2011-09-22

الاتنين 26/9/2011

انا انهاردة اتصدمت معرفش
الخبر موصليش ليه بس كان خبر غريب
قال إيه خير اللهم ما اجعله خير يعنى
في قمر صناعى خرج برة مجموعته وهو متجوة الان
للارض ووزنه 5 اطنان والمفترض انه هييقع في مكان والاغلب
هيبقي المكان دة في سكان بس محددوش للاسف فين والساعه كام علشان
نفتح التلفزيون ونتفرج يعنى
المهم ان كل دة هيحصل الاتنين بالتاريخ اللي فوق دة

الله اعلم دة كذب منجمين
دة خبر افتكاسي علشان يرعبوا العالم
وكاله ناسا بتجهز لكدبه ابريل من دلوقتى
كله في علم الغيب
الله اعلم هينزل يقتل السكان دوال 
ولا كلنا وهيبقي اخر يوم لينا
زى ماتوقعوا برضوا

بس يعنى اللي كان هممنى من الخبر انا حتى
سمعته من خلال الراديو ومقرتش الخبر حتى الان
ولاشوفت فيديوا العالم اللي قال كدة
بس قعد افكر لو دة حقيقي او مش حقيقي
في االفتره دى الواحد هيعمل ايه
يعمل اللي بيعمله كل يوم
ولا علشان احنا جبنا هنخف من السيئات
بتاعت كل ثانيه
فكرت طيب ينفع كدة 
بالذمه تكونى لدرجه دى جبانه
وتروحى تنتظمى صح في الصلي
طب دة حتى علامات يوم القيامه المعروفه 
برغم اننا عرفناها بس عمرنا ما هنعرف نحدد
اليوم
يعنى ممكن يجى وانا بكتب دلوقتى ومش هلحق
اعمل اي شئ او اصلح اى اخطاء
او اقول لكل اصحابي واهلى هتوحشونى

بغض النظر قصه القمر المريبه دى ايه
السؤال ليكم انتم دلوقتى
لو عارفين ان قدامكم ايام او يوم او ساعات او دقايق او ثوانى
تعملوا ايه في الوقت وتقولوا ايه لمين؟؟؟؟
 
في النهايه حطوا في دماغكوا برضوا
الآيه 
 قل لن يصيبنا الا ما كتب الله لنا 
 
   
اضغط

هناك 5 تعليقات:

  1. إمممم صعب الإجابه على السؤال ... لكن هطمع فى رحمة ربنا ... وإنه يدخلنا كلنا الجنه بلا حساب ولا سابقة عذاب.

    مش هقول حاجه لحد .... لكن هقول لكل الناس اللى بحبهم فى الله ... أشوفكم تحت ظل عرش الرحمن يوم القيامه.

    فى النهايه ... ربنا يرحمنا برحمته .. ويدخلنا جنته ... و يسامحنا على تقصيرنا فى حقه

    ردحذف
  2. انا شوفت فيديو بردو
    بيقول ان نهايه العالم فى نفس اليوم
    بس عن طريق زلزال كبير هيحصل هيدمر امريكا ومناطق كتير جدا جنبها
    وبالتالى هيدخل على قاره اقريقيا كلها كمان
    بس اتكدب الفيديو ده واتقال انه مش حقيقى
    اول مره اسمع الخبر ده منك
    واضح ان يوم 26/9 ده عملهم ازمه تقريبا

    الاهم اننا زى ما قولتى نحط فى دماغنا الايه الكريمه اللى بتقول قل لن يصيبنا الا ما كتب الله لنا
    حتى لو احنا ربنا ادانا القدره اننا نعرف امتا اخر يوم فى حياتنا
    وربنا آمر اننا مانقدرش نصلح اى غلط عملناه يبقى مش هنقدر

    خليها على الله :)

    ردحذف
  3. هخلى الدقايق دى تسوى انها تتعاش

    صعب ان يتبقى فى حياتى دقايق وساعات

    وابتدى افكر

    خهمل ايه

    ممممممممممممممممم

    هقول لكل اللى بكرهم لسه بكرهكم برضو

    واللى بحبهم

    انا بحبكم لسه فعلا

    وهكتب بوست اودع فيه البلوج بتاعى

    مش هودع اى حد قيقى شوفته وشافنى

    مش هوددع كائنت حيه اصلا

    هودع جمادات بس

    لانها عمرها ما خذلتنى او اشتكت منى

    هقولهم انا اسف انى عمرى ما سيبتكم تتكلموا

    ردحذف
  4. بصي يا قمر
    ربنا بيقول وماالساعة الا كلمح البصر
    وانا سمعت انا فيه يوم الجمعه موضوع القمر الصناعي بس احنا هنا في مصر مش هيحصل حاجه
    وسمعت كمان اني في ناس بتقول ان يوم 26_9
    في حاجه هتحصل برده وهتكون ديه نهايه العالم
    وطبعا كل ده الله اعلم بيه
    ربنا ما قالش علمه لحد
    ربنا يستر

    ردحذف
  5. اسراء : عندك حق وربنا يجمعنا جميعآ يارب اللهم آمين....

    دينا: ونعمه بالله وطبعا عندك حق بس كنت بفكر بشكل ايجابي شويه مش هتحبي تقولى حاجه لحد بقي ياعسل :)

    محمد: كومنتك حلو وصريح جدآ وانا برضوا هعمل نفس النظام مش هنافق بس ممكن لو محدش عرفت اسامحه اوى هتصل واقوله انى خلاص ناسيت وسمحت :)


    ريري:نورتينى تانى بجد

    ان شاء الله يسترها ياقمر

    ردحذف