2011-09-15

سمنه بلدى :(


الحزن السعيد والسعاده الكئيبه 
تناقض في كل شئ حولى
تناقض في تناقضي لنفسي
في تناقضي مع غيري 
وكإن الضحكه بعيده عنى 
واضحك وكإن الضحكه بجد
مش محتاجه طبطبه من حد
وانا لو بنكسر من جوايا
مش عايزة في نظر الناس اتهد
 **سمنه بلدى**


 عايشه حاله مش حالتى
كآبه علي جروح قديمه لسه بقفلها
عايشه في دور هادى بشكل خنقنى
عايزة اصرخ اثور علي كل اللي ظلمونى
وبصبر نفسي
علشان عايزة ارضي ربي
مش عارفه هصبر كدة لامتى
حاله هتروح زى اى حاله بتعدى عليا
علشان كدة كلامى كله
ينطبق عليه سمنه بلدى 
هتزول مع نهار جديد 
مع حلم جديد
يارب صبرنى قوينى انصرنى:)

 انا عايشة حالة مش عارفة ايه اخرها
مش عايزة حاجة من الدنيا تانى غيرها
عايشة وخلاص مش عارفة ايه هيجرا
ولا عندى اى فكرة بكرا مخبيلنا ايه

**سمنه بلدى**


انا عارفه نفسي 
درستها وحفظتها 
من تخلفها او من تميزها او من تاخرها 
عن الاخرين
ايوة متاخره 
متاخره في انى اعرف اميز
بين حاجات كتير
بين انى اعرف ازاى ازوق كلامى
واخد بي مرادى
وانى الحقيقه بحدف عمارات دايما
بين انى حقنيه زياده عن اللزوم
لدرجه تخلى اللي قدامى هو اللي يثور
بين انى فاهمه الدنيا 
بس في الاخر باخد علي قفايا
متاخره لانى قاسيه بزياده 
وطيبه بسذاجه

ياعينى عليكى ياطيبة لما بتضيعى منا
لما بنصحى نلقينا بقينا حد غيرنا
وف عز الاحتياج لحضن يضمنا
وف عز الاشتياق لحضن يضمنا
قادرين ازاى ندوس على قلب حبنا وبقينا ازاى كده
**سمنه بلدى**
 
 للاسف كل اللي عرفتهم فسروا قسوتى
وكرامتى وعزة نفسي 
بشكل ضايقنى 
في اللي استولدنى وميغركوش يعنى
انا راجل عند اللزوم
وفي اللي استغلبنى ودوال قله 
وفي اللي الحمد الله استوعدلى
وانا في الاخر مجرد انسانه بتحافظ علي نفسها 
من نفسها بحمينى من نفسي وشيطانها 
بالتالى بقسي عليها بقدر قسوتى علي اي حد اعرفه
 ومهما صرخت فيهم 
مش هستفاد شئ
لانهم اشخاص دمغهم متركبه بالشكل دة 


وتصرخ مهما تصرخ ولا حد هيسمعك
وتصرخ مهما تصرخ ولا حد هيسمعك

مافيش مركب هتقدر بالعمر ترجعك 

 
مافيش مركب هتقدر بالعمر ترجعك  
**سمنه بلدى**



ماسكات عايشه معانا
وجوة متشابهه
اشكال متكرره
تقليد موجود في كل مكان
مبقاش في اصلي
مع بشر نسيت
اغانى الاطفال 
مطالبهم ضحكتهم
كبتنا حتى احلامهم
ما بالكم الكبار
معرفش نعيب علي مين
بلد ولا دنيا ولا احنا ولا كله 
ونريح دماغنا

عايزة ايه يا دنيا
خلتينى واحده تانيه
غيرتينى وبهدلتينى 
مبقتش انا
**سمنه بلدي**


  
وفي نفس الوقت الدنيا خبططت
كتير اوى وورتنا حاجات اكتر
واكبر مننا
غيرت فينا وعندنا احنا فيها
بس انا مازالت كدة ومش عارفه اكون غير كدة

ساعدنى يارب افضل علي الطريق الصح
اللي هو كدة :)

قرب جرب قرب

هنا مش بنهرج

الدنيا بقت سيرك

واللى مايشترى يتفرج

الدنيا دى فيها كام بلياتشو

الزمن لطشو افاه حرقوا بجاز

الزمن وعدوا قام صدق هتشو

واهى ضربت شالاباز
**سمنه بلدى**
 
ليا تكمله وعودة تانيه لتسيح باقي الافكار
انتظرونى  
اضغط

هناك 12 تعليقًا:

  1. بصى الى حسيته من الكلام

    انك فحالة بتكون عندى كتييييييييير جدا

    بنفس التفاصيل والشرح ده

    قولتلك قبل كده ان طريقتك بتفكرنى بيا :)

    حتى شكل البلوج قريب من بتاعى

    شكلنا زى بعض يا سكر :)

    ردحذف
  2. اممممممممم مش عارفه اذا كنت حد من اللى ضايقوكى ولا فرحوكى .... بس أنا أكيد آسفه لو كنت من اللى ضايقوكى وزعلوكى :(

    عندى سؤال صغير :تفتكرى انك فعلا (مش محتاجه طبطبه من حد) ؟؟

    ربنا يوفقك وينور حياتك ويسعدك دايما :)

    ردحذف
  3. موها
    انا كمان بحس بكدة بجد اول ما دخلت

    مدونتك ارتحت جدآآ
    مش عارفه بقي انتى شكلك من النوع التقيل مش ناويه تعاكسينى بقي وتتقدمى ليا ونبقي في النور ولا إيه ههههههههههههههههه

    عموما هكون سعيده بجد لو اتعرفنا اكتر ;) وانا بالفعل سعيده اننا فينا من بعض :)

    بالنسبه لحاله دى هى دايما تيجى كدة في فترات بتبقي مهمه اوى لمراجعه نفسك في حاجات عدت بتبقي تفكير عميق لكل اللي حصل :)

    ردحذف
  4. سوكتى حبيبتى

    لو انتى منهم انا مكنتش هضطر اقول سمنه بلدي كنت هقول عقده وليها حلال ههههههههههههههههه

    ومتتاسفيش علي شئ انتى بالفعل مش متاكده منه معلشي حوشيلي كم الاسف دة لما يكون شئ فعلا هحتاجه ساعتها بقوه :):):)

    بالنسبه لسؤالك
    الواحد احيانا مبيحتجش الطبطبه لان عارفه لما تكونى مخنوقه وحد يحضنك فعلا بتعيطى وبزياده دة بيريح بش مش في الاوقات اللي بتختاري فيها انك تكونى اقوي من اللي حصل وتحاولى تعدى هو دة اللي بقالي فتره في فهمتينى

    نورتينى بجد ووحشتينى اوى

    ردحذف
  5. لو في يوم بقيت من السمنه البلدى بتاعتك ده ابقى قولى وعرفينى عشان اصالحك ღ

    وطيب ... زى ما تحبى (بس انا هآجى أحضنك بالعافيه مش بمزاجك يعنى :D :P)

    والمدونه منوره بصاحبتها اساسا ومش محتاجانى فى حاجه :)
    وإنتى وحشانى جدااااااااا
    Comming Soon ما تقلقيش :D :D

    ردحذف
  6. لا لا لا
    اوحرجت خالص من الكلام ده انا ::$
    وماله نتعرف ونتقدم ونتشقلب من عينتينى
    عملتلك ااد على الفيس
    يلا اجرى اكسبت بسرعة
    ههههههههههههههههه
    اكيد اصلا الواحد بيبقى كتير محتاج يعد من نفسه :)

    ردحذف
  7. ايه اجري دى يابنتى انا اللي بيتجري ورايا اصلا مش واضح من اضافتك السريعه ولا ايه هههههههههههههههههههههههههه
    عموما تشكرات افندينا :):)

    ردحذف
  8. انا غلطانة ولا ايه
    ايون كده اشكورينى اشكورينى
    هههههههههههههههههه

    ردحذف
  9. احلى حاجه بجد لما الواحد بيخرج الافكار اللى جواه كده


    عاجبتنى اووووى طريقه البوست ده
    والاغانى ماشيه مع الكلام جدا كمان

    ردحذف
  10. دينا

    فعلا انا شبهه ارتحت لما اتكلمت واكد اللي جوايا بس بايدى :)

    وربنا يخليكى علي كلامك الجميل

    وثانكس انك خدى بالك من اندماج الكلام مع الاغانى :):) نورتى بجد

    ردحذف
  11. سوكتى انتى تعالي بس وسيبي الحضن عليا :D:D
    وطبعا محتاجكى ياقمر المدونه والتدوين وحياتى كلها متكمليش غير بيك ياعسل :)

    ردحذف
  12. غير معرف12:13 م

    الدنيا................حلوة سعات وسعات ...........وكل المشاكل الى فى اى حد من............الفلوس معاك فلوس هدوس فى اى حاجه

    ردحذف