2011-09-29

كنت طفله..


زمان وانا صغيره مكنتش اعرف افرق بين الاحتياج ليك
وانى بحبك انت اكيد
مكنتش فاهمه ازاى وانت معايا واحشنى
وانت بعيد برضوا بتوحشنى
لما كبرت وعرفت وفهمت
اتاكد انى محبتش غيرك...انت

2011-09-22

الاتنين 26/9/2011

انا انهاردة اتصدمت معرفش
الخبر موصليش ليه بس كان خبر غريب
قال إيه خير اللهم ما اجعله خير يعنى
في قمر صناعى خرج برة مجموعته وهو متجوة الان
للارض ووزنه 5 اطنان والمفترض انه هييقع في مكان والاغلب
هيبقي المكان دة في سكان بس محددوش للاسف فين والساعه كام علشان
نفتح التلفزيون ونتفرج يعنى
المهم ان كل دة هيحصل الاتنين بالتاريخ اللي فوق دة

الله اعلم دة كذب منجمين
دة خبر افتكاسي علشان يرعبوا العالم
وكاله ناسا بتجهز لكدبه ابريل من دلوقتى
كله في علم الغيب
الله اعلم هينزل يقتل السكان دوال 
ولا كلنا وهيبقي اخر يوم لينا
زى ماتوقعوا برضوا

بس يعنى اللي كان هممنى من الخبر انا حتى
سمعته من خلال الراديو ومقرتش الخبر حتى الان
ولاشوفت فيديوا العالم اللي قال كدة
بس قعد افكر لو دة حقيقي او مش حقيقي
في االفتره دى الواحد هيعمل ايه
يعمل اللي بيعمله كل يوم
ولا علشان احنا جبنا هنخف من السيئات
بتاعت كل ثانيه
فكرت طيب ينفع كدة 
بالذمه تكونى لدرجه دى جبانه
وتروحى تنتظمى صح في الصلي
طب دة حتى علامات يوم القيامه المعروفه 
برغم اننا عرفناها بس عمرنا ما هنعرف نحدد
اليوم
يعنى ممكن يجى وانا بكتب دلوقتى ومش هلحق
اعمل اي شئ او اصلح اى اخطاء
او اقول لكل اصحابي واهلى هتوحشونى

بغض النظر قصه القمر المريبه دى ايه
السؤال ليكم انتم دلوقتى
لو عارفين ان قدامكم ايام او يوم او ساعات او دقايق او ثوانى
تعملوا ايه في الوقت وتقولوا ايه لمين؟؟؟؟
 
في النهايه حطوا في دماغكوا برضوا
الآيه 
 قل لن يصيبنا الا ما كتب الله لنا 
 
   

2011-09-21

فريده من نوعها ...فهل يمكن الا احبها

بدايه مهمه
 
هبتدى البوست علي غير العاده 
واقول ان البوست موجهه لاعز واغلي شئ
في حياتى وعمري

هتقري الكلام لحد الاخر وهتصبري
لانك عمرك ممليتى من رغي
او حتى من كتاباتى الوحشه
دايما واقفه ورايا وبتشجعينى
علشان كدة هفضل محتفظه 
لحد الاخر باسمك :)

يمكن عمري ماعملت معاكى
زى ما عملت مع اصدقاء كتير 
وكتبت مرة ليكى اي شئ في ورقه
يعبر عنك وعن حبي ليكى 
ولا اديتك مع هديه بعض الكلمات
يمكن لان في ناس في حياتنا لما بتبقي مهمه
اوى مبنعرفش غير اننا نحتفظ بيهم في قلوبنا
لا باقلامنا او اوراقنا
ولكنى شعرت اليوم ولظروف تعاندنى
في ان افهمك ما اشعر به بالفعل
ان اكتب ولأول مرة لكى
وهنا يكمن الاختلاف لانك لست وحدك من تقرأين الآن:) 
تدبيسه يا معلم ههههههههههه
 
والآن انتى مضطرة كما يحدث دائما
ان تسمعينى ربنا معاكى لانى بالفعل مش مرتبه اى شئ
ولا اى كلام وانتى وحظك 
ممكن ازدها تعقيد انتى عرفانى باجى اكحلها اعميها
عادى جدآآآآآآآآآآآآآآآآآآآآآآآ
ويمكن الطفها انتى وظروفك عادى جدآ برضوا
وبرضوا علي غير العاده هوضح ان الكلام الاول 
وبعدين الصورة المعبره عنه
زياده في التوضيح مطلوبه
*****************************
 انتى من الشخصيات الذين لايملون
من تغير حياه الاشخاص
لذلك فانا اعلم كم عاندى الحياه
لتكونى معى
كنت اتامل افعالك كثيرآ حينما
تاكدى لي في كل فعل اننا لسنا مختلفون كليآ
عن بعض
فكل مافي الامر ان مزيدآ
من المعرفه الدينيه ستجعلنى افضل
اتاملك وقتها كثيرآ
فابتهج بك كثيرآ

ذلك الحضن العميق
الذي كان يشعرنى براحه ابديه
فكأن حياتى توقفت عند تلك اللحظه
لايفرق معى اي شئ
وينسينى اى شئ
فليس هناك شئ
يساوى وجودك
بجانبي
فابتهج واسعد بك
 
 
اعلم كم انا محيره ومغلبه
في كثير من الاحيان كتومه
بعض الشئ 
وانتى صبورة
معى لدرجه تحرجنى من نفسي
فاحاول ان اغير من ذلك
بسببك انتى فقط
لاتتفاجئي فرغم انى الاكبر
ولكنكى اضافتى لي الكثير والكثير
حينما كنتى تغلبينى في حوارآ 
كنت ابتسم من سعادتى بكى
وبعقليتك حقآ انتى فريده
وقتها ايضآ
ابتهج وابتسم واسعد بذلك
تعلمين انى احبك بالطبع
ولكنك لاتعلمين انى افكر بكى
في جميع الاوقات واتخيلك كثيرآ
بابتسامتك الهادئه وشقاوتك الرهيبه
ونظرتك التى لا اشبع منها
ستقولين بالطبع الان دة غزل بقي
تعالي اتقدمى
آجى يا اختى مافيش مشكله
انتى عارفانى جريئه من يومى 
خاصه مع عمو ههههه
ولكن بالفعل انا وصلت لدرجه
ان لايمر يومى الا حينما اتخيلكى امامى
بكل ما احبه فيكى
وقتها فقط يهون كل شئ امام تلك اللحظه
فاشعر
بالبهجه والسعاده والفرحه

 
اشعر دائمآ انكى طفلتى
التى تمنيتها
ببرائتها ذاتها
التى تخليتها اراها فيكى
بشقاوتها هى انتى
بطيبتها وحنانها
بابتسامتها وحركاتها
بخجلها وادبها
احبك طفلتى الكبيرة والطويله 
:):)
الشيكولاته والمفاجأت
تعلمين كم احبها
فكنتى دائما لاتنسين وتحملينها
كل مرة نتقابل فيها 
لاتملين من ذلك
وحينما كانت اسنانى توجعنى كثيرآ
ولا استطيع قطم اى شئ يعصي عليها
ففكرتى كيف تسعدينى
واحضرتى معكى شيكولاته سائحه حتى اتمكن
من اكلها
اتعلمى ان تلك اللحظات كنت اريد فيها ضمك
بشده ولكنى عجزت عن التعبير كما كان يحدث
دائمآ كم انا خائبه معكى
حتى المفاجآت التى كنتى 
تفعليها معى وتحضري لي شئ
لم اتخيل انكى سوف تعطينى اياه
لم انسي حتى الان كيف
كان تعبير وجهك المشرق والمنتظر
رده فعلي
بالفعل انتى فتاه احلام اى رجل
وفتاه روحى 

سوف تظلى تفكري الان عن من اتحدث
وقد تعيدى بعض الجمل التى تحيرك
والتى قد تعجبك
وعندما تعلمين انه انتى انتى فقط لا احد غيرك
ولا بعدك
اتخيلكى تبتسمى بشده وتحاولى ان تتغلبي علي خجلك
لتعلمينى ان المساله ليست تستاهل كل ذلك
وفي نفس الوقت وكالعاده سوف
تتشاقي وتتلبطى في الكلام
وانا انتظر ذلك علي احر من الجمر
والعبره بالنهايات 
فاصبري قليلا
وفكري فكري فكري

الغايه من ذلك تكمن
انى اذا قولت انى حزينه
فهذا ليس بسببك او منك

اذا شعرتى انى في غير حالتى
فهى الدنيا ماذا افعل
حينما اقول انى ساصمت قليلآ
لن اتحدث وساكتم ما بداخلى
فذلك لايسري عليكى
بل فقط مع من عذبونى بكثره ضغطهم
علي جروحى
كل مافي الامر فقط
اعطينى الوقت لانسي
وساتحدث  بعدها
حينما ابتسم في وجودك
فتلك الابتسامه لكى
ارجوكى لاتنسي ان تحتفظى بها
حينما تشعري انى زعلانه منكى 
بالتاكيد انتى خاطئه
فلن يحدث ذلك وان حدث سوف اقول
لذلك لاتتاسفي ولكن
اجمعيهم من اجلى لانى يوما ما ساحتاجهم بشده
 
عارفه انا اول مرة اصارحك
بكل دة ليه
لاء لاء مش علشان بس
مبعرفش اعبر
ولا خايفه من الحسد برضوا
ولا من اللي بالى بالك اللي عندى
بس يمكن لان كل دة كنتى بتعملى
وانتى مش مدركه 
بتعملى وانتى فاكرة انى مش هلاحظ التفاصيل
بتعملى لحبك ليا
علشان كدة كنت بكتفي بالابتسامه
علشان تيجى المرة اللي جايه
تعملى دة وانتى معتقده انه عادى 
ومتحرجيش
:) 
عارفه ان فضولك قتلك
عايزة تتاكدى الان
ولكنى ساكمل بعض الكلمات فقط
كم رغايه انا بطبعي

احبك لانكى كالبريق الذي
لاينتهى
ينير طريقي
يحسن من ادائي الدنيوي
يساعدنى في تخطى العديد
من الاشياء
انتى صديقه اعلم كم يحسدنى عليكى الكثير
واخت ولدتها امى ووصتها علي
وبنت خاله بالنسبه الي 
لايوجد بنت خاله مثلك
احبك بكل ما املك
 
سامحينى ان كنت
غامضه واغضبتك
او لم اركز معكى
فضايقتك
او انشغلت يومآ
عنك 
 
سامحينى سوكتى:)  



2011-09-16

2011-09-15

سمنه بلدى :(


الحزن السعيد والسعاده الكئيبه 
تناقض في كل شئ حولى
تناقض في تناقضي لنفسي
في تناقضي مع غيري 
وكإن الضحكه بعيده عنى 
واضحك وكإن الضحكه بجد
مش محتاجه طبطبه من حد
وانا لو بنكسر من جوايا
مش عايزة في نظر الناس اتهد
 **سمنه بلدى**


 عايشه حاله مش حالتى
كآبه علي جروح قديمه لسه بقفلها
عايشه في دور هادى بشكل خنقنى
عايزة اصرخ اثور علي كل اللي ظلمونى
وبصبر نفسي
علشان عايزة ارضي ربي
مش عارفه هصبر كدة لامتى
حاله هتروح زى اى حاله بتعدى عليا
علشان كدة كلامى كله
ينطبق عليه سمنه بلدى 
هتزول مع نهار جديد 
مع حلم جديد
يارب صبرنى قوينى انصرنى:)

 انا عايشة حالة مش عارفة ايه اخرها
مش عايزة حاجة من الدنيا تانى غيرها
عايشة وخلاص مش عارفة ايه هيجرا
ولا عندى اى فكرة بكرا مخبيلنا ايه

**سمنه بلدى**


انا عارفه نفسي 
درستها وحفظتها 
من تخلفها او من تميزها او من تاخرها 
عن الاخرين
ايوة متاخره 
متاخره في انى اعرف اميز
بين حاجات كتير
بين انى اعرف ازاى ازوق كلامى
واخد بي مرادى
وانى الحقيقه بحدف عمارات دايما
بين انى حقنيه زياده عن اللزوم
لدرجه تخلى اللي قدامى هو اللي يثور
بين انى فاهمه الدنيا 
بس في الاخر باخد علي قفايا
متاخره لانى قاسيه بزياده 
وطيبه بسذاجه

ياعينى عليكى ياطيبة لما بتضيعى منا
لما بنصحى نلقينا بقينا حد غيرنا
وف عز الاحتياج لحضن يضمنا
وف عز الاشتياق لحضن يضمنا
قادرين ازاى ندوس على قلب حبنا وبقينا ازاى كده
**سمنه بلدى**
 
 للاسف كل اللي عرفتهم فسروا قسوتى
وكرامتى وعزة نفسي 
بشكل ضايقنى 
في اللي استولدنى وميغركوش يعنى
انا راجل عند اللزوم
وفي اللي استغلبنى ودوال قله 
وفي اللي الحمد الله استوعدلى
وانا في الاخر مجرد انسانه بتحافظ علي نفسها 
من نفسها بحمينى من نفسي وشيطانها 
بالتالى بقسي عليها بقدر قسوتى علي اي حد اعرفه
 ومهما صرخت فيهم 
مش هستفاد شئ
لانهم اشخاص دمغهم متركبه بالشكل دة 


وتصرخ مهما تصرخ ولا حد هيسمعك
وتصرخ مهما تصرخ ولا حد هيسمعك

مافيش مركب هتقدر بالعمر ترجعك 

 
مافيش مركب هتقدر بالعمر ترجعك  
**سمنه بلدى**



ماسكات عايشه معانا
وجوة متشابهه
اشكال متكرره
تقليد موجود في كل مكان
مبقاش في اصلي
مع بشر نسيت
اغانى الاطفال 
مطالبهم ضحكتهم
كبتنا حتى احلامهم
ما بالكم الكبار
معرفش نعيب علي مين
بلد ولا دنيا ولا احنا ولا كله 
ونريح دماغنا

عايزة ايه يا دنيا
خلتينى واحده تانيه
غيرتينى وبهدلتينى 
مبقتش انا
**سمنه بلدي**


  
وفي نفس الوقت الدنيا خبططت
كتير اوى وورتنا حاجات اكتر
واكبر مننا
غيرت فينا وعندنا احنا فيها
بس انا مازالت كدة ومش عارفه اكون غير كدة

ساعدنى يارب افضل علي الطريق الصح
اللي هو كدة :)

قرب جرب قرب

هنا مش بنهرج

الدنيا بقت سيرك

واللى مايشترى يتفرج

الدنيا دى فيها كام بلياتشو

الزمن لطشو افاه حرقوا بجاز

الزمن وعدوا قام صدق هتشو

واهى ضربت شالاباز
**سمنه بلدى**
 
ليا تكمله وعودة تانيه لتسيح باقي الافكار
انتظرونى  

النقد الذي يصل الي الحماقه لايوجد اي رد معبر عليه الا الصمت الرهيب
لذاااااااااا ..................................................................................................................... .

2011-09-13

كلام

اعطانى هذا اللقب وتاسف عليه
ابكى نفسه والان يلومنى
مع انى وبكل صدق لم اخدعه
لم امثل تلك التمثيليه التى نسخر منها جميعآ
وبكل صدق رفضه حتى لا يتالم فيما بعد
فهل ذنبي انى ارددته ان يتخطى ذلك الان وليس بعد

2011-09-04

اذيكم اذيكم







وحشتونى اوى اوى

حبيت اشاركم لحظات الطبيعه 

في الاسكندريه ويارب نتقابل عن قريب

وهرجع ارد عليكم ونرغي تانى واتابع المدونات الجميله دى تانى


ادعولى انبسط بقي 

والسلام ختام :)