الاتنين اسود من بعض

اة والله الخيارين اصلا مش خيارين خساره نظلم الخيار

انا عارفه كتير هيقولوا ليا طمع الاخوان ولا القاتل

بس بالنسبه ليا انا مش هجبر علي دة ولا دة

وعملتها مرة وانتهينا 

وعلي فكرة مش هتفرق لان لو نزلنا كلنا حتى ننتخب الاخوان

الشفيق اللى هيفوز عادى جدا الشفشق ماسح كل المناطق

وموزع جرادل كتير
لذلك انا اكيد مش هنزل ادى صوتى لشفيق علشان مبحبش الاخوان
ولا هنزل ادى صوتى للاخوان في سبيل ان شفيق ميفوزش
انا هعمل حاجه تانيه خالص
انا هنزل اعلم علي الاتنين وامضي بكتكوا القرف
اة عايزة افش غلي ولازم ولابد اطلع غلى في حاجه
صحيح انا مش واثقه في موضوع 50 في الميه لو ابطلوا اصواتهم تتعاد الانتخابات كلها من الاول بس واثقه انى بكده هفش غلي ومش هخسر حاجه
نياهاهاهاهاهاها

و الاخوان بيفكرونى بروبي طماعه وجشعه طول الوقت

 مافيش حاجه عجباها وبتجري ورا الفلوس وممكن تتخلى عن اللى بتحبه بسهوله
مع ذلك ممكن تفضل برضوا معذباه بحبها دة
كلامها كله كذب وبتعرف تضحك علي تامر
علشان بس هو اللي بيحبها
مع ذلك كل رجاله المسلسل بيموتوا عليها
مع انهم عارفين عيبها
مبتقفش في الازمات مع حد
اللى اتجوزته انهارده ممكن تطلق منه بكرة
حتى امها قدرت تموتها بحصرتها
واختها اتبريت منها
فعلا لا بتتلم ولا بتسيب حد يتلم ويعيش سعيد
انا عرفت دلوقتى بس انا بكره المسلسل دة ليه
:(((((((((((((((((((((((((((((((

 المضحك المبكى انى عمرى ما شوفتك رئيس من اول ما اترشحت للرئاسه وانا في اخر ترم في الكليه كنت بقول لاء
وحتى ووقت ايام الانتخابات بيقرب كنت شايفه في الاحسن
زى العوا وكنت بحبه اكتر وكنت بقول انك احسن الوحشين
ووانا رايحه اللجنه كنت خايفه اكون بدي صوتى للى هيضيعنا كلنا
بس كل ما كنت بقرب من اللجنه كنت بصدقك اكتر
كتير اقنعونى ان فرصتك اقل من ابو الفتوح بس مصدقتش
دلوقتى بس بعد ما كل حاجه اتحسمت
انا فعلا فخوره ان صوتى كان ليك ولو اترشحت تانى او تالت او رابع
صوتى مش هيكون غير ليك
انت املى فعلا في التغيير
ساظل احترمك للابد :)

وحاليا يا جماعه احنا مش تحت شعار يسقط يسقط حكم العسكر

يسقط يسقط شعب مصر الجاهل 

احنا محتاجين نستورد الشعب كمان 

Continue reading →

بدون عنوان

كان ذلك عنوان لرساله 

بعثت لي

اتعلمِ تمنيت كثيرا 

الا تبعثِ تلك الرساله لى

لان في  داخلى اعلم

انها كانت ستبعث يوما ما

قد اكون تماديت كثيرا

في اهمالى لنفسي ومن حولى

لكن ضميري لم يمل من تذكيري

كل يوم كم انا مقصره 

في حق الكثيرين

تمنيت لو استطعت ان اضع يدى

علي شئ معين يجعلنى

هكذا فاقده للامل ومتفائله

بذات الوقت

ضاحكه ودامعه

حتى استطيع انا اقول 

ها هو ما يحدث

(واطلع غلي فيه)

ولكنى ان كنت اراه

فلن اعترف به

عن الاعتراف فهو اصعب ما يمكن

ان تفعله امام الجميع

واسهل ما يمكن حينما

تكون مستفردا بنفسك

تفعل الكثير تعيش في الاحداث

تدمجها وتجمعها 

تضحك بدون سبب

وتبكى لاتفهه الاسباب

تحدث الدوشه من حولها

لكنها لم تجد دوائها بعد

تقف امام جمله واحده

اتوقع ان تهتمى بي مثلما اهتممت بكى

يا لها من جمله استخدمتيها كثيرا

والان تستخدم عليكى

عدم توقع انكى ايضا فعلتى

ما عبتى به علي البعض

كان امر محدث لصدمه

هل حقا فعلت ذلك

اذا انا استحق ما يحدث 

لى 

حينما تكثر الاعتذرات

وتكثر الرسائل التى تحتوى

علي شكوى الطرفين

بالطبع سيبدأ الملل في الدخول

لقلب الاحداث

حتى يمل احد الاطراف من فعل المعتاد

الغريب ان ذلك لم يحدث لي

لم امل ابدا منك

لم امل بتاتا من مناقشتك

او من تخبيطك

لم امل

فكيف تعتذر عن شئ

انا لم احزن او ازعل بسببه

كلنا انانيون

نصنف كل شئ من وجهه نظرنا

فقط

لا ننظر ما الشئ المحبب لطرف الاخر

ناخذ قرارتنا 

ونقول انها صحيحه

في حين انهم معذبون

بسبب تلك القرارات الطائشه

نحن ننظر من زاويه واحده فقط

ونلتقط الصورة

اما باقي الزوايا تلتقطها الكاميرا

لنفسها ونحن نظل لا نراها

 حولها الكثيرين

من الاشخاص والعديد من الاصدقاء

لاتريد الاستغناء عن احدهم

ولكن ذلك لايعنى دائما موجوده

في كل لحظه احتاجها فيها البعض

ولكن كان كل ما يهمها

انها عندما قصرت فعلت

ذلك مع الجميع

الا واحده ظلت فقط علي اتصال بها

الم تدرك بعد انها تحبها كثيرا

لكنها لا تستطيع التعبير

الاختلاف لايفسد شيئا بين الاصدقاء

والطرف الاخر حينما لايفهم

بعد ان مهما كان من حولك 

فسيظل هو المسيطر الاوحد فهو بالتاكيد

لم يدرك مغزاك بعد

لا اعلم متى سأعود

لم استطع بالتالى التوقف عند كل نقطه

والرد عليها

صدقا لم ارد علي بعض الرسائل

لانى لم اجد ما اقوله

وجد الصمت معبر اكثر

والافعال قد تفرق

اغلقت كل شئ ورائي

اماله في ان اجد السلام

الداخلى

افعل ما اعتد ان يسعدنى

لكن اصبحت الاشياء

مجرد اشياء لا تسعد ولا تحزن

فكان الرجوع اولى والضغط للرد والتواصل

افضل 

ولكنى مازالت افعل ذلك

لانى مجبره علي فعله

فهل تريدِ اهتمامى 

وانا مجبره عليه

لمجرد الا تزعلِ

انا لا اعتقد :)

  

بدون عنوان

كان عنوان لرساله

تمنيت ان تكون

لم ترسل

وسأظل اردد

ذات الجمله

وليت التمنى يفيد 

:) 

Continue reading →

فضيحه بلوجيه نسائيه...3

تنويهات بدائيه

1

بما انى بحاول اروق اليومين دوال

وانفض وامسح للي بيحصل

فقررت انزل البوست التالت

والاخير غالبا علي ما اتذكر

وبعد طول انتظار الى ان اكتسح الاسواق

بوست الفضائح 

نياهاهاهاهاها

ربنا يقدرنا علي الشر دايما

وميحرمناش من مقالبنا 

2

بما ان زناتى شايف الروقان تابعه

فاحنا اللى اخترعنا المزاج كله

حتى لو انت اعترفت بكده ليس هوناك مانع 
من التاكيد
^_^

3
البوست اللى فات خال ابراهيم مفهمش مرشحين اتكلمت عنهم
انا كان قصدى التريقه السطيحه
وعلي كلا انا شخصيا مكنتش
فاهمه ايه البوست اللى مالوش اساس دة
احب اوضح انى احترم بشده ابو الفتوح والعوا وخالد علي والبسطاويسي
والاخوان لاء 
مبحبش اللحمه انا
واللي بيشيل امبوبه بتفرقع في وشه 
حمدين شكلى هرشحك با ابن اللذينه
يلا مراتك علي اسم امى بقي
فانا ارتحتلك وعلي راي اللى بيحبوك
اكتر حد صدقته 
بس بيجد يعنى مينفعش يحصل اتحاد بينه
هو وابو الفتوح والعوا وخالدعلي
لو واحد منهم كسب يستخدم البقيه
انا مش حاسه كل واحد ينفعع يكون رئيس لمصر
بس حاسهم كلهم كمجموعه كده هما الرئيس القادم
لان كل واحد في ميزه مش عند التانى 
وعنده خبره في منطقه مش عند التانى 
4

ليس معنى انى لم افضح بعض الاشخاص الذين

اعدت الدخول لمدونتهم ودخولهم لمدونتى

انهم يقلون عن من فضحوا ابدا

خالص والله 

كل مافي الامر ان لسه مركزتش وملقتش

ليهم ماسكه  ;)

 ____________________

دندن (دينا) مدونه

بنت مش من الزمن دة 

هاهاها

حبيبتى انتى يا دينا والله انتى عارفه كده

صح ههههههههه

طبعا انا فضحتك في بوست اللقاء العفريتى

دة 

بس لم افضح كله

دينا حد هادى جدا

بتحب السكون والوحده والتركيز

بتحب تسمع اكتر مما تتكلم

بس اعتقد في البيت

انتى مش كده اوى

اكيد في زعقتين شويه

مع تعصيبه مع عند شويه

واضح انك بتحبي العناد معرفش ليه

مش اى كتاب ممكن يشدك

وبيفرق معاكى جدا شكل الكتاب وكلام الناس عنه

رومانسيه لكنك لستى خياليه اوى

اعتقد التفكير الكتير في الماضي واحداثه

مخلي الاوقات اللى بتحصل دى تيجى

مزاجيه جدا واعتقد ليكى زوق معين في الالوان

وليكى الوان محدده بتجذبك اكتر

وبتفضلي تلبسيها

في اوقات معينه برضوا 

دايما بتصنفي كلامك

علي انه كلام والسلام

بحسها محاوله بتقنعينا بيها

قبل ما تقنعى نفسك 

ان الكلام دة مجرد فضفضه ملهاش لازمه

بس دايما ورا موضوع البوست 

حاجات كتير منها حاجات موجوده

في الحاضر وبضايقك ومش هتقدري تغيريها

وحاجات في الماضي ومش قادرة تنسيها

احساس برضوا

في النهايه يا جماعه

لمن لم يقابل دينا

هى رقيقه لابعد الحدود

منصته جيده جدا وتهتم بالسمع

لا تحب الجدل الكثير 

وصوتها مبيعلاش عن 

اللي يسمع بس اللى معاها

كتير مش بترد علي فونها

وبتقلق الناس عليها

بس رديتها ليكى فبيييس 

هههههههههههه

علي فكرة عدم ردك علي الناس

مع استمرار فتحك لموبايلك

بيؤكد انك دايما في عز حزنك 

بتفضلي مستنيه مكالمه معينه من حد معين

بس واضح انها مبتحصلش 

مطنشك صح ههههههههه

كمان اعتقد انك بتكونى فاكرة الحركه دى

هتريحك كتير عن قفل موبايلك

بس دايما النتيجه بتكون عكسيه

ولانك من محبي الانتظار والصبر

معتقدش انك هتملى من فعل دة

واخيرا بتتاخر تسقف علي ايدى

ومها دايما بتحاول توقعنا

^__^

بحبك يا دندن 

____________________

نيللي على 

(نينو)

مدونه عطر الاحباب   

صاحبه قلم لا يكتب هكذا الا بتفكير عميق

دائما لها رؤيه في كل شئ

واضحه ومحدده وبسيطه وانسانيه

تعشق كت كات دى نقطه الضعف 

ههههههههههههه

اعتقد انها برغم حبها 

للقاء الناس

الا انها تفضل الانعزال عنهم في بعض الاحيان

معرفش قفلتى حسابك ليه 

مؤخرا والظاهره بتاعتى انتشرت باين

ومرضي كان معدى

اعتقد انك فقط محتاجه تشوفي الحياه

برؤيه تانيه

بيجد مش هزار

نينو انتى ملهمه لتفائل والامل والصبر والابتسامه الصافيه

والقلب الكبير

بتحاولى كتير تتناسي همومك في سماع

هموم الاخرين

او انك تشغلي نفسك في عمل اى شئ

احيانا برغم حبك لكتابه ولجلوسك لوحدك

استشعر انك تمقتى هذا في بعض الاحيان

حينما لا تريدى لكآبه ان تخيم عليكى

وللوحده ان تستفرد بكى

منظمه جدا 

ومصدر تعبك الاهتمام بكل شئ بالاخرين

مثلا

وذلك ما يزعجك عند اكتشاف 

ان الاخر لا يهتم بك مثلما تهتمى

خاصه ان لم يكن لديه ما يمنعه من ذلك

محبه للقراءة لكتاب القدامى

يحي حقي ويوسف ادريس و....علي شاكلتهم 

تلقائيه في كلامك جدا

صادقه لابعد الحدود

دائما لكل شئ وقت

قد تستشعر من كلامها البلوجى

او علي الفون انها شخصيه غير مرحه

لكنها مرحه جدا وبتنكت كمان 

ههههههههههههههه

قد يكون ليس كل من حولها

يفهمون مطالبها

واهتمامتها 

ورغباتها ذلك يؤلمك

رغم انك لاتظهري ذلك

ولكنك دائما تعودى لترددى

يكفينى ان يكون شخصا واحد مهما

في حياتى مهتما بما افعل

لا تحبي تقديم التنازلات

مبادئك دائما محدده لا تتنازالى عنها بسهولها

الا في سبيل تغيرها للافضل

القرآة عندك تمثل الواجب الذي يفعله

الطلاب كل يوم عند العوده ولكنها

تفعليها بحب التعلم وبشوق القرأة

لاشخاص تحبيهم 

اعتقد انك تجيدى لعبه الالهاء

حتى حينما يكون لديكى نقطه ضعف معينه

لايتنبه اليها الاخرين

فانتى لاتحبي ان تظهري امام شخص 

انك لديكى ضعف في نقطه ما

دائما  تلهمك احداث الماضي وذكرياتك

ولكن مع مرور الوقت اصبح تلك المعلقه

التى تقلبين بيها اثقل مما يجب

عليكى لذلك ارجو ان تنسي الماضي بكل

اللي كان فيه وتنبسطى شويه لان من حقك تفرحى

وبس

اتمنى تكونى بخير دائما 

___________________

فراشتى (منمونتى) مدونه

   كلمات في حياتى

  

مونتى حبيبتشي انتى بيجد يعنى

مونى الرقيقه صاحبه القلب الكبير

الشقيه والمتفائله والجميله

بس حزينه من جوه

دايما بحسك جواكى جرح

كبير مش قادره تتخلصي منه

مع انك قويه وعارفه الحل

بس لسه حاسه نفسك

مش قادرة تطبقي

ولان الحياه كمان معاندكى 

مافيش حاجه عايزة تتم زى ما انتى عايزة

ساعات كمان بحسك قصدك تتكتمى

مش خوف من بوح اسرارك

بس خوف ان البوح ميقدمش ليكى

الراحه المطلوبه

غير انك عرفتى حد جديد سرك 

وبقي مطلوب منك تتسئلي كل يوم

في الموضوع ده

بس في ناس كويسه ممكن تثقي فيهم

وصدقينى مش هيقولوا ليكى مالك ولا في ايه

ولا هتزودى زعلهم

بل ممكن تخرجيهم لما يشوفوكى كده هيحسوا

ان في حد بيشاركهم آلمهم في حاجات كتير

دايما مش بتسنح الفرصه ليا اقولك

انا موجوده في اى وقت

بس انهارده فضيحه بفضيحه

انا موجوده علي طول ومبملش من الرغي

زى ما انتى شايفه كده :)

كتير بتنعزلى عننا في صمت

بتفتكرى ان دة الحل الامثل لكل شئ

بيساعدك دة تهدى نفسك ويمكن

بيشحن طاقتك انك تقدرى تواصلي

تمثيليه الانبساط والضحك 

اللى كتير مبتعرفيش تفرقي بين 

انك بتمثلي ولا بتضحكى بيجد

بس علي قد دة ما بيساعدك انك ترجعى

تكملى بنفسك فراشتنا اللى عارفينها

علي قد ما بتحسي اكتر بفراغ من جواكى

بسبب الموضوع وبياكد ليكى حاجات وبيفكرك

باشياء مكنتيش عايزة تفتكريها

علي فكرة مدونتك هتفضل دايما مصدر راحتك

حتى لو 99 % من اصحابك بقوا من التدوين

دايما انتى اللى بتحددى مين يناقشك في ايه

متخليش حد يخليكى تسيببي متنفسك الوحيد

حتى لو هتقفليها وتكتبي كام بوست لنفسك بس

فراشتى انتى حد متفهم اوى وطيب اوى

ومتسامحه مع نفسك ومع اللى حواليكى وجميله من جوه

متخليش حاجه تغيرك

ولا اى شئ سئ يتعبك او يضايقك

الحياه ليسه شايله ليكى حاجات اكيد منها الحلو والوحش

بس انتى قد الوحش وان شاء الله تنبسطى بالحلو

املك وهدفك طول ما قدامك ومحفاظه عليهم

هيساعدوكى تعدى مواقف كتير وحشه ممكن تحصل

مش هفضح ضحكتك بقي

بس اتمنى اشوفك دايما سعيده

^_^

___________________

 نكمل الجزء الرابع من فضيحه نسائيه لانى لو كملت البوست هيطول عليكم

ومش عايزة اتعبكم :)

     

Continue reading →

الروقان ...2

تن تن تيرارارار تن تن تيرارار

ايوان انا ناويه اعمل كدة فعلا بمنتهى الروقان

لاء مش اولادى 

مرشحين الرئاسه 

وعلي راي واحده عارفه نفسها 

المرشح دة محتاج دكتور 

هههههههههههههه

بصراحه شديده انا كنت ضد اللى في العباسيه

مطالبهم مشروعه ولكنهم ولوا مطالبهم

اهميه اكبر من اللازم

مما ادى الى ان المصالح والجامعات وكل الناس

مش عارفه تروح في مكان بسببهم

هما حبوا يعندوا في الجيش

بس عندوا فينا احنا

_________

مرة كان مجموعه من الاصدقاء بيتناقشوا

مابين فاتحون لا حازمون

دة قبل ما يتقلش الشيخ حازم طبعا

وانا عماله اضحك وساكته

بصوا ليا كلهم مرة واحده

وانتى يا رنا ايه

قلت ليهم ايه

قالوا تبع مين

قلتلهم 

انا لا فاتحون ولا حازمون

انا معترضون

لو حد لقي معترضون نزل يرشح نفسه عليكم

بتبليغي 

^__^
_______________

اعود لاعى ان الفكرة ليست في ان تكون الدوله اسلاميه
فاقامه الاسلام في النفوس
وليس في من يمتكلون النفوذ
اعود لاري ان ذلك الهبل الجماعى
في الاتفاق علي عزل بعض الاشخاص بقانون
هو غير دستوري بالمرة
هو خوفا من ان يكسبوا
الانتخابات
جميعكم خائفون من ان يمسكنا شخصا ينتمى
الى النظام السابق
ونسيتم ان جميعا كنا ننتمى اليه
جميعكم تريدون الجميع يشارك في الانتخابات
فقط حتى ينقذ بصوته شخصا
ليس من الفلول
ونسيتم اننا لم نعد ضعفاء
لنعد الي استحمال شخص غير جدير بفعل شئ
اعود لاري ان احمد زى الحج احمد بالفعل
والفكرة ليست في ان مصر تنتخب الرئيس
بل مصر بتهبل وهنام  كلنا علي الرصيف
والرئيس اللى هيجى هو اللى هينتخب مصر
وان كما وجدنا البرلمان زائف امس سنجد اليوم ان انتخابات الرئاسه
لم تفرق كثيرا عنه
ربما الجيش يقنعنا بغير ذلك
ولكنى اعلم حينما يريد التغيير
ففسوف يسلم السلطه بالفعل
ولكن الى نفسه :)
نعود لحوارنا فالكعاده انا بارعه في الرغي ايضا
الفكرة ليست في من له خلفيه دينيه
ومن له خلفيه سياسيه
ومن لديه التحنيك
ومن تابع لمن
الفكرة في البرنامج وقوه الشخصيه

والاهم في من يطيح بالبرلمان
لذلك مصر لن تنتخب رئيسا
لان ولا رئيس يصلح ان يكون رئيسا
اساسا
 :)
___________________

 الحقيقه انى بالفعل لا اعلم حينما

اتزنق كده هرشح مين

للاسف انا لست من مؤيدين انى

احط ايدى تحت درس اى جماعه اسلاميه

بالتالى الشيخ حازم من الاول لم اكن ادعمه تماما

كنت اراه يصلح لما يفعله كشيخ ليس اكثر
وبصراحه سواء مامتك معاها الجنسيه
ومش عارف سواء معاها وعارف سواء مش مش معاها
خالص 

في الحالتين انت وقعت

بس اعوان ريتشارد ليسه سارقهم

السكينه 

احب اوجهه التحيه ليهم واقولهم رقبتكم ليسه بخير

_______________

عمرو موسي
مسير الشمس تحرقه ويسيح
كم ان علاقاته الخارجيه مبنيه على حب الجميع له
ولكنه نسي ان علاقاته الداخليه مبنيه علي كره الجميع له
ولا اعتقد اننا سنعينه ليمسك دوله غير مصر

 _________________

شفيق

  يا شفيق بكرة تكبر ونجبلك

مصاصه ونعرفك ان في انواع تانيه

لهزار ههههههههه

البرنامج اخر حلاوه الصراحه

انت مسبتش نقطه عارفها الا لما سديتها

بسد الحنك اقصد بخطه تنفيذيه محنكه

بس ياتري هتجيب الفلوس منين 

وياتري برضوا كله هيتحل 

بالنبنون تفتكر
ويا شفشق ان كنت
 لم تستطع بادواتك المنزليه مسح ماضيك
ما بالك في تسلق السلم
انا اراه مقنعا جدا لدرجه كبيره
وليس اهبل ولكنه لن يستطيع السيطره علينا
ولكن في ذات الوقت عندما يحكمنا
لن يوزع عليا البنبونى بالفعل
ولكننا سنجد القنابل تنزل حتى تغرقنا جميعا

 ___________

وابو الفتوح
يمشي بمدأ كله يسقف وهيصه اين البرنامج انا لا اراه حقيقتا
وان كنت ارى ان فكرة انعزاله التام عن الجماعه هى بالفعل حدثت
ولكنها لن تستمر ان مسك الدوله ولا ايييه

 ياتري الحصان كام سي سي 

_______________

ومحمد مرسي
ارسي اغنيه حلمه هو حلمنا
ونسي ان الاخوان اكبر كابوس يحتل مصر الان
وانا اري ان الاخوان يغمزون اليكم من تحت لتحت
انهم سيغزوا حتى احلامكم
فهل هى ناقصه
ولكن ارجوك عمو محمد بما ان من بوسترات حضرتك
يغلب عليك الروح الاهلاويه
فطلب من اهلاويه لا تاخره
ان تضيف الي برلمانكم الجميل دة ميكي مويس وميمي
وتسلملى علي وينى ذا بوه اوى
عجبانى اداراته الاخوانيه المتحرره جدا للبرلمان 

_________________

اما عن خالد علي
واحسرتاه علي المحامين
هو لم يفد ولم يضر
هو فقط يبتسم لتطلع الصوره احلى
من احمد زكى ومنى زكى

^__*

___________

بالطبع لن اتحدث عن البسطاويسي
انتم تعلمون انى كنت ادرس الحقوق التى جعلتنى اعى
 ان هيبه القضاء لا يحتاج الى ترفيع اكثر من ذلك
بالطبع وقتها لن تسطيع ان تمد يدك علي شئ في الدوله
لان جميعها سيكون حصري لقضاه فقط :)) 

_______________

 الانكت في ذلك العالم انى مازالت انتظر سليم العوا 

 يظهر كده ويصرفله اتنين مليون حتي
بس واضح ان الراجل بخيل بخل التنين والفيل
ودة  حاجه كده بتقطهم الضهر اكييد
ولكنه ينبئ اننا سنعيش فترة حريصه حرص لو فقط تمكن من ان يرئسنا
سنعيش مثل حريص وحريصه في ونيس
وستجد الشعب المصري جميعه يفتحون علب الحلوى التى عليها مكسب لياخذون
مكسبهم ثم يرجعونها الى البائع بحجه ان صالحيتها انتهت :)

 الانكت من الانكت دة انه طلع اول البارح

فعلا وقالك اتمنى ان اصل لحد الاقصي

10 مليون

اللا ياعم ما شوفت حد الحد الادنيى

متستهونش بي دة مكار مكر 

وكاهين كوهن

ولكنه سيظل المظله التى يحتاجها

عمرو موسي بعد وقوفه تحت الشمس

طيله المده هذه كلها

______________

حمدين صباحي 

انا ملاحظه ان كل اللى بيتكلموا

عن حضرتك بيتكلموا باسلوب كان ايام انور

كان اول مبارك

هو حضرتك كنت مهاجر الفترة المنحدرة دى ولا ايه

ويقال انك حاسس بمشاعر واحاسيس المواطن الغلبان

والله ياحج عارفه البرنامج بتاعك جامد اخر حاجه

خطواتك فظيعه

لكنى لست متخيلاك رئيس صراحتا

خالص خالص خالص

يعنى فكرة هتجيب فلوس منين

محيرانى اوى

واللى محيرنى اكتر

هتواجهه الاخوان بايه

بالمعلقه ولا الشوكه

ولا انجغ انجغ

يا جماعه اتهشوا

خد بالك النسر بيحلق والشمس

وراه نياهاهاهاهها

والمظله تحت والحصان بيجري

واخاف عليك اخاف عليك اوى

   من الميزان ليقلبك شمال

______________

الخوف يكمن من ان نخاف نحن او ننسي 

ان شباب مصر فعل الكثير لانجاح الثوره
وهو ليس بحاجه لقوانين عزل ليثبت وجوده
او يطمئن ان مصر لن يمسكها من يستحق
فالعديد من الاشخاص لم يعزلوا لكنهم لا يستحقوها

والجامعات الاسلاميه
وخاصه الاخوان
اثبتت انها كالطفل المحروم
من الايس كريم وعندما وجده ظل يلتهمه بشراهه
فاذا غيرنا ذلك الطفل لرجل بحجم مرشدهم
فانه في البدايه سيلتهم فقط الايس كريم حتى يشبع
ولكن بعدها سيفكر كيف ينتقم
حتى لايستطيع احد احرامه مرة اخري
وكيف يشبع نفسه ذاتيا

والانكت ان الجامعات بتخبط في بعضها السلفين

 يستغربون تطبيق جميع الاخوانين كلام المرشد
ولا يستعجبون حينما يطبقون هما كل شئ يقال لهم من شيوخهم
سواء صح او غلط ولكنهم لا يغلطونهم ابدا
والانكت ان حزب النور اينما اتجهه سيتبعه السلفيون كظله
ومع ذلك هما يستغربون كيف جماعه الاخوان تفعل غسيل مخ
لكل الشباب الذي ينضمون اليهم
فعلا حاجه غريبه

لذلك وبرغم كل ما اره من شفقه علي من يرشحون
انفسهم لرئاسه
وفي زحمه الانشغال بذلك
وبالفوضي الجميله التى نعيشها
بالتريقه علي كل من دب وهب
وها انا اتريق بالمره من نفسي بقي
وعلي اعطاء كل من ليس له حق حقه
ولاهتمام بالزائد بالاشياء التى ليس لها اهميه
قررت انا بكامل قوايا العقليه
الانعزال التام اوالموت الزؤام
^___*

واسئلكم في النهايه هترشحوا ولا هتقاطعوا

ولا هتعملوا ايه 

؟؟؟؟؟؟؟؟؟؟

Continue reading →