعبر عن احساسي او حزنى او او محدش يرد عليا ولا يحاول يهون عليا نفسي اتساب كده واكون فعلا زى المجنونه اللى بتكلم نفسها

في حاجات كتير بتفقد اهميتها مع الوقت وبتكون بعد كده رخصيه اوى في نظرك
والبني آدمين اكبر مثال لجمله دى 

يمكن اكون هغير المكان وهغير الناس بس هيفضل كل شئ مرسوم في دماغى وهيفضل المكان دة وطنى وذكرياتى وامانى مهما روحت بعيييييييد

اقسي شئ ممكن حد يقابله لما يحس ان مالوش سند في الحياه لما يحس بعدم الامان
وانا حاسيت الاحساس دة كتييييير برغم ان حواليا افضل اشخاص اى حد يتمنى وجودهم
ولكنه ذلك العالم الكبير الذي يفرض عليك لك الاحساس مقابل اشياء اخري افضل

نفسي اللى اعرفهم يبطلوا يفرضوا عليا شخصيتى المرحه  كانى مش ممكن اكون شخصيه تانيه او كانى اسفنجه هفضل امص واعدى ولو حزنت اطالب بتغير الحزن فورا وكانى اخترقت قانون ما والمفترض ارجع لقواعدى سالمه

عايزة اقول لمرددى جمل الحياه فيها حاجات حلوة برضوا ومش كل اللى بيضحك يبقي سعيد والدنيا زى مابتدى زى ما بتاخد
احب اقولكم انكم بتكدبوا على نفسكم وجيه الوقت اللى تفقوا فيه لتعملوا بكلامكم لتتنحوا على الجنب وتبطلوا تطلعوا نفسكم انتوا اللى فاهمين كل شئ وان كل دة هيعدى
لانه فعلا الكلام دة كلنا عارفينه لكن مينفعش تحرم حد من حقه في الزعل شويه

البارح اشتريت كده سلسله عباره عن اسمايل حسيتها بتعبر عنى اوى بتضحك وهى مش فاهمه بتضحك لمين ولا علشان ايه
في اخر اليوم اكتشفت ان ورا شكل الاسمايل وش دواريه تانيه بس فاضيه ،،، عجبنى اوى اكتر من السمايل
قومت شايله وش الاسمايل وحطيت الوش الفاضي

لان اشيائي اللى كتبتها حاليا بتحسسنى انى زى دواريه الوجه الفاضي كده خاويه من الداخل


 
 

 
 
 


 

هناك 11 تعليقًا:

  1. رناااااا انا مهما وصفتلك سعادتي لما لقيتم في الليست كاتبة حاجة جديدة بجد مش هتصدقي .. اخيراااااااا

    مع كل كلمة كاتباها ومع اننا نحط مادة في الدستور كمان تقول ان من حق المواطن التعبير عن حزنه والتمته بمساحته الخاصة في ده من غير ما حد يلومه على كده

    ردحذف
  2. ايه ده

    رنا موجوده يا مرحبا يا مرحبا
    حمد الله على السلامة ايه الغياب ده كله

    ساعات أقوم الصبح قلبى حزين
    أطل بره الباب ياخدنى
    الحنين
    اللى لقيته ضاع
    واللى اشتريته انباع
    واللى قابلته راح وفات
    الأنين

    وارجع واقول
    لسه الطيور بتفنّ
    والنحلايات
    بتطنّ
    والطفل ضحكه يرنّ
    مع ان مش كل البشر فرحانين

    نحن بشر
    اى نحن كل الاحاسيس البشرية

    بس خلاص

    ردحذف
  3. أزال المؤلف هذا التعليق.

    ردحذف
  4. رنا
    اذا لم يكن املنا فى الساعة اللى جايه يكون املنا فى اللى بعدها واليوم سوف ينتهى وياتى الغد يمكن بكره يكون احسن من النهارده
    على قدر شجنك على قدر الحلاوة اللى بتبشر خروجها من ثغرك
    الفاروق

    ردحذف
  5. وحشتينى اوووووووى
    فرحانة انك رجعتى تكتبى تانى
    ويارب دايما تكتبى كدا وتنورى بلوجر
    :* <3

    ردحذف
  6. سعيده بوجودكم جميعاااااا

    دة نوركم في الاساس انا جايه اخد حبه بس اتبارك بيهم :)

    ردحذف
  7. مش هاقولك حاجة غير..
    يارب تبقى هنا زى الأول
    يارب نبقى كلنا هنا زى الأول :)

    ردحذف
  8. يــــــــارب يا دندن :)

    ردحذف
  9. ربنا يسعدك ويريح قلبك
    :)
    عوداً حميداً

    ردحذف
  10. اولا وحشتيني جداااااااااااااااااا
    ثانيا
    انا مش هطبطب ولا ههون ولا اضحك عليكي بكلمتين الحياة حلوة و مش عارف ايه انا بس هقولك اني فاهماكي اوييييييي واني ببقى في نفس الحالة دي كتير جدا و ببقى مش عاوزة حد يقولي بلاش زعل ولا اضحكي ولا مش عارفة ايه ببقى عاوزة اتساب اعيط اصرخ ان شاء الله حتى يغمى عليا لحد ما اخرج اللي جوايا و ارتاح مش لازم التزم بالوش اللي الناس فرضاه عليا اني اضحك او اهزر ولو ملبستش الوش ده معجبش
    براحتك اعملي اللي انتي عاوزاه و البسي الوش اللي شايفاه لحد ما تقولي بس و كفاية و خلاص و تلاقي نفسك لوحدك قومتي نفسك و رجعتي تاني من غير ما تحسي:)))
    بحبك يا احلى رونا و خليكي دايما فاكرة انك حلوة اوي و تستاهلي كل الخير اللي في الدنيا :)))
    بس خلاص :))
    تحياتي

    ردحذف
  11. مش مصدقة بجد انك رجعتى تكتبى تانى
    ومصدقة كل كلمة كتبتيها لأننا كلنا بنحس بالحاجات دى وأحيان كتير اوى بنبقى زى الدورياية الفاضية من جوة
    وناس كتير بينصحونا بالكلام المعروف ان الدنيا حلوة ولازم تتعاش بكل ما فيها
    واحنا كمان ساعات بنقنع نفسنا بكده عشان نقدر نكمل وسياسة الأسفنجة دى أحيانا بتنفع
    لكنها مش بتدوم
    من حق كل واحد يعبر عن حزنه بالطريقة اللى تريحه
    ولازم كل اللى حواليه يحترموا صمته وحزنه ومش يحاولوا ابدا إختراق الصمت ده إلا إذا هو حب كده
    أعملى كل اللى نفسك فيه من غير ما تعملى حساب للى حواليكى هيعملوا ايه
    ومع الوقت هيحترموا المود اللى انتى فيه
    عيشى لنفسك واسعديها الأول عشان تعرفى تعكسى سعادتك دى ع اللى حواليكى وبالتالى تبقى مبسوطة ومرتاحة
    ربنا يريح قلبك ويسعدك دايما

    ومتبعديش عن بلوجر تانى بقى
    شجعى نفسك وشجعينا معاكى
    :)))

    ردحذف